KOPSHTI DARDAN

[Zero Cool]

Unë jam kushëriri i parë i vjeshtës,
Kam ardhur bashkë me të
në këtë botë!
Dita e saj prej kohësh
banon tek pemët,
Ku e kanë shtëpinë
edhe zogjtë!

Ejani dhe hyni brenda saj
për një çast,
Derën do t’jua hapë
një brengë e bukur!
Ajo do t’ju marrë për dore,
do t’ju ngjitë lart,
Në ato dhoma ku dimri
ende s’është futur!

Atje do të shihni të hyjnë edhe poetët,
Që pranojnë të bëhen miqtë e saj!
Është vjeshtë o njerëz,
është vjeshtë,
Nuk është maj!

Unë jam kushëriri i parë i vjeshtës,
Jam rritur me të e në të njejtat pemë
kemi luajtur!
Natyrisht,tani jam në një moshë tjetër,
Kur edhe vjeshta ime,
ka ardhur!