Kuriozitete!!!!

Postimi origjinal është bërë nga emine

qa kan me festu krejt fshati a o djali i plakit a katunit,ev dyje dyje mrrinen aspirinat e kalter edhe tu kosova,,,

...valla se di cfar aspirinash a cka vec me te paren djal, hahaha...

[rastesishT]

Londër, 20 qershor Kompania mëmë e Airbus, EADS ka prezantuar sot një projekt të saj futuristik i cili premton një fluturim dy orësh nga Londra drejt Tokios.

Avioni i etiketuar si ZEHST (Zero Emission Hypersonic Transportation) nuk do të shkaktojë ndotje si dhe premton të jetë më pak i zhurmshëm se avionët e sotëm modern.

Sipas kompanisë, ky projekt i përket perspektivës, pasi do të duhen edhe 40 vjet që të marrë jetë.

Bëhet fjalë për një supersonik pasagjerësh, i cili do të përdore tre grupe motorësh për të arritur shpejtësin 3.125 mph, katër herë më shumë se shpejtësia e zërit, dhe do të njihet si Mach 4.

Projekti u prezantua sot përpara hapjes zyrtare të “Paris Air Show

[Naki]

Hapet ura më e gjatë në botë


Artikujt tjerë



Publikuar: 30.06.2011 - 12:56

Pekin,
30 qershor – Ura më e gjatë në botë është hapur zyrtarisht sot për trafik në
bregdetin kinez në qytetin Qingdao.


Ura
Qingdao, me 42.4 kilometra, është për 4 kilometra më e gjatë se rekordi i
mëparshëm, ura në liqenin Pontchartrain në shtetin federal amerikan Luiziana.


Punimet
kanë zgjatë 4 vjet, ndërsa ndërtimi i saj ka kushtuar mbi 60 miliardë euro. Ura
ka gjashtë korsi, ndërsa mbahet nga mbi 5 200 shtylla, transmetojnë agjencitë.


Pritet
që përmes urës të kalojnë çdo ditë mbi 30 mijë vetura.

Marre nga koha ditore.

[Diana007]

Një 29 vjeçar, që është bërë gjyshi më i ri në Britani, nuk u la të hynte në spital për të parë vajzën e tij, që kishte sjellë në jetë mbesën Grejsi.
I papuni Shem Dejvis, u lumturua pa masë kur vajza e tij 14 vjeçare lindi.
Ai dhe e dashura e tij, Kelli Xhon, 30 vjeç, u bënë prindër në moshën 15 vjeçare. I dashuri i vajzës së tyre, Xhordan, është 15 vjeç.

Lulet percjellin mesazh

14 October 2011


Prej shekujsh lulet kanë qenë gjithmonë mesazh dashurie. Ngjyra, era, forma… Të gjitha kanë një “domethënie sentimentale”. Në këtë test lulesh mund të njohësh veten tënde dhe një pjesë tjetër tënden.
Margarita: nevojë për të dashuruar
Ai: Në qoftë se të pëlqen t’i dhurosh Margarita vajzës që do, je me të vërtetë i ndjeshëm. Nëpër ëndrrat tuaja me të dashurën tënde, shëtit, nëpër kopshte të pafundme, i dehur nga era e barit dhe e luleve. Në raportin me një person kërkon mbi gjithçka ngrohtësinë dhe mirëkuptimin.
Ajo: Kur merr një tufë margaritash, të hapet zemra dhe mendon që ai që ta dërgon është një njeri me shpirt xhentil dhe romantik, siç je tij. Je një vajzë që jeton akoma me të vjetrën dhe beson akoma që virgjëria është dhurata më e mrekullueshme që mund t’i bësh burrit që do dhe që do ta duash për gjithë jetën.
Trëndafili: simboli i pasionit
Ai: Kur do t’i bësh homazhe një gruaje i dhuroni asaj gjithmonë trëndafila: Në qoftë se është kështu, atëherë janë dy: ose je dembel dhe zgjedh lulen më të njohur ose përndryshe je një tip plot pasione dhe kërkon të komunikosh edhe me anë të një dhurate të vogël “zjarrin” tënd.
Ajo: Të kuqtë, rozë, të verdha, apo të bardha. Mjafton që janë trëndafila. Në qoftë se kjo është e vetmja gjuhë që percepton, do të thotë që s’je një tip i ndjeshëm. .
Karafili: dhuratë pak komprometuese
Ai: Ajo të ka ftuar një darkë intime në shtëpinë e saj dhe t’i paraqitesh me një tufë karafilash. Në fakt, kjo lule elegante, tregon shumë pak për hamendjet e atij që e dhuron. Karafili është një lule komprometuese. Adhuron sendet me vlerë historike.
Ajo: Në qoftë se preferon si dhuratë një tufë karafilash, atëherë je një tip pak i qëndrueshëm dhe nuk të pëlqen të shfaqësh ndjenjat e tua. Të pëlqejnë njerëzit e qetë që nuk të japin përshtypjen se të duan. Në një farë mënyre je një vajzë pak e ftohtë.

Burimi: Telegrafi

Te plakesh 50 vjet per pak dite

15 October 2011





Mjekët kanë mbetur të shushatur kur mësuan mbi një sëmundje të re të çuditshme, e cila ka plakur me shpejtësi një 23-vjeçare brenda pak ditësh, duke e çuar menjëherë fizikisht në moshën 73-vjeçare. Nguyen Thi Phuong, nga Vietnami, ka mbetur me fytyrë të ënjtur dhe lëkurë të acaruar. Megjithatë, Nguyen Thanh Tuyen tha se dashuria për gruan e tij dikur të bukur, tani 26-vjeçe, nuk ishte venitur. Mjekët nuk mund ta kthejnë pas plakjen e saj. Nguyen beson se sëmundja u shkaktua nga një alergji prej ushqimit të detit. Ajo tha se në vitin 2008 kishte kaluar një alergji shumë të keqe. Ata nuk kishin shkuar në spital se ishin shumë të varfër dhe ajo ishte mjekuar me një ilaç popullor. Kruajtjet i ikën, por lakura e saj u fishk me shpejtësi.

Burimi: Gazeta Panorama

Njerezit qe skuqen jane partnere me te mire

29 October 2011






Fytyra e skuqur është shenjë e sigurt se do të jeni të dashur të mirë, tregon një hulumtim i ri.
Edhe pse ata që skuqen në vete nuk ndjehen mirë, ekspertët sugjerojnë se ata njerëz janë zemërgjerë, të besueshëm dhe falënderues. Të tjerët i konsiderojnë si simpatikë dhe u besojnë më shumë, sepse turpi vlerësohet si shenjë e vlerave morale.
Skuqja është më e shprehur te personat me lëkurë më të çelët, ndërsa zakonisht përfshin fytyrën, qafën, veshët dhe gjoksin. Edhe pse zakonisht u përshkruhet femrave, as pjesëtarët e gjinisë së fortë nuk janë të kursyer nga skuqja.
“Turpi i moderuar konsiderohet si virtyt. Njerëzit të cilët skuqen janë më të dëshiruar në shoqërinë e tyre, sepse vlerësohen si të besueshëm”, kanë deklaruar autorët e studimit nga Kalifornia.
Veç kësaj, studimi tregon, se këta njerëz janë edhe partnerë më të mirë dhe janë më romantikë.

Gjarperi me dy koka

3 November 2011







Në Florida të Shteteve të Bashkuar jeton një gjarpër…me dy kokë. Bëhet fjalë për reptilin të njohur me emrin latin “Lampropeltis triangulun hondurensis”, që si habitat kryesor, nga vetë emri ka Hondurasin.
Biologët thonë se lindja me dy kokë e gjarpërit vjen si pasojë e një crregullimi gjenetik, që sjell edhe ndryshim në ngjyrën e trupit të gjarpërit. Lloji i rrallë me dy kokë ndryshon vetëm në ngjyrë nga reptilët e tjerë të klasës së tij. Ai është portokalli me vija të bardha, ndërsa gjarpërinjtë normalë të kësaj klase janë me ngjyrë kafe me vija të bardha e të zeza.
“Lampropeltis triangulun hondurensis” nuk është helmues.
Rastet e gjarpërinjve me dy kokë nuk janë edhe shumë të rralla, por sipas biologëve, mbijetesa e tyre (sidomos në natyrë) është praktikisht e vështirë për shkak të dy kokave secila me nga një tru që komandojnë një trup të vetëm.

Burimi: Top Channel

[Dallandyshja_718]

Tenxherja më e shtrenjtë në botë.

Dyqani kinez Xhuo Xhan në Changchin, qyteti kryesor i provincës kineze Jilin, ka vendosur ta shesë tenxheren më të shtrenjtë në botë. Me një çmim prej 380.000 funtesh këtë tenxhere mund ta blejnë vetëm më të pasurit për gruan ose dashnoren e tyre (ose për të dyja).
Tenxherja vjen së bashku me një palë dorëza prej arit të pastër dhe një dorëz tjetër në kapak, me peshë të përgjithshme prej 738 gramë, ndërsa detajet tjera janë po ashtu të zbukuruara me 13 diamante.Zëdhënësi i Fissler China, kompania simotër e së cilës në Gjermani prodhon këtë produkt luksoz, tha: “Secili blerës i tenxheres do të përjetojë shërbimet tona më të mira. Ai/ajo jo vetëm se do të ftohet në majën e restorantit Michelin në Evropë me dhjetë shokë/shoqe, por po ashtu kompania do t’ia dërgojë tenxheren pronarit në adresë me një Rolls’Royce”.



http://informacione.eu/2011/06/23/te...enjte-ne-bote/

[publialb]

Ky, mund të thuhet se është një nga qentë më të zgjuar në botë. Jasper ka mësuar të mbulohet vetë kur fle gjumë. Një gjë të tillë ai e bën në mënyrë të përsosur dhe pa ndihmën e askujt përveç dhëmbëve të tij.
Video e hedhur në internet që dëshmon aftësitë e qeni është kthyer në një video shumë të klikuar.
Ai e kap mbulesën fillimisht me dhëmbë dhe më pas futet tek strofka e tij e ngrohtë dhe më pas e bën gjumin i qetë.

[publialb]

Azia vazhdon të na çudisë me evoluimin elektronik që po kryen. Kësaj rradhe është superfuqia ekonomike, Kina, e cila po planifikon të prodhojë një tren që ndryshe nga të zakonshmit do të lëvizë mbi rrugë dhe pa bllokuar trafikun e rënduar të kryeqytetit Pekin, raporton gazeta kombëtare indiane, “Hindu”.
Një linjë me autobuzë “fluturues”, që kalon rreth 2 metra mbi rrugë, do të eksperimentohet brënda fundit të vitit në Pekin. Autobuzi, ideuar nga inxhinierët kinezë dhe i ndërtuar nga “Shenzehn Hashi Corporation”, më saktë mund të quhet një autobuz me “këmbë të gjata”.
Shinat në të cilat do të levizë ky tren do të vendosen në anë të rrugëve. Për këtë shkak do të ndërtohet një tunel i lartë 2.2 metra mbi të cilin do të udhëtojë autobuzi i cili do të punojë me energji diellore.
Në pjesën e poshtme të tij ku do të kalojë rruga do të mund të vazhdojnë të qarkullojnë automjetet jo më të lartë se 1,8 m.

[publialb]

Joana Delacruz Huerta, një femër amerikane 29-vjeçare ka shitur vajzën e saj 7 javëshe tek një tjetër femër, Marilu Munoz. Gjithçka është kryer në këmbim të 2 mijë dollarëve të cilat do të paguhen me këste.
Që të dyja janë akuzuar nga autoritetet e shtetit të Teksasit për shitjen e marrjen në pronësi të të porsalindurës, që konsiderohet një krim nga i cili mund të rrezikojnë deri në dhjetë vite heqje lirie.
Policia lokale në Teksas, deklaroi se ka zbuluar se shitja është kryer në një llogari anonime dhënë online dhe dërgesa është kryer ditën e enjte në mëngjes, raporton agjencia e lajmeve NOA. Rreshteri Lynn Beard ka pohuar se disa pagesa ishin kryer lidhur me këtë shitje të paligjshme.
Për momentin autoritetet ende nuk e dinë se kush është babai biologjik i fëmijës apo dhe se si dy femrat hynë në kontakt me njëra-tjetrën.
Aktualisht fëmija ndodhet në një jetimore, deri sa të vendoset nga seanca gjyqësore për të dhënë kujdestarinë përfundimtare të saj.
“E kemi dërguar në një strukturë ku personeli po kujdeset për të dhe gjithçka ajo ka nevojë”, – ka pohuar Marleigh Meisner, zëdhënësja e agjencisë për mbrojtjen e të miturve, “Child protective servise”.

[jadore]

Postimi origjinal është bërë nga publialb

Joana Delacruz Huerta, një femër amerikane 29-vjeçare ka shitur vajzën e saj 7 javëshe tek një tjetër femër, Marilu Munoz. Gjithçka është kryer në këmbim të 2 mijë dollarëve të cilat do të paguhen me këste.
Që të dyja janë akuzuar nga autoritetet e shtetit të Teksasit për shitjen e marrjen në pronësi të të porsalindurës, që konsiderohet një krim nga i cili mund të rrezikojnë deri në dhjetë vite heqje lirie.
Policia lokale në Teksas, deklaroi se ka zbuluar se shitja është kryer në një llogari anonime dhënë online dhe dërgesa është kryer ditën e enjte në mëngjes, raporton agjencia e lajmeve NOA. Rreshteri Lynn Beard ka pohuar se disa pagesa ishin kryer lidhur me këtë shitje të paligjshme.
Për momentin autoritetet ende nuk e dinë se kush është babai biologjik i fëmijës apo dhe se si dy femrat hynë në kontakt me njëra-tjetrën.
Aktualisht fëmija ndodhet në një jetimore, deri sa të vendoset nga seanca gjyqësore për të dhënë kujdestarinë përfundimtare të saj.
“E kemi dërguar në një strukturë ku personeli po kujdeset për të dhe gjithçka ajo ka nevojë”, – ka pohuar Marleigh Meisner, zëdhënësja e agjencisë për mbrojtjen e të miturve, “Child protective servise”.

a koken kone ra ne pazar-a.!

p.s.
gjithmone e kam thene ,kjo qmenduri njerzore dhe papergjegjesi e cdo idioteje te kete mundesine te krijoje krijese jete ka me e pru ne deregje faktine qe nje dite femijet e krijuar do te shiten neper trafika si kukullat apo cigaret e ekspozuara ..

Termetet, sa rrezikohet Shqiperia

20 November 2011







Tërmetet e fuqishme në Shqipëri janë të rralla, por kjo nuk do të thotë që shpesh ato nuk mund të vënë në rrezik jetën e qytetarëve. Shqipëria është një territor aktiv, por ajo çfarë i vënë më shumë në rrezik banorët janë ndërtesat në të cilat jetojnë. Banesa të cilat nuk janë ndërtuara sipas një kriteri të caktuar, mbi bazën e rrezikshmërisë së ndonjë lëkundjeje tektonike. Shpesh në kryeqytet, si vendi më mbipopulluar nga ndërtesat, shumë prej këtyre të fundit janë bërë të pabanueshme. Shkak për këtë nuk janë tërmetet, por mungesa e sigurisë të cilët ato nuk ofrojnë.
Shqipëria dhe tërmetet
Tërmetet klasifikohen në bazë të magnitudës së tyre ose energjisë që ato çlirojnë. Në një intervistë me gazetën “Tirana Observer”, sizmologu Edmond Dushi u shpreh: “Për Shqipërinë klasifikohen nga magnituda 2 e shkallës ritër, deri në magnitudën 5 të shkallës mesatare. Mikro-tërmetet përbëjnë pjesën dërrmuese të sizmiotetit të Shqipërisë, ndërsa tërmetet e moderuara ose të mesme deri në 5 ballë apo edhe ato të fortët mbi 6 ose 7 janë tepër të rrallë për vendin tonë.” Sipas regjistrimeve të bëra deri më tani nga Instituti i Gjeoshkencave, Energjisë, Ujit dhe Mjedisit, tërmeti me magnitudë më të lartë është shënuar në shekullin 20 dhe 21, saktësisht është tërmeti i prillit të 1979, i cili ka pasur magnitudën 6.7. Kjo magnitudë është maksimale deri më tani, duke u bazuar në statistikat që ka ky institut. Sizmologjia studion ato që regjistron ose statistikat që ajo mban ndër vite. Mbi këto ajo bazohet për studime dhe parashikime afatgjata që konsiston në përcaktimin e zonave ku ndodhin tërmetet dhe magnitudën maksimale për secilën zonë. “Bazuar në këtë lloj klasifikimi ne kemi bërë ndarjen e Shqipërisë në disa zona gjatësore sipas meridianit dhe disa zona tërthore nga Perëndimi në Lindje. Një ndër zonat kryesore gjatësore është nga kufiri i Detit Adriatik me Detin Dalmat, pra zona Shkodër-Lezhë e deri në Durrës. Kjo quhet ndryshe Zona Adriatike. Zonat e tjera janë, Zona Jonike gjatësore, Zona Jonike tërthor që nis nga Vlora drejt Tepelenës. Zona tërthore Lushnjë –Elbasan-Dibër, Shkodër-Pejë dhe zona gjatësore nga Dibra në Korçë. Këto janë zonat që janë klasifikuar zona termike, deri më tani nga tërmetet që janë regjistruar. Duhet theksuar se koha jonë e regjistrimeve është e shkurtër, që nga viti 1968. Kjo ka ndikuar në statistika, sa më shumë të kesh histori sizmike aq më mirë i përcakton parametrat e tjerë”, shpjegon sizmologu Dushi. Sizmologjia shqiptare është e re, por shumë premtuese për të ardhmen, sipas sizmologut, ajo është nga më modernet, si në rajon edhe në botë, pasi është e pajisur me të gjitha mjetet e avancuara. Sizmioteti i Shqipërisë karakterizohet nga mini-tërmetet, por mund të themi që një herë në vit mund të regjistrojmë një tërmet me magnitudë 4.5. Mund të përmendim që në 2009 kishim një termet me magnitudë 5.4 në qytetin e Dibrës, që shkaktoji shumë dëme, mbi të gjitha materiale.
Shpeshtia e tërmeteve
Mini-tërmetet ndodhin gjatë gjithë kohës në të gjithë territorin e Shqipërisë, kjo pasi vendi ynë është një territor aktiv. Statistikat kanë treguar se tërmetet me magnitudë 4.5 janë të shpeshta maksimumi dy herë në vit, minimum njëherë, ndërsa tërmetet mesatare 5 deri në 5.5 ndodhin njëherë nga 2 deri në 5 vjet, në varësi të kushteve tektonike ose shpërthimeve eksplozive që ndodhin. Tërmetet e forta, ato mbi 5.5 janë tepër të rrallë, kërkojnë dekada, mbi 10 vjet. Kjo për një arsye fare të thjeshtë, sa më i madh të jetë tërmeti aq me shumë energji akumulohet, dhe aq më shumë kohë do që të ndodhë.
Një tërmet i mundshëm
Sipas sizmologut Dushi, nuk mund të thuhet se kur mund të bie një tërmet me magnitudë të madhe, nuk mund të dihet se ku saktësisht. Parashikimet janë afatgjata, që konsiston në përcaktimin e zonave dhe potencialin që mund të arrijë tërmeti. “Nuk përcaktojmë se kur, kjo është një sfidë për sizmologjinë, një qëllim në vetvete për këtë shkencë, për vetë faktin se tërmeti është një dukuri komplekse.” u shpreh ai. Tërmeti shkaktohet nga fenomene gjeologjike, tektonike, por në thelb ai ka një sërë faktorësh të tjerë që ndikojnë. Si rrjedhim kërkohen studime shumëplanëshe, gjeofizike, gjeologjike, kimike, etj.

Burimi: Tirana Observer