Lajme Aktuale....

[Llapjani_HH]

Pacolli: Kosova veriore të jetë zonë e lirë ekonomike

Lideri i Aleancës Kosova e Re, Behxhet Pacolli deklaroi se në qeverinë e re të Kosovës do ta kërkojë vendin e presidentit të shtetit, se pjesa veriore e vendit do të jetë e zhvilluar ekonomikisht dhe se do t'i kthejë serbët në Kosovë.

"Do t'i kthej në Kosovë të gjithë serbët.
Kosova duhet të jetë multietnike edhe ajo vetëm si e tillë do të jetë interesante për investitorët e huaj... Theksoj se duhet të investojmë shumë në ekonomi, por edhe në mbisundimin e ligjit, i cili duhet të jetë i barabartë për të gjithë", shtoi Pacolli.

Ai shtoi se dëshiron që pjesa veriore e Kosovës të jetë zonë e lirë ekonomike, në të cilën do të investojnë investitorë të fuqishëm.

"Planifikojmë të investojmë kapital të madh ku në fillim do të hapen të paktën dy deri në tre mijë vende pune. Veriu do të kishte autonomi ekonomike", theksoi Pacolli.

Lideri i Aleancës Kosova e Re theksoi se pa marrjen e vendit shef i shtetit nuk do të hyjë në koalicion, si dhe se do ta kërkojë Ministrinë e Ekonomisë, të Shëndetësisë dhe të paktën edhe një tjetër.

Në zgjedhjet e paradokohshme në Kosovë partia e tij fitoi 7,1 për qind të votave dhe e zuri vendin e pestë ku dhe mund të parashtrojë kushte të koalicionit.

Pacolli, i cili më parë ishte i njohur si një ndër sponsorët më të mëdhenj të UÇK-së, shtoi se në formimin e qeverisë së re të Kosovës do të shoqërohet me kryeministrin Hashim Thaçin, por jo edhe me ata të cilët nuk kanë biografi të pastër.
ALSAT M

O Guri i madh, po a thue me kan do me ba koalicion ky Tita i Kosovës qysh i ka than Behgjeti vetit, a po thue i bjen Hashimi pishmon edhe e merr Titën e vogël(Behgjetin) apet ngat veti?

Edhe veriut t'Mitrovicës po dojke me ja dhan autonomi ekonomike e mej kthye krejt shkiet n'Kosovë

A thue, a don edhe Shqiptart mej kthye n'Kosovë edhe n'Mitrovicë, apo e ka ndërmend me ba naj marrveshje t'msheft me Rusin edhe Kazakistanin e mej shpërngul Shqiptart atje bajagi me punue

[Guri i madh]

Postimi origjinal është bërë nga Llapjani_HH

Pacolli: Kosova veriore të jetë zonë e lirë ekonomike

Lideri i Aleancës Kosova e Re, Behxhet Pacolli deklaroi se në qeverinë e re të Kosovës do ta kërkojë vendin e presidentit të shtetit, se pjesa veriore e vendit do të jetë e zhvilluar ekonomikisht dhe se do t'i kthejë serbët në Kosovë.

"Do t'i kthej në Kosovë të gjithë serbët.
Kosova duhet të jetë multietnike edhe ajo vetëm si e tillë do të jetë interesante për investitorët e huaj... Theksoj se duhet të investojmë shumë në ekonomi, por edhe në mbisundimin e ligjit, i cili duhet të jetë i barabartë për të gjithë", shtoi Pacolli.

Ai shtoi se dëshiron që pjesa veriore e Kosovës të jetë zonë e lirë ekonomike, në të cilën do të investojnë investitorë të fuqishëm.

"Planifikojmë të investojmë kapital të madh ku në fillim do të hapen të paktën dy deri në tre mijë vende pune. Veriu do të kishte autonomi ekonomike", theksoi Pacolli.

Lideri i Aleancës Kosova e Re theksoi se pa marrjen e vendit shef i shtetit nuk do të hyjë në koalicion, si dhe se do ta kërkojë Ministrinë e Ekonomisë, të Shëndetësisë dhe të paktën edhe një tjetër.

Në zgjedhjet e paradokohshme në Kosovë partia e tij fitoi 7,1 për qind të votave dhe e zuri vendin e pestë ku dhe mund të parashtrojë kushte të koalicionit.

Pacolli, i cili më parë ishte i njohur si një ndër sponsorët më të mëdhenj të UÇK-së, shtoi se në formimin e qeverisë së re të Kosovës do të shoqërohet me kryeministrin Hashim Thaçin, por jo edhe me ata të cilët nuk kanë biografi të pastër.
ALSAT M

O Guri i madh, po a thue me kan do me ba koalicion ky Tita i Kosovës qysh i ka than Behgjeti vetit, a po thue i bjen Hashimi pishmon edhe e merr Titën e vogël(Behgjetin) apet ngat veti?

Edhe veriut t'Mitrovicës po dojke me ja dhan autonomi ekonomike e mej kthye krejt shkiet n'Kosovë

A thue, a don edhe Shqiptart mej kthye n'Kosovë edhe n'Mitrovicë, apo e ka ndërmend me ba naj marrveshje t'msheft me Rusin edhe Kazakistanin e mej shpërngul Shqiptart atje bajagi me punue

hë si republika serrbska ne bosnje po qata po i dhan zor kta nderkombtart me formue qeverin thaqi ,edhe pse nuk ka legjitimitet

po qysh po thojn nga te gjitha partit i ka ble nga dy tre delegat sa per me votue


nga LDKja ende i kish mbet thaqit si njeri qe e voton LUTFI HAZIRI edhe nja 4 tjer njerz te shitur

[Oqeani]

Postimi origjinal është bërë nga Guri i madh

hë si republika serrbska ne bosnje po qata po i dhan zor kta nderkombtart me formue qeverin thaqi ,edhe pse nuk ka legjitimitet

po qysh po thojn nga te gjitha partit i ka ble nga dy tre delegat sa per me votue


nga LDKja ende i kish mbet thaqit si njeri qe e voton LUTFI HAZIRI edhe nja 4 tjer njerz te shitur

Putini i kishte thene - Fol ti keshtu, e t'ia masim impulsin miletit tond ! !!! ( Edhe ashtu jan trullu prej politikes e nuk bajne zeee )

E sa per Luten sa ka burrni ky far lalushi - me dy Whiski e shet Kosoven e nuk po e çon gishtin !

[Guri i madh]

Edita Tahiri - presidente e Kosovës, “kartë nën mëngë” e Thaçit

Publikuar: Sot, më 31 dhjetor 2010





Prishtinë, 31 dhjetor- Nuk ndalen kalkulimet brenda subjekteve politike për krijimin e institucioneve të pritshme të Kosovës, që do të duhej të dalin nga zgjedhjet e jashtëzakonshme të 12 dhjetorit. PDK-ja dhe kreu i saj, sidomos, që me çdo kusht duan ta udhëheqin Kosovën edhe për një mandat katërvjeçar, janë duke bërë përpjekje dhe llogari natën dhe ditën për të lidhur aleanca, koalicione, miqësi të reja, vetëm e vetëm të sigurojnë edhe një mandat në pushtet.
Paralelisht me përpjekjet për të gjetur partnerë për koalicione për Qeverinë, kreu i PDK-së dhe kryeministri në largim i Kosovës, Hashim Thaçi, nuk rresht së llogarituri e së kalkuluari edhe emrat për president të mundshëm të Kosovës.
Sipas burimeve të sigurta brenda PDK-së, por që në asnjë mënyrë nuk duan të bëhen publikë, së fundi, Thaçi po llogarit seriozisht që kandidate potenciale për presidente të Kosovës të jetë Edita Tahiri, lidere e ADK-së, e cila, kaherë, bashkë me partinë e vet është në koalicion me PDK-në.
Sipas këtyre burimeve, Thaçi po llogarit shumë seriozisht në këtë kandidate, pasi që, në një farë mënyre AAK-ja ka çuar sinjale të sigurta se nuk do të futet në koalicion dhe pasi kanë dalë në shesh rezultatet e votimeve për AKR-në, dhe pasi që është parë se kjo parti lideri i saj, Behgjet Pacolli, kanë marrë fare pak vota. Madje, sipas këtyre burimeve, po të mos ishte partia e Drejtësisë e Ferid Aganit, AKR-ja, me votat e fituara as që do të siguronte pragun e domosdoshëm.
Në këtë mënyrë është zvogëluar shumë mundësia që Pacolli të mbetet pretendent për kreun e shtetit, edhe në rast të variantit të mbetur për koalicion të pritshëm PDK-AKR dhe minoritarët. Thaçi, siç theksojnë brenda PDK-së, sado që e do Pacollin për president për shkak të lojalitetit të tij, megjithatë nuk do president me legjitimitet të kontestuar (për shkak të numrit të pakët të votave).
Ndërsa, Edita Tahiri, sipas kalkulimeve të Thaçit, pos lojalitetit të dëshmuar deri më tash ndaj partisë në pushtet e sidomos ndaj liderit të saj, do të ishte edhe më e pranueshme edhe për subjektet e tjera politike, për çka shpresohet që më lehtë do ta kishte edhe kocensualitetin e spektrit politik kosovarë për te.
Burimet theksojnë se Thaçi tashmë e ka “kartë nën mëngë” Edita Tahirin për kandidate për presidente dhe këtë kartë ka nis ta shpërfaqë aty-këtu para bashkëpunëtorëve të vet.

[Guri i madh]

“Milionerë” me rrogat e shtetit

Publikuar: E premte, më 31 dhjetor 2010





Prishtinë, 31 dhjetor – Koha Ditore, në numrin festiv të Vitit të ri ka bërë publike pagat e drejtuesve të institucioneve, të ndërmarrjeve dhe të agjencive publike, të cilët i marrin nga paraja e taksapaguesve kosovarë.
Sipas gazetës, vështirë të ketë ndonjë vend në botë ku gjyqtari dhe pastruesi kanë pagën të njëjtë. Apo se paga mujore e krerëve të ndërmarrjeve publike është sa gjysma e pagës vjetore të kryetarit të Gjykatës Supreme të Republikës së Kosovës. Por, këto paradokse përbëjnë “normalitet” në shtetin e ri, të Kosovës. Njerëzit që punojnë në gjyqësor kanë paga “fyese”, krahasuar me shumë zyrtarë që drejtojnë institucionet qeveritare, agjencitë e pavarura dhe kompanitë publike dhe që arkëtojnë me dhjetëra mija euro në vit në emër të pagave dhe mëditjeve.
Nëse i referohemi kuizit më të famshëm në botë, “Kush do të bëhet milioner”, në të cilin shuma maksimale në “tregun shqiptar” është 50 mijë euro, atëherë të gjithë këta zyrtarë do të mund të quheshin ‘milionerë’. Ka vite që ky kuiz pret milionerin e parë, mirëpo ai nuk po vjen. E në anën tjetër ka shumë zyrtarë që brenda vitit 2010 kanë arkëtuar të hyra deri në 60 mijë euro, që paguhen vetëm nga mjetet publike, qofshin ato nga buxheti i Kosovës, nga buxheti i ndërmarrjeve publike, apo nga Universiteti i Prishtinës.
Zyrtarët e institucioneve dhe të ndërmarrjeve publike në vazhdimësi kanë refuzuar publikimin e pagave të tyre. Madje për disa vite ato kanë qenë enigmë për qytetarët e Kosovës. Mirëpo, së fundi kanë pasur obligim ligjor që ta plotësojnë formularin e deklarimin e prejardhjes dhe gjendjes së pasurisë. Formularë që janë bërë publikë nga Agjencia kundër Korrupsionit.
Udhëheqësit e Trustit, KOSTT-it, Bankës Qendrore, Postë-Telekomit, KEK-ut, Aeroportit, nëse idenë e shkuarjes në punë e kanë të bazuar vetëm në pagë, atëherë nuk kanë arsye të lakmojnë karrigen e presidentit, edhe më pak të kryeparlamentarit e të kryeministrit. Krerët e këtyre institucioneve kanë paga më të larta, apo të përafërta me udhëheqësit shtetërorë të Kosovës, të cilët janë në shkuarje në këtë fundvit.
Në bazë të deklarimeve që ata vetë kanë bërë: Gazmend Luboteni, kryetar i Bordit të drejtorëve në Bankën Qendrore të Kosovës, është personi që paguhet më së shumti brenda një viti. Ai arkëton 60 mijë e 20 euro në vit. Luboteni, merr 22 mijë e 220 euro në UP në emër të pagës dhe honorarëve. Paga e tij në kolegjin “Fama” është 16 mijë e 200 euro. Kurse, kompensim nga BQK-ja, si kryetar i bordit të këtij institucioni merr 21 mijë euro.
Ndërsa, ish-guvernatori i BQK-së, Hashim Rexhepi, që është mbajtur gati tre muaj në paraburgim me dyshimin për keqpërdorim të detyrës, ka pasur pagë prej 4 mijë e 302 euro. Ndërsa, zëvendësguvernatorët Nexhat Kryeziu dhe Gani Gërguri kanë pagë mujore prej 3 mijë e 300 euro.

Zalli dhe Haxha, në krye të top-listës

Ndërsa, sa u përket institucioneve që kanë pagat më të larta në vend, Trusti i Kursimeve Pensionale është në krye të listës. Drejtori menaxhues i këtij institucioni, Adrian Zalli, ka një rrogë vjetore prej 46 mijë e 800 euro, ndërsa merr edhe 19 mijë e 200 euro në vit, shtesë. Paga e tij mujore është 5 mijë e 500 euro. Ndërsa, dy zëvendësit e tij, Agron Krasniqi e Vërshim Hatipi, marrin një pagë mujore prej 3 mijë e 100 euro, apo 37 mijë e 260 euro në vit për kokë.
Në Agjencinë kundër Korrupsionit, kryeshefi i PTK-së, Shyqeri Haxha, pati deklaruar se nga korporata publike e telekomunikimeve paguhet me 4 mijë e 454 euro në muaj.
Hiq më pak nuk paguhet as kreu i Operatorit të Sistemit, Transmisionit dhe Tregut të Energjisë Elektrike të Kosovës, Fadil Ismajli, i cili ka një pagë prej 3 mijë e 500 euro në muaj. Por, niveli i pagave në KOSTT është shumë më i lartë se mesatarja e pagave në nivel të Kosovës. Paga mesatare në këtë ndërmarrje është rreth 650 euro neto. Mirëpo, në këtë mesatare është marrë parasysh vetëm paga bazë, pra nuk janë përfshirë edhe pagesa për punën shtesë, kompensimi, pagesën e përvojës së punës apo pagesa tjetër për motivimin e punëtorëve.
Por, udhëheqësit e zyrave rregullatore, apo të agjencive të ndryshme paguhen më pak se krerët e ndërmarrjeve publike. Në bazë të formularit që ka plotësuar në AKK, Ekrem Hoxha, kryesues i Bordit të Autoritetit Rregullator të Telekomunikacionit, ka një pagë mujore prej 1 mijë e 280 euro, plus 250 euro mëditje. Paga mujore e tij me mëditje shkon në 1 mijë e 530 euro, apo një pagë vjetore prej 18 mijë e 360 euro. Drejtori i Agjencisë Kosovare të Inteligjencës, Bashkim Smaka, paguhet 1 mijë e 270 euro në muaj. Smaka gjatë vitit 2010 ka arkëtuar 15 mijë e 246 euro në emër të pagave, por pa mëditje. Edhe pse llogaritet se perspektiva e ekonomisë së Kosovës është në pasuritë nëntokësore të saj, udhëheqësit e Komisionit të pavarur për miniera dhe Minerale nuk kanë paga të larta, në krahasim me udhëheqësit e tjerë. Azem Rexhaj, drejtor në KPMM, ka një pagë mujore prej 1 mijë e 130 eurosh.
I krijuar së fundmi, Aviacioni Civil ka një staf të vogël, por që kanë paga të majme. Dritan Gjonbalaj, drejtor i përgjithshëm i aviacionit civil, ka një pagë prej 2 mijë e 200 euro, apo 26 mijë e 400 euro në vit.
Zyra e Rregullatorit të Energjisë, që ka për obligim caktimin e tarifave të energjisë elektrike, caktimin e tarifave për nxehjet qendrore publike dhe lëshimin e licencave për ndërtimin e kapaciteteve të reja gjeneruese të energjisë nuk qëndron keq në pagesën e udhëheqësve të vet. Ali Hamiti, kryetar i bordit të ZRRE-së, ka një pagë mujore prej 1 mijë e 988 mijë euro, apo vjetore prej 23 mijë e 856 euro. Por, Hamiti merr edhe 1 mijë e 200 euro në vit për angazhimin e universitet.
Kurse, Raif Preteni, drejtor në Zyrën e Rregullatorit për Ujësjellës dhe Kanalizim, ka një pagë prej 1.300 eurosh, apo të ardhura të rregullta vjetore prej 16 mijë e 200 eurosh. Por, Preteni merr edhe 2 mijë e 40 euro si invalid i UÇK-së dhe 2 mijë e 28 euro në emër të pensionit të parakohshëm të TMK-se. Nga mjetet e qytetarëve të Kosovës, Preteni merr 20 mijë e 268 euro në vit.
Kryeministri i Kosovës ka një pagë vjetore prej 17 mijë e 318 euro, apo 1 mijë e 443 euro në muaj. Ndërsa dy zëvendëskryeministrat kanë një pagë prej 1.180 euro, apo 14 mijë e 160 euro në vit. Ministrat e Qeverisë së Republikës së Kosovës kanë një pagë prej 1 mijë e 250 euro, duke mos i përfshirë mëditjet dhe beneficionet.
Kryeparlamentari i Kosovës, Jakup Krasniqi, ka një pagë mujore prej 2 mijë e 700 euro, apo 32 mijë e 400 euro vjetore. Por, në këtë shumë nuk janë përfshirë edhe paga që merr si ushtrues detyre i presidentit të Kosovës. Para tij, ish-presidenti Fatmir Sejdiu ka pasur pagën mujore prej 3.400 eurosh. Kurse, deputetët e Kuvendit të Kosovës kanë një pagë mujore prej 1 mijë e 250 euro, duke mos i përfshirë edhe mëditjet dhe honorarët nga angazhimi i tyre në komisionet parlamentare.

Top-dhjetë pagat mujore

1. Adrian Zalli (Trusti) 5.500 euro
2. Shyqeri Haxha (PTK) 4.454 euro
3. Hashim Rexhepi (BQK) 4.300 euro
4. Fadil Ismajli (KOSTT) 3.500 euro
5. Fatmir Sejdiu (Presidenca) 3.400
6. Nexhat Kryeziu (BQK) 3.300 euro
7. Gani Gërguri (BQK) 3.300 euro
8. Agron Krasniqi (Trusti) 3.100 euro
9. Vërshim Hatipi (Trusti) 3.100 euro
10. Agron Mustafa (Aeroport) 3.014 euro
11. Arben Gjuka (KEK) 2.800 euro +/- 25 %
12. Jakup Krasniqi (Kuvend) 2.700 euro.

[Llapjani_HH]

Vatikani nuk e ka ndërmend ta njohë Kosovën

Qëndrimi i Vatikanit rreth njohjes së Kosovës mbetet i pandryshueshëm.

Ambasadori i këtij vendi në Beograd, Orlando Antoni, e arsyetoi këtë qëndrim me raportet e shkëlqyeshme të Selisë së shenjtë dhe Serbisë.

Ai theksoi se vetëm 4 për qind e popullatës në Kosovë janë katolikë.

Antonini shtoi se Vatikani nuk do të ndryshojë qëndrimin nëse tregohen të sakta pohimet e Këshillit të Evropës për krimin e organizuar në Kosovë.

Sipas tij, edhe qëndrimi i pjesës tjetër të bashkësisë ndërkombëtare nuk do të ndryshojë deri në përfundimin e bisedimeve të paralajmëruar në mes Prishtinës e Beogradit.

Përfaqësuesi i Vatikanit në Serbi nuk e përjashton mundësinë e vizitës së Papës Benediktit XVI në vitin 2013.

Klankosova.tv

[Guri i madh]

Vetëvendosje: Krimi të mos politizohet

Publikuar: Sot, më 03 janar 2011


Prishtinë, 3 janar - Lëvizja “Vetëvendosje” ka reaguar pas ngjarjes së 1 janarit në Malishevë, duke e cilësuar atë si krim të rëndë, me pasoja tragjike për familjen e të vrarit dhe të plagosurve. Ajo ka kërkuar që të mos politizohet ngjarja. “Sot, më tepër se kurrë, është e nevojshme të mos e humbim kthjelltësinë si shoqëri dhe të dallojmë se ku janë problemet e vërteta të Kosovës. Problemet personale nuk duhet të politizohen dhe as problemet politike nuk duhet të personalizohen”, thuhet në komunikatë.
Më tutje Vetëvendosje thotë se dënon këtë akt që rezultoi me një vrasje dhe dy plagosje, shpreh keqardhjen e saj, si dhe ngushëllimet për familjen e të vrarit dhe të plagosurve. Ky reagim i kësaj lëvizje vjen pas akuzave të ndërsjella që kanë ndodhur ndërmjet degës së saj në Malishevë dhe asaj të PDK-së për zgjedhjet e fundit të 12 dhjetorit.
Atëbotë, Vetëvendosje pati kumtuar se në qendrën e votimit në Bajë është sulmuar vëzhguesi Hazir Krasniqi, “i cili është grushtuar dhe shqelmuar nga militantë të PDK-së. “Pas rrahjes, Hazir Krasniqi është kërcënuar me vrasje nga Behlul Limaj (i afërt i Fatmir Limajt), i cili në tentativë e sipër është kapur nga policia duke ia drejtuar revolen Hazir Krasniqit”, thuhej në atë komunikatë.

Thaçi e fiton Prishtinën, kur të anëtarësohet në LDK


03-01-2011 15:21 CET
Kryetari i Lidhjes Demokratike të Kosovës, Isa Mustafa e sheh zgjidhjen e vetme të situatës që lanë pas zgjedhjet e 12 dhjetorit, të cilat janë vënë në dyshim nga mjaft subjekte politike por edhe nga shoqëria civile, vetëm me anë të rivotimit në të gjithë Kosovën. Duke folur në një intervistë për “Alsat”, kreu i LDK-së ka vënë në dukje se nuk ka gjasa për krijimin e një koalicioni të qëndrueshëm edhe pas rivotimit të pjesshëm më 9 janar.
“Është një marrëveshje mes subjekteve politike për caktimin e datës së ardhshme të zgjedhjeve, në fund të vitit dhe për konstituimin e organeve për të cilat përkohësisht do ta qeverisin Kosovën deri në atë periudhë”, ka thënë Mustafa.
Mustafa tha se përgjegjësi kryesor për qeverisjen e keqe është kryeministri i dorëhequr, Hashim Thaçi. Ky i fundit, sipas tij, duhet të japë përgjegjësi para qytetarëve pse Kosova mban vendin e parë për korrupsion, për shtet joligjor dhe për vota të vjedhura si në Afganistan.
Kreu i LDK-së i është përgjigjur Thaçit edhe në lidhje me garën për Prishtinën, të cilën sipas Mustafës, Thaçi dhe partia e tij nuk do ta fitojnë kurrë.
“Ai mund ta fitoj Prishtinën vetëm nëse bëhet anëtar i LDK-së. Nëse ai hyn në partinë tonë, atëherë partia jonë do të jetë fituese dhe Hashim Thaçi si anëtar i LDK-së, përndryshe nuk do të ketë asnjë shans”, thotë Mustafa.
Mustafa ka akuzuar PDK-në për vjedhjen e votave ndërsa është shprehur i vendosur t’i shkojë deri në fund betejës për të mos lejuar, siç shprehet ai, që Kosova që qeveriset me vota të vjedhura.
Kreu i LDK-së, vazhdon të këmbëngul në idenë krijimit një qeverie teknike e cila do të dërgonte vendin deri në zgjedhjet e reja parlamentare që, sipas tij, do të duhej të mbaheshin në shtator të vitit të ardhshëm. Përndryshe ai thotë se institucionet nuk do të kenë kurrfarë legjitimiteti nëse ato ndërtohen mbi bazën e votave të manipuluara më 12 dhjetor.

[Oqeani]

Eh Mustafe bre, a nuk te shkoi pazari sikurse me Fatmirin qe e rrezove a !!

Ky far Tipi po dojka zgjedheje gjer sa te fitoje LDK-ja !

Pergadituni popull i gjore me rrethu vija per te ju bere kurban her PDK-ja her LDK-ja !

Po çfar te bardhe dhane keta ministrat e LDK-se ne periudhen kalimtare se !!!

Gjermania kërcënohet me rivënien e vizave për Ballkanin


04-01-2011 10:39 CET
Prej vendosjes së regjimit të udhëtimit pa viza për shtetasit e Serbisë dhe të Maqedonisë, në Gjermani janë regjistruar disa mijëra kërkesa për azil të qytetarëve nga këto dy vende, shkruan e përditshmja sllovene, Dello.
Sipas gazetës, heqja e regjimit të vizave për shtetasit e Shqipërisë dhe të Bosnjës, mund ta rritë këtë numër të azilkërkuesve.
“Në 11 muajt e parë të vitit 2010, në Gjermani kanë kërkuar azil 4218 shtetas të Serbisë dhe 2319, shtetas të Maqedonisë”, shkruan gazeta në një raport nga Berlini, duke shtuar se numri i “kërkesave të këtilla para një viti ishte vetëm 581 përkatësisht 109”.
“Azilkërkuesit pothuajse pa përjashtim nuk i plotësojnë kushtet për azil, sepse nuk janë të ndjekur politikisht, etnikisht ose nga aspekti i fesë”, shkruan gazeta.
Më tutje, e përditshmja lubjanase, Dello, shkruan se shumë prej azilkërkuesve “në vendet e tyre janë cak i mashtruesve, të cilët për para premtojnë jetë më të mirë në Gjermani, punë ose së paku azil të përshtatshëm”.
Sipas gazetës, ministri i brendshëm i Bavarisë, Joakim Herman, duke i përmendur këta shembuj të “keqpërdorimit të institucionit të azilit” është kërcënuar me “rivënien e regjimit të vizave, nëse kjo sjellje nuk përfundon”. /rel/

Skandal: MSH e Shqipërisë "i fal" Kosovën Serbisë


03-01-2011 23:09 CET
Ata që duan të marrin informacione lidhur me paktin e stabilitetit për Evropën Juglindore të publikuar në faqen e internetit të Ministrisë së Shëndetësisë së Republikës së Shqipërisë, duhet të bëhen gati të kapërdijnë edhe një “shuplakë” të fortë që institucionet e këtij vendi i bëjnë Kosovës.
Në këtë faqe interneti ku tregohet lidhur me paktin e stabilitetit, është e vendosur dy herë një hartë, e cila së paku nga 17 shkurti i vitit 2008, në realitet duhet të jetë ndryshe.
Në këto harta, bazuar në kufijtë e vendosur, Kosova figuron ende si pjesë e Serbisë.
Ministria e Shëndetësisë së Shqipërisë, drejtohet nga Petrit Vasili i cili është nga Lëvizja Socialiste për Integrim, parti kjo që drejtohet nga Ilir Meta, i cili është në koalicion qeveritar me Partinë Demokratike, të drejtuar nga Sali Berisha.
Në faqen e internetit nuk ka asnjë të dhënë për datën se kur është publikuar ky informacion i kësaj ministrie, por bazuar në renditjen, del se është njëri prej më të fundit të postuara në lidhjen “Projekte” në kuadër të faqes së internetit të Ministrisë së Shëndetësisë së Shqipërisë. /zhurnal/
Ky është linku për të gjithë ata që duan ta shohin këtë gafë të kësaj ministrie:
http://www.moh.gov.al/moh/index.php?module=2&item=75

[Llapjani_HH]

Katari vendi i 73-të që njeh Kosovën

Katari është shteti i parë që e ka njohur Kosovën këtë vit.

Lajmi për njohjen nga ky shtet arab erdhi nga ambasada e Kosovës në New York, e cila ka njoftuar se ka pranuar letrat kredenciale për njohjen zyrtare të Kosovës.

Lajmin e ka konfirmuar për Klan Kosova edhe zëvendësministrja në largim e Punëve të Jashtme, Vlora Çitaku.

Me këtë njohje janë bërë gjithsej 73 njohjet e Kosovës si shtet të pavarur.

Shteti i fundit që e njohu Kosovën, ishte Tuvalu, në nëntor të vitit të kaluar.

Shteti i Katarit shtrihet në Gadishullin Arabik dhe kufizohet me Arabinë Saudite. Ka më shumë se 1.5 milion banorë dhe ka zhvillim të madh ekonomik dhe udhëhiqet nga emirët
Koha.net

Politizohet vrasja

Policia ka arrestuar 12 persona, tre prej të cilëve djem të Gani Krasniqit, kandidat për deputet i Vetëvendosjes.

E marte 4 Janar 2011 16:08
Varg i gjatë i njerëzve ia kishin mësyrë restorantit “Kështjella” në Banjë të Malishevës. Dy net më parë, Skënder Limaj ishte gjallë dhe rrinte aty, me familje.
Por dy ditë më vonë në këtë vend, që është pronë e familjes së tij, tashmë ishte hapur dera për të pranuar ngushëllime. Skënderi u vra në sy të fëmijëve të tij.
Të hënën, qindra qytetarë morën pjesë në varrimin e Limajt, i cili u vra nga disa persona që dyshohet se janë të familjes Krasniqi nga fshati Carrallukë i Malishevës. Përveç të ndjerit, në sulmin e armatosur ka mbetur i plagosur edhe vëllai i tij, Azem Limaj dhe nipi i tyre, Ilir (Behlul) Limaj.
Askush nga familja e të vrarit nuk deshi të thotë asnjë fjalë, ndërsa banorët e tjerë thonë të jenë tronditur nga ngjarja, të cilën e cilësojnë të tmerrshme.
Ata që ishin në vendin e ngjarjes thonë se ngjarja ka ndodhur si në filma aksion.
“Kanë hyrë, kanë qenë shumë veta, njëherë i kanë rrahur njerëzit me shufra hekuri, e pastaj kanë gjuajtur në ta”, thotë një person për Express, i pranishëm në hallakamën e asaj nate. Natën e kobshme, ai thotë të ketë qenë mysafir në restorant dhe rrëfen se Skënder Limaj është vrarë në prani të tre fëmijëve të tij.
Por bashkëvendësit e Limajt nuk flasin as për motivet e mundshme që mund të kenë shtyrë të ndodhë kjo tragjedi. Ragip Begaj, banor i fshatit, thotë se Skënderi ka qenë djalë i mirë, i urtë dhe asnjëherë nuk ka pasur problem me askënd. Por Begaj, i cili punon në Kuvendin Komunal të Malishevës, hedh dyshime se vrasja mund të ketë ndodhur për motive politike.
“Ata (Vetëvendosja v.j.) i kanë hupë zgjedhjet, e ne (PDK’ja v.j.) i kemi fituar. Kjo mund të jetë arsyeja”, thotë Begaj për Express.
Por, ai nuk sqaron nëse i vrari dhe të plagosurit kanë pasur ndonjë problem të mëhershëm me familjen Krasniqi nga Carralluka.
Begaj pranon se ka ndodhur një incident ditën e zgjedhjeve, më 12 dhjetor, por mohon se këta nga familja Limaj kanë pasur dorë në të. “Djalin e dëshmorit e ka rrahur dikush tjetër, jo këta nga familja Limaj”, thotë Begaj për Express.
Por jo vetëm në Banjë, ku u bë varrimi i Skënder Limajt, shkonin njerëz për ngushëllime. Pothuajse e njëjta pamje ishte edhe në shtëpinë e Gani Krasniqit në Carrallukë, në të cilën kishte shumë mysafirë.

Nisi më 12 dhjetor
Krasniqi, ish-kryetar i Komunës së Malishvës, tre djemtë e të cilit janë arrestuar si të dyshuar në lidhje me vrasjen, nuk ishte në gjendje të flasë. Jo vetëm Krasniqi, por askush nga familja e tij nuk deshi të thotë asnjë fjalë për motivet e mundshme në lidhje me këtë ngjarje, duke refuzuar të tregojnë se kush është arrestuar nga familja e tyre.
Por në një komunikatë gjatë ditës së hënë, Policia e Kosovës për rajonin e Prizrenit, ka publikuar emrat e 12 personave të arrestuar të cilët dyshohen se janë të përfshirë në këtë rast.
Sipas policisë, tash për tash ata janë duke u mbajtur në paraburgim. Tre nga të arrestuarit janë janë djemtë e Gani Krasniqit, i cili në zgjedhjet e fundit parlamentare ishte kandidat për deputet nga Lëvizja Vetëvendosje. Personat e tjerë të arrestuar, të gjithë janë nipa dhe të afërm të tij. Njëri nga të arrestuarit është Hazir Krasniqi, i cili ditën e zgjedhjeve, sipas Lëvizjes Vetëvendosje, është kërcënuar me vrasje nga Behlul Limaj. Ndërkohë, djali i këtij të fundit është plagosur të shtunën, në incidentin e ndodhur në restorant.
Po ditën e zgjedhjeve, Lëvizja Vetëvendosje ka deklaruar se është kërcënuar nga militantë të PDK’së në komunën e Malishevës edhe Berat Krasniqi, djali i dëshmorit të kombit, Ymer Krasniqi. Policia njoftoi se edhe Berat Krasniqi është në mesin e të arrestuarve. Përveç kësaj, policia sqaroi se është vënë në kërkim të një personi tjetër, i cili ndodhet në arrati, kurse hetuesit kanë deklaruar se listës së të arrestuarve mund t'i shtohen edhe të dyshuar të tjerë.

Isni Kilaj tregon përgjegjësit
Ngjarja e së shtunës ka filluar që të politizohet. Kryetari i Malishevës, Isni Kilaj, përgjegjës për ngjarjen e bën Lëvizjen Vetëvendosje dhe dy drejtuesit e saj, Albin Kurti dhe Glauk Konjufca. “Ngjarjes sё 1 janarit i parapriu politika nxitëse e deklaratave tё Albin Kurtit dhe Glauk Konjufcёs, tё cilat duhet tё jenё argumente tё fuqishme pёr drejtёsinё qё duhet tё marrin veprime tё duhura ligjore. Unё bёj thirrje pёr maturi pёr tё gjithë nё kёto raste”, thuhet në një komunikatë për shtyp të kryetarit të Malishevës. Kilaj dënon sulmin ndaj familjes Limaj, duke vlerësuar se vrasja e babait, nё prani tё fёmijёve tё tij, ёshtё vepër krimi e terrori. “Sulmi, vrasjet mizore, torturimi i familjes Limaj i shokoi tё gjithё qytetarёt e komunёs sё Malishevës. Sulmi ishte sjellje dhe veprim mesjetar. Ne, tё gjithë qytetarët e komunës sё Malishevёs, qё njihet si vend i qetë dhe dashamirës, distancohemi nga kёto veprime tё shëmtuara”, thuhet në komunikatë.

Selimi: Deklaratë fyese
Deklaratën e Isni Kilajt e quan shumë fyese dhe të ulët njëri nga kandidatët për deputetë të Lëvizjes Vetëvendosje, Rexhep Selimi. Kjo deklaratë e bërë në ditën e varrimit të Limajt, sipas Selimit, është shfrytëzim i një tragjedie. “Në kohën kur ka ndodhur një vrasje, një krim i rëndë të shfrytëzohet për deklarata politike është shumë e ultë”, tha Selimi për Express.

Vetëvendojsa: Të mos politizohet krimi
Lëvizja Vetëvendosje ka reaguar pas ngjarjes së 1 janarit në Malishevë, duke e cilësuar atë si krim të rëndë, me pasoja tragjike për familjen e të vrarit dhe të plagosurve. Vetëvendosja kërkon që kjo ngjarje të mos politizohet. “Sot, më tepër se kurrë, është e nevojshme të mos e humbim kthjelltësinë si shoqëri dhe të dallojmë se ku janë problemet e vërteta të Kosovës. Problemet personale nuk duhet të politizohen dhe as problemet politike nuk duhet të personalizohen”, thuhet në komunikatë. Më tutje, Vetëvendosja thotë se dënon këtë akt që rezultoi me një vrasje dhe dy plagosje, shpreh keqardhjen e saj, si dhe ngushëllimet për familjen e të vrarit dhe të plagosurve. Ky reagim i kësaj lëvizjeje vjen pas akuzave të ndërsjella që kanë ndodhur ndërmjet degës së saj në Malishevë dhe asaj të PDK’së për zgjedhjet e fundit të 12 dhjetorit.

12 të arrestuarit
Policia e Kosovës ka publikuar emrat e të arrestuarve për ngjarjen e së shtunës në Banjë të Malishevës, të cilët po mbahen në paraburgim. Ata janë:
Emin (Gani) Krasniqi
Berat (Imer) Krasniqi
Durim (Ilaz) Krasniqi
Sylejman (Gani) Krasniqi
Mehedin (Gani) Krasniqi
Hazir (Skënder) Krasniqi
Shkumbim (Skënder) Krasniqi
Dardan (Skënder) Krasniqi
Ilaz (Ramadan) Krasniqi
Ramë (Ilaz) Krasniqi
Astrit (Sheremet) Krasniqi
Ilir (Hisen) Bytyqi

Policia është vënë në kërkim të një personi tjetër, i cili ndodhet në arrati, kurse hetuesit kanë deklaruar se listës së të arrestuarve mund t'i shtohen edhe të dyshuar të tjerë. /express/

LDD e Prishtinës kalon në LDK


04-01-2011 17:13 CET
Degët e LDD-së të Prishtinës prej të martës i janë bashkuar LDK-së. Vendimi është marrë në bazë të konsultimeve të kryetarëve të degëve pas zgjedhjeve të jashtëzakonshme, ku LDD-ja nuk arritur të sigurojë ulëse në Kuvend.
Në një kumtesë për media, kryetari i të gjitha degëve të LDD-së të Prishtinë, Musli Mehaj, ka bërë të ditur se, duke u bazuar në realitetin politik të krijuar pas zgjedhjeve të 12 dhjetorit dhe orientimit të elektoratit për krijimin e dy blloqeve politike, dëshirës dhe përcaktimi për rreshtim përkrah bllokut të djathtë, anëtarët e derisotshëm të LDD-së në Prishtinës, me dëshirën kanë vendosur që t’i bashkohen LDK-së, raporton Telegrafi.
“LDK-në e konsiderojmë si parti e aderimit tonë natyror pasi që kjo parti 21 vjet më parë u themelua nga presidenti ynë historik dr. Ibrahim Rugova. Me këtë rast ftojmë tërë anëtarësinë dhe simpatizantët që aktualisht janë të shpërndarë në disa parti tjera, si dhe atyre që nuk janë të angazhuar në ndonjë parti tjetër, që t’i bashkëngjiten LDK-së”, thuhet në kumtesë.
Njëherësh, Mehaj ka ftuar simpatizantët e LDD-së në Deçan, Skenderaj dhe Drenas që më 9 janar të votojnë për LDK-në, në zgjedhjet e ripërsëritura parlamentare.

[Guri i madh]

Milionerët e tenderëve publikë

Publikuar: Sot, më 04 janar 2011





Prishtinë, 4 janar - Kompanive private të vendit iu transferuan qindra miliona euro nga arka e shtetit gjatë vitit 2010 nëpërmjet tenderëve publikë në kryerjen e punëve dhe të shërbimeve ndaj autoriteteve kontraktuese, përkatësisht ministrive, komunave dhe agjencive të tjera buxhetore, shkruan sot Koha Ditore. Korporata Energjetike e Kosovës dhe Ministria e Transportit dhe Postë-Telekomunikacionit janë kontraktuesit më të mëdhenj të milionave. Ato ndiqen nga agjencitë e tjera buxhetore.
Kompanitë e huaja, kryesisht ato serbe, fituan dhjetëra miliona euro për import të energjisë gjatë vitit 2010. Vlera fillestare e kontratës të cilën KEK-u ua dha kompanive serbe “Geni”, “Rudnap” dhe EFT ishte rreth 20 milionë euro. Në fund të vitit 2010, KEK-u ka ripërtëritur edhe një herë kontratën me po këto tri kompani për import të energjisë, ndërsa vlera fillestare e kontratës është 10 milionë euro.
Kompania vendëse “Eco Trade”, në konsorcium me kompani të huaja, fitoi kontrata në vlerë prej rreth 12 milionë eurosh nga Korporata Energjetike e Kosovës më 2010.
Në shkurt të vitit 2010, kompania “Eco Trade” në bashkëpunim me një kompani polake fitoi kontratën për riparimin e linjës së parë të shiritave transportues të qymyrit në vlerë prej 5 milionë e 406 mijë eurosh. Gjithashtu, vlera e një tenderi tjetër të dhënë nga KEK-u për këtë kompani ishte 4 milionë e 930 mijë. Punët që duhej të kryheshin ishte ndërrimi i stabilimenteve 400-kilovoltëshe. Edhe kompania AC-DC fitoi miliona euro nga KEK-u për shërbimet dhe furnizimet e kryera më 2010. Vetëm gjatë vitit që po e lëmë pas, kjo kompani ka fituar kontrata në vlerë prej rreth 7 milionë eurosh. Tenderët e fituar nga kjo kompani kanë qenë të lidhur kryesisht me furnizim të pjesëve rezervë për pajisje të ndryshme elektro-energjetike.
KEK-u ka dhënë edhe dhjetëra miliona euro për kompanitë e tjera private, të cilat i kanë kryer favore kësaj korporate. Kompania “ABB Power System Substations” në bashkëpunim me kompaninë “Monten” e kanë furnizuar KEK-un me një trafo të tensionit të lartë në vlerë prej 6 milionë e 954 mijë eurosh. Kompania franceze “Alstom” gjatë vitit që e lamë pas ka fituar mbi 5 milionë euro nga tenderët e KEK-ut. Fillimisht kjo kompani kishte fituar kontratën në vlerë prej 4 milionë e 311 mijë eurosh për riparimin e gjeneratorit në “Kosovën B” dhe tenderin në vlerë prej 660 mijë eurosh për mirëmbajtjen e sistemit të funksionimit të këtij termocentrali.
Kompania “Monting” & “Montcommerce” nga KEK-u ka fituar rreth 4 milionë e 350 mijë për zgjerimin dhe përforcimin e rrjetit elektrik. Gjithashtu, mbi 1 milion e 320 mijë euro kanë fituar edhe kompanitë “Ganz-Meter Company” dhe “Elko Produkction” për furnizim me njehsorë të rinj të rrymës. Kompania “E-Project” gjatë vitit 2010 ka fituar 1 milionë e 50 mijë euro nga KEK-u për furnizim me një transformator prej 40 megavat. Për furnizimin dhe montimin e një gjeneratori të kazanit në “Kosova A”, KEK-u e ka paguar kompaninë “Flamtron” me 1 milion e 700 mijë euro. Miliona euro nga KEK-u fituan edhe kompanitë që e furnizuan këtë korporatë me kemikale, pajisje të tjera elektrike dhe shërbime të teknologjisë informative.

Rrugët milionëshe

Ministria e Transportit dhe Postë-Telekomunikacionit është autoriteti i dytë kontraktues i vendit që shpërndan miliona euro në konto të kompanive punëkryerëse. Kryesisht janë kompanitë e njëjta që më 2010 fituan tenderë nga kjo ministri, derisa vlera e tyre u afrohet qindra miliona eurove, pa përfshirë shpenzimet në autostradën “Ibrahim Rugova”. Ndër kompanitë më të fuqishme për nga milionat e fituara nga tenderët e kësaj ministrie prijnë “Drini Company”, “KAG Asphalt”, “Damastion Project”, si dhe dhjetëra kompani të cilat fituan tenderë më të vogël se 1 milion euro.
Kompania “KAG Asphalt” ka fituar kontrata në vlerë totale prej 4 milionë e gjysmë nga punët që ka bërë më 2010. Komuna e Prizrenit i ka dhënë kësaj kompanie private mbi 537 mijë euro për ndërtimin e një rruge lokale që çon për në fshatin Hoçë. Ndërsa për zgjerimin dhe ndërtimin e rrugëve ndihmëse në rrugën që lidh Fushë-Kosovën me Aeroportin, kompania “KAG Asphalt” ka fituar kontratën në vlerë prej 1 milion e 450 mijë eurosh. Kjo kompani ka fituar edhe gati 1 milion euro nga Komuna e Prishtinës, si dhe një tender tjetër në vlerë prej 1 milion e 367 mijë eurosh.
“Drini Company” ka fituar 3 milionë e 700 mijë euro nga tenderët publikë të Ministrisë së Transportit dhe autoriteteve të tjera kontraktuese. Për rikonstruktimin e rrugës Ratkoc-Bratotin dhe Vrrajakë, kjo kompani ka fituar mbi 725 mijë euro. Ndërsa nga Komuna e Prizrenit kjo kompani ka marrë kontratë në vlerë prej rreth 2 milionësh për ndërtimin e një shkolle të mesme në këtë qytet. Gjithashtu, “Drini” ka fituar edhe rreth 1 milion e 260 mijë euro në tenderë të tjetër nga Komuna e Suharekës.
Me vetëm një tender të fituar gjatë tërë vitit 2010, kompania “Damastion Project” ka lidhur kontratë me Ministrinë e Transportit në vlerë prej 4 milionë e 652 mijë eurosh, për ndërtimin e një rruge “lokale” që lidh Podujevën me fshatin Herticë. Rregullimi i tërësishëm i një rruge të vogël në Pejë ka kushtuar rreth 1 milion e 780 mijë euro, ndërsa fitues i tenderit është shpallur kompania RSM.
Kompania “Reneluar Tahiri” nga Zhuri i Prizrenit ka fituar një tender në vlerë prej 1 milion e 400 mijë eurosh për ndërtimin e një pjese të rrugës “Tahir Sinani” në Prizren. Ndërsa kompania e cila viteve të kaluara ka fituar miliona euro nga rrugët e asfaltuara, ajo “Bejta Comerce”, më 2010 ka fituar vetëm një tender në vlerë prej 1 milion e 259 mijë eurosh.






VAZHDON