"Në emer të STABILITETIT"... Greku Karamanlis në Shqipri

[Guri i madh]

Postimi origjinal është bërë nga Tropojani30

Shqiperia tanime eshte pjese e Natos dhe Dr Sali Berisha ka nenshkruar qe Shqiperia do te futet ne bashkimin Europian ,kjo arritje nenkupton bashkimin e trojeve shqiptare me nje strategji teresisht ndryshe nga camcakezet e kominternave komuniste qe ropen Shqiperine per dekada te tera.
Ju qe nuk merrni vesh ne politike jeni ata qe e doni Shqiperine ashtu sic e donte satrapi bolshevik, Enveri te izoluar dhe te orientuar kah sllavizmi,ateizmi keto kohera kane perenduar dhe ne trojet shqiptare eshte duke u ndier fryma e unifikimit kombetar e cila solli pavaresine e Kosoves, Shqiperine ne Nato e me ne fund sebashku ne Be.

pershendetje



krejt po e di se nese kie probleme me fqinjt e sidomos me ata qe jan antar te natos e bashkimit evropjan nuk mundesh me u antarsue ,po esht e vertet se qeveria shqiptare esht ber servile e qeveris greke

[AbdylHabib]

Rrjeti i Organizatave Shqiptare

Paraqet, Sabri Selmani

D e k l a r a t ë

Me rastin e vizitës në Shqipëri të kryeministrit grek Karamanlis, Rrjeti i
Organizatave Shqiptare (RROSH) shpreh zhgënjimin dhe indinjatën me sjelljen
aspak dinjitoze të qeverisë shqiptare. Duke pasur parasysh zhvillimet e takimeve
dypalëshe dhe zbulimet që janë bërë ditët e fundit në media në lidhje me caktimin
e kufirit ujor dhe të "varrosjes" së çështjes çame, RROSH shpreh bindjen
se qeveria shqiptare nuk ka kryer detyrën e saj si përfaqësuese e interesave
kombëtare, të popullit të Shqipërisë dhe të votuesve që i kanë dhënë mirëbesimin,
si edhe ka shkelur parimet kushtetuese.
Dëshira e kombit shqiptar për bashkim është një e drejtë natyrore që ka çdo
komb në Evropë dhe kudo në botë. Ajo shprehet edhe në hyrjen e kushtetutës
së Shqipërisë. Çdo qeveri e Shqipërisë ka detyrën që për sa kohë që është në
pushtet të punojë, sipas rrethanave dhe mundësive të saj për këtë qëllim. Është
e papranueshme dhe e turpshme që një kryeministër shqiptar të deklarojë që me
Greqinë nuk ekziston asnjë problem dhe në këtë mënyrë të përpiqet të mbyllë
çështjen çame, që është pjesë e çështjes kombëtare shqiptare. Çështja çame
nuk mund të mbyllet sepse kështu dëshiron kryeministri Berisha, mirëpo ai i vuri
vetes dhe qeverisë së tij vulën e turpit të mohimit të saj.
Integriteti territorial i Shqipërisë nuk mund të trajtohet si çështje private e dy
kryeministrave, e një qeverie, ose e një apo dy ministrive. Çështja e përvijimit të
kufirit ujor të Shqipërisë është një çështje me interes publik dhe kombëtar. Si e
tillë, ajo nuk mund të zhvillohet fshehtas publikut dhe parlamentit si përfaqësues
i qytetarëve. Qeverisë dhe kryeministrit Berisha i takon që tani të sqarojë qytetarët
shqiptarë plotësisht mbi marrëveshjen kufitare dhe nëse është e vërtetë që
marrëveshja është bërë në dëm të integritetit territorial dhe interesave kombëtare
shqiptare, atëherë ai dhe qeveria e tij duhet të mbajnë të gjitha
përgjegjësitë. Historia i ka vënë vulën e tradhtisë Zogut kur ky pasi erdhi në
pushtet i dhuroi Jugosllavisë manastirin e Shën Naumit, sepse pretendohet se
ai i takonte Shqipërisë në bazë të demarkacionit që bënë fuqitë e mëdha atë
kohë. Sot, në shek. XXI një tjetër udhëheqës i Shqipërisë rrezikon të akuzohet
për të njëjtën gjë, prandaj ftojmë kryeministrin Berisha që të argumentojë me
transparencë të plotë që vija e re kufitare me Greqinë nuk prek interesat kombëtare
shqiptare.
Gjithashtu RROSH është i zhgënjyer për marrëveshjen lidhur me varrezat e
ushtarëve grekë të vrarë në Luftën e Dytë Botërore. Dihet botërisht se ata nuk
janë dëshmorë për çlirimin e Shqipërisë, as aleatë në luftën antifashiste, por
dëshmorë të Greqisë dhe të Megaliidesë. Trupat greke për sa kohë që pushtuan
pjesë të Shqipërisë ngritën flamurin grek dhe i konsideruan ato si pjesë të
Greqisë. Në këtë kuptim, si një ushtri pushtuese, do të ishte në dinjitetin e shtetit
shqiptar që eshtrat e tyre të tërhiqeshin nga shteti grek për t'ua bërë nderimet
në atdheun e tyre dhe jo në tokën që ata deshën të pushtonin. Është paradoksale
që ata të përkujtohen krahas dëshmorëve shqiptarë që ranë në luftë për çlirimin
dhe pavarësinë e Shqipërisë.
Historia e Shqipërisë ka treguar se ata që kanë bërë pazare me interesat kombëtare
për të qëndruar në pushtet, nuk e kanë gëzuar pushtetin për një kohë të
gjatë. Shqipëria është tashmë një shtet anëtar i NATO-s dhe nuk mund të sillet
në mënyrë kaq pak dinjitoze në marrëdhëniet dypalëshe me fqinjët. Ata që mendonin
se me anëtarësimin në NATO do të rritej siguria e Shqipërisë, sot ndjehen
të zhgënjyer sepse është prekur siguria e saj në gjënë më të shenjtë, integritetin
territorial.
Prandaj, RROSH u bën thirrje të gjithë shqiptarëve, kudo ku janë, që të mbrojnë
me mundësitë e tyre interesat e kombit shqiptar dhe të ushtrojnë presion mbi
qeverinë shqiptare që të rishikojë në marrëveshjet e saj të fundit me Greqinë
dhe të prapësohet në ato pika që i sjellin dëm Shqipërisë dhe çështjes kombëtare
shqiptare.
(Rrjeti i Organizatave Shqiptare është një forum i organizatave shoqërore
shqiptare nga Republika e Shqipërisë, Republika e Kosovës, Republika e
Maqedonisë, Republika e Malit të Zi, Lugina e Preshevës për të bashkërenduar
përpjekjet për një jetë sa më të mirë dhe me dinjitet të shqiptarëve kudo ku janë).

Kiel-Gjermani

[Tropojani30]

Postimi origjinal është bërë nga Guri i madh

pershendetje



krejt po e di se nese kie probleme me fqinjt e sidomos me ata qe jan antar te natos e bashkimit evropjan nuk mundesh me u antarsue ,po esht e vertet se qeveria shqiptare esht ber servile e qeveris greke

Guri i madh iu pershendes


Jo nuk eshte bere servile Q.SH... por eshte nje politike ndryshe me nje strategji shume vizionare qe ka nje domethenie kapitale jo vetem per Nenen Shqiperi por edhe per trojet e tjera shqiptare.Kjo levizje e Dr Berishes duket jo qarte per disa qe nuk jane vrojtues te sakte te ngjarjeve dhe proceseve qe eshte duke vajtur Shqiperia e me ndihmen e saj edhe Kosova do te jete pjese e ketyre organizmave euro-atlantike.S'ka servilizem ketu ka vetem strategji me dobi gjithekombetare.