Lajme nga Mjekesia - Page 14

Jana · 10-08-11, 13:42

Cigarja e mengjesit, me e rrezikshmja

Për shumë njerëz tashmë është bërë refleks: ngrihen në mëngjes dhe menjëherë ndezin cigaren e parë të ditës.

Por, dy studime të fundit mbi kancerin kanë treguar se kjo është gjëja që rrezikon më shumë shëndetin. Cigarja e mëngjesit shton dyfish rrezikun e kancerit në mushkëri.

“Kemi vënë re që rreziku i kancerit dyfishohet tek ata njerëz që pijnë cigaren e parë në gjysmë orën e parë të zgjimit në krahasim me ata që presin të paktën 1 orë që ta ndezin”, shprehet Joshua Muscat i Universitetit të Mjekësisë në Pensilvani.

**Naki** · 21-08-11, 17:57

Molla dhe vlerat e saj të shumta

Molla është një nga frutat që ka një pafundësi vlerash që kurojnë dhe na bëjnë mirë për shëndetin. Duke filluar që me farat e saj të cilat përmbajnë albuminë dhe yndyrë. Po ashtu, molla si frut ka veti freskuese, qetësuese dhe zbutëse.

Thonë se lëkura e mollës ka një përqindje të mirë të substancave të nevojshme. Vitamina të tilla si B1, C, E, P, B2 dhe PP të cilat ndodhen pikërisht nën lëkurë. Ndaj nëse do të konsumonit mollë, e cila rekomandohet të paktën një në ditë, është më mirë të jetë me lëkurë.

Një mollë e ngrënë në mëngjes ndikon mirë në pastrimin e dhëmbëve duke i fortësuar ato dhe duke i bërë më të shëndetshëm. Gjithashtu molla mund të përdoret edhe për maska të ndryshme të fytyrës, duke na e bërë atë më të butë e të lëmuar.

Por mënyra më mirë është ta marrim çdo ditë si në mëngjes ashtu dhe në darkë. Çdo lloj molle ka vlera të caktuara, ndërsa ajo jeshile ka më tepër vitamina të cilat janë të përqendruara jo vetëm në pjesën e tulit por dhe nën lëkurë që gjenden me shumicë.

Për t′u dobësuar shpejt ndonjëherë nuk keni pse mbani dieta të mundimshme. Mjafton të konsumoni tre ose katër mollë në ditë edhe duke ngrënë normalisht. Do të shikoni që kilet do të humbasin shpejt. Por nëse konsumoni një kokërr mollë që në mëngjes, esëll, efekti i dobësimit do të jetë më i shpejtë. Molla ka një efekt të lartë tretjeje ndaj sugjerohet nga dietologët në çdo lloj diete.

Lëngu i mollës i përzier me mjaltë dhe ujë të nxehtë pihet si mjet qetësues kundër pagjumësisë. Nëse vuani nga dhembja e kokës në ballë, vendosni fasha të lagura me uthull molle dhe ujë duke e shoqëruar edhe me pak mjaltë. Por ky është një rit që duhet bërë çdo darkë në mënyrë që të japë rezultatin e duhur.

Çaji që përgatitet nga copat e prera të mollës pihet kundër ftohjeve të ndryshme, lehtëson etjen, forcon nervat, mushkëritë dhe zemrën. Gjithashtu, ky çaj është një mjet i mrekullueshëm për rregullimin e tretjes. Ky lloj çaji mund të pihet në çdo stinë jo vetëm në dimër. Meqë molla është një frutë që gjendet lehtë edhe në ditët e tjera të vitit, e sidomos në shtator, mund të gjenden lloje të ndryshme të tyre.

Marre nga Kosovapress.

**Zero Cool** · 01-09-11, 17:34

Proteina stimuluese e kancerit JAK, arma për eleminimin e tij

Një hap i madh është hedhur përpara në shkencë sa i përket neutralizimit të kancerit. Pas një sërë eksperimentesh, shkencëtarët e Qëndrës Kërkimore të Kancerit në Britani kanë zbuluar proteinën që ndihmon përhapjen e tumorit.

Bëhet fjalë për një proteinë të quajtur JAK, e cila ndihmon qelizat kancerogjene që të përhapen në trup. Kjo lloj proteine i fuqizon këto qeliza njësoj si muskujt dhe mundëson përhapjen e tumorit, proces ky që në gjuhën mjeksore njihet si “metastazë”.

Në 90 % të rasteve, nëse procesi i metastazës ka ndodhur, kjo do të thotë vdekje e sigurt. Nëse shkencëtarët arrijnë që përmes neutrlizimit të kësaj proteine, të frenojnë përhapjen e kancerit, kjo do të ishte arritja më e madhe e këtij shekulli.

**Zero Cool** · 05-09-11, 14:54

Bar i ri për pacientët me punë jo të rregullt të zemrës

Bari i ri është njësoj efikas sikurse barnat e deritanishëm për mjekimin e pacientëve me punë jo të rregullt të zemrës, por është shumë më lehtë për t’u marrë.

Shkencëtarët thonë se bari ‘rivaroxaban’ ka efekte të ngjashme me ‘warfarinin’, dhe është po ashtu efikas në pengimin e formimit të trombëve të gjakut dhe zvogëlon rrezikun për goditje në tru, te pacientët me fibrilacion atrial.
Mirëpo, testimet e barit të ri kanë treguar se ka më pak efekte anësore në krahasim me barnat tjerë (siç është rreziku për gjakderdhje fatale në tru), ndërsa është shumë më lehtë për t’u marrë.
Te ‘rivanoxabani’ nuk ndikon mënyra e ushqyerjes e as barnat tjerë, ashtu që pacientët nuk duhet që gjithmonë të kenë kujdes që të marrin dozën precize.
Bari i ri është testuar te 14.000 pacientë me fibrilacion trial, ndërsa është prezantuar në Universitetin Edinburgh (Britani të Madhe) dhe Universitetin Duke (SHBA).

**Naki** · 06-09-11, 19:20

Konfirmohet lidhja e vaksinës kundër gripit të derrit me narkolepsinë

Helsinki, 3 shtator 2011 (Kosovapress) Koha: 10:46

Studiuesit finlandezë kanë konfirmuar lidhjen në mes të vaksinës kundër gripit të derrit dhe narkolepsisë, një lloj i çrregullimit të gjumit te fëmijët.

Narkolepsia paraqet çrregullim kronik të sistemit nervor, të cilin e karakterizojnë shpesh rënie të pakontrolluara në gjumë, ndërsa në raste më të rënda halucinacione ose kolapse fizike paralizuese të njohura si katapleksi.

Ekspertët finlandezë kanë vërtetuar se fëmijët që kanë marrë vaksinën kundër gripit të derrit rrezikohen 12,7 herë më shumë nga narkolepsia sesa ata që nuk janë vaksinuar, edhe pse te të gjitha rastet e shqyrtuara, ku është paraqitur sëmundja ekziston para-dispozita familjare për këtë çrregullim.

Vaksina nuk ka shtuar rrezikun nga narkolepsia te fëmijët nën moshën 4-vjeç, por as te personat mbi moshën 19-vjeç.

Në Finlandë nga narkolepsia janë sëmurë 79 fëmijë të vaksinuar kundër gripit të derrit me vaksinën “Pandemriks”, ose gjashtë në 100.000. Shumica prej këtyre fëmijëve, 76 sish, janë paraqitur katapleksi kohë pas kohe.

Lidhja ndërmjet vaksinës kundër gripit të derrit dhe narkolepsisë deri më tash është vërtetuar vetëm në Suedi.

Në Suedi, Norvegji dhe Francë aktualisht po hulumtohet mundësia e lidhjes ndërmjet narkolepsisë dhe llojeve tjera të vaksinës kundër gripit të derrave, “Arepanriks”.

Agjencia medicinale evropiane, megjithatë, vlerëson se vaksina kundër gripit të derrit nuk ka shkaktuar dëme në Finlandë, pasi që vlerësohet se në sezonin 2009/10 ka parandaluar 40.000 infektime me gripin e derrit dhe po aq edhe në sezonin 2010/11.

Rekomandim i agjencisë në fjalë është që vaksina “Pandemriks” të përdoret te personat nën moshën 20-vjeç vetëm kur mungon vaksina sezonale kundër gripit dhe atë vetëm te personat që janë në rrezik të madh nga format e rënda të gripit ose komplikimet e tij.

**Zero Cool** · 06-09-11, 20:33

Mekanizmi imun lufton alergjenët

Sipas të dhënave nga Fakulteti i Mjekësisë pranë Universitetit të Pittsburghut, roli i komponentëve gjenetikë i qelizave imune dendrite mund të çojë në krijimin e barnave shumë më të efektshme për mjekimin e sëmundjeve alergjike.

Për herë të parë hulumtuesit nga Universitetit i Pittsburghut kanë identifikuar komponentët gjenetike të qelizave dendrite të cilët janë çelësi i përgjigjes së çrregulluar imune te astma dhe sëmundjet e ndryshme alergjike. Duke shënjestruar këto elemente mund të zhvillohen barna shumë më efektive të cilat do t’i mjekonin çrregullimet astmatike dhe astmën.
Qelizat dendrite janë vitale për përgjigjen imune në atë që quhet, kapje dhe paraqitje të mikroorganizmave kërcënues limfociteve T (qeliza tjera imune të cilat prodhojnë proteina të fuqishme të njohura si citokine, të cilat i rrethojnë dhe i shkatërrojnë invaduesit). Megjithatë, grupi studiues nga Pittsburghu shkon më tutje për të sqaruar rrugën të cilën e shfrytëzojnë alergjenët për të vepruar në mënyrë të drejtpërdrejtë në qelizat dendrite duke vënë në lëvizje diferencimin e limfociteve T.

“Deri më tani e kemi identifikuar një molekulë, c-Kit, e cila është qendra e procesit reagues alergjik. Kemi treguar se gjenet e koduara për c-Kit dhe interleukinën 6 (IL-6) aktivizohen dukshëm kur alergjenët janë të pranishëm, mirëpo c-Kit është molekula e parë e cila nxitet ”, ka thënë Anuradha Ray, bashkautore dhe profesoreshë e imunologjisë.
Këto shkencëtarë pohojnë se një terapi e orientuar kundër c-Kit në veçanti të qelizave dendrite, duke përdorur komponentë lidhur me inhibitorët e c-Kit, (siç është Gleevec, një bar i aprovuar për trajtimin e kancerit), mund të lehtësojnë sëmundjet alergjike dhe sëmundjet inflamatore të zorrëve.

**Zero Cool** · 07-09-11, 21:26

Mikrocip qe lajmeron nese rritet tumori

Ideohet nje mikrocip qe vendoset prane tumorit dhe kontrollon rritjen e tij, nje lloj treguesi elektronik qe vezhgon semundjen dhe lajmeron mjekun kur ajo perhapet.

Shkencetaret mendojne qe nje dite kesaj pajisjeje mund t’i ngjitet nje pompe qe leshon lende kimioterapie ne zonen kanceroze.

Cipi, kane shpjeguar ideuesit e saj ne BBC Health online, i vendosur prane tumorit, “thith” oksigjenin e tij duke monitoruar ne kete menyre rritjen e semundjes.

**Zero Cool** · 10-09-11, 12:22

Parate, ilaç me i mire sesa aspirina

Numerimi qeteson dhimbjet me mire se sa aspirina apo brufeni.

Minnesota – 'Numerimi i parave mund te jete aq i mire, madje edhe ilaç me i mire kunder dhimbjes sesa aspirina apo brufeni, tregon rezultati i nje studimi te fundit', shkruan gazeta britanike “Telegraph”.

Ekspertet e Universitetit te Minnesotas kryen nje seri eksperimentesh, te cilat treguan se numerimi i parave zvogelon dhimbjen. Ata besojne se prekja e parave sjell deri te zvogelimi i dhimbjeve, pasi rrit ndjenjen e kenaqesise dhe suksesit.

Studimet e menjehershme kane treguar se personat e kenaqur me veten e perballojne me lehte dhimbjen.

Ne bote po rritet ne menyre konstante shpenzimi i parave kunder dhimbjeve. Keshtu, ne Britani te Madhe per qetesues dhimbjesh shpenzohen me shume se 500 milione sterlina ne vit.

**Naki** · 10-09-11, 17:10

Kanceri i prostatës dhe analiza PSA

Astrit Lulushi, zeri i Amerikes

Kanceri i prostatës dhe analiza PSA

Kancerin e prostatës është kancer i dytë më i shpeshtë mes amerikanëve. Analiza e "Antigjenit të Proteinave Specifike" ose PSA mund të jetë një parashikues i saktë i rrezikut nga ky lloj kanceri. Por një studim i ri tregon se analizat e shpeshta nuk janë të dobishme tek njerëzit me nivel të ulët PSA.
Mjekët kanë debatuar gjatë mbi të mirat dhe të këqijat e analizës PSA-së për zbulimin e kancerit të prostatës në fazën e herëshme.
PSA është proteinë e prodhuar nga qelizat e gjëndrës së prostatës dhe mund të përdoret për të zbuluar sëmundje të ndryshme, veçanërisht kancerin në prostatë. Shkencëtarët në Holandë matën nivelin e kësaj proteine tek më shumë se 80 mijë burra të moshës 55-74 vjeç. Rreth gjysma e tyre iu nënshtruan analizave dhe gjysma tjetër jo.
Pas 10 vjetësh, studjuesit vunë re se niveli i vdekjeve nga kanceri i prostatës ishte më i lartë mes burrave që kishin patur nivel të lartë PSA që në fillim të studimit. Burrat me nivel të mesëm e të lartë PSA përfituan më shumë nga analizat e herëshme. Njerëzit të cilët kishin nivele të ulëta PSA, nuk patën ndonjë përfitim dukshëm nga këto analiza.
Autorët e studimit thonë se analiza e shpeshtë PSA mund të çojë në trajtime dhe shpenzime të panevojshme mjekësore. Por pacientët u vëzhguan vetëm për 10 vjet, dhe shkencëtarët thonë se vëzhgimi i tyre më i gjatë mund të sjellë rezultate të tjera. Pacientët duhet të këshillohen me mjekun për të vendosur se sa shpesh ata duhet të kryejnë analizën për matjen e nivelit të PSA-së.

**Zero Cool** · 12-09-11, 15:26

Shkencëtarët prodhojnë vaksinën kundër duhanit

Duhanpirësit më në fund do të mund të shpëtojnë nga vesi i tyre, duke iu falënderuar vaksinës më të re, e cila pritet së shpejti të dalë në treg.

Revista “Scientific American” shkruan se vaksina NicVAX është në fazën e fundit të eksperimentimit, pasi është provuar në 1.000 pacientë.

Vaksina mundëson që organizmi i duhanpirësit të sulmojë nikotinën, që kapet nga antitrupat e prodhuara nga pacienti i vaksinuar, që dëshiron t’i japë pirjes së duhanit.

Sipas hulumtimeve të mëhershme nga pirja e duhanit janë më shumë të rrezikuar gjinia femërore se sa jo mashkullore.

Departamenti i Shkencës në Universitetin e Milanos ka bërë të ditur se një cigare te një femër bën dëm sa pesë cigare te një mashkull.

Pirja e duhanit është njëri nga shkaktarët kryesor të vdekjes së njerëzve në botë.

Shkencëtarët thonë se sikur të mos konsumohej duhani, rastet e kancerit në mushkëri po të pakësoheshin për 90 për qind.

**Zero Cool** · 16-09-11, 19:40

Femrat që pinë alkool, më të shëndosha në pleqëri

0:32 / 13.09.2011

Femrat të cilat kënaqen me një gotë alkool, qoftë birrë ose verë, gjatë orëve të mbrëmjes kanë gjasa më të mëdha që të jenë më të shëndetshme në moshën e shtyrë.
Një studim në të cilin kanë marrë pjesë 14.000 femra ka treguar se ato të cilat konsumojnë mesatarisht alkool do t’i presin të shtatëdhjetat më të shëndetshme, në krahasim me ato që pinë tepër ose aspak.
Po ashtu, është treguar se është më mirë që pirja e alkoolit të ndodhë gjatë javës, e jo vetëm në vikend.
Femrat të cilat pinë më shpesh dhe më pak alkool do të kalojnë më mirë, në raport me ato që pinë kohë pas kohë, por shumë. Femrat të cilat pinë nga pesë deri në shtatë gota alkool në javë, kanë gjasa reale që të jenë më të shëndetshme.

**Zero Cool** · 19-09-11, 10:46

E qeshura lehtëson dhembjet

Nga Express më 19 shtator 2011 në ora 11:07
Ndjeni dhembje? Kërkoni ndonjë komedi të mirë, ftoni ndonjë mik/e të ju bashkangjitet dhe do ta bëni dhembjen më të “durueshme”.

Hulumtimi i Universitetit Oxford tregoi se e qeshura e sinqertë nga zemra është ilaçi i vërtetë kundër dhembjes. Me ndihmën e një varg eksperimentesh shkencëtarët vërtetuan se mjaftojnë vetëm 15 minuta shikimi i një komedie me shoqëri pozitive që dhembja të zvogëlohet për 10%.

Megjithatë, qëllimi është që e qeshura të jetë “e vërtetë”, e jo e detyruar, sepse e qeshura e sinqertë stimulon tajitjen endorfineve (hormone), të cilat rrisin mundësinë për tolerim të dhembjes. Në këto hulumtime, shkencëtarët e kishin matur tolerancën e dhembjes së pjesëmarrësve që kishin shikuar komedi dhe pjesëmarrësve që kishin shikuar framë ose video tjetër edukative.

“Shumë pak hulumtime janë bërë që të vërtetohet pse qeshemi dhe çfarë roli luan e qeshura në përgjithësi. Gjatë hulumtimit në zbuluam se njerëzit qeshnin gjatë 1/3 së kohës që kaluan duke shikuar shou komik, kurse si rezultat i asaj ishte rritur toleranca e tyre e dhembjes” – theksoi profesori Robin Danbar, i cili kryesonte hulumtimin.

**Zero Cool** · 23-09-11, 13:34

Tumorët, shumë shpejt testimi i vaksinës tek njeriu

Shumë shpejt do të fillojë eksperimentimi tek njeriu i një vaksine anti-tumor, e zbuluar nga një grup shkencëtarësh të Universitetit të Cmaerino dhe atij të Torinos.

22 shtator 2011
Në ditët e para të nëntorit duhet të fillojë rekrutimi i pacientëve.

Vaksina ndikon në një pjesë AND-je që injektohet në muskujt e pacientëve të operuar dhe që i janë nënshtruar terapive tradicionale.

Vaksina synon që të luftojë tumorin dhe evitojë përsëritjen e tij.

**Zero Cool** · 01-10-11, 08:36

Zbulohet vaksina efikase kundër virusit HIV

Madrid, 30 shtator - Ekspertët shëndetësorë spanjollë pohojnë nga qendra kërkimore në Madrid pohojnë se kanë zbuluar vaksinën MVA-B, e cila me sukses parandalon infektimin me virusin vdekje prurës HIV, transmeton Blic.

Është lajm inkurajues që vaksina është provuar në njerëz dhe se 9 nga 10 prej tyre kanë reaguar pozitivisht ndaj vaksinës.

“Vaksina MVA-B është dëshmuar si shumë e mirë. Ishte e suksesshme edhe në testimi provues në minj dhe majmunë, kurse para ca kohësh edhe në njerëz. Bazë e kësaj vaksine është përmbajtja e vaksinës kundër lisë dhe përmban katër gjene të virusit HIV-a, të cilët nuk janë në gjendje të zgjerohen”, thanë në qendrën kërkimore spanjolle.

Studimi ka përfshirë 30 persona të shëndetshëm të cilët kanë marrë vaksinën.

“Vaksina e njeh virusin dhe ndihmon tajitjen e limfociteve T e B, të cilat e shkatërrojnë virusin. Trupa tonë mbushen me limfocite, të cilat janë të programuara që të luftojnë kundër substancave të huaja. Kur virusi HIV arrin në trup, ai përpiqet të shumëzohet, mirëpo imuniteti është i forcuar me vaksinë dhe andaj nuk e lejon këtë”, pohuan ekspertët spanjollë.

**Zero Cool** · 19-10-11, 21:07

Mund të mjekohet alergjia në kikirikë?

Studimi i shkencëtarëve amerikanë pranë Universitetit Northwestern në Chicago, tregon se ekziston mundësia e trajtimit të alergjisë në kikirikë.

Edhe pse deri më tani testimet e tyre janë realizuar vetëm te minjtë eksperimentalë, hulumtuesit besojnë se qasje e njëjtë mund të përdoret edhe te njerëzit që janë alergjikë në llojet tjera të ushqimit.

Është treguar se me anë të lidhjes së proteinave të kikirikëve përmes leukociteve të kafshëve, mund të ndalet reaksioni alergjik, i cili do të ndodhte në rast se minjtë të konsumonin kikirikë.

Shkencëtarët sqarojnë se kombinimi i proteinave dhe leukociteve e ‘mashtron’ sistemin imunitar të kafshëve alergjike dhe kështu pengohet shoku anafilaktik.