Lajme Aktuale....

[Guri i madh]

Zbulon se e ëma mban rekordin për mjekrën më të gjatë




Një amerikan, që u rrit në jetimore, u shokua kur zbuloi se mamaja e tij ishte gruaja që mbante rekordin për mjekrën më të gjatë në botë.
Richard Lorenco, 35 vjeç, nga Kansasi, u braktis nga babai i tij në një dhomë moteli në moshën 4 vjeçare.
Vitet në vazhdim ai ndërroi disa jetimore dhe ngushëllonte veten duke pretenduar se mamaja e tij ishte një yll i muzikës rock.
Por ai u shokua kur zbuloi se mamaja e tij 64 vjeçare, Vivian Wheeler, ishte një performuese cirku, që dikur kishte mbajtur rekordin Gines për mjekrën 27 centimetër të gjatë.
Lorenco tha se pavarësisht natyrës së pazakontë të profesionit të saj, ai mendon se mamaja e tij është normale.
Mamaja i tregoi atij se si u arratis nga bashkëshorti që abuzonte me të, por ai e gjurmoi dhe i rrëmbeu fëmijën.
Lorenco kaloi një fëmijëri e rini të vështirë, por tani ai ka ndërtuar një jetë të re me gruan dhe dy vajzat.
Por kur u plagos në shpinë dhe mjekët e pyetën për të kaluarën shëndetësore të familjes së tij, ai vendosi që të gjurmojë se kush është mamaja e tij.
Pas gjashtë javësh, pasi ai kishte bërë një kërkesë në Departamentin e Shërbimeve Sociale, ai gjeti mamanë e tij.

[Zero Cool]

Sarajevë: 18 vjet burg për sulm kundër ambasadës së SHBA-së


Një gjykatë në Sarajevë ka dënuar me 18 vjet heqje lirie, Mevlid Jashareviqin. Ai akuzohet për kryerje të një sulmi terrorist ndaj ambasadës amerikane në BeH.






Një gjykatë në Sarajevë ka dënuar me 18 vjet heqje lirie, Mevlid Jashareviqin. Ai akuzohet për kryerje të një sulmi terrorist ndaj ambasadës amerikane në BeH.

Dy të akuzuarit e tjerë, Emrah Fojnica dhe Munib Ahmetspahiq janë liruar nga akuzat për organizimin e një grupi terrorist.

Pjesëtari i lëvizjes vehabiste, Mevlid Jashareviq, më 28 tetor të vitit të kaluar ka sulmuar ambasadën amerikane në Sarajevë. Me këtë rast ai ka plagosur një polic boshnjak që punonte në sigurimin e ambasadës.

Si rezultat i sulmit, qendra e Sarajevës ishte bllokuar për 45 minuta, derisa sulmuesi nuk është qëlluar në këmbë nga një snajperist i policisë së kantonit të Sarajevës.

[Lona]

Jo xhami për 10 mijë myslimanë në Londër

Londër, 6 dhjetor - Një nga qendrat më të mëdha islamike në Evropën Perëndimore, nuk do të ndërtohet. Xhamia në Londrën Lindore, me emrin "Abej Mills", nuk ka marrë leje nga Këshilli i Komunës Njuham.

Është mëtuar që ajo të ndërtohet në afërsi të vendit ku janë mbajtur Lojërat Olimpike Londra 2012, ndërsa planifikohej të pranonte brenda 9.500 besimtarë, ndërsa tërë kompleksi deri në 40.000 besimtarë. Projekti futurist "Kuarti Islamik", të cilin para 10 vitesh e ka propozuar misionarja myslimane Tablighi Jamat, nënkuptonte një xhami multi-funksionale në 7,3 hektarë tokë, pa minare, me një çati të tejdukshme.

Ndërsa, brenda kompleksit është dashur të ndërtohen zyrat, shkolla, pavijoni sportiv, restoranti dhe apartamentet. Ajo është synuar të ndërtohet në hapësirën e përdorur më parë për qëllime industriale.

Megjithatë, përfaqësuesit e Komunës Njuham, kanë vlerësuar se kompleksi është tepër i madh, gjë që do të ndikonte në ndryshimin e pamjes së kësaj pjese të qytetit, ku gjenden ndërtesa të rëndësishme historike. Pra, sipas tyre nuk do të përputhej me nevojat e bashkësisë.

Pos kësaj, kompleksi do të kishte vetëm 300 vende në parking, që është pak, ndërsa nuk do të siguronte hapësirë për akomodim apo punësim të qytetarëve. Mijëra protestues, kryesisht nga Birminghami dhe Bradfordi, u mblodhën natën e kaluar në rrugë, para Komunës, në shenjë proteste për vendimin e Këshillit.


Lavrov: Rusia nuk do të lejoj hyrje të amerikanëve

Ministri i jashtëm rus, Sergei Lavrov, ka shpallur se Rusia nuk do tu japë viza hyrëse zyrtarëve të Shteteve të Bashkuara, të cilët, siç tha ai, i shkelin të drejtat e njeriut.

Deklarata e zotit Lavrov, u bë menjëherë pasi Senati i Shteteve të Bashkuara ka votuar për sanksione kundër zyrtarëve rusë të implikuar në vdekjen e avokatit rus kundër korrupsionit, Sergei Magnitsky, dhe shkelësve të tjerë të të drejtave të njeriut në Rusi.

Kjo masë ishte pjesë e një legjislacioni më të gjërë, për tërheqjen e kufizimeve tregtare ndaj Rusisë, nga periudha e Luftës së Ftohtë, dhe për të lejuar Marrëdhënie të Përhershme Normale Tregtare me Rusinë.

Moska i ka kundërshtuar masat për të drejtat e njeriut, duke u kërcënuar me veprime hakmarrëse.

Siç kanë raportuar mediat ruse, zoti Lavror tha se për këto çështje e ka informuar sekretaren amerikane të shtetit, Hillary Clinton, gjatë takimit të djeshëm në Dablin të Irlandës.

Votimin në Senatin amerikan, ministria e jashtme e Rusisë e ka vlerësuar si “shfaqje në teatrin absurd”.


Rompuj me parashikim për ardhmërinë e eurozonës

Bruksel, 6 dhjetor - Për ardhmëri më të ndritshme të eurozonës nevojitet centralizim më të madh ekonomik dhe juridik, që të evitohet përsëritja e gabimeve paraprake të cilat për pak sa nuk e vërshoi gjithë projektin, deklaroi sot kryetari i Këshillit të Evropës Herman Van Rompuj.

Në tekstin me titull "Drejt unionit të drejtë ekonomik dhe monetar", i përgatitur për samitin e liderëve të BE-së, që do të mbahet javën e ardhshme, Rompuj theksoi radhitje të qartë për miratim të masave me të cilat jashtëzakonisht do të forcoheshin themelet e euros.

Disa masa janë teknike, si organizimi i mbikëqyrjes së të gjitha bankave evropiane, ndërsa të tjerat janë politike, si për rolin e parlamenteve kombëtare në kontrollimin e buxheteve.

Kjo para se gjithash i dedikohet Britanisë së Madhe e cila nuk dëshiron t'i transferojë më shumë sovranitet Brukselit për zgjidhje të krizës debitore.

"Vendimet për buxhetet kombëtare janë në zemrën e demokracive parlamentare të vendeve-anëtare të BE-së. Në të njejtën kohë nevojitet që të merret parasysh interesi i përbashkët i Unionit, ndërsa parlamentet kombëtare nuk janë në pozitën më të mirë që këtë ta bëjnë", theksoi Rompuj.


SHBA-ja kryen testim bërthamor në Nevada

Uashington, 7 dhjetor - SHBA-ja kryen test subkritik bërthamore në Nevadë, në të cilin e hulumtuan sjelljen e materialeve bërthamore pa ndarje të bërthamës, transmetojnë mediat franceze.

Testi bërthamor, i quajtur "Poluks", është kryer të mërkurën në një poligon nëntokësor në Nevadë. Qëllimi i testit është të mblidhen të dhëna shkencore që do të japin informacion të rëndësishëm për mbështetjen e sigurisë dhe efikasitetit të armëve bërthamore, kumtoi Drejtoria kombëtare për siguri bërthamore e Ministrisë së Energjetikës.

Testi "Poluks" është i 27-ti në kategorinë e testeve subkritike bërthamore në SHBA. Në këto teste nuk ka reagim zinxhiror, që të çon drejt shpërthimt bërthamor. Në të ndiqet sjellja e plutoniumit, nënshtruar veprimeve të shpërthimeve të fuqishme kimike. Paraprakisht test i tillë është realizuar në vitin 2011.


Japoni, frikë pas tërmetit

Tokio, 07 Dhjetor - Është tërhequr pas dy orësh alarmi i tsunamit në verilindje të Japonisë, pasojë e një tërmeti të dhunshëm 7,3 ballë të shkalles Rihter në paqësor. Epiqendra e tërmetit ishte në det, rreth 460 kilometra larg Tokios në një thellësi prej 36 kilometra.

Por pavarësisht kësaj, ndërtesat ne kryeqytet u lëkunden me force ndërsa ne prefekturën e Miagit, u raportuan dallge deri ne 2 metra te larta.

Për vendin qe ende i ka te hapura plagët e tërmetit shkatërrues dhe tsunamit te 2011-tes, episodi ishte tronditës, ndonëse nuk ka te dhëna për viktima apo dëme te konsiderueshme materiale.

Mijëra vete humben jetën marsin e vitit te kaluar, ndërsa Japonia u përball me krizën me te rende bërthamore prej një çerek shekulli. Tani, me sistemin e paralajmërimit te shpejte, autoritetet vendase, sipas BBC-se, arritën te lëshonin një paralajmërim për termet pak përpara se ai te ndodhte vërtetë. 'Kujtoni tërmetin e vjetshëm', thërrisnin fqinjët e largohuni drejt zonave me te larta, tha për teleshikuesit një prezantues i televizionit shtetëror NHK.

Urdhra evakuimi u shpërndanë për rajonet me te rrezikuara nëpërmjet rrjetit social Twitter. Sirenat e alarmit rëne edhe ne njërin prej qyteteve me te goditura nga lëkundjet e vjetshme sizmike, Ishinomaki. Por pavarësisht frikës qe mbolli sidomos ne Fukushima tërmeti i ri, kompania qe menaxhon centralet bërthamore te vendit, Tepco njoftoi se ne kompleksin e Daicit, nuk ka pasur asnjë anomali

[Lona]

15 të lënduar në zjarrin që ndodhi në Paris

Paris, 17 dhjetor - Pesëmbëdhjetë persona janë lënduar prej të cilëve tre janë evakuuar në mënyrë të shpejtë, gjatë zjarrit i cili gjatë natës ka shpërthyer në arondismanin e pestë të Parisit.

Sipas zëdhënësit të njësive të zjarrfikësve të Parisit, nënkoloneli Samuel Bernes, njëri prej tre personave i cili është në rrezik jete vuan nga plagët e djegies, përderisa dy të tjerë nga helmimi me tym, dymbëdhjetë të lënduarit e tjerë janë evakuuar drejt spitaleve me urgjencë relative.

Zjarri ka filluar në orën 2:30 në katin e dytë në një ndërtesë shtatë katëshe në këndin e lagjes "Pjer-Nikoll" dhe "Fustel-de-Kulanzh", në afërsi të spitaleve Koshan dhe Vall de Gras.

Flakët e zjarrit është zgjeruar në dy katet e sipërme përmes shkallëve. Zjarri është shuar rreth orës 3:50 dhe në shuarjen e tij janë përfshirë 130 zjarrfikës me 41 automjete nga 19 kazerma të Parisit. Për momentin specialistët janë në terren për t'i bërë të ditura arsyet për këtë zjarr të rëndë.


Obama: Duhet të mbrojmë fëmijët

Uashington, 17 dhjetor - Presidenti i Shteteve të Bashkuara të Amerikës, Barack Obama, është shprehur se duhet bërë më shumë për të mbrojtur fëmijët pas tragjedisë në Konektikat, ku një i ri hyri në një shkollë fillore duke vrarë 26 persona, mes të cilëve 20 fëmijë.

Obama tha që do të përdorte të gjitha mjetet në dispozicionin e tij për të parandaluar një tragjedi tjetër të ngjashme.
Duke folur në Njutaun, presidenti amerikan deklaroi: “Kam ardhur këtu për t’ju ofruar dashurinë dhe lutjet e një kombi. Nuk jeni të vetëm në hidhërimin tuaj.”

Obama përsëriti thirrjen për veprime kundër krimeve me armë duke thënë se në javët e ardhshme ai do të përdorë çdo fuqi që ka në përpjekje për të parandaluar më shumë tragjedi të tilla.

“Nuk mund ta toleroj më këtë gjë. Duhet një ndryshim në mënyrë që këto tragjedi të mos përsëriten”, deklaroi Obama, i cili takoi familjarët e viktimave dhe punëtorët e shërbimeve të emergjencës gjatë vizitës së tij në zonë.

Të gjithë fëmijët e vrarë gjatë çmendurisë së 20-vjeçarit Adam Lanza (8 djem dhe 12 vajza) ishin të moshës 6 dhe 7 vjeç, sipas listës zyrtare të viktimave që u publikua të dielën.

[Lona]

Pakistan: U vranë zyrtari lokal dhe dy policë

Kueta, 17 dhjetor - Policia thotë se persona të armatosur në qytetin juglindor Kueta në Pakistan, e kanë vrarë zëdhënësin e qeverisë provinciale dhe dy policë.

Sulmuesit dje e kishin qëlluar për vdekje zëdhënësin Khadim Hussain Noori, mysliman shiit, 56 vjeçar, derisa e parkonte makinën e tij.

Sipas autoriteteve, sulmuesit i kanë vrarë dy policë dhe një e kanë plagosur, derisa u larguan me shpejtësi në motoçikletë.

Deri tash askush nuk e ka marrë përgjegjësinë për këtë sulm.

Në këtë hapësirë ka pasur rritje të vrasjeve sektare, gjatë vitit të kaluar, pasi radikalët myslimanë sunitë i sulmojnë myslimanët shiitë.


Në SHBA zhvillohet vaksina kundër kancerit

Uashington, 16 dhjetor - Shkencëtarët në Institutin Roswell Park në Shtetet e Bashkuara kanë zhvilluar një vaksinë, për të cilën thonë se shkatërron qelizat e kancerit dhe parandalon rikthimin e sëmundjes.

Agjencia amerikane për Kontrollin e Ushqimit dhe të Barnjave FDA ka dhënë lejen për prodhimin e terapisë eksperimentale, e cila do të testohet në njerëz.

Instituti ka zhvilluar procesin në atë mënyrë që nga pacienti merren qelizat kancerogjene, të cilat modifikohen dhe “mësohen” të vrasin qelizat e kancerit, e më pastaj i kthehen pacientit.

“’Të armatosura’ me proteina speciale, qelizat i kthehen pacientit në formën e vaksinës, e cila krijon një mori qelizash që më pastaj kërkojnë dhe shkatërrojnë kancerin”, thuhet në deklaratën e Institutit Roswell Park.

Vaksina do të prodhohet në hapësirat e institutit në fjalë.


OKB: Ban Ki-moon i alarmuar me dhunën në Siri

Damask, 17 dhjetor - Sekretari i përgjithshëm i Kombeve të Bashkuara, Ban Ki-moon, është shprehur i alarmuar lidhur me atë që ai e ka përshkruar si “përshkallëzim dramatik i dhunës” në Siri, gjatë ditëve të fundit.

Në një deklaratë me shkrim, Ban Ki-moon, thotë se ka pasur raporte për vrasje masive të civilëve në fshatin Aqrab afër qytetit Hama dhe dyshime për shkrepje të raketave me rreze të gjatë veprimi në disa hapësira.

Sipas deklaratës së sekretarit Ban Ki-moon, raportet e djeshme për sulme me bomba, që shkaktuan shumë viktima në kampin e refugjatëve palestinezë në kryeqytetin e Sirisë, Damask, paraqesin shqetësim “serioz”.

Mëtutje, ai i ka përkujtuar forcat qeveritare dhe luftëtarët kryengritës se marrja në shënjestër e civilëve paraqet krim lufte.

Më herët, zëvendëspresidenti i Sirisë, Faruq al-Sharaa, është cituar nga një gazetë libaneze duke thënë se as forcat e presidentit Bashar al-Assad, e as luftëtarët kryengritës, nuk duket se mund ta fitojnë luftën civile në Siri.


Forcohen marrëdhëniet Bullgari - Greqi

Athinë, 17 dhjetor - Kryeministri bullgar Bojko Borisov dhe 11 ministra të Qeverisë në Sofje sot në Athinë do të marrin pjesë në seancën e dytë të Këshillit për bashkëpunim në nivel të lartë midis qeverive të Greqisë dhe Bullgarisë.

Në Athinë Borisov do të takohet me presidentin e Greqisë Karolos Papuljas dhe me kryeministrin Andonis Samaras, ndërsa ministria bullgare do të ketë takime me kolegët e tyre resorë grekë.

Nëntë delegacione të larta do të nëshkruajnë gjashtë dokumente, midis të cilëve edhe Deklarata e përbashkët e qeverive.

[Lona]

E bija e Erdoganit sulmon Ivica Dacicin

Ankara, 21 dhjetor - E bija e kryeministrit të Turqisë, Recep Tayyip Erdogan, në rrjetin social Twitter ka debatuar për Kosovën dhe për Bosnjën.

“Mendoj se Serbia ka bërë mjaftë kundër myslimanëve të Srebernicës. Ka ardhur koha që të ndalet urrejtja kundër myslimanëve të Ballkanit”, ka thënë në një postim Sumeyye Erdogan.

Ndërkaq, në një postim tjetër ajo i drejtohet kryeministrit të Serbisë, Ivica Dacic, me këto fjalë: “Z. Ivica Dacic, unë, vajza e Recep Tayyip Erdoganit, do të doja ta di mendimin tuaj se pse ju i urreni myslimanët e Kosovës?”.

[Lona]

Gjendja shëndetësore, Clintoni jo më udhëtime me aeroplan

Washington, 20 dhjetor - Sekretarja amerikane e Shtetit, Hillary Clinton, e sëmurë që prej 10 ditësh, nuk mund të kryejë para mesit të muajit janar rrugë të gjata me avion në katër anët e planetit, njoftoi dje zëdhënësi i tij.

"Duke marrë parasysh gjendjen shëndetësore të sekretares së shtetit, mjekët e kanë këshilluar të mos udhëtojë me avion në javët e ardhshme. Ne nuk kemi parashikuar asnjë udhëtim deri në mes të muajit janar'', shkruan këshilltari i saj, Philippe Reines, në një letër dërguar gazetarëve.

Ajo udhëton të paktën dy herë në muaj për udhëtime në katër anët e planetit. Me më shumë se 1,5 milionë kilometra rrugë dhe 112 vende të vizituara, ajo mban rekordin absolut të të gjitha sekretareve amerikane të Shtetit.


Putin: Unë e di se kur do të vijë fundi i botës

Moskë, 20 dhjetor - Presidenti rus, Vladimir Putin, gjatë një konference për shtyp dha profetësinë e tij për fundin e botës. “Pikë së pari unë e di se kur do të vijë fundi i botës”, tha ai duke dhënë një shpjegim shkencor.

“Pas 4.5 miliardë vitesh kur funksioni dhe cikli i Diellit tonë të përfundojë”. I pyetur nëse kishte frikë nga një gjë e tillë, Putin u përgjigje: Për çfarë të kem frikë? Është e pashmangshme.”

Një sondazh i televizionit shtetëror rus tregon se vetëm 9% e të atyre që janë përgjigjur besojnë se fund i botës do të vijë këtë të premte.


Wikileaks vitin e ardhshëm publikon edhe 1 milion dokumente

Londër, 21 dhjetor - Themeluesi i Wikileaks, Xhulijan Asanzh mbrëmë deklaroi se ai nuk do të përkulet dhe premtoi se faqja e tij do të publikojë një milion dokumente të tjera.

Sipas Asanzh, dokumentet që do publikohen në vitin 2013, do prekin çdo vend në botë. Tanimë janë bërë gjashtë muaj që kur ai ka nisur të kërkojë azil për të shpëtuar nga ekstradimi në Suedi ku akuzohet për sulme seksuale.

Asanzh druhet se do e dërgojnë në SHBA, ku mund të ndëshkohet për publikimin e kabllogrameve. Një turmë prej 80 përkrahës u mblodh jashtë ndërtesës së ambasadës ekuadoriane në Londër, për të dëgjuar fjalimin e 41- vjeçarit nga ballkoni i ambasadës. Siç tha ai Pentagoni akoma e quan Wikileaks një krim që vazhdon.

[Guri i madh]

Burgim të përjetshëm dhe me një detyrim pune prej 17 vitesh është dënimi i marrë nga një nënë në Britaninë e Madhe, e cila çoi djalin e saj drejt vdekjes, pasi ky i fundit nuk mundi të mësonte përmendësh pjesë të librit të shenjtë, Kurani.
Sara Ege, 33 vjeç, është dënuar për vrasje, pasi u zbulua se ajo kishte djegur trupin e djalit të saj 7- vjeçar, ndërsa më parë vetë ajo kishte pretenduar se trupi i tij ishte djegur nga një zjarr që kishte përfshirë shtëpinë.
Por nga hetimet rezultoi se ajo e kishte keqtrajtuar djalin saj, Yaseen, pasi ai nuk kishte mundur të mësonte përmendësh pjesë nga Kurani në një kohë të shkurtër.
Vendim u dha nga një Gjykatë në Cardiff, e cila një muaj më parë kishte gjetur fajtore 33- vjeçaren.

[Guri i madh]

Gruaja 15- vjeçare lë burrin 90- vjeçar jashtë dhomës së gjumit




Një burrë 90- vjeçar nga Arabia Saudite ka vendosur të padisë familjen e gruas së tij 15- vjeçare, pasi ajo mbylli veten në dhomën e gjumit natën e parë të martesës.
Adoleshentja e terrorizuar e mbylli derën nga brenda, në mënyrë që i shoqi i saj të mos hynte dot. Dy ditë më vonë ajo u arratis për në familjen e saj.
Tani burri i saj i moshuar kërkon paratë që kishte dhënë për të marrë nusen. Ai thotë se ka paguar 17.500 dollarë për këtë martesë.
Burri saudit thotë se martesa është e ligjshme dhe korrekte.
Por kjo ngjarje ka shkaktuar zemërim tek aktivistët, që thonë se ky është prostitucion dhe trafik fëmijësh.

[Oqeani]

Franca në Luftë !

Siç behet e ditur sot, Franca sulmoi trupat "rrebele" iskamke ne pjesen qendrore te Malit, ku ne operacion humbi jeten piloti 42 vjeçar francez, gje qe tronditi Francen.
Ky sul erdhi pas kerkesess se qeverise Maliane.

Franca sot pat dhe nje deshtim ne tentim lirimi te te zenurit peng ne Somali !

Nje pjestar i komandoseve u vra, nje tjeter u shpall i zhdukur, kurse misionari i zen peng ( 3,5 vite) thuhet se eshte vrare nga rrebelet.
Franca ket tentim shpetimi e pranoi si deshtim !

[Guri i madh]

1 mijë mace shpëtohen nga tryezat e kinezëve



Një mijë mace u shpëtuan nga tryezat e kinezëve, pasi aktivistët e një grupi për mbrojtjen e kafshëve ndërhynë në skenën e një aksidenti rrugor, ku një kamion që po transportonte macet për në disa restorante të krahinës së Guangdongut u dëmtua në një rrugë kombëtare.

Macet, të futura në arka druri u shpëtuan midis të çarave që u krijuan në karrocerinë e mjetit transportues pas aksidentit.
Kafshët u trajtuan me ushqim, ujë dhe qumësht, përpara se të dërgoheshin prej aktivistëve në qendrën e një shoqate të mbrojtjes së kafshëve për trajtim dhe mbrojtje.Të mbajtura në kushte çnjerëzore dhe pa u ushqyer për mbi 24 orë, macet ishin të destinuara të shpërndaheshin në disa rrjete restorantesh, ku do të shërbeheshin si ushqim për klientët.Në kulturën kineze, jo vetëm macet, por edhe kafshë të tjera shtëpiake si qentë konsiderohen të ngrënshme. Përballë kërkesës së madhe të tregut vendas për ushqim, shumë fermerë në zonat rurale të Kinës sigurojnë jetesën e tyre nëpërmjet mbarështimit dhe rritjes së këtyre kafshëve, që më pas i shiten therrtoreve, supermarketeve dhe rrjeteve të ndryshme të restoranteve në vend.

[Guri i madh]

Tenton ta vrasë liderin e turqve bullgarë në konferenc


Një burrë i panjohur ia ka drejtuar sot revolen liderët të turqve të Bullgarisë, Agmet Dogan derisa ai iu drejtohej pjesëmarrësve në një konferencë partiake në Sofje.
Sulmuesi u ngrit nga publiku dhe u drejtua kah Dogani me armë në dorë në momentin kur lideri i Lëvizjes për të drejta dhe liri kritikonte politike e BE-së dhe qeverisë bullgare.
Burri nuk arriti të shtinte nga revolja, sepse Dogani arriti t’ia largoj revolen nga dora, kurse më pas në podium arritën delegatët e konferencës dhe e rrëzuan sulmuesin në dysheme, raportojnë mediat bullgare.


Më pas delegatët e kanë rrahur sulmuesin.
Është konfirmuar se sulmuesi kishte ftesë për këtë konferencë, por ende nuk është e qartë se a ishte delegat dhe si arriti ta fuste revolen në sall


http://www.youtube.com/watch?feature...&v=drKifHr5UsU


http://www.youtube.com/watch?feature...&v=drKifHr5UsU

[Guri i madh]

Monstrumi rus: Vrau dhe e poqi në furrë mbesën




Policia ruse ka njoftuar se një mashkull, pasi ka pirë me nënën e saj dhe njëkohësisht motrën e tij, e ka vrarë vajzën 2-vjeçare të motrës dhe pasi e ka prerë në copë e ka futur në furrë.
Raportohet se mashkulli 34 vjeçar, pasi piu bashkë me të motrën, e shfrytëzoi rastin e daljes së shkurtër të nënës te fqinjët, dhe e vrau mbesën.
Pas kthimit në shtëpi, nëna nuk arrinte ta gjente vajzën e saj, e cila më vonë u gjet e vdekur në furrë të shporetit. Pjesë të trupit të saj u gjetën edhe në kuzhinë.
I dyshuari i arrestuar i deklaroi policisë se vajza ka vdekur nga goditja në kokë pasi ai e kishte shtyrë, kurse pastaj e kishte futur në furrë për të fshehur krimin.

[Zero Cool]

Siri, snajperja që merr hak pasi i vranë fëmijët





Damask, 06.02.2013

Atë e quajnë “Guevara” dhe dikur jepte mësim anglisht në një shkollë në Siri. Por që kur asaj i vranë fëmijët në një sulm ajror vitin e shkuar, ajo ka vendosur të hakmerret.

Me një armë në krah, ajo është snajperja e rebelëve në qytetin Alepo në Siri.

Në godinat e shkatërruara, ajo gjurmon për armiqtë e saj, trupat qeveritare.

36- vjeçarja humbi fëmijët e saj, një vajzë 10 vjeç dhe djalin 7 vjeç.

“Më pëlqen që të luftoj. Kam vendosur të marr hak,” thotë ajo.

Vetë ka një grup luftëtarësh, prej 30 personash, që e ndjekin nga pas.

Ajo thotë se për çdo rebel që vritet, ajo vret një ushtar të qeverisë.

Thotë se pret me orë e ulur, ndërsa civilët largohen dhe ajo ka pamje të qartë të ushtarëve.

Ajo thotë se ka vrarë të paktën pesë ushtarë.

“Më bën të ndjehem mirë. Sa herë qëlloj ndonjë prej tyre, bërtas: Po”

[Zero Cool]

Papa Benedikti XVI jep dorëheqje





Vatikan, 11.02.2013

Papa Benedikti ka njoftuar sot se ai do të heqë dorë nga post i tij më 28 shkurt pasi që nuk po mund t`i kryejë detyrat e zyrës së tij, duke u bërë kështu Papa i parë që nga mesjeta që merr këtë vendim.
86 vjeçi ka thënë se ai e ka vërejtur se ka humbur fuqinë muajve të fundit.

“Po e njoftojë masën se e kam vërejtur paaftësinë time për t`i përmbushur detyrat të cilat më janë caktuar mua”, ka thënë ai në një komunikatë.

“Për këtë arsye, dhe i njoftuar mirë për këtë akt serioz, me liri të plotë unë deklarohem se po largohem nga posti i kreut të Kishës Katolike ” ka thënë Papa Benedikti XVI.

Papa ka paralajmëruar se do ta braktisë këtë post më 28 shkurt, në orën 20. Në atë moment edhe fillon periudha e “karriges së zbrazët” (sede vacante) , ka thënë zëdhënësi i Selisë së Shenjtë Federico Lombardi.

Periudha e “karriges ës zbrazët” fillon në rast të vdekjes së papës ose nëse ai heq dorë nga posti.
Papa Benedikti XVI erdhi në krye të Kishës katolike në prillin e vitit 2005, pas vdekjes së Papa Gjon Pali II.

Largimin e parë nga posti i kreut të Selisë së Shenjtë e ka bërë Papa Celeste në vitin 1294.
Zëdhënësi i Qeverisë gjermane ka thënë se është i prekur nga tërheqja e Papës.