Thesar hadithesh

[BE LK]

Nga Ebu Mes'ud Ukbe Amr el-Ensarij el-Bedrij, radijall-llahu anhu, transmetohet se ka thënë: "Resulull-llahu, sal-lall-llahu alejhi ve sel-lem, ka thënë:
'Vërtet, nga fjalët (urtitë) që bota i ka mbajtur mend nga predikimet e pejgamberëve të mëparshëm është: 'Kur nuk turpërohesh, atëherë vepro ç'të duash'."

Buhariu

[BE LK]

Nga Ebu Abdullah Xhabir ibn Abdullah el-Ensarij, radijall-llahu anhuma, transmetohet: "Një njeri e pyeti Resulull-llahun, sal-lall-llahu alejhi ve sel-lem, dhe tha:
'Ç'mendon, nëse i fali namazet e obliguara, e agjëroj Ramazanin, u përmbahem të lejuarave kurse braktisi të ndaluarat dhe nuk bëj asgjë më shumë nga kjo, a do të hyjë në xhennet?' I Dërguari, sal-lall-llahu alejhi ve sel-lem, tha:
'Po!'"

(Muslimi)

[BE LK]

Nga Ebu Dherr el-Gafariu, radijall-llahu anhu, transmetohet se Pejgamberit, sal-lall-llahu alejhi ve sel-lem, i është transmetuar nga Krijuesi i tij, i Fuqishmi dhe i Madhërishmi, i cili ka thënë:

"O robët e Mi! Unë ia kam ndaluar dhunën Vetes dhe e kam ndaluar edhe ndër ju, prandaj mos i bëni dhunë njëri-tjetrit.

O robët e Mi! Të gjithë ju jeni të lajthuar, përveç atij që e përudhi Unë, prandaj kërkoni udhëzime nga Unë, do t'ju përudhë.

O robët e Mi! Të gjithë ju jeni të uritur, përveç atij që e ushqej Unë, prandaj kërkoni t'ju ushqej, do t'ju ushqej.

O robët e Mi! Të gjithë ju jeni të zhveshur, përveç atij që e veshi Unë, prandaj kërkoni veshje nga Unë, do t'ju veshi.

O robët e Mi! Vërtet ju gaboni natën dhe ditën, kurse Unë i fali të gjitha mëkatet, prandaj, kërkoni nga Unë falje, do t'ju fali.

O robët e Mi! Ju kurrë nuk mund të arrini tek ajo, me çka Mua dëm do të Më shkaktonit që të Më dëmtonit, as që ndonjëherë do të arrini tek ajo që Mua dobi do të Më sjellë, që të Më kontribuonit.

O robët e Mi! Sikur i pari nga ju dhe i fundit nga ju dhe njerëzit nga ju dhe xhinnët nga ju të ishin të devotshëm sikur zemra më e devotshme e njërit nga ju, kjo nuk do ta shtonte sundimin Tim në asgjë.

O robët e Mi! Sikur i pari nga ju dhe i fundit nga ju dhe njerëzit nga ju dhe xhinnët nga ju të ishin të prishur si zemra më e prishur e njërit nga ju, kjo nuk do ta mungonte sundimin Tim në asgjë.

O robët e Mi! Sikur i pari nga ju dhe i fundit nga ju dhe njerëzit nga ju dhe xhinnët nga ju të ngriteshi (qëndroni) në një vend dhe dëshirat dhe lutjet Mua të m'i drejtoni, dhe Unë t'i përgjigjesha lutjes së çdonjërit, kjo nuk do ta mungonte atë që kam Unë as aq sa që e mungon gjilpëra kur ngulitet në det.

O robët e Mi! Çdo gjë varet nga veprat tuaja, të cilat tek Unë janë të ruajtura dhe të llogaritura, kurse për të cilat Unë juve do t'ju shpërblej. Kush gjenë mirë, le ta falënderojë All-llahun, kurse kush gjenë të kundërtën, mos ta fajësojë askënd përveç vetveten."


(Muslimi)

[BE LK]

Nga Ebu Hurejre, radijall-llahu anhu, transmetohet se ka thënë: "Resulull-llahu, sal-lall-llahu alejhi ve sel-lem, ka thënë:

'Mos ia keni xhelozinë njëri-tjetrit, mos e mashtroni njëri-tjetrin, mos u urreni, mos ia ktheni njëri-tjetrit shpinën, mos garoni njëri me tjetrin në shitblerje dhe bëhuni robët e Zotit, vëllezër. Muslimani është vëlla i muslimanit, nuk i bënë dhunë atij, nuk e lë (në baltë), nuk e gënjen, nuk e nënçmon'. 'Takvallëku është këtu', dhe tregoi në krahërorin e tij tri herë. 'Për një njeri është e keqe e mjeftueshme që ta nënçmojë vëllaun musliman. Çdo musliman kundruall çdo muslimani e ka haram: gjakun e tij, pasurinë e tij dhe nderin e tij'."

(Muslimi)

[BE LK]

Nga Ebu Hurejre, radijall-llahu anhu, transmetohet se ka thënë: "Resulull-llahu, sal-lall-llahu alejhi ve sel-lem, ka thënë:

'Me të vërtetë All-llahu i madhëruar ka thënë: 'Kushdo të tregojë armiqësi ndaj mikut (veliut) Tim, Unë do t'i shpall luftë. Me asgjë robi Im nuk mund të Më afrohet, pos me atë me çka Unë e kam obliguar dhe vazhdimisht robi Im mua më afrohet me vepra fakultative (nafile) deri sa nuk e simpatizojë (dua). E kur e dua, dashuria e tij ndaj Meje mbizotëron, dhe të dëgjuarit e tij me të cilin dëgjon është vetëm për Mua; të pamurit e tij me të cilin sheh është vetëm për Mua; dora e tij me të cilën kapë, punon vetëm për Mua; këmba e tij me të cilën ec, ec vetëm për Mua. I këtilli nëse më kërkon diç, do t'ia jap, e nëse kërkon mbrojtje nga Unë, do ta mbroj atë'."

(Buhariu)

[hasanmehmeti]

Nen autoritetin e Ebu Hureires (ra) se Profeti (salallahu alejhi ue selam) ka thene:

“- Cilido qe largon nje hall te kesaj bote nga nje besimtar, All-llahu do t’ia largoje nje nga hallet ne Diten e Gjykimit.
- Cilido qe lehteson per nje person te skamur, All-llahu do t'ia lehtesoje pjesen (hisen) e tij ne kete bote dhe tjetren.
- Cilido qe fsheh (hesht) gabimet e nje Muslimani, All-llahu do t'ia fshehe (mbuloje) gabimet e tij ne kete bote dhe tjetren.
- All-llahu do ta ndihmoje nje sherbetor (te Tij) aq sa ky ndihmon vellane e tij.
- Cilido qe kerkon (ndjek, gjurmon) nje rruge per te kerkuar dije, All-llahu (si rrjedhim) do t'ia beje te lehte atij rrugen per ne Xhennet.
- Asnje grup njerezish nuk grumbullohet bashke ne nje nga shtepite (mesxhidet, xhamite) e All-llahut, duke lexuar Librin e All-llahut dhe duke e studiuar ate midis tyre, pa zbritur paqja mbi ta, pa i kapluar dhe qetesia dhe pa i rrethuar melaiket ata, dhe me All-llahun duke i permendur ata tek ata qe jane me Ate.
- Cilido qe eshte vonuar (ngadalesuar) ne veprat e tij nuk do te pershpejtohet perpara nga pasardhesit e tij."

Transmetuar nga Imam Muslimi ne Sahihun e tij.

[ALlma]

Shndërroi shprehitë e tuaja negative në ato pozitive

Dr. Ahmed Bera El-Emiri thotë:
"Fitimi i një shprehie të re, qoftë ajo intelektuale apo shpirtërore, nuk është gjë e rëndë, kërkon njëzet e një ditë. Gjatë këtyre njëzet e një ditëve ne duhet ti bëjmë këto veprime:

a- Të mendojmë.

b- Të flasim.

c- Të sillemi sipas asaj që na mëson shprehia e re.

d- Të parafytyrojmë në mënyrë të qartë si dëshirojmë të jemi.

Nëse e parafytyron vetveten sikurse ke arritur në formën e kërkuar, ky parafytyrim në mënyrë graduale shndërrohet në realitet. Në këtë të vërtetë aludon fraza: butësia fitohet duke e shtyrë vetveten të butë dhe dija fitohet duke mësuar".(shiko: "Mësime psikologjike për suksesin dhe epërsinë"). __________________

[Maxi]

Nuk ka respekt ndaj asaj që të qon në gjynah, por vetëm ndaj asaj që është e mirë dhe e dobishme - [Hadith]

[Dani11]

Dyzet hadithe në një hadith
Dije se çdo gjë që Allahu ka përcaktuar për ty, gjithsesi do të realizohet, kurse atë që Allahu nuk ka përcaktuar për ty, kurrsesi nuk do të realizohet.
E hënë, 01 Qershor 2009 09:42

Transmetohet nga Selman el-Farisiu (Allahu qoftë i kënaqur me të), i cili kishte thënë: "E kam pyetur Pejgamberin s.a.v.s. për dyzet hadithe, e ai më është përgjigjur: "Cilido pjestarë i ummetit tim që i mëson (dhe i praktikon në jetë) këto hadithe, do të hyj në Xhennet". Unë e pyeta: "Cilat janë këto hadithe o i Dërguar i Allahut? – Ai tha:
1. Të besosh në Allahun;
2. Të besosh në Ditën e Gjykimit;
3. Të besosh në Melaiket e Tij;
4. Të besosh në Librat (e shenjta);
5. Të besosh në Pejgamberët (e Allahut);
6. Të besosh në Ringjalljen pas vdekjes;
7. Të besosh në Përcaktimin e Allahut (Kader) dhe se çdo e mirë dhe e keqe është prej Allahut të Lartësuar;
8. Të dëshmosh se askush nuk meriton të adhurohet pos Allahut, dhe se Muhammedi (s.a.v.s) është i Dërguari i Allahut;
9. Të falësh çdo namaz në kohën e vet duke qenë me abdes të plotë (d.m.th. ta përsosësh abdesin në formën më të bukur duke zbatuar të gjitha rregullat e tij);
10. Të japësh Zekatin (kuptohet ai që ka pasuri dhe arrinë sasinë e caktuar);
11. Të agjërosh muajin e Ramazanit;
12. Të kryesh Haxhin nëse ke pasuri;
13. Të falësh 12-të rekate sunnet (muekkedeh-të fortë) për çdo ditë; (sipas një hadithi tjetër këto rekate sunnet janë: 2 rekate para farzit të sabahut, 4 rekate para dhe 2 pas farzit të drekës, 2 rekate pas farzit të akshamit dhe 2 pas farzit të jacisë);
14. Çdo natë mos e lë pa e falë namazin e vitrit;
15. Mos i bën Allahut shirk; (mos i shoqëro dikënd tjetër në adhurim, se shirku është mëkat i madh);
16. Mos u bën i padëgjueshëm dhe mosrespektues ndaj prindërve tu;
17. Mos e ha pasurinë e jetimit pa të drejtë;
18. Mos pi alkool (pije dehëse);
19. Mos bën kurvëri (zina, prostitucion);
20. Mos u beto rrejshëm në Allahun;
21. Mos dëshmo rrejshëm (në dëm të të tjerëve);
22. Mos i ndjek epshet tua (të sëmuara);
23. Mos e përgojo vëllain tënd musliman;
24. Mos i akuzo gratë e ndershme për imoralitet;
25. Mos ki smirë ndaj vëllait tënd musliman (dhe mos përhap fjalë të këqija për besimtarët);
26. Mos bën shaka me njerëz, me qëllim që t'i fyesh dhe t'i ofendosh;
27. Mos u zhyt në lojra dhe argëtime; (Pejgamberi a.s. nuk i ka ndaluar lojrat që janë të dobishme për trupin dhe shëndetin e njeriut, përkundrazi në një hadith tjetër ka thënë: "Mësojuni fëmijëve tuaj notin, gjuajtjen me shigjetë dhe kalërimin", mirëpo qëllimi këtu është që të largohesh nga lojrat e ndaluara siç janë llojet e ndryshme të bixhozit etj., dhe njëkohësisht të mos zhytesh tepër në lojra dhe sporte të ndryshme të cilat të largojnë nga adhurimi dhe përmendja e Allahut);
28. Askujt mos i thuaj "hej, shkurtabiq...(apo diç tjetër)" , duke dëshiruar më këtë nënçmimin e tij;
29. Mos e përqesh asnjë njeri (kushdo qoftë ai);
30. Mos i përhap fjalët e huaja në mesin e njerëzve (p.sh. si t'i thuash dikujt: "A ke dëgjuar se çfarë ka thënë filani për ty?);
31. Të falënderosh shumë Allahun e Lartësuar për begatitë e Tij të panumërta;
32. Të jesh i durueshëm (të bësh sabër) nëse të godet ndonjë bela apo fatkeqësi;
33. Mos ji i sigurtë se Allahu nuk do të dënoi; (mos ji i bindur se me siguri do të shpëtosh nga dënimi i Allahut xh.sh., por gjithherë t'i kërkosh falje Atij, t'i shtosh edhe më tepër adhurimet ndaj Tij se ndoshta do të gjesh shpëtim);
34. Mos i shkëput lidhjet familjare (farefisnore);
35. Duhet të kesh raporte dhe marrëdhënie të mira me të afërmit tu;
36. Mos e mallko askënd prej krijesave të Allahut;
37. Përkujto Allahun sa më shumë (duke bërë dhikër), sidomos fjalët: "Estagfirullah (Kërkoj falje nga Allahu), Allahu Ekber (Allahu është më i madhi) dhe La ilahe il-lall-llah (S'ka të adhuruar pos Allahut);
38. (Kurrsesi) Mos e lë namazin e xhumasë dhe dy bajrameve;
39. Dije se çdo gjë që Allahu ka përcaktuar për ty, gjithsesi do të realizohet, kurse atë që Allahu nuk ka përcaktuar për ty, kurrsesi nuk do të realizohet;
40. Mos e braktis leximin e Kur'anit në çfarëdo situate (vazhdimisht lexo Kur'an aq sa ke mundësi dhe në çfarëdo gjendjeje që je)."

Në fund Selmani tregon: "Pastaj e pyeta Pejgamberin s.a.v.s.: O i Dërguar i Allahut, po çfarë shpërblimi ka ai që i mëson (dhe i praktikon) këto hadithe? Pejgamberi s.a.v.s, tha:– Allahu i Lartësuar do ta ringjallë Ditën e Kijametit së bashku me Pejgamberët dhe dijetarët."

(Transmeton El-Hafidh ebul-Kasim bin Abdurr-rrahman bin Muhammed bin Is'hak bin Mundete; El-Hafidh ebul-Hasan Alijj bin ebi El-Kasim bin Babevejhi Er-Razi; Ibn Asakiri dhe Er-Rafiu nga Selman el-Farisiu (Allahu qoftë i kënaur me të).

Përktheu dhe përshtati nga gjuha arabe: Enes KOSHI

[Maxi]

Nga Ebu Seidi Sa'd ibn Malikibn Sina el-Hudarij, radijall-llahu anhu, trasmetohet se Resulull-llahu, sal-lall-llahu alejhi ue sel-lem, ka thene:
"Nuk ka dëm as te dëmtuar (reciprok)." ("Askujt nuk guxohet t'i bëhet dem, as dëmi i shkaktuar te kthehet në të njejtën menyrë").

[hasanmehmeti]

Eshtë transmetu nga Abu Hurejra (qoft Allahu i kënaqur me atë) se ka thënë: Lajmëtari i Allahut subhanhu ue teAla ka thënë: "Njeriu që qanë prej frikës së Allahut nuk do të hyj në Xhehenem derisa qumshti të kthehet në gji, dhe pluhuri i shkaktuar (kur të luftohet) për hir të Allahut dhe tymi i Xhehenemit kurrë nuk do të bashkohen." Transmetuar nga al-Tirmidhi, 1633; al-Nisaa’i, 3108; saheeh nga al-Albaani.

‎"derisa qumshti të kthehet në gji" është metafor për të qenurit e pamundur, sikurse në ajetin ku Allahu thotë(interpretimi i domethënies): "dhe nuk do të hyjnë në Xhennet deri të përbirojë devja nëpër vrimën e gjilpërës.[al-A’raaf 7:40]. Tuhfat al-Ahwadhi.

[hasanmehmeti]

Pejgamberi salallahu alejhis ua selam ka thënë: „Allahu thotë: „O bir i Ademit; mbushe kohën tënde me adhurimin Tim dhe unë do ta mbush zemrën tënde me pasuri dhe përfundoi varfërinë Tënde, Por nëse ti nuk bëni kështu unë do t’i bëjë duart tuaja të zëna dhe unë nuk do ta ti jap fund varfërisë tënde“, [Et- Tirmidhi ka thënë që është një hadith hasen (I mirë)]

[Makresh]

" Agjërimi është mburojë nga mëkatet, andaj, ai që agjëron le të mos flasë fjalë të pamatura (e posaçërisht nga fjalori seksual), le të mos jetë i vrazhdët në sjellje! Nëse dikush e provokon për zënkë ose grindje me sharje le t'ia kthejë me:

- Unë agjëroj, unë agjëroj ! "

[Makresh]

Ebu Hurejra transmeton se Profeti (a.s) ka thënë:

“Po vjen një muaj i bekuar, në cilin Allahu ju ka bërë detyrim agjërimin. Gjatë këtij muaji happen dyert e xhenetit, mbyllen deyrt e ferrit dhe shejtanët lidhen me zinxhirë. Në të është një natë mëe mire se një mijë muaj. Kush privohet nga ajo, do të jetë privuar nga diçka e madhe”.

[Makresh]

Bekimet, dëlirësia dhe begatitë e Tij qofshin mbi të Dërguarin e fundit, Muhammedin [sal-lall-llahu alejhi ve sel-lem], dhe mbi të gjithë ata që ndjekin dhe pasojnë rrugën e tij, sa të jetë jeta.

Profeti Muhammed [sal-lall-llahu alejhi ve sel-lem] na ka thënë që të transmetojmë prej tij qoftë edhe një fjalë!

Pasi ta lexosh këtë fjalë të tij dhe të shohësh se është shumë interesante, dërgojua edhe miqve tu!

Imagjino shpërblimet e mëdha që mund të marrësh nga kjo punë!

Mjafton qëllimi dhe ta nisësh me BISMIL-LAH!

Mos lejo që shejtani të fut dyshim në kokën tënde, ta lexosh këtë hadith dhe ta lësh anash, duke të thënë ai i mallkuar që e dërgon pas pak çasteve...

Ëndërr e habitshme e Pejgamberit tonë [sal-lall-llahu alejhi ve sel-lem].

Ky hadith është marrë nga libri i dijetarit Ibn Kaj-jim [radijall-llahu anhu], me titullin “El-Vabilu-Saj-jib”.

Thotë Ibn Kajjimi [radijall-llahu anhu]:

“Ky është hadith madhështor, me pozitë të lartë; duhet çdo musliman ta mësojë përmendësh. Do ta përmendim komplet për shkak të përfitimit që nxjerrim nga ky hadith dhe nevojshmërinë e krijesave për të...

Ky është hadithi i Seid ibn Musej-jibit, nga AbduRrahman ibn Semurah ibn Xhundub, i cili thotë:

“Doli një dite prej ditëve Pejgamberi [sal-lall-llahu alejhi ve sel-lem], e ne ishim te kopshti i “Suf-fes” në Medine. U ngrit në këmbë e tha:



“Me te vërtetë unë mbrëmë pashë një ëndërr të habitshme.



Pashë një person nga Ummeti (populli) im, të cilit iu prezantua Meleku (Engjëlli) i Vdekjes për t’i marrë shpirtin...

Por i erdhi (në ndihmë) atij Mirësjellja e tij ndaj prindërve, dhe e largoi Melekun e Vdekjes prej tij.



Pashë një person nga Ummeti im që ishte përfshirë nga dënimi i Varrit...

E i vjen (në ndihmë) atij Abdesi që ai kishte marrë, dhe e shpëton atë nga ai dënim.



Pashë një person nga Ummeti im, të cilin e frikësonin shejtanët...

E i vjen (në ndihmë) atij Përmendja e All-llahut dhe ia largon shejtanët prej tij.



Pashë një person nga Ummeti im, të cilin e frikësonin Melekët e Dënimit...

E i vjen (në ndihmë) atij Namazi i tij dhe e shpëton nga duart e tyre.



Pashë një person nga Ummeti im, të cilin etja e kishte përvëluar. Sa herë që përpiqej t’i afrohet ndonjë pellgu me ujë, largohej prej tij dhe pengohej...!

E i vjen (në ndihmë) atij Agjërimi i Ramazanit që ai kishte bërë dhe e gostitin me ujë, sa që ai e shlyen etjen që e kishte kapluar.



Pashë një person nga Ummeti im dhe pashë Pejgamberët të ulur nëpër grupe (mexhlise)...

Sa bënte ky njeri t’i afrohej ndonjë mexhlisi prej këtyre mexhliseve, largohej prej tyre dhe pengohej...!

E i vjen (në ndihmë) atij Gusuli i marrë nga xhunupllëku, e marrin për dore dhe e ulin pranë meje, mexhlisit tim.



Pashë një person nga Ummeti im, përpara tij kishte errësirë, prapa tij ishte errësirë, nga e djathta e tij ishte errësirë, nga e majta e tij ishte errësirë, sipër tij errësirë, poshtë tij errësirë.

E ai rrinte i shastisur (nuk dinte nga të lëvizte), nga të ikte...

E i vjen (në ndihmë) atij Haxhillëku e Umreja që ai kishte kryer dhe e nxjerrin atë prej errësirës në dritë.



Pashë një person nga Ummeti im, i cili me duart e veta ruhej nga flakët e zjarrta të prushit...

E i vjen (në ndihmë) atij Sadakaja (lëmosha) e dhënë, bëhet pengesë midis tij e zjarrit dhe bëhet mbulesë mbi kokën e tij.



Pashë një person nga Ummeti im, i cili u fliste besimtarëve, por ata nuk i flisnin atij...

E i vjen (në ndihmë) atij Lidhja farefisnore, e u thotë besimtarëve: “O besimtarë! Ky njeri ishte që e ka lidhur farefisin e tij me vizita të ngrohta.”

E i flasin atij besimtarët dhe e takojnë atë, e edhe ai i takon ata.



Pashë një person nga Ummeti im që e frikësonin Zebanijet (melekët e zjarrit)...

E i vjen (në ndihmë) atij Urdhërimi për mirë dhe ndalimi nga e keqja që ai kishte bërë në dynja (në këtë botë) dhe e vendosin te Melekët e mëshirës.



Pashë një person nga Ummeti im, të gjunjëzuar...

Midis tij e Zotit kishte pengesë...

E i vjen (në ndihmë) atij Morali i mirë dhe e merr për dore, dhe e fut ne audiencën e All-llahut!



Pashë një person nga Ummeti im, të cilit Libri i zbret nga e majta e tij...

E i vjen (në ndihmë) atij Frikësimi i tij nga All-llahu dhe e merr Librin dhe e vendos nga ana e djathtë e tij.



Pashë një person nga Ummeti im, të cilit iu pakësua peshorja e punëve të mira...

E i vijnë (në ndihmë) atij fëmijët (pasardhësit e tij) që ai i kishte edukuar mirë (siç duhet) dhe ia rëndojnë peshoren e tij.



Pashë një person nga Ummeti im, i cili qëndronte në këmbë buzë zjarrit të Xhehennemit...

E i vjen (në ndihmë) atij përjetimi i frikës së All-llahut (dridhjet e zemrës së tij) dhe e shpëtojnë atë nga ajo gjendje dhe ai vazhdon rrugën për në Xhennet.



Pashë një person nga Ummeti im të hidhet në Zjarr...

E i vjen (në ndihmë) atij Loti që ai kishte derdhur nga frika prej All-llahut dhe e shpëton atë nga Zjarri.



Pashë një person nga Ummeti im që ishte në këmbë të Urës së Siratit...

Dridhej si gjethet e palmës nga stuhia e fortë...

E i vjen (në ndihmë) atij Mendimi i mirë që ai ka pasur për All-llahun dhe ia qetëson dridhjet, e ai vazhdon në qetësi rrugën për në Xhennet.



Pashë një person nga Ummeti im që zvarritej mbi Urën e Siratit. Nganjëherë ecte në këmbë, nganjëherë binte; nganjëherë ecte këmba-dorazi, e nganjëherë kacavirrej...

E i vijnë (në ndihmë) atij Salavatet (përshëndetjet dhe lutjet) që ai ka bërë mbi mua dhe e çojnë në këmbë të drejtuar dhe e shpëtojnë atë.



Pashë një person nga Ummeti im që arrin deri tek portat e Xhennetit...

E dyert e tij i mbyllen, pa e lënë atë të futet në Xhennet...!

E i vjen (në ndihmë) atij Dëshmia “La ilahe il-lAll-llah” (Nuk ka zot që meriton të adhurohet me të drejtë, përveç All-llahut), dhe ia hapë dyert dhe ai futet ne Xhnenet.”





E transmeton këtë hadith Hafiz Ebu Musa el-Medenij-j në librin e tij “Tergib fa hisal el-munxhij-jeh ve terhib minel-hilal el-merdij-jeh”, kurse librin e tij e ka ndërtuar në bazë të shpjegimit të këtij hadithi. Dhe ka thënë për këtë hadith: “Ky Hadith është Hasen xhid-den (shumë i mirë). E transmetoi nga Seid ibn Musej-jibi, Amr ibn Azer, Alij ibn Zejd ibn Xhud’an dhe Hilal Ebu Xhebeleh. Ka qenë Shejhu i Islamit, Ibn Tejmij-jeh [radijall-llahu anhu], i cili e madhështonte shumë këtë hadith, e më ka ardhur mua prej tij se ai ka thënë: “Argumentet e vërtetësisë janë të dukshme për këtë hadith.”