Debati lidhur me Kombin politik

[legenda]

fshatari,

ne nentekst nenkuptoje se edhe JU mbeshteni postimin tim me larte,iu falenderoj,

me respekt
Legenda

[quote=Fshatari]Nuk kam ndonjë konsideratë të posaçme për Akademinë e shkencave rumune. Reputacioni i kësaj akademie nuk tejkalon kufinjt rumun... është referencë e mjerë! Remember ish kryetarën e kësaj akademie, Elena Çaushesku, dhe epilogun e saj tragjik...!
Besoj që forumistët që i kanë hyrë kësaj teme të kenë lexuar sëpakut një libër mbi "shkencat politike"! Ju them sinqerisht se, për vetën time, nuk kam lexuar asnjë të tillë prandaj as që do kisha të drejtën të inkuadrohem në këtë debat.
Kur mendime të tilla shprehen nga një prof.dr. i "shkencave" politike çfarë mund të presësh nga ata që nuk kanë patur fatin të doktorrojnë e të "profesorojnë" ?! Mjerë për ta!
Qëllimisht e futa në mes thonjzash fjalën "shkenca politike" sepse, siç e dim të gjithë, egzistojnë shkencat e mirëfillta të natyrës, të definuara shumë qart, në princip të pakontestueshme dhe të pranuara, si të tilla, nga gjithë shkenctarët e botës.Ligji i gravitacionit, ai i relativitetit, dhe plot ligje tjera të pazbuluara, ekzistojnë objektivisht, pavarësisht faktorit njeri, madje as që qajnë kokën për këtë të fundit.
Përkundrazi, mund të lexosh mijëra libra për politikën, organizimet shoqrore, kombin, fenë dhe të mos bëhesh dot shkenctar...sepse këto të fundit s'janë gjë tjetër përveç konventa(marrëveshje) njerzore. Meqense nuk bëhet fjalë për ligje (në kuptimin e ligjeve natyrore) atëherë nocione të tilla si kombli, shteti, shteti-komb, etj. lanë derën e hapur për interpretime (interpretimi është gjithëmonë persnal dmth subjektiv) : sa e kuptova unë tekstin e Ahtisaar-it, nuk vura re se ai imponon krijimin e një kombi kosovar por të një shteti të Kosovës. Në të ardhmën, pra, do të jem shtetas(qytetar) i Kosovës por do të identifikohem vazhdimisht çfarë kam qenë gjithëmonë : pjellë e kombit shqiptar, me të gjitha vlerat, të mirat e të këqijat e këtij kombi...![/quote]

[legenda]

Kjo eshte PIKA STRATEGJIKE ,ku ne mundemi te mbeshtetemi dhe te kerkojme ALIBI FILOZOFO-POLITIKE....

respekt LABI

Postimi origjinal është bërë nga LABI

Kjo eshte pika e forte qe edhe pala e negociatoreve serb ne Vjene dhe aleatet e tyre qellojn forte.... TEK PRAKTIKA GJYQESORE - si BURIM I TE DREJTES NDERKOMBETARE...DHE E SHUMEPERFOLURA PRECEDENCA .

Mirepo, ceshtjej si nga vjen e drejta... kush e bene te drejten , kush vendos se cka eshte e drejte dhe cka jo ;Jane ceshtje qe me shume mund te kontekstualizohen dhe kontestohen ne rrafshin e diskutimeve filozofiko-politike . E jo edhe ne diskurset e praktikave te diplomacive nderkobetare .

Perpjekja per zoterimin,monopolizimin e forces, autoritetit, pushtetit ...eshte nje lufte qe hasim qe ne institucinoet baze ne mes individeve ne grup, bashkesi dhe shoqeri>>> si ne familje, fise, klane... e deri ne ato ne mes grupeve -- bashkesive etnike , racore... nacionale ...ne mes popujve dhe kombve te ndryshme .

[legenda]

Terror ndaj debatit për kombin kosovar

Ku ishte Jakup Krasniqi kur luftonte Azem Bejta?!!!
Shumë nga ata që sot e shohin procesin e krijimit te Kombit Kosovar, me 1981 ende nuk kishin lindur njësoj sikur që Jakup Krasniqi ende nuk kishte lindur kur luftonte Azem Bejta.

Nexhmedin SPAHIU

Kur isha student shpesh udhëtoja me trenin Mitrovicë-Fushë Kosovë dhe gjithnjë I isha mirënjohës Sulltan Abdylazizit (1861-1876) që ma ka ndërtuar hekurudhën time. Në fakt kur kishte perfunduar ndërtimi I hekurudhës Mitrovicë-Selanik, asnjëri nga katërgjyshërit e mi ende nuk kishin lindur, por unë I isha mirënjohës Sulltan Abdylazizit për faktin që ma kishte ndërtuar hekurudhën time

Tani Jakup Krasniqi përmend 1981-shin dhe thotë se ku ishin ata që sot flasin për kombin kosovar?. Kjo do të thotë qe ne që ishim atëherë fëmijë nuk kishim të drejtë të ishim fëmijë, ndersa ata që ende nuk kishin lindur nuk paskan pasur të drejtë të vinin në këtë botë sepse paskan munguar atëherë paskëshin dashur të jenë.
Debatin rreth Kombit Kosovar duhet ndarë në atë politik dhe atë akademik.
Në aspektin politik gjërat janë thënë troc. Në njërën anë është LKCK që ende lufton për realizimin e projektit të rilindasve shqiptarë dhe në anën tjetër janë gjithë partitë politike që pikësynim kanë pavarësinë e Kosovës, e ku bënë pjesë edhe partia e Jakup Krasniqit. Pavarësia e Kosovës nuk ka qenë projekt I rilindasve shqiptarë. Kështu nëse përkrahë pavarësinë e Kosovës përkrahë edhe kombin kosovar. Si do të quhet TMK kur Kosova të bëhet shtet nëse jo: Ushtria Kombëtare Kosovare? Si po quhen mediat që kanë shtrirje në gjithë territorin e Kosovës? TV-të kombëtare, gazetat kombëtare etj. Ju do të thoni se kështu nuk kemi mësuar nëpër shkolla etj. Vërtetë, s’kishte se si të mësohej kur nuk ekzistonte koncepti i pavarësisë së Kosovës. Tani ky koncept ekziston dhe është real dhe ndryshojnë shumë gjëra. Natyrisht, edhe koncepti për kombin ndryshon. Nëse na kanë pëlqyer bombat e raketat anglo-amerikane që binin mbi forcat e Millosheviqit, duhet t’I pranojmë edhe konceptet anglo-amerikane mbi kombin
Identiteti kombëtar nuk krijohet brenda një viti, por krijohet në proces në periudha shumë më të gjata. Vetë kombi është proces. Megjithatë janë disa ngjarje të cilat e bëjnë procesin më të dukshëm. Zanafilla e kombit shqiptar është më e hershme se viti 1878 (gjithësesi kjo zënafillë nuk mund të përfytyrohet qoftë edhe disa dekada para vitit 1878, dmth, mbetet brenda shekullit XIX), por viti 1878 kur u themelua Lidhja e Prizrenit konsiderohet si zanafillë e kombit shqiptar. Sipas projektit të rilindësve shqiptarë, kombi shqiptar duhej të ngritej mbi bazën e etnisë shqiptare, në tokat ku etnia shqiptare përbënte shumicën. Me Lidhjen e Prizrenit kombi shqiptar nuk u krijua por vetëm u nis si proces. Shqiptarët u krijuan si komb de facto vetëm me sundimin e Ahmet Zogut pas vitit 1925 edhe pse de jure u njohën si komb më 1912. Ai që njihet sot si komb shqiptar nuk është projekti I rilindësve por projekti I Ahmet Zogut. Ne shqiptarët e Kosovës I kemi thënë vetit komb shqiptar, por bota nuk na njeh për të tillë. Bota I njeh për komb shqiptar vetëm shqiptarët e Shqipërisë. Shqiptarët e Kosovës akoma nuk I njeh për komb. Bota na njeh vetëm për shqiptarë etnikë, asgjë më tepër. Pra, procesi I vetëdijësimit të kosovarëve si komb nuk ka filluar me 1912 por njësoj kur edhe I gjithë shqiptarëve të tjerë, me Lidhjen e Prizrenit, paçka se nisma e formimit të tyre kombëtar nuk u identifiku si kosovare po si shqiptare. Dhe nëse në Shqipëri shqiptarët u formësuan si komb de jure me 1912,
përkatësisht de facto pas vitit 1925, shqiptarët e Kosovës akoma nuk janë komb, por do të bëhen me kismet prej Zotit. Nuk janë akoma komb sepse nuk mjafton ta njohësh vetën për komb por duhet të jesh I njohur edhe prej të tjerëve si I tillë. Ja përkufizimi I im për kombin:
Kombi është një bashkësi (komunitet) njerëzish e organizuar mbi bazën e interesit përmes procesesh si një shoqëri, një konstrukt politik i aftë për të ndërtuar shtet, i aftë për të prodhuar dhe konsumuar vlera, që e njeh vetvetën si të tillë dhe që është i njohur nga të tjerët si i tillë.
Dhe tani le të na thotë Jakup Krasniqi se kush I njeh shqiptarët e Kosovës për komb? Peterseni? Zyrat diplomatike? Askush. Edhe atëherë kur do të na njohin do të na quajnë komb kosovar e jo ndryshe.
Në Kosovë, etnia shqiptare është shumicë absolute dhe kombi kosovar do t’I bartë karakteristikat kulturore, psikologjike, sociologjike e historike të etnisë shqiptare. Duhet të ketë një komb që e krijon shtetin. Nëse shteti i Kosovës krijohet ndonjëherë atëherë ky do të jetë krijesë e kombit kosovar, bërthamën e të cilit e përbëjnë komuniteti etnik shumicë (shqiptarët), ata që luftuan me çdo mjet (jo vetem me armë, po edhe në çdo mënyrë) për lirinë e pavarësinë e saj, por edhe pakicat etnike të Kosovës që e ndjejnë apo do ta ndjejnë vetën si kosovarë.
Debati akademik rreth kombit kosovar, thjeshtë po mungon. Megjithëse Jakup Krasniqi po përpiqet të kontribuojë në këtë drejtim kur pohon që kombi shqiptar është krijuar që në kohën e Akademisë së Voskopojës (1750). Sikur këtë ta dëshmonte shkencërisht atëherë jo vetëm që kjo kish me qenë arritje shkencore botërore, por edhe do të kishim më se të mburreshim. Kjo do të tregonte se kombi shqiptar na qenkësh kombi i parë në botë dhe se i paskësh paraprirë Revolucioni Francez (1789). E vërteta është krejt ndryshe. Vetë Voskopojën dhe Akademinë e saj e dogjën shqiptarët. Ai që konsiderohet rilindësi I parë shqiptar, Naum Panajot Llazër Bredhi-Vecilharxhi (1798-1854[?]) u frymëzua nga rilindasit rumunë të cilët ishin të influencuar nga Revolucioni Francez
Jakup Krasniqi si një figurë historike e Kosovës, si clirimtar, si sekretar i përgjithshëm i njërës prej dy partive më të mëdha, do të duhej të kontribuonte në këtë debat dhe jo t’I shpallë tradhtarë ata të cilët ai nuk mund t’I kuptojë. Aq më tepër t’u mveshë gjëra të paqena si ajo qe përkrahësit e kombit kosovar na paskëshin qenë ithtarë të kombit jugosllav! Kjo është tepër cinike. Kur është shkatërruar Jugosllavia unë isha ende student.Ata që sot e shohin procesin e kombit kosovar ishin fëmijë kur është shkatërruar Jugosllavia

[legenda]

Shqiptarët e Kosovës janë akoma komunitet. Nuk janë komb. Por do të bëhen komb

Nexhmedin SPAHIU*


Në matematikën elementare studentët mësojnë për përkufizimet (definicionet). Definicionet mund të jepen lirshëm por duhet të kihet kujdes një gjë: Definicioni duhet me qenë i saktë dhe nuk guxon me qenë as i ngushtë as i gjërë. Këtë gjë si duket shkencat shoqërore e kanë problem.
Ja nje shembull nga shkencat e natyrës:
"Lejleku është një shpezë që fluturon" është përkufizim (definicion) i gjerë sepse edhe dallëndyshja është një shpezë që fluturon, por nuk është lejlek.
"Shtëpi quhet objekti i banimit që ka 2 kate". Ky është një përkufizim (definicion) i ngushtë. E vërtetë se kjo që definova është shtëpi, por shtëpi mund të jetë edhe objekti banimit që ka vetëm një kat apo që ka edhe 3 apo 4 kate.
Tani definicioni i "Kombit" ("Nation"). Në boten akademike janë dhënë shumë definicione të gjëra e të ngushta për kombin. Ende nuk kam hasur në definicion të përpiktë e të formuluar me pak fjalë. Kjo natyrisht mbetet gjithëmonë ՟çështje debati mes studiuesve.
Ajo cfarë intelektualët tanë kanë parasyshë kur përmendet fjala komb është definicioni I Stalinit apo versioni I tij I përpunuar nga Eduard Kardeli. Ky është një definicion I ngushtë për kombin, shumë I thjeshtëzuar. Në të drejtën ndërkombëtare për kombe u referohen vetëm atyre kombeve që janë anëtare të Organizatës së Kombeve të Bashkuara. Në literaturën përendimore, në shqyrtimet akademike dhe mediale për kombe u referohen zakonisht kombeve evropiane, një pjese të kombeve afrikane e një pjese pak më të madhe të kombeve aziatike dhe kombit amerikan. Kështu p.sh. kur Presidenti Clinton ndodhet në Berlin ai në fjalimet e tij përmend fjalët "german nation" (kombi gjerman) por kur ai ndodhet në Namibi ai preferon të përdor "people of Namibia" (njerëzit apo populli I Namibisë) edhe pse Namibia ka statusin e kombit në marrëdhëniet ndërkombëtare.
Kështu kombin dikush e ka definuar si një realitet racional, ndërsa dikush tjetër si realitet emocional. Një tjetër e ka definuar kombin si realitet racional dhe emocional së bashku. Kombi është definuar edhe si vlere e vetme dhe konvergjente, identitet I vecantë. Apo është definuar si nje nga vlerat, divergjues dhe I shumëfishtë. Kombi si karakteristikë përjashtuse e një bashkësie humane në raport me të tjera bashkësi. Kombi si karakteristike perfshirëse, si një proces variabil, me karateristika të njëkohëshme përjashtuese-integruese. Kombet mund të dallohen edhe nga fakti mënyrës së lindjës së tyre; si projekt I dizajnuar apo aksident projektesh. Kombi po ashtu është një proces. Kombi është interes. Kombi është dashuri dhe sakrificë. Kombi është prodhues dhe konsumues vlerash shoqërore.
Per mua të gjitha këto definicione janë ose të gjëra ose të ngushta. Në Kosovë po përzihet debati akademik me atë politik. A mund të krijohet apo jo një komb i ri sot në Evropë është debat akademik.
A ta krijojmë apo jo kombin kosovar është një debat politik.
Shpeshherë intelektualët në politikë abuzojnë duke i përzier këto debate për qëllime thjeshtë politike. Si studiues mendoj se është i mundur krijimi i kombeve të reja në Evropë sado që Evropa po shkon drejt absolvimit të periudhës së kombeve dhe krijimit të superkombit evropian
Sa i përket qendrimit tim politik, deri në vitin 1994 unë kam qenë partizan i "korigjimit historik", dmth që kombi shqiptar të ndërtohet ashtu sic e kanë projektuar rilindasit shqiptarë (by design), por ketë qëndrim e kam ndryshuar gradualisht sapo realisht jam bërë pjesëtar i shoqërisë shqiptare (kur jam integruar në shoqërinë shqiptare, kur jam bërë profesor universiteti në Tirane, kur jam bërë kryeredaktor I njëres prej dy gazetave më të mëdha kombëtare të përditshme në Tiranë). Atëhere pra, kur jam integruar në shoqërinë shqiptare kam vërejtur dhe jam ndjerë ndryshe nga vëllezerit e mi kosovarë. Jamë ndjerë superior karshi kosovarëve. Me këtë rast vëllezerit e dashur kosovarë nuk I kam ndjerë si pjese e kombit tonë shqiptar (by accident). Nga ky pikëvështrim unë e kuptoja dhe e ndjeja dëshirën e kosovarëve të jenë pjesë e kombit (shoqërisë) shqiptar. Por unë ata nuk I ndjeja si pjesë e kombit. Unë shqiptari i lindur në Kosovë, i integruar në shoqërinë shqiptare nuk u njoh pjesë të kësaj shoqërie, pjesë të këtij kombi. E nuk e besoj se më shumë se kaq u njeh shqiptari i lindur e rritur në Delvinë, Vlorë etj.
Shqiptarët e Kosovës janë akoma pjesëtarë të një komuniteti që po përpëlitet të krijohet si shoqëri. Komunitet në rrugë e sipër për t'u organizuar si shoqëri, si komb. Le ta quajnë vetën si të si të dojnë, kosovarë, dardanë, shqiptaro-lindorë etj, por Prishtinasi e Tiranasi janë vetëm vëllezër të gjuhës e të gjakut por nuk janë pjesë e një shoqërie (kombit ) /by accident/.
Atë që kosovarët ngulmojnë se janë pjesë e shoqërisë shqiptare është vetëm një krizë kalimtare jo e identitetit kosovar në formim e sipër por e pafuqisë së tyre politike momentale për të realizuar vullnetin e tyre politik. Është shprehje e pasigurisë kosovare në hapat drejt krijimit si shoqëri, si komb

[legenda]

Një ilustrim: Dy vëllezer bineq. Në moshen 5 vjecare njëri pëson aksident dhe futet 7 vite në spital ose burg. Tjetri vazhdon shkollën. Kur del nga spitali/burgu vëllau i aksidentuar nuk deshiron të shkojë në klasë të parë po në klasë të shtatë bashk me vëllaun e vet. Vëllau I thotë mëso abetaren njëherë, të ndihmoj. Ky thotë: jo jemi njësoj. O gjakun kemi njësoj se jemi vëllezer por ti duhet të mësosh abetaren. Ky: jo po me merr me vete se bashk jemi me të fuqishem, dua edhe unë të vij me ty në klasë të shtatë. More qërohu mos më merr në qafë edhe mua se nuk ta kam ngenë që të merrem me ty tani se kam hallet e mia, shoket e mi sërbi e bullgari kanë shkuar në shkollë të mesme, italiani e francezi në fakultet e unë në klasë të shtatë. Dhe prap ...
Prof.Enver Hoxhaj u ka spjeguar studentëve: "Derisa një fshatar i Llapit e ndjen veten shqiptar dhe një fshatar I Vlores, në të njëjtën kohë e ndjen veten shqiptar, atëherë nuk ka komb kosovar". Shkelqyeshem. Vërtet që ende nuk ka komb kosovar (ai është në lindje e sipër) por kjo nuk nënkupton se labi e llapjani I përkasin të njëjtit komb (shoqëri). Ata mund t’I përkasin të të njëjtit komb në një të ardhme por tani nuk I përkasin. Duhet shtuar edhe kete. Si e ndjejne njeri tjetrin keta dy fshatarë?. Fshatari I Llapit edhe mund ta ndjejë labin për shqiptar po Labi e njeh llapjanin për kosovar (vëlla vetëm të gjuhës e gjakut) e jo pjesëtar të shoqërisë (kombit) së tij.
Shpesh bëhet pyetja: Cili do të ishte interesi I qytetarëve të Kosoves që të krijohet Kombi Kosovar " ?
Është po ai interes që është për krijimin e shtetit të Kosovës. Nuk mund të krijosh shtet pa u formësuar si komb. Kombi nuk bëhet vetëm me simbole edhe pse ato janë pjesë e procesit (madje pjesa më e dukshme e procesit). Kombi nuk bëhet vetem me deklarime e dashuri edhe pse kjo është pjesë përbërse e kombit.
Një student më ka bërë pyetjen se cfarë do të ishin pasojat nëse krijohet një "komb kosovar "
Nuk mund të krijohet një komb nëse ai nuk është interes i ndokujt. Vetë kombi është interes. Cilat do t'ishin pasojat? Hm...
Pasojat do t'ishin që do të duhej me prodhu vlera shoqërore dhe jo vetëm me konsumu vlera. Shqiptarët e Kosovës janë më shumë konsumues vlerash shoqërore se sa prodhues. Kombi prodhon vlera.
Ja një shembull:
Standardi gjuhësor i vitit 1972 është një vlerë (nese është?!!, Po të pakten do të duhej të ishte) që është prodhuar në Tiranë e që Prishtina vetëm e ka konsumuar dhe atë me pak sukses.
Kundershtuesit e krijimit të kombit kosovar janë skeptikë në atë se shoqëria kosovare mund të prodhojë vlera. Janë skeptikë se shteti i Kosoves mund të funksionojë. Këtë e thonë para ndërkombëtarëve edhe Koshtunica e Drashkoviqi. Ata kanë bërë tendenca që Kosova të ndahet mes Serbisë e Shqipërisë. Por në Tiranë nuk kanë gjetur asnjë partner për këtë punë.
Ngjajshmëri të rastit Shqipëri-Kosovë ka që nga Indonezia e Malajzia e deri të Gjermania, Austria e Zvicra dhe në vetë Ballkanin: Rumani-Moldavi, Bullgari-Maqedoni, Serbi-Mali I Zi dhe Greqi-Qipro. Shembulli I fundit është shembulli më adekuat në një aspekt, por dallimi është se Greqia deri në ditet e sotme ka bërë politike irredentiste karshi Qipros. Dhe përkundër kësaj ka rezultuar: copëtimi i Qipros. Në rastin e Kosovës poashtu ka rrezik nga copëtimi, por jo ndarje mes Shqipërisë e Serbisë por Kosovë e pavarur pa një pjesë të saj apo Kosovë e copëtuar së brendëshmi. Kjo sepse Shqipëria kurrë nuk ka ndjekur politikë irredentiste me përjashtim kur ka qenë e detyruar nga Vjena, Roma e Berlini gjate dy luftërave botërore.
Dallimi qenësor është se Athinasi e ndjen qipriotin pjesëtar të kombit grek (perveç asaj si pjesëtar të etnisë greke). Tiranasi prishtinasin e ndjen vetem si vëlla të gjakut (si pjesëtar të etnisë shqiptare) po jo edhe si pjesëtar të kombit shqiptar.
Dhe sa i përket forces së integrimit në shoqërinë shqiptare kjo është mahnitese. Edhe pse e varfër Shqipëria i ka integruar (grekët, boshnjakët, bullgarët, vllehët, serbët etj më mirë se kushdo tjetër në Ballkan). Kjo është mahnitëse.
Propaguesit më të mëdhenjë kundër termit "Komb Kosovar" janë ata që thonë se edhe Rankoviqi ka thënë se shoqëria kosovare është e ndryshme prej asaj shqiptare. Unë këtë nuk e kam dëgjuar por le ta zëmë se Rankoviqi apo kushdo tjetër I sortës së tij të ketë thënë ashtu.
Nuk besoj se Rankoviqi të ketë ëndërruar që shqiptaret t'i kenë dy vota në Kombet e Bashkuara d.m.th. që nga etnia shqiptare të dalin dy kombe. Jam i bindur se Rankoviqi ka ëndërruar shfarosjen e gjysmës së etnisë shqiptare. Përpjekja e Rankoviqit për të evidencuar dallimet mes shqiptarëve mund të ketë qenë në ketë funksion, por pas "NATO 1999" ky rrezik nuk ekziston. Ekziston vetëm rreziku i vonimit të krijimit të kombit kosovar po jo edhe zhbërjës së gjysmës së etnisë shqiptare
Shqiptarët janë një etni por mund të jenë dy a tri kombe nëse arrijnë të bëhen.
Dallimet krahinore janë tjeter gjë, dallimet e formimit kombëtar janë tjetër gjë. Në aspektin etnik shqiptarët nuk kanë vijë ndarëse (të gjithë e kanë origjinën në Malësitë e Veriut). Në aspektin krahinor katundari I Gjakovës është më I afërt me katundarin e Tropojës se me llapjanin, dhe tropojani është më I afërt me katundarin e Gjakovës se me labin. Në aspektin kombëtar shqiptarët e Kosovës jane akoma komunitet. Nuk janë komb. Por do të bëhen komb. Shoqëria shqiptare dhe ajo kosovare nuk janë një. Janë larg njëra tjetrës. Shoqëria shqiptare është nivel kombi. Ajo kosovare nuk është nivel kombi. Është nivel komuniteti akoma, por me kismet shoqëria kosovare do të arrijë nivel kombi. Sido që ky komb të quhet (kosovar, shqiptaro -lindor, dardan etj) nuk ka fort rëndesi. Më rëndësi është që ai do të jet komb, që do të prodhojë vlera dhe do të dijë t’I konsumojë ato, që do të ket flamurin e vet në Kombet e Bashkuara (cilido qoftë ai, me shqiponjë a me bubazhel). Duhet kuptuar se nuk kanë faj Tiranasit që kosovarët I shohin me përbuzje si vëllaun që ia kujton nivelin parashoqëror. Kosovaret do të bëhen komb me kismet prej Zotit sepse ky proces është i pakthyeshem. Kosovarët tani kanë jo krizë identiteti por krizë të fuqisë për realizimin e vullnetit politik, por kjo do të kalohet.
Dhe në fund çka është kombi? Cili është definicioni im për kombin?
Kombi është një bashkësi (komunitet) njerëzish e organizuar mbi bazën e interesit përmes procesesh si një shoqëri, një konstrukt politik i aftë për të ndërtuar shtet, i aftë për të prodhuar dhe konsumuar vlera, që e njeh vetvetën si të tillë dhe që është i njohur nga të tjerët si i tillë.

[legenda]

Reagim ndaj shkrimit të Agron Tufës "Kush po e sponzorizon Kombin Kosovar?"

Ja kush janë sponzorët e projektit për Kombin Kosovar

Kush po mendon se sërbët po sponzorizojnë projektin qe shqiptarët t’i kenë dy vota (vende) në Kombet e Bashkuara?!

Nexhmedin SPAHIU

Autori pohon se fjala "etni" (greqisht) e "komb" ["Nation"] (latinisht) kanë të njëjtin kuptim me cka ai do të na thotë se kombi e etnia janë një. Ky është spekulim. Origjina e njëjtë kuptimore e fjalëve nuk do të thotë se ato në kohë të ndryshme kanë kuptim të njëjtë. Sot me etni kuptohet një bashkësi njerëzish të një origjine e një gjuhe ndërsa me komb kuptohet jo cfarëdo bashkësie po me komb kuptohet një bashkësi njerëzish e organizuar mbi bazën e interesit përmes procesesh si një shoqëri, një konstrukt politik i aftë për të ndërtuar shtet, i aftë për të prodhuar dhe konsumuar vlera, që e njeh vetvetën si të tillë dhe që është i njohur nga të tjerët si i tillë.
Kështu sot në botë kemi rreth 8000 etni dhe 192 kombe. Pra si shihet, nga vet numrat e ndryshëm jo cdo etni është komb. Pra, këto nuk janë sinonime të njëra tjetrës. Nëse do t’ishte ashtu atëhere do të mund të thoshim herë Organizata e Kombeve te Bashkuara herë Organizata e Etnive të Bashkuara por kjo e dyta s’ka kuptim.
Pretendimi I dytë I autorit është se projekti i kombit kosovar është I sponzorizuar në formë fushate nga serbet apo aleatet e tyre nderkombëtarë dhe se ky debat na paska lindur tani.
Kjo është ironia më e madhe qe dikush të mendojë se serbet apo aleatet e tyre ndërkombëtarë të sponzorizojnë atë që shqiptaret t’i kenë dy vota në Kombet e Bashkuara.
Autori thotë se kombi shqiptar na paskësh funksionuar si "komb kulturor" në mungesë të "kombit-shtet". Tamam ashtu, vetëm se në këtë rast gjysma e kombit (Tirana) ka prodhuar kulturë e gjysma tjetër ka konsumuar kulturë (Prishtina). E pra, tani e tutje ne duam të jemi komb-shtet dhe të prodhojmë kulturë, të prodhojmë vlera. E sponzorët tanë janë kolosët Ymer Prizereni, Haxhi Zeka, Hasan Prishtina etj, që e nisën projektin origjinal të kombit shqiptar. Janë Rexhep Mitrovica, Bedri Pejani e Xhafer Deva etj që u përpoqën ta bëjnë korigjimin historik të projektit të reduktuar nga Ahmet Zogu, të cilin ai e reduktoi duke eliminuar gjithë pasuesit besnikë të projektit origjinal për kombin shqiptar. Sponzorët tanë janë edhe Shaban Palluzha dhe NDSH-istat që luftuan aleancen komuniste Beograd-Tiranë. Sponzoret tanë janë edhe Esad Mekuli e Adem Demaci dhe nxënësit e tyre që mbajtën gjallë qenien biologjike e kulturore shqiptare në Kosovë. Është Iliaz Kurteshi që shpalli dhe ata që e hartuan dhe miratuan kushtetutën e parë të Kosovës më 1968. Janë ata që e shpallën pavarësinë e Kosovës më 1990-92. Dhe në fund sponzorët e artë të projektit për kombin kosovar janë të gjithë ata që derdhën gjak, djersë e lotë për Kosovën. Ata që nisën luftën kundër Serbisë dhe me ndihmën e NATO-s e dëbuan prej Kosove. Pa këta sponzorë projekti për kombin kosovar kish me qenë utopi. Falë këtyre sponzorëve ai është një projekt real
Ndërsa sa i përket pretendimit se debati rreth projektit për kombit kosovar ka filluar tani dua të jap fakte se ky debat ka nisur kaherë. Ja në vijim një shkrim I imi, pjesë e debatit lidhur me këtë cështje i zhvilluar në Qershor e Korrik 1995 në shtypin e Tiranës dhe të Shkupit.

[legenda]

Përgjigjie reagimeve të Kushtrim Fetiut dhe Labinot Vulës [K.D.12.01.2006] ndaj shkrimit tim "Shqiptarët e Kosovës jana akoma komunitet, nuk janë komb, por do të bëhën komb"


Kombi Kosovar është një proces historik


Studiusit as nuk mund ta krijojnë as ta zhdukun, ata mundën vetëm t’I vëjnë emër këtij procesi, gjë që unë po përpiqem ta bëj.


Nexhmedin SPAHIU

Tri janë gjërat që kërkojnë përgjigjie në reagimet e lartpërmendura. E para. Kushtrim Fetiu tenton të gjej kontradikcion në përkufizimin tim për kombin se Kombi është një bashkësi njerëzish e organizuar mbi bazën e interesit përmes procesesh si një shoqëri, një konstrukt politik i aftë për të ndërtuar shtet, i aftë për të prodhuar dhe konsumuar vlera, që e njeh vetvetën si të tillë dhe që është i njohur nga të tjerët si i tillë.
Z.Fetiu thotë se mëqë kombi na qenka bashkësi (komunitet) sipas titullit të shkrimit tim "Shqiptarët e Kosovës janë akoma komunitet, nuk janë komb por do të jenë komb" atëherë at avec qenkan komb. Ky përfundim është kur ti nuk e lexon fjalinë deri në fund. Vërtet që kombi është bashkësi po jo cfarëdo bashkësie është komb. Vetëm ato bashkësi që kanë cilësitë e lartpërmendura janë kombe. Cdo komb është shoqëri. Jo cdo shoqëri është komb. Cdo shoqëri është bashkësi. Jo cdo bashkësi është shoqëri. Rrjedhimisht cdo komb është bashkësi po jo cdo bashkësi është komb. Kombi është konstrukt politik po jo cdo konstrukt politik është komb. Kombi është process. Po jo cdo proces është komb. Nuk mund të konsiderohesh komb pa e dëshmuar aftësinë e ndërtimit të një shteti. Ka shtete që nuk janë kombe si Vatikani etj, po vullneti I popullit të Kosovës nuk është që Kosova të jetë Vatikan po një shtet e komb si Sllovenia, Austria etj. Shqiptarët e Kosovës kanë ndihmuar në krijimin e shtetit shqiptar por ata nuk e kanë krijuar atë, përkundër përpjekjeve mbinjerëzore. Shtetin shqiptar më në fund e ka
Sllovenia, Austria etj. Shqiptarët e Kosovës kanë ndihmuar në krijimin e shtetit shqiptar por ata nuk e kanë krijuar atë, përkundër përpjekjeve mbinjerëzore. Shtetin shqiptar më në fund e ka krijuar Ahmet Zogu dhe atë në saje të likuidimit të pothuaj gjithë elitës politike kosovare (Hasan Prishtina, Bajram Curri, dhe indirekt Azem Bejta, Shota Galica etj.). Edhe në krijimin e shtetit të Kosovës kanë kontribuar njerëz nga Tirana (Pandeli Majko etj), Kavaja (dëshmori Indrit Cara I Kvajës ka ardhë nga Londra për të dhënë jetën për lirinë e Kosovës), etj etj, por të gjithë këta kanë ndihmuar në krijimin e shtetit të Kosovës po nuk e kanë krijuar atë. Shtetin e Kosovës po e krijojnë në radhë të parë shqiptarët e Kosovës, po edhe pakicat tjera etnike.
Dalim te e dyta , te shkrimi I Labinot Vulës "Kosovarët janë pjesë e popullit shqiptar" apo Kosova është një krahinë shqiptare. Është po në cfarë kuptimi? Është në kuptimin etnik. Në kuptimin etnik është si Mirëdita, Mati, Labëria. Në kuptimin kombëtar jo sepse po pretendon të jetë shtet me vete.
E treta. Shumë po manipulohet me atë se kush po e sponzorizon krijimin e kombit kosovar. Dua të them se unë si studiues as nuk mund ta krijoj as ta shkatërroj një komb. Unë vetëm po pretendoj t’i vëj emrin një procesi. Aludimi që këtë po e sponzorizon Beogradi e Athina, mund të jetë I vërtetë. Së pari Greqia ishte anëtare e NATO-s kur ajo hodhi bomba mbi Beograd dhe ky është një sponzorizim I artë për krijimin e kombit kosovar. Së dyti, nuk është se Beogradi me politikën e Millosheviqit nuk e ka sponzorizuar këtë process. Duke e rrezikuar qenien biologjike të shqiptarëve të Kosovës, Millosheviqi I detyroi ata në kryengritje të armatosur gjë që ngriti vetëdijën e tyre për krijimin e shtetit vetanak si mekanizëm mbrojtës. Kështu sponzorizimi I Beogradit është indirect. Sponzorët direkt të projektit të kombit kosovar janë shumë dhe ata përvijohen në process të gjatë historik.
Sponzorët e kombit kosovar janë kolosët Ymer Prizereni, Haxhi Zeka, Hasan Prishtina etj, që e nisën projektin origjinal për krijimin e kombit shqiptar. Janë Rexhep Mitrovica, Bedri Pejani e Xhafer Deva etj që u përpoqën ta bëjnë korigjimin historik të projektit të reduktuar nga Ahmet Zogu, të cilin ai e reduktoi duke eliminuar gjithë pasuesit besnikë të projektit origjinal për kombin shqiptar. Sponzorët e kombit kosovar janë edhe Shaban Palluzha dhe NDSH-istat që luftuan aleancen komuniste Beograd-Tiranë. Janë edhe Esad Mekuli e Adem Demaci dhe nxënësit e tyre që mbajtën gjallë qenien biologjike e kulturore shqiptare në Kosovë. Është Iliaz Kurteshi që shpalli dhe ata që e hartuan dhe miratuan kushtetutën e parë të Kosovës më 1968. Janë ata që e shpallën pavarësinë e Kosovës më 1990-92. Dhe në fund sponzorët e artë të projektit për kombin kosovar janë të gjithë ata që derdhën gjak, djersë e lotë për Kosovën. Ata që nisën luftën kundër Serbisë dhe me ndihmën e NATO-s e dëbuan prej Kosove. Pa këta sponzorë projekti për kombin kosovar kish me qenë utopi. Falë këtyre sponzorëve ai është një projekt real.
Themelet e kombit shqiptar kanë filluar me Lidhjen e Prizrenit. Por godina e ndërtuar më 1920 e sidomos me 1925 nuk është vënë mbi këto themele. Është reduktuar.
Kombi shqiptar (sipas projektit original) ka funksionuar vetëm deri në stadin kulturor. Më pas gjysma e kombit (Tirana) ka prodhuar kulturë e gjysma tjetër ka konsumuar kulturë (Prishtina). Tani është koha që edhe pjesa tjetër të prodhojë kulturë, të prodhojë vlera, të jetë komb në vete.

[Domira]

Mbasi per fat te keq nuk po kam kohe qe ti lexoj keto shkrime, qe doemos jane me vlere, deshta ta shprehm endimin tim per temen.

Kjo eshte pune e eksperteve qe do te duhet te percaktohet me kushtetute, po menidmi im eshte se: ne jemi KOMB SHQIPTAR I KOSOVES. Kurse qytetaret e Kosoves normalisht se quhen KOSOVAR.
Mbasi Kosova eshte krejt "rast" unik me te gjitha veçorite e veta, une mendimin tim e bazova pikerisht ne kete vleresim do te thoja boteror per Kosoven.

[legenda]

forumiste te nderuar,ky punim eshte ende i pabotuar,,,pra per here te pare ne FORUMIN E DARDANISE,prezentohet.

Postimi origjinal është bërë nga legenda

Reagim ndaj shkrimit "Ahtisaari kundër vizionit të Rugovës" të botuar në "Express" me 18.02.2007


Ahtisaari dhe Kombi Kosovar

-Ahtisaari nuk është kundër vizionit Rugovës por Ahtisaari nuk është Rugova.
(Nuk ështe se njerka është kundër nanës por njerka nuk është si nana)

-Nëse Kosova definohet si shtet multietnik kjo nuk e pengon krijimin e kombit kosovar. Kombi ëshë proces. Shumica e kombeve evropiane janë kombe multietnike.

- Nëse flasim për kosovarët si komb, kjo nënkupton shqiptarët e Kosoves ne radhë të parë si shumicë absolute e banorëve te Kosoves, si promotorë të këtij procesi. Në momentin, kur boshnjakët, turqit apo shkalinjtë integrohen në shoqërinë kosovare ata bëhën kosovarë në kuptimin kombëtar. Në momentin që sërbet të integrohen në shoqërinë kosovare ata bëhen kosovarë në kuptimin kombëtar.

Nexhmedin SPAHIU*
Autori V.Syla e thotë një të pavertetë, kur pohon se krijimi i nje kombi kosovar ka filluar të propagohet si ide politike nga selia e Rugovës në Velani. Ideja e krijimit të kombit kosovar është inicuar nga shtypi i Tiranës e i Shkupit përmes shkrimeve te mia që nga viti 1994 e këndej. Ndërsa sa i përket Prishtinës kjo meritë, apo ky faj, i takon "Kohës Ditore" dhe përgjegjësve të saj të vitit 1999, që artikujt e mi i kanë botuar si kryeartikuj ku kam propozuar që "Kur ra kushtrimi në Kosovë" të jetë Hymni Kombëtar i Kosovës, para se këtë ta intonojë Presidenti Rugova tri vite më pas (nënëtor 2002).
Këtë nuk po e përmend për t’u lavdëruar apo për t’i zvogëluar meritat e Rugovës në këtë drejtim po thjeshtë për të treguar se kombi është një proces. Nuk ka asgjë kontradiktore mes pararugovistëve, rugovistëve dhe "Ahtisaarit" (po e vë nën thojza për të bërë të ditur se po flasim për planin e Ahtisaarit të perceptuar sipas artikullshkruesit). Ja pse.
Nëse flasim për kosovarët si komb, kjo nënkupton shqiptarët e Kosoves ne radhë të parë si shumicë absolute e banorëve te Kosoves, si promotorë të këtij procesi. Në momentin, kur boshnjakët, turqit apo shkalinjtë integrohen në shoqërinë kosovare ata bëhën kosovarë në kuptimin kombëtar. Në momentin që sërbet integrohen në shoqërinë kosovare ata bëhen kosovarë në kuptimin kombëtar. Problemi me pakon e Ahtisarit është se kjo pako nuk i integron sërbët në shoqërinë kosovare po e ndanë Kosovën, po e bënë atë shtet (kon)federal sui generis
Për këtë, Ahtisaari nuk është Rugovë, nuk është nanë për Kosovën por njerkë. Për këtë, faji dhe përgjësia u takon atyre që nuk e dëgjuan nanën (Ibrahim Rugovën) por tani po e dëgjojnë njerkën (Ahtisaarin).
Në fund të fundit,kombi kosovar do të krijohet me sërbët apo pa sërbët, me boshnjakët apo pa boshnjakët, me ashkalinjtë apo pa ashkalinjtë. Ideja e kombit kosovar nuk është krijuar nga ndarja e Kosovës prej Sërbisë po që nga momenti kur lëvizja irredentiste shqiptare është konvertuar në lëvizje për pavarësinë e Kosoves.
Artikullshkruaesi thotë se Ahtisaari e ka fundosur idetë e vjetra si Kosova shtet komb dhe bashkim me Shqipëri, por shtet të pavarur e multietnik. Kjo nuk qëndon logjikisht. Pothuaj të gjitha kombet e sotme evropiane janë kombe multietnike. Edhe kosovarët me gjasë do të jenë një komb multietnik. Shqipëria është një shembull briliant i integrimit të pakicave etnike në shoqërinë shqiptare. Kombi kosovar nuk ka pse mos të jetë një fotokopje e kombit shqiptar.
Artikull-shkruesi akoma ngatërron etninë me kombin. Ai thotë se shteti i Kosovës nuk do të jetë kombëtar po multietnik! Ky është nonsens. Etnia është bashkësi (komunitet), ndërsa kombi është shoqëri. Këtë do të duhej ta mësonin nxënësit në lëndën Edukata Qytetare nëpër shkollat tona fillore. Fatkeqësisht këtë në Kosovë nuk e kanë mësuar ende shumica e gazetarëve, politikanëve dhe profesorëve e universitetit.
*Autori është profesor i lëndës "Politika e Vendeve të Ballkanit"

[legenda]

forumiste te nderuar,ne vijim po publokoj nje email,qe mora nga nje MIK i imi,i cili po ashtu eshte Politikan (emrin e te cilit nuk mundem ta publikoj) , eshte interesant kendveshtrimi i tij per kete teme,dhe sipas mendimit tim sa me shume kendveshtrime gershetohen,aq me shume na ofrohet mundesia te nxjerrim perfundimishte nje brume te perkryer...


Me respekt te vecant per miken time, *******
te falemnderoj shume qe po me provokon pozitivisht me gjera shume interesante. Tema per te cilen keni shkruar eshte ne rend te pare per akademike, politikan me profesiona dhe ne rend te dyte per ato qe kane vullnet te ndihmojne atehere kur eshte veshtire per te thene dicka per te cilen as vete nuk jane te sigurt. "Veta e pare" me pelqen shume, paraqet nje ndjenje te vecante, ndjenje qe veshtire eshte per ta percaktuar, por thjesht e kuptoj si dicka qe po me mungon. Ndjenjat krijohen sipas bindjes, dashuria per kombin vjen me lindje perforcohet nga familja dhe institucioni. Dashuria per individin eshte ndjenje e perzier por jep e mer aq sa mundohesh. Edhe shteti krijohet aq sa mundohesh. Kombi nuk eshte artificial ai ka lindur para nesh dhe me ne vazhdon, kurse shteti krijohen ne baze te rrethanave politike, strategjike e kohore. Nje komb me vlera fisnike qe nuk arin te strehohet me nje shtepi (shtet) eshte i detyruar te ndertoj shtepi (shtete) qofshin per vete apo per te tjeret. Shetin e vet e nderton populli i Kosoves ne kuader te kombit shqipetar, kurse shqipetaret e Maqedonise ne kuader te kombit ndertojne shtetin e kombit maqedon. E hidhur eshte, por ne treg shitet produkti kurse lenda e pare mund te jete disa fare. Aftesi eshte per te ndertuar produkt alias shtet, aftesi eshte per te qene dikush edhe ne shtetin e tjetrit rasti i shqiptareve, sepse hapesira, trolli jane fizike nuk levizin vetem emertimin e nderojne. Emertimi eshte aftesi politike, dhe ndertohet me nje gjeostrategji kohore, me miq dhe perkrahje.
Me vjen keq nese nuk kam aritur dicka me ta ndihmuar ne koncept, te lutem kurreeeee mos u pajto me nje realitet qe nuk te konvenon, egoist me shpirt mos u bene, te tjeret duaji ashtu sic te mendojne, jo si deklarohen. Perseri me fal me deshire do te kisha kaluar ore te mira me Ju. E cmoj permbajtjen forma mund edhe te nderohet, sepse eshte estetike dhe siperfaqesore.
Te pres ne Prishtine, mirupafshim

[Pupi]

Me vëmendje lexova këtë të shkruar nga shumë diskutues këtu.

A thua:

1. Nuk kemi rrugëdalje tjetër ?
2. Do përzihen përsëri letrat që nga fillimi ?
3. Një Londer/Dayton i ngjashëm?

Apo Do jetë Kosova një Neverland ?

Besoj të jetë në kokën e çdo Shqiptari ky Term i ri, lidhur me kombin "Kosovar" në të ardhmen.

Përqarja, apo ngarendja pas partive politike do e lë anash qështjen Kombëtare!
E them këtë sepse po të ndodhje kjo, jo që është rrezik Kombëtarë për Shqiptarët e krahinës jugore shqiptare, por edhe për gjithëmbarë Shqiptarët kahdo që janë. Nga kjo do të dilje se Shqiptarët nga viset e tjera në shtetet e reja do të duheshin të shkriheshin në atë shtete/ kombe ku jetojn.
Jo "kombit" Kosovarë !

[LABI]

Postimi origjinal është bërë nga legenda

Me respekt te vecant per miken time, *******
te falemnderoj shume qe po me provokon pozitivisht me gjera shume interesante. Tema per te cilen keni shkruar eshte ne rend te pare per akademike, politikan me profesiona dhe ne rend te dyte per ato qe kane vullnet te ndihmojne atehere kur eshte veshtire per te thene dicka per te cilen as vete nuk jane te sigurt. "Veta e pare" me pelqen shume, paraqet nje ndjenje te vecante, ndjenje qe veshtire eshte per ta percaktuar, por thjesht e kuptoj si dicka qe po me mungon. Ndjenjat krijohen sipas bindjes, dashuria per kombin vjen me lindje perforcohet nga familja dhe institucioni. Dashuria per individin eshte ndjenje e perzier por jep e mer aq sa mundohesh. Edhe shteti krijohet aq sa mundohesh. Kombi nuk eshte artificial ai ka lindur para nesh dhe me ne vazhdon, kurse shteti krijohen ne baze te rrethanave politike, strategjike e kohore. Nje komb me vlera fisnike qe nuk arin te strehohet me nje shtepi (shtet) eshte i detyruar te ndertoj shtepi (shtete) qofshin per vete apo per te tjeret. Shetin e vet e nderton populli i Kosoves ne kuader te kombit shqipetar, kurse shqipetaret e Maqedonise ne kuader te kombit ndertojne shtetin e kombit maqedon. E hidhur eshte, por ne treg shitet produkti kurse lenda e pare mund te jete disa fare. Aftesi eshte per te ndertuar produkt alias shtet, aftesi eshte per te qene dikush edhe ne shtetin e tjetrit rasti i shqiptareve, sepse hapesira, trolli jane fizike nuk levizin vetem emertimin e nderojne. Emertimi eshte aftesi politike, dhe ndertohet me nje gjeostrategji kohore, me miq dhe perkrahje.
Me vjen keq nese nuk kam aritur dicka me ta ndihmuar ne koncept, te lutem kurreeeee mos u pajto me nje realitet qe nuk te konvenon, egoist me shpirt mos u bene, te tjeret duaji ashtu sic te mendojne, jo si deklarohen. Perseri me fal me deshire do te kisha kaluar ore te mira me Ju. E cmoj permbajtjen forma mund edhe te nderohet, sepse eshte estetike dhe siperfaqesore.
Te pres ne Prishtine, mirupafshim

KATEGORITE SI:

1. BASHKESIA
2. SHOQERIA
3. ETNIA
4. KOMBI
5. VETEDIJE POLITIKE
6. NJESI POLITIKE

Jane kategori qe jo gjithemon, ne delklarime, shpejgime, ilustrime perdorenn ne vendin e duhur dhe menyre te drejte ... Madje shpeshehere kontradiktore ne vete !!
Ekzistojne casje , pikepamje te ndryshme - sa i perket komb-formimit si dukuri dhe kategori shoqerore.... Prej atyre HISTORIKE, KULTURORE , INDUSTRIALISTE, POLITIKE ...

Kombi me i vjeter eshte kombi - Aglez ... Dhe po qe se ndalemi dhe i bejme nje retrospekcion historikut te ekzistences se vetedijes kombetare dhe komb-formimit Anglez - do te mesojme qe Kombi Anglez nuk ekziston si nje shoqeri e organizuar ne KOMB para shek XVIII ...
Ndersa si shekull i komb-formimeve konsiderohet shek XIX... periudha kjo qe u nxite nga REVOLUCIONI INDUSTRIAL NE ANGLI ... dhe REVOLUCIONI POLITIK - ne FRANCE … sidomos pas miratimit te konventes te - LIRIVE DHE TE DREJTAVE TE NJERIUT DHE SHTETASIT ne FRANCE te cilat pas revolucionit u paraqiten si bashkesi qytetaresh – ku Kombi shtetit –thekson se kombi duhet te perbehet nga te gjithe ata pavarsisht nga raca ,gjuha , ngjyra , besimi .

Ajo cka me bene pershtypje ... ne shpjegimet qe i ofrojne disa autore ne shkrimet e tyre ...eshte kunderthenjet... Ne njeren anee mundohen t'i prejn me thike gjerat dhe te bejne dallimet ne mes BASHKESISE - SHOQERISE , ETNISE dhe KOMBIT... si gjera te shkputura mes vete ... Ndersa ne anen tjeter kur perpiqen t'a argumentojne, arsyetojne ekzistencen e kombit dhe vetedijess kombetare del se shqiptaret si komb jane po aq te lasht sa jane anglezet , francezet ....!!