Adelina dhe Genta puthen ne buze!

[Kalt]

Puthje "lesbike" ne skene e Adelines dhe Gentes.

Nuk ka mjaftuar veç të qenit seksi për dy bukuroshet nga Kosova, madje as fama dhe vlerësimet e tyre për muzikën që bëjnë.
Këtë herë kanë dëshiruar të shfaqen ndryshe për publikun shqiptar, me një tjetër sensacion (këtë herë jo në këngë) dhe për të qenë piku i thashethemeve mediatike. Dy këngëtaret e reja dhe të bukura, Adelina dhe Genta Ismajli janë puthur në buzë, për të parën herë në skenë. Gjatë një koncerti të organizuar në Prishtinë nga DEA, dy këngëtaret e njohura për zërin dhe lukun e tyre befasues në skenë janë puthur ashtu sikurse Madona e Britney Spirs dy vjet më parë në ndarjen e çmimeve MTV. Por në ndryshim nga dy bukuroshet e njohura të muzikës në mbarë botën, këngëtaret shqiptare, edhe pse të parat që kanë thyer tabutë për të bërë pa frikë atë çka dëshirojnë janë epiqendra e thashethemeve, edhe sot dy muaj pas ngjarjes. "Ishte shumë qesharake, apo gjëja më qesharake që ka ndodhur deri më tani, kur dy yjet e muzikës puthen në skenë me puthje franceze. Kurrë nuk do të besoja se një yll do të ketë veprim të fëlliqur në këtë mënyrë. S'di nëse ato e respektojnë njëra-tjetrën, por kjo duket si një respekt i marrë", shprehet Arbenita, një adhuruese e Adelina Ismajlit. Kjo puthje e pazakontë për skenën dhe ekranin shqiptar i ka shokuar të gjithë fansat e dy "yjeve" kosovare, me stilin e tyre lezbik. Puthja në fjalë e ka pikënisjen nga një koncert i realizuar me rastin e festave të para të vitit 2006, ku merrnin pjesë këngëtarë të ndryshëm, si Ermal Fejzullahu, Rovena Stefa, Zanfina Ismajli Adelina Ismaili, Edona Llalloshi, Tuna, Ilir Shaqiri, Shkurte Fejza, Lori, Dritero Shaqiri, Bujar Qamili, Sinan Vllasaliu, Genta Ismajli, Beka, Nysret Muçiqi, Sinan Hoxha etj. Ndërsa videoxhirimet e koncertit janë bërë publike në Prishtinë në fund të muajit mars. "Eshtë shumë e vështirë të mendohet ajo që pamë të filmuar në videoxhirimet e Vitit të Ri të produksionit DEA. Kur i pashë fillimisht mendova se bëhej fjalë për ndonjë çrregullim vizual, por fatkeqësisht ishte e vërtet ajo që pashë, kur iu riktheva edhe një herë videos", shprehet Valoni i shqetësuar, për një nga të përjavëshmet kosovare. E veshur me një fustan të gjatë ngjyrë qielli, të hapur përpara Genta Ismajli, nuk i ka rezistuar dot pamjes seksi dhe si përherë befasues të këngëtares Adelina Ismajli, e cila mbante veshur në atë mbrëmje një fustan të zi transparent. Për gazetën bëhen të mundura tre fotografi, një e realizuar para festivalit, kur në dhomën e zhveshjes, Adelina dhe Genta, gjysmë të zhveshura kanë biseduar rreth përmasave të gjoksit të kësaj të fundit, ndërsa dy fotografitë e tjera janë realizuar gjatë koncertit në skenë, ku ndodhi edhe puthja e pazakontë për shqiptarët. Shumë nga adhuruesit janë zhgënjyer, aq sa kanë pohuar me plotë gojën për dy idhujt e të rinjve nga mbarë trevat shqiptare, se këngëtaret me këtë veprim mund të quhen pa frikë lezbike. "Që të dyja janë shtyrë nga vetëkënaqësia për rezultatet e arritura në këngë dhe publikimi i tyre i menjëhershëm, që bën këtë aventurë të kotë. Dy këngëtaret kosovare, Adelina Ismajli dhe Genta Ismajli me pamje shumë seksi dhe zë të mrekullueshëm, nuk patën fare nevojë të paraqiten me stilin e tyre lezbik", shprehet sërish Arbenita. Eshtë rasti i parë i publikuar në Shqipëri, që protagonistë janë këngëtaret shqiptare.
"Ndoshta ato ishin të frymëzuara nga ajo që kishin parë kur Madona dhe Britney puthen me buzë të hapura në skenë për t'ju dhënë me shumë apetit publikut për muzikën e tyre, në shpërblimet e 2003 në MTV", shton sërish ajo. Adelina dhe Genta Ismajli, janë njohur përherë si këngëtaret më provokuese në skenë me veshjet e tyre. Të dyja janë cilësuar si këngëtaret më bomba dhe që shpërthejnë në skenë. Mediat, si kosovare dhe ato shqiptare kanë folur gjatë për dy këngëtaret, sa herë ato kanë evenimente artistike, vetëm se pikëvështrimi ka qenë përherë jo muzika, por performancat e tyre.


Gazeta Panorama Tirane
9 Maj 2006