Lajme nga bota Islame

[Psikologu]

Edhe ky e merrë një " verejtje" gjoja nga BIK por të njetin qellim e kanë si ky poashtu edhe BIK.
I kemi të njohura deklaratat e Krasniqit, Ternaves etj etj që s´do shumë analizë për të e kuptuarë se qellimi dhe mendimi i tyre janë në përputhshmeri me njëra-tjetren.

[Zero Cool]

Postimi origjinal është bërë nga Psikologu

Edhe ky e merrë një " verejtje" gjoja nga BIK por të njetin qellim e kanë si ky poashtu edhe BIK.
I kemi të njohura deklaratat e Krasniqit, Ternaves etj etj që s´do shumë analizë për të e kuptuarë se qellimi dhe mendimi i tyre janë në përputhshmeri me njëra-tjetren.

E qa po thu ti Psikologu, me myt krejt a ?

[Psikologu]

Postimi origjinal është bërë nga Zero Cool

E qa po thu ti Psikologu, me myt krejt a ?

Tung ZC!
Jo ,me mbytë jo se i mbytmi nuk mbytet.
Por ,një deklaratë e tij se krej femrat janë lavire, kurva e rrospija është një deshmi se ky është mbytur në iden e shekullit të Vl dhe e ka marrë lumi.
Të tilla janë udhezimet nga libri që ai e lexon , andej edhe ka " doktorrru" ne profesionin e tij.
Mesa duket, ky e ka pas mllefin te gruja e vetë ose te dikush tjeter e ka dal me u shfry në popullë.
S´ki cka i banë gomarit e mshoj samarit!
Pse s´po qohen muslimanet e me thanë se :
-Jo ore hoxhë , motrat tona, nanat tona e vajzat tona nuk janë kurva, rrospija e faqja e zezë.
I ka mësu ideologjia e hoxhallarve qysh moti.
-Ban qysh te themë une e mos banë cka bejë une.

[Zero Cool]

Arabia Saudite ndryshon ditët e vikendit


24.06.2013

Arabia Saudite po ndryshon kohën e vikendit në të premten, për të lidhur ditët e punës dhe sistemin bankar me shumicën e vendeve të tjera në rajon.

Agjencia shtetërore e lajmeve në këtë vend tha se dekreti i nënshkruar nga mbreti do të hyjë në fuqi këtë javë, pasi që një trup mbikëqyrës ka rekomanduar në muajin prill, që të ndryshohet sistemi aktual, ku dy ditët e vikendit nisin të enjten.

Ky propozim kishte dështuar të miratohej në vitin 2007, por komuniteti i biznesit ka lobuar prej atëherë që të lidhet orari i pushimeve të fundjavës me qendrat e tjera komerciale, siç është ai i Dubait.

Muajin e kaluar, ishte Omani që ndryshoi ditët e fundjavës, të cilat tani janë e premte-shtune.

Shumica e shteteve të tjera arabe në rajon nisin vikendet e tyre të premten, dita kryesore e javës për lutjet e komunitetit mysliman.

[Zero Cool]

Rrihen hoxhallarët



Zëdhënësi i Policisë së Kosovës Baki Kelani ka konfirmuar për Express rrahjen në mes të hoxhallarëve në Drenas, mirëpo nuk ka treguar motivet e rrahjes.

Krejt çka ka ofruar Kelani për Express është raporti i cili i është dërguar nga policia rajonale atje.

“Nuk i dimë motivet ata tash janë në mbajtje”, ka treguar për Express Kelani.

Në mbajtje jan dërguar Mulla Osman Musliu, imam në xhaminë e Drenasit dhe vëllai i tij Liman Musliu.

Ata janë arrestuar dje nga Policia e Kosovës, me dyshimin e bazuar se të shtunën pas orës 10:00, e kanë rrahur hoxhën Gazmend Mehmeti, imam në një nga fshatrat e komunë së Drenasit.

Sherri ka plasur në objekte e Bashkësisë Islame në Drenas për arsyeje ende të panjohura.

Burimet brenda Policisë Rajonale në Prishtinë, kanë deklaruar për Indeksonline se, të dyshuar në këtë rast mbetet Mulla Osmani dhe vëllai i tij Limani, përderisa viktimë është konstatuar të jetë hoxha Gazmend Mehmeti.

Ky i fundit ka kërkuar edhe ndihmën mjekësore ku posedon edhe raport për lëndime të lehta trupore.

Me vendim të prokurorit, Mulla Osmani së bashku me vëllain e tij, është ndaluar në qendrën e paraburgimit për 48 orë.

Autoritetet e rendit kanë dalë në vendin e ngjarjes dhe i kanë ndërmarrë të gjitha veprimet e duhura.

Hetimet ende janë në fazën fillestare rreth zbulimit të motiveve që kanë quar deri të sulmi.

Mulla Osmani, në janar të vitit 2009 ishte rrahur rëndë nga nëntë persona në xhaminë e fshatit Zabel të Drenasit. Imami kishte deklaruar se sulmuesit ishin vehabistë të cilët kishin synuar marrjen e BIK’ut nën kontroll.

[Psikologu]

Kur murtaja u përhap në vendet arabe në shekullin XIV, duke vrarë më shumë se çerekun e popullsisë së asaj kohe, ajo u soll në këtë tokë nga pelegrinët e infektuar.

Sot Lindja e Mesme kërcënohet nga një tjetër epidemi, e cila njihet si sindroma respirative e Lindjes së Mesme (MERS).

Kjo sëmundje u shfaq në Jordani, në mars të vitit 2012 dhe sot 77 persona janë prekur nga kjo sëmundje, 62 prej të cilëve në Arabinë Saudite, ku 34 prej tyre tashmë kanë vdekur. Edhe pse numri i tyre është tepër i vogël, shqetësimet sa vijnë e po rriten në radhët e autoriteteve saudite, raporton Foreign Policy.

Këtë vit parashikohet që numri i besimtarëve që vijnë për pelegrinazh në Mekë të rritet nga ai i vitit të shkuar, ku u konfirmuan plot gjashtë milionë pelegrinë.

Tashmë shqetësimet janë nëse kjo sindromë do të rrezikojë pelegrinët këtë herë, ku dihet se MERS-i është sëmundje vdekjeprurëse në 55 për qind të rasteve, transmeton Shekulli.

Ashtu sikurse SARS-i, edhe MERS-i përhapet përmes kontakteve fizike mes njerëzve. Në momentin që virusi hyn në rrugët e frymëmarrjes ai shkatërron sistemin duke kaluar në pneumoni. Pacientët nuk mund të marrin dot frymë pa aparatet e posaçëm. /Telegrafi

[Zero Cool]

Çfarë po ndodhë në Egjipt?


Burhan Seferi
Egjipti njihet si vendi i qytetërimit arab. Çdo egjiptian krenohet me kulturën dhe trashëgiminë kulturore që e posedojnë. Qofshin myslimanë apo laikë, çdo egjiptian krenohet me diçka: myslimanët me xhamitë mija vjeçare, ndërsa laikët me përmendoret dhe historinë e lashtë. Thjeshtë, në botën arabe, të jesh egjiptian, nënkupton të jesh i qytetëruar.

Me rrëzimin e Hosni Mubarakut, analistët nga e gjithë bota parashtronin pyetjen: Çfarë pastaj? Kush do të vijë pas tij dhe si do ta udhëheqë një shtet i cili njihet si qendra e lidhjes së Lindjes së Mesme me veriun e kontinentit afrikan, që i ndajnë kufijtë, mirëpo i bashkon feja.

Lëvizja opozitare në Egjipt, e njohur si “Ikhvanul muslimin” (Vëllazëria myslimane) është një ndër lëvizjet më me ndikim në botën arabe. Jo nga fakti se ata kanë ndonjë planprogram për udhëheqje, por arsyeja e ndikimit të madh që e kanë ata është se në shumicën e rasteve, në krahasim me lëvizjet tjera sunnite, janë më liberalë, futen edhe atje ku nuk e lejon feja. Me një përpjekje mbi dyzetvjeçare, lëvizja në fjalë është munduar që të futet në krye të shumë shteteve, mirëpo, pas gjithë mundimit dhe tentimeve, edhe kur ka arritur në maje, kanë qenë të tradhtuar po nga ata liderë që e kanë përkrahur.

Pas rrëzimit të presidentit të mëparshëm, lëvizja opozitare mori hapat e duhura që në krye të vendit të vije njeriu i tyre, sepse sipas mediave që përkrahen dhe financohen nga lëvizja “Ikhvanul muslimin”, ata ishin “faktori kryesorë” për rrëzimin e presidentit, edhe pse kjo aspak nuk është e vërtetë, sepse si në Tunizi, ashtu edhe në Egjipt, pakënaqësia dhe revolti ka filluar nga qytetarët që nuk kanë qenë të përzier në asnjë lëvizje (në Tunizi arsyeja kryesore e fillimit të “Pranverës arabe” ishte njeriu i cili dogji veten e tij, e pastaj filluan edhe protestat masive). Ndërkohë, lëvizja “Ikhvanul muslimin” vetëm ka shfrytëzuar “rastin” që e gjithë situata të shkojë në favor të tyre. Kjo edhe ka ndodhur në Tunizi, Libi dhe Egjipt.

Duke e pasur parasysh se lëvizjet që janë “pro xhihadike”, në statutet e tyre lexohet qartë se “Nuk ka zbatim të Sheriatit nëpërmjet demokracisë”, lëvizja në fjalë ka shfrytëzuar gjithë situatën dhe kështu, në Libi, tjetërkush luftoi, siç ishte lëvizja selefiste “Ansar al-Sharia”, ndërsa tjetërkush u fut në krye të shtetit, apo thënë me gjuhën fetare: Njëri sevap, tjetri qebap.

Nga vet e kaluara, shumë analistë arabë kanë pritur se gjithë revolucionin do ta tradhtojë lëvizja “Ikhvanul muslimin”, sepse me vetë rrëzimin e presidentit Mubarak, pritej që të dalin me kandidatë të tyre, pa marrë parasysh se me çfarë ligji dhe kushtetute sundohet Egjipti. Por, tradhti nuk është pritur nga lëvizjet selefiste, të cilat çdoherë kanë qenë kundër ideologjisë së “Ikhvanul Muslimin” dhe kanë kritikuar çdo veprim të tyre, qoftë në Afrikën Veriore, por qoftë edhe në Lindjen e Mesme. Doli e kundërta, partia selefiste “Hizbu-Nur” përkrahu kandidatin e lëvizjes “Ikhvanul Muslimin”, me çka edhe i fituan zgjedhjet dhe Mohamed Morsi u emërtua si presidenti i ri i Egjiptit.

Armiku më i madh i lëvizjes “Ikhvanul Muslimin”, apo thënë ndryshe konkurrenca e tyre, Mbretëria e Arabisë Saudite, të cilat, si lëvizja, po ashtu edhe mbretëria, përkrahen nga SHBA-ja, filluan me bojkotimin e Egjiptit që pastaj nëpërmjet propagandës mediatike Morsi të gjejë rrugëdalje tjetër, me çka filloi bojkotimi i furnizimit me naftë dhe nga mos pasja e ndonjë rrugëdalje tjetër, Morsi filloi bisedimet me armikun e sunnive në botën arabe, Iranin, që tek sunnitë shihet si një problem tepër i madh, i rrezikshëm dhe tradhti.

Edhe pse, thënë ka del shpirti, gjatë udhëheqjes së Egjiptit në krye me presidentin Mohamed Morsi ka pasur disa përparime në aspektin fetar. Shumë hoxhallarë që kanë qenë kundër Mubarakut janë liruar nga burgu, duke futur këtu edhe gazetarë, analistë dhe kritikues të tjerë që kanë qëndruar në burg me dekada. Mirëpo, nga aspekti ekonomik, Morsi nuk ka lëvizur, e gjatë mos lëvizjes së tij, kanë punuar armiqtë e tij me propagandë se ai nuk meriton të jetë në krye të vendit. Arsyeja e dytë është feja. Me ardhjen e tij në krye të vendit, praktikimi i fesë ka qenë më i lirë, deputetët kanë thirrur ezanin në mes të Parlamentit, me çka edhe filloi edhe revolti i laikëve të cilët asnjëherë nuk kanë dashur ta pranojnë realitetin se Egjipti është një ndër vendet më të flakta për fenë Islame dhe asnjëherë nuk mund të jetë një vend me laicizëm të plotë.

Lëvizja selefiste “Hizbu-nur”, e cila thuajse në mënyrë indirekte çdoherë ka anuar kah politika e Arabisë Saudite, ishte e pakënaqur me politikën e Morsit, me çka erdhi edhe deri tek grushtshteti, duke përkrahur ushtrinë egjiptiane kundër tij. E gjithë kjo ndodhi me parullën e tyre “se dëshirojmë mirë”, edhe pse doli e kundërta, sepse menjëherë pas rrëzimit të presidentit Morsi, filluan vrasjet e civilëve të pafajshëm me çka lëvizja selefiste u distancua nga veprat e ushtrisë, por ishte tepër vonë.

Rrëzimi i Mohamed Morsit, tek analistët arabë shihet si luftë ndaj fesë Islame. Këtë nuk e thonë vetëm ata, por e thonë edhe shumica e protestuesve, të cilët gjatë intervistave për media të ndryshme kanë thënë se në protesta kanë dalë për shkak fesë Islame, sepse ushtria dëshiron zhdukjen e fesë Islame.

Në krye me presidentin Morsi rrezikohej Izraeli, që në mënyrë dinake përzihet në çdo politikë të vendeve arabe. Nga fakti se gjatë kohës kur Morsi ishte në krye të vendit, kufiri i Izraelit është sulmuar disa herë, ndërsa nga ana tjetër e kufirit ku lëvizjet opozitare në Siri korrin fitore të përditshme Izraeli vije në një situatë ku nuk mund ta mbrojë vendin e vjedhur, të plaçkitur nga palestinezët dhe tradhtarët arabë, tregon qartë se gjenerali i ushtrisë, Al-Sisi, ka pasur kontakte direkte me Izraelin për rrëzimin e Morsit, ndërsa lëvizja selefiste me naivitet ka përkrahur çdo vepër të tij (gjeneralit al-Sisi), derisa filloi të derdhet gjaku i qytetarëve të revoltuar nga grusht shteti.

Me ngjarjet e fundit, ku sipas mediave egjiptiane thuhet se mbi 4000 janë të vrarë dhe mbi 11.000 të plagosur, do të dëshmohet ajo që e ka dëshmuar historia. Çdoherë kur mbi një popull bëhet presion dhe vrasje, nga aty dalin edhe lëvizje rezistuese, të armatosura dhe të revoltuara. Thuhet se faktori kryesor për ekzistimin e “terrorizmit” është presioni dhe varfëria, ndërsa këta dy faktorë ekzistojnë në popullin egjiptian. Edhe pse Al-Sisi mendoi se me vrasjen e civilëve të pafajshëm do të futet frika dhe do të anulohen protestat, doli e kundërta. Tash kur e shkruaj këtë shkrim, lexoj se protestuesit kanë bërë thirrje në mobilizim, me çka situata edhe më tepër vështirësohet, ndërsa nuk dihet fati i gjithë vendit.

Vendet ish-komuniste në botën arabe ende nuk mund ta kuptojnë rizgjimin e rinisë arabe, ende nuk mund ta kuptojnë se ata dëshirojnë praktikimin lirshëm të fesë islame, e jo siç ka ndodhur në të kaluarën kur në Tunizi, gjatë sundimit të Ben Aliut, nuk kanë mundur të dalin të falen në faljen e mëngjesit, sepse shërbimet sekrete menjëherë i kanë marrë në pyetje. Apo, gjatë sundimit të Hosni Mubarakut, kur automjetet policore kanë qëndruar në dyert e xhamive, e menjëherë pas daljes nga xhamia të gjithë falësit janë marrë në pyetje.

Ata nuk mund ta pranojnë realitetin e popullit të tyre, se ata e duan praktikimin e fesë, e duan atë që ju mungonte plotë një shekull dhe se vetëm nëpërmjet dëshirave të tyre mund të arrihet paqja.

[Zero Cool]

Egjipt: Ju ndalohet aktiviteti 55 mijë hoxhallarëve


Kajro, 10.09.2013

Autoritetet egjiptiane do t’iu ndalojnë punën 55 mijë klerikëve të palicencuar që të predikojnë nëpër xhami, ka njoftuar ministri për fe në këtë shtet, të martën.

Kjo shihet si lëvizje kundër përkrahësve të lëvizjës islamike, Vëllazëria Myslimane, diçka që ka nisur që prej se ushtria e hoqi nga pushteti, presidenti islamik, Muhammed Morsi, raporton Reuters.

Ministri, Mokhtar Gomaa ka thënë se këta klerikë të palicencuar konsiderohen fundamentalist dhe janë kërcënim për sigurinë e Egjiptit.

Ndalimi ka për cak disa xhami të palicencuara, ndërsa ideja është që të përhapet mesazhi i Islamit të moderuar dhe egjiptianët të mbahen larg ideve radikale.

[Zero Cool]

Pajtim Olluri, 22 vjeçari nga Kosova vritet në Siri


Damask, 17.09.2013 0

Shqiptari i fundit që humbi jetën në luftimet në Siri është i riu kosovar nga Kroimiri i Lipjanit, 22 vjeçari Pajtim Olluri, transmeton Almakos.

Ende nuk janë bërë të ditura detajet se në cilin qytet dhe betejë është vrarë i riu Olluri.

Halit Maliqaj (31) nga Tirana, Ermal Xhelo nga Vlora, Nimetullah Imeri (38) dhe Sami Abdullahu nga Shkupi, Rasim Zeqiri nga Gostivari, Muaz Ahmeti (23) nga Presheva, Naman Damolli nga Kosova, janë disa nga emrat e shqiptarëve që deri më tani janë vrarë në luftimet kundër Bashar Al Assadit.

[Guri i madh]

Ndalohet thirrja e ezanit në Shkup?















Publikuar: 25.09.2013 - 10:57Shkup, 25 shtator - Valentina Bozhinovska, kryetare e komisionit për bashkësi Fetaret në Maqedoni, konfirmoi se organizata joqeveritare “Iloja” u ka dorëzuar iniciativë me të cilën kërkohet të zgjidhet problemi i lutjeve ( Ezanit ) që bëhen me zë të lartë nëpërmjet altoparlantëve të xhamive.

Ajo theksoi se problemi është shumë serioz dhe se Komisioni do të bëjë çmos që të zgjidhet dhe t’ju ndihmojë qytetarëve, raporton Shqipmedia.

“E vërtetë, e morëm iniciativën e tyre. Sipas meje, është e nevojshme që në ligj të kthehet neni i vjetër, i cili është hequr në vitin 2008, ndërsa ajo është që zëri i Ezanit të jetë në domenin e zërit të njeriut.

Ne së shpejti do të formojmë grup pune për ta zgjidhur këtë problem dhe ta kthejë ligjin e vjetër. Ne jemi vazhdimisht në kontakt me Bashkësinë Islame, nga e cila do të kërkojmë dritë jeshile dhe mbështetje në këtë drejtim”, u shpreh Bozhinovska.

Sipas saj askush nuk ka të drejtë t’i keqtrajtojë qytetarët, bile as xhamitë.

[Psikologu]

Prishtinë, 28 shtator - Sindikata e Bashkësisë Islame e Republikës së Kosovës, me një kumtesë dërguar me postë elektronike konstaton se Kryesia e BIK-së së në krye me z. Tërnavën, siç thotë, pas që shkeli çdo normë dhe kriter të brendshëm, pasi dhunoi rregullin statutor- kushtetuar të BIK, më 20 shtator 2013 duke e ndryshuar atë në formën e puçizmit, këto ditë ai edhe ka shpallur zgjedhjet për kryetar të kryesisë së BIK-së, nën mbikëqyrjen e tij të drejtpërdrejtë. Lidhur me këto zgjedhje Sindikata e Bashkësisë Islame e Republikës së Kosovës, të cilën po e japim të plotë, thotë:

“Të ashtuquajturat shpallje të zgjedhjeve qendrore, të cilat po mbahen këto ditë në teren, kinse për të propozuar kandidatët për kryetar të BIK-së, nuk janë tjetër vetëm se vazhdimësi e parregullsive dhe kulminacioni i të së keqes në këtë institucion tonin dhe tuajin. Duke përdorur metodën makiaveliste, z. Tërnava shkeli dhe po shkel çdo normë njerëzore, morale dhe fetare, duke krijuar tollovi e përçarje, në mesin e punonjësve dhe të besimtarëve, vetëm e vetëm për të ruajtur privilegjet e tij dhe të stafit të tij të ngushtë.

Ndryshimi i kushtetutës-statutit të BIK-së, vetëm një javë para shpalljes së zgjedhjeve, përmes formës imponuese puçiste, si dhe përshtatjes së saj sipas tekeve të dy aktorëve kryesor ; z. Tërnavës dhe të z. Resul Rexhepit, ndryshe ky i fundit i njohur edhe me lidhjet e tij të ngushta me Slobodan Bogujevskin nga Shkupi, janë raste të pa ndodhura më herët në institucionin tonë, por edhe dëshmi e ikjes nga transparenca, nga e drejta, sinqeriteti, nga kriteret morale e njerëzore dhe bunkerizimi e ruajtja e beneficioneve të klanit të ngushtë me çdo kusht.

Pas leximit dhe analizës që kemi bërë ndryshimeve të disa neve të kushtetutës-statutit të BIK-së, ne nuk kemi vërejtur tjetër, përveç privilegjeve që stafi i ngushtë i punonjësve teknik të kryesisë së BIK-së i ka dhënë vetes, ndërsa nuk kemi gjetur asnjë ndryshim të rëndësishëm në dobi të interesit të përgjithshëm të punonjësve të BIK-së, të vendit dhe të fesë.

Edhe pse të gjitha institucionet në vendin tonë, janë duke punuar për t`u përshtatur rendeve të reja civilizuese, të drejtës, transparencës, kritereve dhe normave njerëzore dhe ligjore që i kanë hije një shoqërie bashkëkohore, stafi teknik i Kryesisë, ndryshe si shumicë që është i trashëguar nga sistemi i vjetër, po bënë përpjekjen maksimale për të vazhduar me mentalitetin e sistemit organizativ të kaluar.

Për dijeninë tuaj të nderuar dhe të respektuar qytetarë, edhe zgjedhjet lokale të vitit 2011, ishin zgjedhje të imponuara, sepse u larguan ata të cilët morën besimin e kuvendeve zgjedhore dhe në vend të tyre u emëruan njerëz të preferuar, pa asnjë kriter të qartë dhe transparent. Mbi 70 % të Këshillave të BIK-së në teren, ishin kundër politikës udhëheqëse të z. Tërnavës. Prandaj, ai dhe stafi i tij i ngushtë, me të vërejtur këtë realitet filloi largimin e anëtarëve, të cilët nuk ishin në krahë të tij, dhe më pas bëri emërimin e kryetarëve të Këshillave të BI kundër vullnetit të shumicës, me qëllim që ata të jenë të përzgjedhurit e tij me të drejtë vote për kryetar të BIK-së edhe në zgjedhjet qendrore të cilat po mbahen tani, duke u dhënë përparësi e duke i priveligjuar vetëm ata të cilët kishin votat në minimum ndaj atyre në maksimum. Si rezultat i kësaj padrejtësie, shumë Këshilla të BI-së janë të paralizuar e të destabilizuar në masë të madhe, kurse në disa prej tyre është ushtruar edhe dhunë fizike në mesin e punonjëse, pikërisht për shkak të këtyre imponimeve nga z. Tërnava, e që nuk mbahet mend të kenë ndodhur në historinë e BIK-së.

Pse z.Tërnava me stafin e tij të ngushtë teknik po i frikësohet ndryshimeve administrative të BIK-së dhe transparencës së saj !?

Sepse, ai dhe stafi i tij i ngushtë teknik në kryesinë e BIK-së e dinë mirë se me ndryshimin administrativ si dhe me aprovimin e rregulloreve të mbrendshme dhe me aplikimin e një rendi dhe rregulli humbin privilegjet e panumërta personale të tyre rreth 30 vjeçare, që i kishin deri sot, sepse do të krijohej një klimë dhe një qasje krejt e re organizative në këtë institucion të rëndësishëm.

Shkurtimisht shkëpusim këtë siç vijon:

1. Zgjedhjet në nivel lokal dhe qendrore nuk do të mbaheshin në të ardhmen pa rregullore dhe kritere të mirëfillta.

2. Gjithë punonjësit në institucionet dhe organet e BI-së nuk do të punon më pa përshkrime të qarta të vendeve të punës.

3. Mjetet materiale nuk do të përdoreshin siç janë përdorur deri më sot, pa rregullore mbi financat.

4. Menaxhimi i parave të kryesisë së BIK-së si pagesat, hyrjet dhe daljet nuk do bëheshin edhe më tutje, vetëm përmes kryetarit të kryesisë dhe arkëtarit të saj, pa një sy të tretë mes tyre.

5. Nuk do të mbetej më në fuqi komision mbi therjen e kurbaneve, i cili është i njëjti aktiv tani e 13 vite me radhë, i pandryshueshëm, e që menaxhon deri në 1.000.000 Euro vit, me paratë e kurbaneve.

6. Nuk do të ketë më shtypje të dëftesave dhe letrave me vlerë në BIK-së si; dëftesat e kurbaneve, dëftesat e vitrave, si dhe dëftesa të tjera zyrtare e administrative, pa pjesëmarrjen edhe të paktën 3 anëtarëve tjerë dëshmitar, e jo siç ka ndodhur deri më tani që kjo i është besuar vetëm një personi.

7. Tenderët , dhjetëra, qindra e miliona euro , nuk do të jepeshin askujt, pa kaluar përmes një zyre të prokurimit, e cila do të themelohej brenda këtij institucioni në të ardhmen.

8. Në BIK-së, nuk do të vendosej sipas tekeve dhe inateve të dikujt, por sipas rendit të mirëfilltë , transparencës administrative dhe ligjore, e cili do të mbikëqyrej nga juristët profesional të diplomuar, e jo vetëm nga një person i vetëm laik në jurisprudencën administrative siç është edhe sot ef. Resul Rexhepi!.

9. Në institucionet e BI-së nuk do të kishte imponime e as diskriminime, por do të zbatoheshin kriteret të barabarta për të gjithë .

10. Pasuria vakëfnore do të menaxhohej ashtu siç i ka hije institucionit tonë, e jo që ajo të shitet, siç edhe është shitur deri më tani për rroga e koncesione të ulëta, ose të nëpërkëmbet pa kontroll dhe pa përgjegjësi.

11. Veturat zyrtare të BIK-së, nuk do të keqpërdoreshin kështu siç janë duke u keqpërdorur, pa evidentim të kilometrave dhe të destinacionit lëvizës.

12. Nuk do të mbetej më vetëm Resul Rexhepi përgjegjës për botimin e Takvimit, të mbi 20.000 kopjeve në vit , por nga stafi redaktues i gjerë i botimeve në Kryesi , e jo të ndodhë edhe më tutje siç ka ndodhur që e njëjta shtëpi botues të jetë disa vite me radhë botuese e Takvimit, me përzgjedhësin e vetëm të z. Resul Rexhepit.

13. Nuk do të ketë më punësime sipas afërsisë familjare siç ka ndodhur deri më sot në Medrese, ku mbi 7 të afërm të z.Tërnavës me në krye drejtorin, ndryshe dhëndrin e familjes së tij z. Bahri Simnicën, e të cilit i është dhuruar edhe mandati i dytë pa konkurs zyrtar.

14. Nuk do të lihet më që dekani në pension të vazhdojë punën në krye të FSI-së.

15. Nuk do të ketë përzierje në kompetencat akademike të FSI-së nga ana e Kryesisë së BI-së, siç ka ndodhur viteve të fundit.

16. Nuk do të ketë punësime pa konkurs publik, rregull e cila do të vlen për të gjithë punonjësit e organeve dhe institucioneve të BIK-së, e jo siç ka ndodhur deri më tani ku dhjetëra të tillë janë punësuar në organet tona, pa përfilljen e këtij kriteri institucional dhe ligjor.

17. Nuk do të ketë ndërhyrje në kompetencat administrative të Këshillave të BI në Luginën e Preshevës dhe Bujanovcit, por ata do të lihen të lirë që të vetorganizohen, kurse sipas dëshirës së tyre të gjejnë formën dhe mënyrën e ruajtjes së lidhjeve shpirtërore me BIK-së.

18. Do të ketë debat të hapur dhe transparent, me të gjithë ata të cilët mendojnë ndryshe në BI-së, e jo diskriminim dhe anatemim, fyerje e shantazhe, kërcënime me likuidime si dhe sulme fizike, të cilat kanë ndodhur dhe po ndodhin ndaj punonjësve të BIK-së në vitet dhe ditët e fundit.

19. Nuk do të ketë kryetar të Këshillave të BIK-së me nga tri e katër mandate dhe pa përgatitje profesionale islame.

20. Nuk do të lihet më që sekretari i Kryesisë të jetë njëkohësisht edhe sekretari i Kuvendit , si pozitë në konflikt interesi, i cili deri më sot ka qenë i tillë me qëllim të lajthitjes së këtyre dy institucioneve.

21. Nuk do të ketë më zgjedhje të shpallura, të monitoruara dhe të diktuara, vetëm nga stafi i kryesisë së BIK-së, por do të ketë komision të zgjeruar, kurse Kuvendi do të jetë ai që shpallë zgjedhjet dhe pjesë e rëndësishme e komisionit zgjedhor qendror, si instanca më e lartë legjislative dhe vendimmarrëse në kuadër të BIK-së, ashtu siç edhe ndodhë në çdo institucion të mirëfilltë.

22. Nuk do të ketë organizim të Haxhit dhe të parave të Haxhit përmes vetëm dy vetave, e as trajtim jo adekuat të haxhinjve në vendet e shenjta Meke dhe Medine, ku në një dhomë të paraparë për 5 veta futen 15 veta.

23. Nuk do të vazhdohet më me plan programe mësimore si dhe kurrikula të stërvjetëruara, pa metoda të reja didaktike dhe pedagogjike, qoftë në Medresenë e mesme Alaud-din e qoftë në FSI-së.

24. Nuk do të lejohet që të ketë edhe në vazhdim punësime të kuadrove të BIK-së me nga dy vende të punës në të njëjtën kohë, kurse shumë të tjerë të kualifikuar të sillen rrugëve për shkak të uzurpimeve të dyfishta të vendeve të punës.

25. Kujdesi ndaj imamëve dhe të ardhurave të tyre nuk do të jetë më siç është, por do të jetë i nivelizuar dhe i njëjtë në të gjithë vendin, me kritere të barabarta sipas kualifikimeve.

26. Nuk do të ketë fet-va – dekrete fetare individuale me peshë fetare në vend, në emër të BIK-së, por do të ketë fetva, të cilat nxirren nga grupi ose forumi i lartë i ekspertëve të BIK-së.

27. Nuk do të ketë më laramani në kryerjen e lutjeve fetare në institucionet e BIK-së, por do të ketë respektim të vijës institucionale të sajë në të gjithë vendin njësoj.

28. Nuk do të ketë do të ketë administratë me standarde të dyfishta në Këshillat e BIK-së, por norma dhe rregulla të unifikuar në të gjithë vendin.

Prandaj, nëse nuk do të ketë vullnet dhe dëshirë për të vër në binarë të drejtë ecurinë e BIK-së, avazi i vjetër i nëpërkëmbjes së vlerave njerëzore dhe fetare në këtë institucion, do të vazhdojë edhe në të ardhmen, kurse kriza dhe parregullsitë vetëm sa do të thellohen e bunkerizohen, e kjo, jo që do të ishte në të mirë të vet BIK-së , por as të vendit dhe kombit në përgjithësi.

Apelojmë tek të gjithë punonjësve të BIK –së, që të mos bien në grackën e këtyre parregullsive të këtij stafi të ngushtë aktual të kryesisë së BIK-së, si dhe të mos vazhdojnë të nëpërkëmbin edhe më tutje institucionin tonë shpirtëror, vetëm për t`i plotësuar apetitet e këtij grupi të ngushtë të njerëzve jo vullnet mirë”.

Kumtesa është e nënshkruar nga kryetari i Kryesisë SHSPBIRK, Idriz Bilalli.

Koha.net
Publikuar: 28.09.2013

[Zero Cool]

“Mr. Bean” konvertohet në fenë Islame







Londër, 03.10.2013

Në rrjetet sociale të huaja por edhe ato vendore qarkullon lajmi se aktori i njohur komedian, Rowan Atkinson, apo siç njihet më mire Mr.Bean, është konvertuar në fenë islame.

Sipas disa burimeve të bazuara në kontaktet e Sheikh Rashid Ghannouchi dhe lëvizjes Nahda, këta i kanë dërguar një telegram urimi Mr.Bean-it, duke e quajtur atë të qëndrueshëm në rrugën e së drejtës, dhe njëherit duke informuar se do të dërgoj një mision zyrtarë për ta përgëzuar atë.

Ky burim tregon se marrëdhënia mes Sheikh Rashid Ghannouchi dhe Mr.Bean-it ka qenë e shkëlqyer më parë në Londër.

Shkak i konvertimit të tij në fenë islame sipas këtij burimi thuhet të jetë filmi fyes ndaj profetit Muhammed, ku pas këtij filmi ai mësoi historinë e mësuesit të njerëzimit dhe e besoi thirrjen e tij.

Lajmi ende nuk është i konfirmuar, edhe pse në rrjetet sociale me të madhe është përhapur ky lajm, megjithatë ne duhet të presim dhe ta marrim me rezerva derisa lajmi të konfirmohet ose të kundërshtohet nga vet Mr. Bean ose nga njerëzit e afërt të tij. /Ora Info

[Zero Cool]

Madonna po e mëson Kuranin



Pop superylli amerikan, Madonna, është duke e studiuar librin e shenjtë të fesë islame, Kuranin.







Këngëtarja, e cila është një kultivuese e devotshme e judaizmit të sektit Kabbalah, momentalisht është në lidhje me Brahim Zaibat, ky i fundit një musliman i devotshëm.

Dhe, që prej lidhjes romantike me Zaibat, këngëtarja ka shprehur interes për fenë islame, duke e lexuar dhe studiuar librin e shenjtë të muslimanëve.

“Jam duke ndërtuar shkolla për vajza në vendet islame dhe po e studioj Kuranin. Mendoj se është e rëndësishme që t’i studioj të gjithë librat e shenjtë”.

“Miku im Yaman më thotë gjithmonë se një musliman i mirë, është një hebre i mirë, një hebre i mirë është edhe një i krishterë i mirë dhe kështu me radhë. Unë nuk mund të pajtohem më shumë se kaq. Për shumë njerëz, ky mendim lë shumë për të dëshiruar”, ka deklaruar Madonna për Harper’s Bazaar.

Krijuesja e hitit Material Girl ishte ritur si katolike, por tash e 17 vjet është një hebraike e devotshme.

[Zero Cool]

A. Saudite: Femrat e sfidojnë ndalesën për të mos vozitur



Riad, 26.10.2013

Disa femra të Arabisë Saudite kanë protestuar kundër ndalesës për t’i ngarë automobilat, duke dalur në rrugë me vetura dhe duke postuar fotografi kundër ndalesës në rrjetet sociale në Internet.

Aktivistet kanë publikuar disa video në You Tube, gjatë ditës së sotme, derisa po e udhëheqin një protestë në Internet, që shpresojnë se do të zgjerohet në gjithë Arabinë Saudite.

Protesta u bë megjithë vërejtjen zyrtare të premten se edhe mbështetja për protestë në Internet, mund të shërbej si arsye për arrestim.

Arabia Saudite nuk ka ligje specifike, që nuk u mundësojnë grave të jenë shofere, por qeveria nuk u jep atyre leje për vozitje, që praktikisht do të thotë se ka ndalesë, transmeton REL.

Kjo masë është mbështetur nga klerikët e lartë, që kanë thënë se nëse u jepet liçenca, atëherë kjo dukuri do të zgjerohej.

Shumica e femrave që u grahnin makinave gjatë protestës së sotme i kanë marrë lejet për vozitje derisa kanë jetuar jashtë Arabisë Saudite.

[Zero Cool]

Ndalimi i librit të Malalës ka shkaktuar mospajtime








Një zyrtar, që i përfaqëson afro 10 mijë shkolla private në provincën pakistaneze Khyber, e ka distancuar asociacionin e tij nga përpjekjet për ndalimin e librit të aktivistes së arsimit të vajzave, Malala Yousafzai.

Shefi i Asociacionit të Shkollave Private në provincën Kbyber, Aqeel Razaq, tha se organiozata e tij asnjëherë nuk ka diskutuar për këtë çështje.

Më herët, agjencitë e lajmeve kanë raportuar se dy asociacione të tjera të shkollave private kishin kërkuar ndalimin e librit me titull “Unë jam Malala”, për shkak se, siç kishin thënë udhëheqës të këtyre asociacione, është me përmbajtje antiislamike dhe antipakistaneze.

Malala ishte plagosur seriozisht nga e shtëna me armë nga ana e talibanëve në vitin 2012.

Disa shkolla private dhe analistë konservatorë kanë shprehur dyshime se Malala po promovohet nga fuqitë perëndimore për interesat e tyre.