Qumështi forcon imunitetin

[~AnnA~]

Personat që konsumojnë vazhdimisht qumësht kanë palcë të shëndoshë të eshtrave dhe imunitet më të fortë. Arsye e kësaj është se qumështi është i pasur me proteine, që ndihmojnë në ndërtimin e indeve, me hidrokarbure, që janë të domosdoshme për krijimin e energjisë, si dhe me vitamina.
Sipas ekspertëve të ushqimit, qumështi kënaqë 30 për qind të nevojave të organizimit të njeriut për kalcium, 20 për qind të nevojave për albumine, 30 për qind të nevojave për vitaminën B2), po aq për vitaminën B12, si dhe 20 për qind të nevojave të organizmit të njeriut për vitaminën A.

Nutricionistët preferojnë që të rriturit të pinë dy gota qumësht në ditë, fëmijëve tri gota, kurse adoleshentëve dhe sportistëve nga katër gota qumësht në ditë, kurse atyre që vuajnë nga hipertensioni tri gota.
Qumështi me sasi më të madhe yndyre, 3,2% u preferohet fëmijëve e të rinjve, sportistëve dhe të gjithë atyre që nuk kanë probleme me peshën, holesterolin dhe me trigliceridet.

Qumështi me përmbajtje të yndyrës 2,8 dhe më pak për qind kryesisht u rekomandohet të rriturve. Një e katërta e litrit të qumështit pa kajmak siguron pothuaj gjysmën e nevojave të organizmit të të rriturve për kalcium, ndërsa ka vetëm 82 kalori. Ky qumësht u preferohet veçmas diabetikëve. Nëse u duket se qumështi me më pak yndyrë nuk është i shijshëm, atëherë i shtoni pak cimet, vanilje, karafil, arrë mushkati.

Sa i përket qumështit të dhisë. Në popull thuhet se fëmija që rritet me qumësht të tillë nuk ka nevojë për mjek. Sipas vetive kimike, qumështi i dhisë është i afërt me atë të lopës, por për nga vetitë biologjike e tejkalon për shumë herë atë, meqë qumështi i dhisë tretet shumë lehtë, përdoret si ushqim dietal për të sëmurët, të atyre që vuajnë nga thartira e u preferohet edhe invalidëve.
E vetmja e metë e qumështit të dhisë është se nuk përmban acid folik.
Qumështi i deleve është shumë i ushqyeshëm dhe i shijshëm. Përmban dy herë më shumë minerale (kalcium, fosfor, zink) e vitamina të rëndësishme të grupit B. Nëse jeni alergjikë ndaj laktozës, qumështi i deleve paraqet alternativë ideale.

Njerëzit të cilët kanë probleme me lukth, qoftë për shkak të ndonjë infeksioni akut, gastrititit apo të thatit (ulkusit), nuk do të duhej të konsumojnë qumësht. Atyre u preferohet të konsumojnë jogurt dhe kefir, pasi përmbajnë baktere që përmirësojnë florën e zorrëve dhe pengojnë shumëzimin e baktereve të dëmshme. Jogurti e kefiri u rekomandohen edhe personave që vuajnë nga kolesteroli./Shekulli/