Kriza e euros

[Zero Cool]

Kriza e euros po përhapet - Kush është fajtori?






Greqia, Portugalia, Irlanda - tani edhe Italia ndodhet nën trysninë e kreditorëve. Ajo çka mungon është një sinjal që të qetësojë investuesit dhe kreditorët.


Italia ditët e fundit është vendosur në qendër të diskutimit evropian. Ministrat e Financave të BE-së ranë dakord që ta pengojnë me çdo kusht shtrirjen e krizës financiare në ekonominë e tretë më të madhe të Evropës, Italinë. Por megjithëse Italia ka ndërmarrë masa drastike kursimi, këto nuk mjaftojnë.

FMN-ja në raportin e saj më të fundit për këtë vit kërkoi nga Italia, që të zbresë deri në vitin 2012 defiçitin buxhetor nën 3 % të prodhimit të brendshëm bruto. Aktualisht deficiti italian kap vlerën e 4,6%.




Megjithëse ekonomia italiane po jep shenja rimëkëmbjeje, të nxitura këto nga eksporti, borxhi publik mbetet tepër i lartë dhe rritja ekonomike e kufizuar. Një samit i jashtëzakonshëm i krerëve dhe kryeministrave të shteteve të BE-së për të penguar përhapjen e krizës së borxheve edhe me pritet të zhvillohet që këtë të premte, sinjalizoi presidenti i Këshillit të Bashkimit Evropian, Hermann Van Rompuy.

Fakti që vala e krizës financiare po përfshin edhe Italinë, ka shqetësuar bursat evropiane. Dhe tregtarët e bursës janë të zemëruar me politikën. Oliver Roth, një tregtar në bursë thotë: "Po shohim që për Italinë, prej ditësh zhvillohet një debat fantazmagorik, të cilin vetë BE-ja e ka shkaktuar duke u shprehur me shqetësim për gjendjen në Itali. Kjo sigurisht ishte një ftesë për spekulantët. "

Ekspertët e financave janë të zemëruar me pavendosmërinë e Brukselit. Njëherë Brukseli përjashton kategorikisht ristrukturimet e borxheve, pastaj më vonë i fut prapë në lojë ato. Adalbert Winkler, nga Shkolla e Financave në Frankurt thekson: "Mendoj se duhet të transmentohet një sinjal i plotë dhe i qartë ndaj kredituesve që nuk do të ketë humbje për shkak të mospagesave. Vetëm kështu do të vihen nën kontroll problemet që kemi me rrezikun e infektimit të shteteve të tjera pas Greqisë."

Por një sinjal i tillë ende nuk duket në horizont.

[Zero Cool]

Kriza italiane dhe paketa e shpëtimit





Ministrat e Financave të 17 vendeve të eurozonës u takuan edhe një herë për të diskutuar krizën e borxheve. Në takim nuk ishte fjala vetëm për një paketë shpëtimi të dytë për mëkataren e borxheve Greqinë.





Në zonën e euros ranë edhe një herë mprehtë këmbanat alarmit: primet e rrezikut për obligacionet afat-gjatë të shtetit italian janë rritur në nivele rekord. Agjencitë e klasifikimit e kanë ulur besueshmërinë e Portugalisë për kredi megjithë ndihmën e konsiderueshme ndërkombëtare. Ka zëra se Banka Qendrore Evropiane mendon se është i nevojshëm një dyfishim i paketës së shpëtimit, në një vlerë prej 1,5 bilionë euro. Po ashtu vazhdojnë dyshimet nëse Greqia do t'ia dalë sërish mbanë me politikën e saj financiare. Ministri grek i Financave Evangelos Venizelos u shpreh në këtë mënyrë: "Ne kemi nevojë për një mesazh shumë të fortë dhe të qartë stabiliteti, jo vetëm në Greqi, por në të gjithë zonën e euros dhe më gjerë."

Lajmet e keqia për Italinë janë të një cilësie krejtësisht të re. Kjo për shkak se Italia është ekonomia e tretë më e madhe në zonën e euros pas Gjermanisë dhe Francës dhe për këtë arsye e një kalibri tjetër nga Greqia apo Portugalia. Mos vallë në fund duhet shpëtuar edhe Italia? Ministri i Financave i Gjermanisë Wolfgang Schäuble nuk dëshiron të dëgjojë për spekulime të tilla.

"Italia gjendet përpara vendimesh buxhetore jo të lehta, por projekti i paraqitur nga ministri italian i Financave, është me të vërtetë shumë bindës dhe unë nuk kam asnjë dyshim se Italia do të marrë vendime të drejta. Italia është në rrugën e duhur. " - tha Schäuble.

Fakti është se Italia me 120 përqind të prodhimit kombëtar ka një nga nivelet më të larta të borxhit në botën perëndimore. Por në radhët e BE-së është në rritje edhe kritika ndaj agjencive të vlerësimit. Komisioneri i BE-së për Tregun e Brendshëm Mishel Barnier sugjeron madje që agjencive të vlerësimit t'u ndalohet të vlerësojnë shtetet që marrin ndihma ndërkombëtare. Schäuble tha në Bruksel se vendet e zonës së euros nuk mund të vendosin vetëm asgjë në këtë drejtim.

Urgjente është në këtë moment para së gjithash çështja e një paketë të dytë ndihme për Greqinë. Gjermania, por dhe Holanda dhe Austria duan ta pranojnë atë, vetëm nëse kreditorët privatë, bankat p.sh., kompanitë e sigurimeve dhe fondet e pensioneve do të mbajnë një pjesë të barrës. Kjo, megjithatë, duhet të jetë vullnetare, thotë Maria Fekter ministërja e Financave të Austrisë: "Nuk do të ketë ndërhyrje nga ana e qeverisë ndaj sektorit privat. Kjo do të kishte pasoja fatale. "

Pyetja e vetme është nëse punët po ecin me shpejtësi të mjaftueshme. Në rast se besimi te tregjet do të kthehet shpejt, evropianët i heqin qafe shqetësimet e tyre. Për alternativa ministrat e Financave, nuk duan fare të flasin publikisht.

[Zero Cool]

Në prag të paketës së dytë të ndihmës - Greqia mban Evropën në tension

Ministrat e financave të eurozonës konsultohen në Bruksel për një paketë të dytë ndihme për Greqinë.

Pasi bankat private në Francë dhe në Gjermani siguruan se do të japin kontributin e tyre për shpëtimin e Greqisë, politikanët e Evropës shpresojnë, që do të mund ta realizojnë paketën e ndihmës me vlerë 120 miliardë euro. Por disa agjenci të vlerësimit të bonitetit i vunë një kryq llogarive të politikës.



Për një fije floku grekët përsëri i shpëtuan falimentimit. Në fakt ekipi i ekspertëve të së ashtuquajturës trojkë e Bankës Qendrore Evropiane (BQE), Komisionit të BE-së dhe Fondit Monetar Ndërkombëtar (FMN) , i dha një dëftesë me notën "pamjaftueshëm" vendit evropianojugor. Në këtë mënyrë rubineti i parave duhej mbyllur. Por në çastin e fundit parlamenti i Greqisë miratoi një program privatizimesh në vlerën 78 miliardë euro, gjë që bëri të mundur pagesën e transhit të pestë të paketës së parë të ndihmës për Greqinë. Janë 12 miliardë euro, që duhet t' i shpëtojnë grekët deri në shtator prej mbytjes nga mali me borxhe. Paskëtaj vjen verifikimi tjetër e kësisoj edhe faza tjetër e etheve të frikës.





Kjo për faktin, se deri në shtator gjendja në Athinë nuk do të ndryshojë. Prej recesionit vazhdojnë të tkurren të ardhurat nga taksat, ndërkohë që shkurtimi i rrogave i zë frymën konsumit dhe ashpërson edhe më tej recesionin. Për të garantuar rifinacnimin për një periudhë më të gjatë dhe për t' u dhënë kohë grekëve për reformat strukturore, BE-ja do të diskutojë pë rnjë paketë të dytë ndihme me një volum 120 miliardë euro. Për Andreas Rees, ekonomist në Unicredit, kjo paketë ka rëndësi thelbësore: "Ky program do të vazhdojë me gjasë deri në fund të vitit 2014 dhe në këtë mënyrë Greqia do të ketë të paktën dy vjet kohë, pë rtë treguar, se mund t' i zbatojë reformat dhe se reformat do të japin efektin pozitiv duke u bërë të prekshme në formën e një rritjeje të lartë ekonomike. "


"Duhet një haircut"

Tek e fundit zhvillimi është kyç ndalimin e rritjes së metëjshme të malit të borxheve. Sepse ndonëse ekonomistët si Rees tërheqin vëmendjen, që: "…, Greqia po e redukton relativisht fuqishëm defiçitin,…" borxhet e përgjithshme vazhdojnë të riten pandërprerje. Bazuar në parashikimet e BE-së borxhet shtetërore greke në vitin 2012 do të kapin kuotën e 160% të produktit bruto në vend. As programi ambicioz i privatizimeve nuk mund të ndihmojë në këtë drjetim. Ndaj të tjerë ekonomistë si Max Otte nuk lodhen së kërkuari një ristrukturim të borxhit për helenët e në këtë mënyrë edhe pjesëmarrjen e imponuar të bankave: "Duhet vendosur përqindja e sigurisë (haircut). Ata, që janë bashkëfajtorë, ata që kanë dhënë edhe paratë e tyre si garantë duke qenë të informuar, duhet të mbajnë përgjegjësi. E kjo mund të ndodhë vetëm në përmasa simbolike."

Nëse arrihet kjo nuk është e sigurtë. Marrëveshja e arritur me mundim me bankat private gjermane dhe me sigurimet për të kontribuar për paketën e dytë përmes një njoftimi të agjencisë së vlerësimit të bonitetit Standard & Poor's u bë sërish e pavlefshme. Agjencia e fuqishme, e cila verifikon aftësinë e bonitetit të ndërmarrjeve dhe të shteteve, vuri në dukje, se as pjesëmarrja vullnetarisht e bankave nuk mund ta vlerësojë aftësinë e pagesës së Greqisë. Kjo do të thotë, që BQE të mos i pranojë më bonot greke të thesarit si garanci për kreditë bankare, gjë që mund të çojë në një kolaps të sistemit bankar të Greqisë dhe në rastin më të keq mund të shkaktojë një reaksion zinxhir në euroznë.





"Tragjedi greke pa fund"

Kjo i tmerron politikanët evropianë. Ndaj duhet të hartohet një paketë e dytë ndihme, në rast nevoje edhe pa bankat. Kjo mund të jetë një sipërmarrje e vështirë. Bundestagu (parlamenti gjerman) p.sh. e ka dhënë bekimin e vet për një paketë tjetër për Greqinë vetëm me kushtin, që në të të marrin pjesë kreditorët privatë. Në këtë mënyrë bisedimet përsëri nisin nga zeroja dhe do të vazhdojnë deri në shtator, drisa sërish të shtrohet çështja e vendimmarjes, ose të pranohet falimentimi i Greqisë dhe të nisë ristrukturimi i rregullt i borxhit, ose të vazhdojnë përpjekjet për ta zvarritur me çdo kusht falimentimin. Përderisa politika do të vendosë për variantin e dytë, eksperti i financave Max Otte e konsideron si pafund tragjedinë greke: "Drama do të vazhdojë në tre apo katër akte. Por pikërihst kjo është në interesin e bankave. Ato mund të vazhdojnë të fitojnë. Tek e fundit gjithçka mbetet siç ka qenë. E kjo është fatale."

[Zero Cool]

Senati i Italisë miraton paketën miliardëshe të kursimeve





Në tri vitet e ardhëshme Italia duhet të kursejë 79 miliardë euro. Me 161 vota pro dhe 135 kundër si dhe me tri abstenime senati në Romë pranoi paketën disa miliardëshe.


Nën presionin e tregjeve financiare dhe të BE-së ministri i Financave Giulio Tremonti në tri vitet e ardhëshme duhet të kursejë 79 miliardë euro nga 47 milirdë që ishte parashikuar filllimisht, njoftojnë mediet italiane të enjten (14.07). Gjatë vitit në vazhdim janë planifikuar rreth 3 miliardë euro kursime, për vitin 2012 janë 6 miliardë, në 2013 duhet të kursehen 25 miliardë dhe 45 miliardë në 2014.

Këto hapa të parë kursimesh prekin rajonet dhe komunat si dhe sektorin e shëndetësisë, bëhet e ditur më tej. Të ardhurat vitin e ardhshëm duhet të përfitohen gjithashtu nga kursimet në sektorin e shërbimeve publike dhe nga taksat e posaçme ndaj pensioneve të larta.

Italia pason Greqinë si vendi me borxhet më të larta në eurozonë

Në senat kryministri Berluskoni, i dobësuar prej një sërë skandalesh me drejtësinë dhe aferave të seksit ka mbështejen nga shumica: kësisoj paketa miliardëshe u miratua nga senati me 161 vota pro dhe 135 kundër si dhe me tri abstenime senati në Romë pranoi paketën disa miliardëshe, përmes së cilës qeveria synon të sigurojë besimin e tregjeve ndaj aftësisë kredituese të vendit.

Të premten (15.07) pritet edhe vota e parlamentit. Kryeministri 74 vjeçar synon që të premten në mbrëmje (15.07) përmes mocionit të votëbesimit parlamenti të miratojë përfundimisht planin për buxhetin. Opozita më parë pati premtuar, se ndonëse nuk është dakord, nuk do ta pengojë projektbuxhetin.

Pas Greqisë Italia - për shkak të deficiteve strukturore dhe rritjes së ulët ekonomike - është vendi i dytë me borxhet më të larta në eurozonë. Sipas vlerësimeve të fundit të Fondit Monetar Ndërkombëtar në vitin 2011 borxhet e Italisë do të arijnë në 120,6% të produktit bruto në vend.

[Zero Cool]

Optimizëm i kujdesshëm - Shumica e bankave e kalojnë "testin e stresit" 2011


Pjesa më e madhe e bankave evropiane duket se janë të pajisura mirë për kriza të mundshme financiare në të ardhmen. Në një "test stresi" të autoriteteve të mbikqyrjes financiare në BE, vetëm tetë banka nuk kaluan provën.

Bankat gjermane kanë një kuotë mesatare të kapitalit bazë prej 7,5%






Tetë banka evropiane nuk e kaluan testin e autoriteteve të mbikqyrjes financiare në BE: pesë banka spanjolle, dy nga Greqia dhe një institut krediti në Austri. Bankat gjermane e kaluan të gjitha provën. Shefi i Mbikqyrjes Bankare në Evropë, Andrea Enria, bëri një bilanc të kujdesshëm të testit të stresit këtë vit:

"Që prej testit të fundit vitin e kaluar paisja e bankave me kapital është përmirësuar ndjeshëm."

Dy banka gjermane e kaluan testin me rezultat të ngushtë, fjala është për HSH Nordbank dhe Nord LB. Të dyja kanë një kuotë të kapitalit të vet mes 5 dhe 6 për qind, pra shumë pak mbi kuotën e kërkuar prej 5 për qind. Gjithsej 16 institute krediti nga e gjithë Evropa bëjnë pjesë në grupin e bankave, të cilat e kaluan testin me rezultat shumë të ngushtë. Edhe këtu autoriteti i mbikqyrjes bankare gjykon se duhet vepruar nga autoritetet kombëtare të mbikqyrjes bankare:

"Kur kuota e kapitalit bazë i afrohet nivelit 5 për qind dhe banka ka probleme në testin e stresit, atëherë autoritetet mbikqyrëse duhet të marrin masa që banka të forcojë zërin 'kapital i vet' në buxhetin e saj".

Bankat gjermane kanë një kuotë mesatare të kapitalit bazë prej 7,5%. Më mirë rezultoi në test banka "Landesbank Berlin" me një kuotë kapitali më të lartë se 10 për qind. Numri një në sektorin bankar gjerman, Deutsche Bank, ka një kuotë kapitali prej 6,5%.

Një rast të veçantë paraqet banka e landit Hessen-Thüringen, Helaba: momentin e fundit ajo refuzoi të merrte pjesë në testin e mbikqyrjes bankare evropiane, pasi autoriteti nuk llogarit si pjesë të kapitali bazë edhe të ashtuquajturat "rezerva të heshtura", të cilat rezultojnë nga mbivlerësimi i borxheve apo nënvlerësimi i aseteve. Shefi i autoritetit të mbikqyrjes bankare evropiane Enria, u shpreh:

"Helaba mori pjesë në testin e stresit. Rekomandimet tona për autoritetin kombëtar mbikqyrës në Gjermani përmbajnë edhe ato për Helaban. Ne kemi mbledhur të gjitha informacionet e nevojshme. Por ne nuk mund t'i publikojmë ato pa miratimin e bankës. Mua më vjen keq për këtë vendim të bankës për të mos publikuar rezultatin."

Autoriteti i Mbikqyrjes Bankare në Evropë kontrolloi gjithsej 90 institute duke ia nënshtruar bilancet e tyre një skenari krize. Në këtë kontekst u pa se si do t'i kishte punët banka nëse Evropa do të binte në një recesion të thellë, nëse kurset e aksioneve do të pësonin rënie të fortë dhe normat e interesit do të rriteshin.

Bashkimi Evropian kërkon nga bankat që nuk e kaluan testin që deri në fund të vitit të sigurojnë kapital të ri. Nëse institutet nuk e arrijnë këtë, duhet të ndërhyjnë qeveritë e vendeve përkatëse për t'i ndihmuar bankat.

[Zero Cool]

BE tjetër paketë shpëtimi për Greqinë, 159 miliardë euro





Liderët e eurozonës që po marrin pjesë në një samit në Bruksel, janë pajtuar për një pako të re shpëtimi për Greqinë në vlerë prej 159 miliardë eurosh.
Në një deklaratë të përbashkët, liderët thanë se ndihma e qeverive evropiane dhe e Fondit Monetar Ndërkombëtar kap vlerën prej 109 miliardë eurosh, ndërsa sektori privat do të kontribuojë me 49.6 miliardë euro.
Shefi i Bankës Qendore Evropiane, Zhan Klod Trishe ka mirëpriti pakon e re të shpëtimit për Greqinë, duke e vlerësuar si një lëvizje thelbësore për të siguruar stabilitet financiar në eurozonë.

[Zero Cool]

Greqia nuk po i realizon si duhet reformat





Reforma për kufizimin e borxheve shtetërore në Greqi po përparon më ngadalë se sa është shpresuar. Kreditorët ndërkombëtarë kanë paralajmëruar Athinën zyrtare që të ripërpunojë planet për buxhetin e vitit 2012.
Një delegacion për vlerësimin e gjendjes, i dërguar nga Bashkimi Evropian, FMN-ja dhe Banka Qendrore Evropiane, është larguar papritur nga Athina. Diplomatët evropianë shpjeguan se nuk është pagatitur një listë e sipërmarrjeve të parashikuara për privatizim. Nuk janë përgatitur as planet për tatime dhe kursime.

Ministri grek i Financave Evangelos Venizelos ka hedhur poshtë raportet për grindje me kontrollorët ndërkombëtarë. Ai tha se atmosfera në bisedime ishte e "mirë dhe produktive", ndërsa "kontrollorët do të kthehen sërish brenda 10 ditësh".

[Zero Cool]

Legard: Eurozona kërcënohet nga një recesion i ri





Shefja e Fondit Monetar Ndërkombëtar (FMN), nuk nguron të nxjerrë në pah shqetësimin e saj për frikën e recesioni të ri global. Në një intervistë dhënë për "Der Spiegel", Christine Lagarde, u bën thirrje vendeve të industrializuara të punojnë së bashku për të luftuar kërcënimin e një rënie të re ekonomike në botë.


Lidhur me situatën aktuale ekonomike dhe nëse ngjason ajo me periudhën e 2008 pak para se banka e investimeve "Lehman Brothers" të shembej , Lagard tha se çdo moment në histori është i ndryshëm nga situatat e mëparshme dhe është e gabuar një përpjekje për të nxjerrë krahasime.

Në Fondin Monetar Ndërkombëtar, ne shohim se ka pasur, sidomos gjatë verës, një krizë të qartë të besimit që e ka rënduar situatën seriozisht – sqaron shefja e FMN-së, ndërsa shton se masat duhet të ndërmerren për të siguruar që ky rreth vicioz të prishet. “Kur ne shikojmë gjendjen e Europës, duhet të ndërmarrim konsolidim fiskal, të kualifikuar nga rritja intensive e masave. Përveç kësaj, nuk duhet të jetë i rritur rikapitalizimi i bankave.

Në mënyrë të qartë, të dyja shkojnë së bashku. Çështja sovrane e borxhit peshon në besimin që lojtarët e tregut kanë në bankat europiane- sqaron lagard lidhur me atë se çfarë duhet bërë. Për sa i përket çështjes nëse është bota në prag të një recesioni të përtërirë, Lagard tha se globi ndodhet në një situatë ku ende mund të shmanget një gjë e tillë.

Spektri i politikave në dispozicion të qeverive të ndryshme dhe bankave qendrore, është më i ngushtë sepse një shumë e municioneve është përdorur në vitin 2009. Por në qoftë se qeveritë e ndryshme, institucionet ndërkombëtare dhe bankat qendrore punojnë së bashku, ne do ta shmangim recesionin- saktësoi Cristine Lagard.

[Zero Cool]

Itali, miratohet paketa përfundimtare e kursimeve





9:12 / 15.09.2011

Parlamenti italian ka miratuar paketën e re të kursimit të qeverisë së kryeministrit Silvio Berluskoni. Më parë deputetët i kishin dhënë votëbesimin kryeministrit Berluskoni.


Kjo paketë kursimesh parashikon shkurtime të rënda të buxhetit deri në 54 miliardë euro të tjera. Në korrik ishin vendosur kursime të një niveli prej 48 miliardë eurosh. Synimi i qeverisë italiane është që deri në 2013 të paraqesë një buxhet të balancuar.

Është parashikuar ndër të tjera një rritje e normës TVSH në një pikë prej 21 për qind, rritja e moshës së pensionit për gratë në sektorin privat nga 60 në 65 vjeç dhe një tatim i moderuar për të pasurit. Përveç kësaj një frenim i borxhit do të sanksionohet në kushtetutë. Senati italian tashmë e kishte miratuar para një jave planin e ashpërsuar të kursimeve.

[Zero Cool]

Refuzuesit e Eurozonës


Ideja për monedhë të përbashkët ka qenë me të meta që në fillim dhe centralizimi i mëtejshëm fiskal dhe monetar nuk do t’i zgjidhte problemet e Evropës.


Më 16 shtator 2011 në ora 11:58


I ndjeri Herb Stein thoshte se gjërat që nuk mund të zgjasin përgjithmonë, marrin fund. Në rastin e Eurozonës, mbetet të shihet se kush do t’i japë goditjen e fundit monedhës së lëkundshme, e cila sot identifikohet me një fond të përbashkët shpëtimi dhe jo me disiplinë fiskale.

Tani, kur Gjykata Kushtetuese e Gjermanisë ka vendosur që paketat e Eurozonës për shpëtim janë të lejueshme, sfida të tjera për ithtarët e integrimit më të thellë fiskal mund të vijnë nga lindja, ku disa politikanë kanë nisur të sfidojnë nocionin se ata duhet të sigurojnë fonde të pakushtëzuara për unionin me borxhe.

Në Finlandë, për shembull, kryeministri Jyrki Katainen ka thënë se Helsinki do të bllokojë valën tjetër të huasë për Greqinë, nëse Finlanda nuk merr garanci për kontributet e saj. Por, ai nuk është i vetmi. Disa liderë evropianë, sidomos ata që kujtojnë dekadat e sundimit komunist, janë të mësuar me padrejtësitë fundamentale të humbjeve të bankave.

Vitin e kaluar, Sllovakia ishte vendi i vetëm në Eurozonë që refuzoi pjesëmarrjen në paketën e parë të ndihmës për Greqinë, në vlerë prej 110 miliardë eurosh.

Kryeministrja e vendit, Iveta Radicova, kishte thënë se “vendet më të përgjegjshme dhe më të varfra nuk duhet të ngrenë fonde për vendet më pak të përgjegjshme dhe më të pasura”.

Një vit më vonë, ajo ka rënë dakord përkundër dëshirës për krijimin e Mekanizmit Evropian të Stabilizimit, i cili do të zëvendësojë fondin e përkohshëm të shpëtimit.

Paraprakisht, Qeveria e zonjës Radicova po ashtu ka rënë dakord që të përkrahë fondin e përkohshëm dhe të kontribuojë në paketën e dytë për Greqinë, në vlerë prej 120 miliardë eurosh.
Tani, Radicova thotë se “do të ishte e papërgjegjshme për Sllovakinë” të jetë i vetmi vend që qëndron në mes të Evropës dhe ndihmës së saj.

Megjithatë, ideja e ndihmës për qeveritë e goditura të Eurozonës, mbetet thellësisht e papëlqyer në Sllovaki dhe me të drejtë.

Marrë parasysh madhësinë e borxheve, nuk është për t’u habitur që kreditë, huat dhe përpjekjet e dobëta të kursimit nuk janë duke funksionuar. Shumica e politikanëve evropianë ose nuk u kushtojnë vëmendje fakteve, ose i mohojnë ato, duke preferuar të imagjinojnë një unitet të plotë politik, ku transferet fiskale do të bëhen një realitet i përditshëm, ose qeveritë evropiane do të humbasin sovranitetin mbi vendimet e tyre buxhetore.

Pavarësisht asaj që mendohet, ideja për unitet të plotë politik është një utopi e paarritshme. Në botën reale, e vetmja zgjidhje efektive për problemin grek përfshin ristrukturimin e borxhit sovran, reforma të thella dhe dalje nga Eurozona – çfarë do t’i lejonte Greqisë të rrisë konkurrencën e saj.

Por, shkuarja në këtë rrugë do t’iu kërkonte udhëheqësve të Eurozonës të pranojnë se ideja për monedhë të përbashkët ka qenë me të meta që në fillim dhe se centralizimi i mëtejshëm fiskal dhe monetar nuk do t’i zgjidhte problemet e Evropës.

[Zero Cool]

Merkel: Nëse bie euro, bie edhe Europa





Kancelarja gjermane Angela Merkel u shpreh e prerë se nëse bie euro atëherë bie edhe Europa. “Nëse bie euro, do të bjerë edhe Europa”, tha Merkel prononcimin e dhënë pas rezultatit zgjedhor në landin e Berlinit ku partia e saj doli humbëse.

Merkel nuk kurseu as këshillat për aleatët e saj në koalicion. “Duhet t`i peshoni fjalët me kujdes, sepse rrezikohen tregjet”, u shpreh ajo.

Reagimi i kancelares Merkel vjen në një kohë, në të cilën Greqia pret të marrë këstin e gjashtë të paketës së parë të borxhit të shpëtimit nga falimenti.

E ndërsa kriza në Greqi nuk po njeh zgjidhje, pas deklaratës së fortë të kancelares Merkel, tashmë ngrihet një pyetje: Sa do të rezistojë Eurozona?

[uck_aksh]

shum mir u kan ket vit vlera e euros ra qmimet mbeten ashtu me ka pshtu 1000 chf 990 euro qka i ka perfundu disa pun ne KS qe ket vit se harroj kurr

[Fshatari]

Postimi origjinal është bërë nga uck_aksh

shum mir u kan ket vit vlera e euros ra qmimet mbeten ashtu me ka pshtu 1000 chf 990 euro qka i ka perfundu disa pun ne KS qe ket vit se harroj kurr

Shteti i Kosoves duhet te largoje menjehere euron e ta zevendesoj me monedhen stabile : dollarin e fuqishem amerikan.
Mjaft ka zgjat kjo fare shoqate e vullnetit te mire(be) dhe monedha fallco e saj.
Ekziston monedha e gjelber dhe disa monedha te pa peshe , siç eshte ky sajimi i euros. Ne na konvenon veç e pare.

[Shpati]

Postimi origjinal është bërë nga Fshatari

Shteti i Kosoves duhet te largoje menjehere euron e ta zevendesoj me monedhen stabile : dollarin e fuqishem amerikan.
Mjaft ka zgjat kjo fare shoqate e vullnetit te mire(be) dhe monedha fallco e saj.
Ekziston monedha e gjelber disa monedha te pa peshe , siç eshte ky sajimi i euros. Ne na konvenon veç e pare.

Ne pozit te ngjashme jan si Dollari ashtu edhe Euro.
Edhe pse Euro tash per tash esht ne shenjester te Tregjeve Financiare .
Disa vende psh: sikurse Greqia paten zgjedhe modelin me te let te zhvillimit ekonomik !!!
Merr Kredi neper Banka Evropiane dhe ato shprendaj Qytetareve te vet.
Tash !
Keto Kredi duhet kethyer.
Mashtruesit Grek po perpiqen duke u paraqit si fukara mos po ia falin borgjet e mandej te vazhdojn te festojn -bejn ZEF me paret e Evropianeve.
Te njetat kan me i kethyer edhe ate me Kamata dhe Kamat te Kamates.

[Zero Cool]

Schauble: Greqisë i duhen 10 vjet që të dalë nga kriza


Nga Express më 24 shtator 2011 në ora 17:30
Sipas përllogaritjeve të Wolfgang Schaubles, ministrit gjerman të Financave, duhen dhjetë vjet që Greqia të dalë nga kriza.

Duke folur për një revistë ekonomike, Schauble tha se gjërat nuk do ndodhin brenda një viti.

“Ne nuk e shpëtojmë dot popullin grek nga masat rregullatore që duhen ndërmarrë. Në fund duhet të vendosë populli nëse do e mbajë këtë peshë,” tha Schauble.

Ai shtoi se qeveria greke është e vendosur për të mos dalë nga zona euro.

Schauble tha se ekziston rreziku se nëse nuk shpëtohet Greqia, e gjithë zona euro do bjerë nën efektin domino.

Në fund, Schauble kritikoi ashpër edhe qeverinë italiane. Ai tha se ajo “duhet ta dijë se është problematike që të premtosh masa dhe të mos i zbatosh ato”.

“Kështu humbet besimi i tregjeve financiare tek ti. Besimi është më i rëndësishmi dhe për momentin dhe burimi më i pakët,” tha Schauble.