Lajme Aktuale....

[Oqeani]

Tre të vdekur nga pickimi i rriqrave


Në Klinikën Infektive të Qendrës Klinike Universitare të Kosovës, nga ethet hemorragjike që shkaktohen nga pickimi i rriqrave, deri më tani kanë vdekur tre persona. Të tre janë nga rrethina e Malishevës....



09.06.2010



Bëhet e ditur se në këtë klinikë në mbikëqyrje intensive ndodhen edhe 28 pacientë të tjerë të prekur nga ethet, njëri prej tyre në gjendje të rëndë klinke.

[Guri i madh]

Ngushtohet rrethi i të dyshuarve për vjedhjen në polici

Publikuar: Sot, më 09 qershor 2010



Prishtinë, 9 qershor – Hetuesit ndërkombëtar të EULEX-it kanë identifikuar disa të dyshuar për vjedhjen skandaloze në dhomën e dëshmive të Policisë së Kosovës, duke ngushtuar kështu pistën e hetimeve, shkruan sot e përditshmja e Prishtinës, “Zëri”.

Gazeta pohon të ketë marrë konfirmime për këtë nga zyrtarët e misionit të EULEX-it.

Prokuroria Speciale, e cila po udhëheq rastin e vjedhjes në dhomën e dëshmive nuk ka konfirmuar numrin e saktë të të dyshuarve dhe figurat për të cilat dyshohet se kanë gisht në këtë ngjarje.

Hetimet për rastin e dhomës së dëshmive janë duke u kryer nga policia e Kosovës dhe ajo e EULEX-it.

Rasti në fjalë ka ndodhur më 25 prill 2009 në Qendrën për trajnim policor afër Drejtorisë së Përgjithshme të Policisë së Kosovës. Aty “heshtazi” janë vjedhur 47 kilogramë heroinë dhe më shumë se 3 milionë euro në valuta të ndryshme.

[Guri i madh]

Prishtinë, 11 qershor – Një pjesëtar i Ministrisë së Punëve të Brendshme të Serbisë (MPB) i ka “shpëtuar” nga duart një njësie operative speciale të Policisë së Kosovës, njofton sot “Koha Ditore”. .
Dragisha Antiq është hasur të mërkurën rreth orës 21:00 në Kodrën e Minatorëve në veri të Mitrovicës, por kur është thirrur të ndalej ka kapërcyer një mur rrethues të një shtëpie private, duke arritur t’ia mbathte nga aty. Mirëpo policit të Serbisë, Dragisha Antiq, i kanë rënë dokumentet, bashkë me to edhe karta identifikuese, distinktivi personal i Policisë së Serbisë dhe një kartë anëtarësie në Partinë Radikale Serbe të kriminelit të luftës, Vojislav Sheshel.
“Koha Ditore” ka arritur t’i sigurojë faksimilet e dokumentet e identifikimit të këtij polici, të gjetura nga Policia e Kosovës në vendin e ngjarjes. Ato dëshmojnë kohën prej kur ka hyrë ai në Policinë e Serbisë (më gjerësisht në numrin e sotshëm të “Kohës Ditore”)

[Kercovari]

Papa u kërkon falje viktimave të abuzimeve seksuale



Papa Benedikti i XVI-të u kërkoi falje publike viktimave të abuzimeve në kishën katolike.
Ai do të bëjë krejt çka është e mundur për mbrojtjen e fëmijëve nga sulmet seksuale të priftërinjve, sqaroi Papa të premten gjatë një meshe në sheshin e Shën Pjetrit në Romë, në të cilën morën pjesë 15 mijë priftërinj.

Në fjalën e tij Papa, tha se viti i kaluar, i shpallur si vit i priftërinjve në vend që të ishte një vit i gëzimit solli në dritë "para së gjithash abuzimet me të miturit". "Po ashtu ne lusim Zotin dhe të prekurit për falje dhe premtojmë se duam të bëjmë krejt çka është e mundur për t`u siguruar se një keqtrajtim i tillë nuk do të përsëritet më," sqaroi Papa Bendeikti i XVI-të./dw/start/

[Oqeani]

Postimi origjinal është bërë nga Guri i madh

Prishtinë, 11 qershor – Një pjesëtar i Ministrisë së Punëve të Brendshme të Serbisë (MPB) i ka “shpëtuar” nga duart një njësie operative speciale të Policisë së Kosovës, njofton sot “Koha Ditore”. .
Dragisha Antiq është hasur të mërkurën rreth orës 21:00 në Kodrën e Minatorëve në veri të Mitrovicës, por kur është thirrur të ndalej ka kapërcyer një mur rrethues të një shtëpie private, duke arritur t’ia mbathte nga aty. Mirëpo policit të Serbisë, Dragisha Antiq, i kanë rënë dokumentet, bashkë me to edhe karta identifikuese, distinktivi personal i Policisë së Serbisë dhe një kartë anëtarësie në Partinë Radikale Serbe të kriminelit të luftës, Vojislav Sheshel.
“Koha Ditore” ka arritur t’i sigurojë faksimilet e dokumentet e identifikimit të këtij polici, të gjetura nga Policia e Kosovës në vendin e ngjarjes. Ato dëshmojnë kohën prej kur ka hyrë ai në Policinë e Serbisë (më gjerësisht në numrin e sotshëm të “Kohës Ditore”)

Ani se ia kthejne ! Kan ba marveshje !

[Kercovari]

Postimi origjinal është bërë nga Kercovari

Papa u kërkon falje viktimave të abuzimeve seksuale



Papa Benedikti i XVI-të u kërkoi falje publike viktimave të abuzimeve në kishën katolike.
Ai do të bëjë krejt çka është e mundur për mbrojtjen e fëmijëve nga sulmet seksuale të priftërinjve, sqaroi Papa të premten gjatë një meshe në sheshin e Shën Pjetrit në Romë, në të cilën morën pjesë 15 mijë priftërinj.

Në fjalën e tij Papa, tha se viti i kaluar, i shpallur si vit i priftërinjve në vend që të ishte një vit i gëzimit solli në dritë "para së gjithash abuzimet me të miturit". "Po ashtu ne lusim Zotin dhe të prekurit për falje dhe premtojmë se duam të bëjmë krejt çka është e mundur për t`u siguruar se një keqtrajtim i tillë nuk do të përsëritet më," sqaroi Papa Bendeikti i XVI-të./dw/start/

kerkoj falje se harova te jap koment...

I kisha be nje sherbim papes per te u kerku falje praktike viktimave te dhunes sexuale nga priftat pedofil,mundesisht te me i deportoje keto priftat ne fshatin tim Zajaz,do te lidhja per gadhit xha Meqes dhe do te ua leshoja po gomarin e xha Meqes e te shihnin se cka eshte te abuzojsh me femi seksualisht,athere pak a shume do te qetsoheshin shpirtrat e tyre te dhunuar nga te pa shpirtet dhe fellisirat e kesaj bote.

[Oqeani]

Policia e Kosovës, ka arrestuar të shtunën liderin e Lëvizjes Vetëvendosje!, Albin Kurti

Arrestohet Albin Kurti


Policia e Kosovës, ka arrestuar të shtunën liderin e Lëvizjes Vetëvendosje!, Albin Kurti, mu në ditën kur ai bëri të ditur se kjo lëvizje do të hyjë në politikë, respektivisht se do të marrë pjesë në zgjedhjet e ardhshme parlamentare në Kosovë.

Sipas portalit Albeu, katër furgonë policie me rreth 40 policë të njësitit special po bastisin në këto momente selinë e lëvizjes "Vetëvendosje". Aktivistët e "Vetëvendosjes" kanë thënë për këtë portal, se policia ka arrestuar liderin e tyre Albin Kurti.

Burime brenda selisë kanë bërë të ditur se policia ka përdorur dhunë gjatë arrestimit të Kurtit. Ndërkohë, siç raportohet, para selisë janë mbledhur spontanisht dhjetëra qytetarë të cilët po protestojnë arrestimin e Kurtit dhe kërkojnë lirim të menjëhershëm të tij.

Drejtues të Lëvizjes "Vetëvendosje", të shtunën kanë bërë të ditur se do të marrin pjesë në zgjedhjet e ardhshme parlamentare në Kosovë. Megjithatë, ata kanë bërë të ditur po ashtu se, "Vetëvendosje" nuk do të shndërrohet në subjekt politik, por do të vazhdojë së funksionuari si lëvizje politike.

Në një konferencë për media të shtunën në Prishtinë, me rastin e pesë vjetorit të themelimit të Lëvizjes "Vetëvendosje", lideri i saj Albin Kurti tha se "kemi vendosur, në parim, për pjesëmarrje në zgjedhje në të ardhmen".

"Pra, përveçqë tashmë nuk e përjashtojmë mundësinë e pjesëmarrjes, po ashtu mendojmë ta shfrytëzojmë këtë mundësi", u shpreh Kurti.

Kurti po ashtu ka shpjeguar se Lëvizja Vetëvendosje! nuk do të marrë pjesë në zgjedhjet e vitit të ardhshëm vetëm nëse rrethanat në Kosovë cilësisht ndryshojnë shumë duke u bërë të jashtëzakonshme e krejtësisht të tjera.

[Llapjani_HH]

Shaqiri: Gruevski të mos e provokojë Tanushën

“Mos të kruhen ka Tanusha. Nuk e kam frikën e pushtetit. Unë respektojë urdhërat e politikës së ndërkombëtarëve dhe shqiptarëve në rajon dhe nuk dua të bëj probleme. Probleme bën Gruevski”, thekson për agjencinë e lajmeve INA, Xhezair Shaqiri-Hoxha, ish-komandanti që po kalon vapën e fillimit të verës nën flladin e malësisë në Tanushë

Xhezair Shaiqiri, ish-deputeti i njohur më shumë si ish-komandant Hoxha tashmë është bërë një yll medial dhe shumë i kërkuar edhe nga mediat ndërkombëtare. Ai ishte në qendër të vëmendjes në fillim të kësaj jave në revistën prestigjioze “Financial Times”.

Nga pasiguria dhe nga ndjekja e pushtetit, për shkak të një vepre të ngritur ndaj tij, që ka të bëjë pas luftës së vitit 2001, Xhezair Shaqiri po kalon ditën e fillimit të verës në Tanushë, por i irrituar siç thotë nga skenarët e ndryshme, që duan të ngritën për Tanushën sikur në rastin e Radushës.

“Mund të ketë një gjë të tillë, por unë nuk kam frikë. Nuk e kam frikën e pushtetit nëse formohet një opinion të sulmohet Tanusha.

Unë kam respektuar dhe respektojë urdhrat e ndërkombëtarëve dhe urdhrat e politikës së shqiptarëve në Ballkan se nuk duhet të bëjmë probleme.

Sa i përket asaj, se sa forca i ka Nikola Gruevski dhe Saso Mijalkov, daja i kryeministrit që është shef i sigurimit shtetëror, që moti do të isha në postet e Qeverisë dhe Parlamentit të Maqedonisë”, ka theksuar Shaqiri, i cili thekson se arratisja e tij është njëlloj sikur e shqiptarëve të tjerë, që akoma ndiqen nga ky shtet.

Sipas tij, deri tani nuk ka garanci që ai ti kthehet jetës normale, por edhe thekson se rasti i tij është i motivuar politikisht.

“Të kishe qenë vetëm Hoxha edhe Tanusha problem në këtë shtet, do të kisha jetu në ndonjë skaj të botës dhe nuk do të kishte pas problem. Shihet qartë se problemet janë të përditshme Nikola Gruevski nuk ka të ndalur me ofensiva kundër shqiptarëve”, shpjegon Shaqiri, duke kërkuar që politika shqiptare të veprojë ndryshe në këto rrethana të zhvillimeve aktuale në Maqedoni.

Shaqiri që thekson se është kryetar i plotfuqishëm i Partisë Demokratike Kombëtare (PDK) konfirmon sërish se ndaj tij ka një vepër të montuar politike, pas vitit 2002, për të cilën ai akuzohet nga dëshmi të rrejshme dhe që më pas të përgënjeshtruara në gjykatë. /INA/
Telegrafi

[Guri i madh]

Kryeministri slloven nuk mund të mbijetojë nga rroga e tij

Publikuar: E shtune, më 12 qershor 2010



Lubjanë, 12 qershor - Kryeministri slloven Borut Pahor deklaroi se nuk mund të mbijetojë vetëm me rrogën e tij prej 3.000 eurove dhe duhet t'i shfrytëzojë paratë e kursyera që t'ia dalë me shpenzimet në fund të muajit.
Pahor këtë e tha në konferencën për të drejtat e studentëve, në të cilën ata protestuan kundër planeve të Qeverisë, që t'ua kufizojë të drejtën e punës dhe ta rrisë tatimin e të ardhurave nga puna studentore prej 14 në 29,5 për qind.
"Unë jam kryeministër dhe marr 3.002 euro në muaj. Unë nuk mund të jetoj me këto para dhe jetoj me ato që paraprakisht i kam kursyer. Kështu që duhet të dini se nuk jeni të vetmit që luftoni për mbijetesë", tha kryeministri slloven.






qfar ahmaku pse nuk vjen kshilltar i kryeministrit ton pare sa te don me llopat ka me i mbush thast me pare

[Oqeani]

Department of State: Kosova burim dhe destinim i trafikimit




Kosova është burim, tranzit dhe vend i destinimit për femra dhe fëmijë, të cilët janë subjekt i trafikimit të personave, në mënyrë specifike i prostitucionit të detyrueshëm dhe i fëmijëve, që detyrohen të kërkojnë lëmoshë, thuhet, pos tjerash, në pjesën për Kosovën, në raportin e Departamentit Amerikan të Shtetit, që është publikuar sot.

Më tutje theksohet se shumica e viktimave të prostitucionit të detyrueshëm janë femra të reja nga Evropa Lindore, përfshirë Moldavinë, Shqipërinë, Bullgarinë dhe Serbinë.

Fëmijët dhe femrat në Kosovë janë subjekt i prostitucionit të detyrueshëm brenda Kosovës dhe po ashtu në vendet në mbarë Evropën.

Sipas raportit, një OJQ ka raportuar se ka identifikuar më se 300 fëmijë, veçanërisht nga komunitetet rome, që janë detyruar të kërkojnë lëmoshë.

Në raport thuhet se policia vazhdon të raportojë se trafikimi i brendshëm, që involvon serbët e Kosovës, po ashtu mund të ndodhë në pjesën veriore.

Raporti thekson se qeveria e Kosovës nuk ka vepruar në pajtueshmëri të plotë me minimumin e standardeve për eliminimin e trafikimit. Megjithatë, po bënë përpjekje të rëndësishme për ta arritur këtë.

Në raportin vjetor për trafikimin e qenieve njerëzore, theksohet gjithashtu se duhet në që mënyrë proaktive të ndiqen dhe të dënohen autorët e trafikimit seksual dhe të punës, përfshirë zyrtarët bashkëfajtorë në trafikim. /rel/

[Llapjani_HH]

Tadiq bllokoi hetimet për varrezat masive në Maqedoni

Autoritetet e Maqedonisë akoma nuk i kanë kthyer përgjigje Prishtinës zyrtare, pas kërkesës së bërë lidhur me praninë e dy varrezave masive në Maqedoni, me viktima kosovare të vrara nga forcat serbe gjatë luftës së vitit 1999. Dy varrezat masive dyshohet të jenë pranë bregut të lumit Lepenc, në zonën në afërsi të kufirit të Bllacës.

Nga Ministria e Jashtme e Kosovës kanë theksuar se deri tani nuk ka asnjë përgjigje nga pala e Shkupit, lidhur me shkresën e bërë nga ana e ministrisë së jashtme për hulumtimin e varrezave masive.

Mungesa e iniciativës nga ana e Shkupit zyrtar, siç mëson agjencia e lajmeve INA, është pasojë e kërkesës së presidentit serb, Boris Tadiq, i cili në rrethana ende të pasqaruara qëndroi javën e kaluar në një vizitë joformale në Shkup.

“Ka zëra se pikërisht kjo çështje është kërkuar nga presidenti serb Tadiq, për shkak se ai ka kërkuar që autoritetet e Maqedonisë të mos nisin hulumtimin, derisa të deklarohet Gjykata Ndërkombëtare e Drejtësisë lidhur me ankesën serbe për ligjshmërinë e pavarësisë së shtetit të Kosovës”, ka theksuar një diplomat perëndimor për agjencinë e lajmeve INA, duke kërkuar që kjo çështje të marrë hov dhe përfundimisht të zbardhet.

Ministria e Jashtme në Shkup ka theksuar se po shqyrtohet shkresa e pranuar nga Prishtina zyrtare. zëdhënësi i MPJ-së, Petar Çulev ka theksuar se një kërkesë e tillë është çështje komplekse dhe e rëndë, nëse ekziston me të vërtet. Lidhur me këtë është paralajmëruar edhe një komision i përbashkët për inspektimin e rajoneve ku ka sinjalizime për praninë e dy varrezave të tilla.

Kërkesa për hulumtimin e varrezave masive në Maqedoni pasoi pas një takimi midis ministrit të Drejtësisë të Kosovës, Haki Demolli me ambasadorin e Maqedonisë në Prishtinë, Stojan Karajanov.

Në dy varrezat masive që janë në zonën kufitare të Maqedonisë me Kosovën, janë të varrosur viktimat e vrara dhe masakruara nga forcat serbe të rajonit të Kaçanikut, Ferizajit dhe zona të tjera përreth gjatë luftës së vitit 1999.

Serbia druan nga hapja e kësaj varreze në vendin fqinj, me qëllim të mos humbjes sërish të imazhit të saj.
Koha.net

[Llapjani_HH]

Feith u sugjeron të hetuarve të japin dorëheqje

Mbikëqyrësi i pavarësisë dhe njeriu që në Kosovë përfaqëson edhe Bashkimin Evropian, Pieter Feith, nuk ka asnjë dyshim se hetimet që po i bën EULEX-i do të sjellin rezultate.

Ky zyrtar evropian nuk dëshiron as që ta imagjinojë situatën që do të krijohej, nëse pas gjithë këtyre hetimeve në rastin Limaj del që EULEX-i nuk ka pasur prova dhe se hetimet kanë qenë të pabazuara.

“Do të vijë një moment kur prokurori do t`i japë gjykatës të gjitha provat që i ka, dhe atëherë qytetarët e Kosovës do të informohen se cilat krime apo keqpërdorime janë bërë”, ka thënë Feith.

Në një intervistë për “Kohën Ditore”, ai ka thënë se në demokracitë perëndimore “ekziston një traditë, që kur një zyrtar të jetë nën hetime apo të ngrehet ndonjë aktakuzë ndaj tij, ai të japë dorëheqje”.

Megjithatë, sipas Feith, i takon kryeministrit që të zgjedhë se me kë do të punojë.

Në intervistën e tij Feith nuk ka kursyer lëvdatat për qasjen e Qeverisë në luftën ndaj korrupsionit, duke thënë se “kryeministri e di që kjo është një çështje që duhet adresuar dhe përfunduar”.

Diplomati holandez pranon se i ka pëlqyer shumë fjalimi i kryeministrit me tetë qershor, ndërkaq përsërit se ka tej mase besim në profesionalizmin e EULEX-it.

Feith për herë të parë shpjegon përpjekjet e BE-së për një rol në bisedimet e mundshme teknike mes Prishtinës dhe Beogradit, pas opinionit të GJND-së.

Detajet e këtij angazhimi të BE-së, sipas Feith, do t`i tregojë vetë zëvendëspresidentja e BE-së, Ashton.

“Ajo që mund të them është se BE-ja, dhe kjo është në përgjegjësinë e nënpresidentes baroneshës Ashton, do të donte shumë që dalja e opinionit të përcillej nga një dialog. Kjo do të bëhet në baza vullnetare, do të ketë konsultime dhe është e rëndësishme që ne të gjejmë në Beograd dhe Prishtinë një atitudë konstruktive”, ka thënë Feith.

Bisedimet sipas mbikëqyrësit të pavarësisë, do të hapin edhe nevojën për një konsensus mbarëkombëtar në Kosovë, i cili ndoshta do të duhej të bëhej edhe nëpërmjet ndonjë mekanizmi.

“Mendoj se nuk duhet të lidhet një gjë e tillë me luftën kundër korrupsionit, por besoj se ka nevojë për një konsensus të gjerë mbarëkombëtar kur të vijë tek çështjet kombëtare.

Në këso raste, politika, njerëzit, mediet dhe opozita marrin parasysh qëllimet e përbashkëta afatgjate të kombit.

Po e them këtë në kontekst të asaj që mund të na presë në të ardhmen, pra mundësisë që të hyjmë nën një fazë ku nga konfrontimi mes Beogradit dhe Prishtinës kalojmë në një dialog konstruktiv”, ka thënë Feith.

Sipas tij, nuk është me rëndësi mënyra se si do të bëhej ky konsultim, por duhet që të ekzistojë iniciativa.

Feith në intervistën e tij flet edhe për mbijetesën e strategjisë për veriun, mospersonalizimin e luftës kundër korrupsionit, dhe kërkesën e tij të mëhershme për shkarkimin e ministrit Limaj.

(më gjerësisht në numrin e sotshëm të “Kohës Ditore”).
Koha.net

[Llapjani_HH]

Bukoshit i merret fjala dhe i censurohet polemika me kryeministrin

Bujar Bukoshi ishte prezent të mërkurën në mbledhjen e Qeverisë, por kishte disa hamendësime.

Siç shkruan sot “Koha Ditore”, ai nuk dinte çka flitej në mbledhje dhe nuk dinte nëse mbledhja ishte urgjente ose e rregullt.

Nuk ka dëgjuar kryeministrin Hashim Thaçi, e as kolegët e tij ministra, Ahmet Shala e Lutfi Zhargu, tek po arsyetonin nevojën për të shitur shumicën e aksioneve të Postë-Telekomunikacionit të Kosovës (PTK).

Ai po lexonte diçka, që më vonë ka treguar se lexonte projektstrategjinë.

Tek në mbledhjen e Qeverisë i është prezantuar projektstrategjia për pjesëmarrjen e sektorit privat në PTK, që parasheh shitjen e 75 për qind të aksioneve të kësaj ndërmarrjeje publike të telefonisë.

Ajo duhej miratuar, por Bukoshi kërkonte një ligjërim të thjeshtë nga folësit.

“A është kjo mbledhje urgjente e Qeverisë apo rregullare. E dyta, unë mjaft lexoj shpejt, ma merr mendja. Mrrijta deri në faqen 28 me e lexu këtë material.

Çka me ba me të? Me e vazhdu me e lexu te shpia, apo çka me ba? Unë si anëtar i Qeverisë kërkoj me ma spjegu me tri fjalë, kështu katunarçe, ku është puna”, ka qenë reagimi i Bukoshit.

“Po domë me e privatizu, dhe ku janë benifitet tona. Ne duhet ta procedojmë në Parlament këtë. Ne duhet eventualisht mos me pasë...”, ka dashur të vazhdonte tutje ai, por ka ndërhyrë kryeministri.

I ka rënë trup.

“I nderuari ministër Bukoshi, çështja është shumë normale, agjendë e rregullt e Qeverisë, mbledhje e rregullt e Qeverisë dhe është vënë në shqyrtim projekti i strategjisë për pjesëmarrjen e sektorit privat në PTK.

Pasi të gjitha përgatitjet kanë përfunduar, Grupi ndërministror i ka kryer punët e veta. Që të mos humbim ne fare kohë dhe që të mos vonohemi me agjendën, e kemi prezantuar sot për shqyrtim këtë strategji, në mënyrë që të përmbyllet para pushimeve verore të Kuvendit të Kosovës”, i është përgjigjur kreu i Qeverisë, Thaçi, në buzagaz.

“Pra, ta kalojmë në Qeveri, pasi që ka kaluar nga Grupi ndërministror dhe që ta prezantojmë në Kuvendi për debat, e natyrisht që Qeveria do të kërkojë aprovimin në mënyrë që të vazhdohet me procesin”.

Bukoshi ka dashur të vazhdonte, por nuk është dëgjuar kurrgjë në zyrën e konferencave për media të Qeverisë, prej ku gazetarët ndjekin transmetimin e drejtpërdrejtë të mbledhjeve të ekzekutivit nëpërmjet një monitori televiziv. Kurrkush nuk ka dhënë sqarime pse kjo ka ndodhur (gjerësisht sot, në “Koha Ditore”).
Koha.net

[Llapjani_HH]

Kongresi: SHBA indirekt e financon kryengritjen afgane

Raporti më i ri i Kongresit amerikan thotë se Shtetet e Bashkuara paguajnë dhjetëra miliona dollarë në vit për firmat e sigurisë në Afganitsan, që këto të holla i kanalizojnë te liderët e luftës dhe potencialisht te talibanët.

Në raport theksohet se sistemi i Pentagonit për angazhim me qira të kompanive private për lëvizjen e furnizimeve në Afganistan, duke i lënë ato që vetë ta bëjnë sigurinë e tyre, ka shkaktuar “reketë të madhe mbrojtëse nga rrjetet e liderëve të luftës, komandantëve, zyrtarëve të korruptuar afganë dhe me gjasë edhe nga të tjerët”.

Në raport theksohet se paqesat mbrojtëse ishin “burim i rëndësishëm potencial të financimit për talibanët”.

Thuhet se kjo gjë paraqet shkelje të rregullave të Departamentit amerikan të shtetit dhe mund t’i shkatërroj përpjekjet e Shteteve të Bashkuara për t’i shkaktuar disfatë kryengritësve dhe korrupsionit dhe për ta ndërtuar një qeveri afgane efektive.

Ky raport, për periudhën gjashtëmujore, do të shqyrtohet edhe në dëgjimin e sotëm në Kongresin e Shteteve të Bashkuara.
Radio Evropa e Lirë

http://www.evropaelire.org/content/news/2078777.html

[Guri i madh]

Dhunohet pika kufitare në Jarinje të Leposaviqit

Publikuar: Sot, më 24 qershor 2010




Mitrovicë, 24 qershor - Një grup prej 30 serbësh ka dhunuar pikën kufitare të Kosovës në Jarinje, duke u futur me dhunë në territorin e Kosovës. Burime të gazetës Koha Ditore, me kusht të anonimitetit kanë theksuar se grupi i serbëve rreth orës 15:00 ka hyrë në kufirin e Kosovës në Jarinje të Leposaviqit me dhunë, duke mos u ndalur në paralajmërimin e policisë. Serbet kanë kërcënuar policët e Kosovës në pikën kufitare, duke vazhduar rrugën këmbë në drejtim të Leposaviqit dhe Mitrovicës. Sipas burimit, këtë grup e përbëjnë persona nga e ashtuquajtura “Garda Car Llazarit” dhe të grupit fashist “Obraz”, e që dyshohet se janë të armatosur. Policia kufitare e Kosovës ka kërkuar ndihmë nga njësitë speciale të Kosovës dhe ato të EULEX-it. Më tej, burimi ka shtuar se EULEX-i ka dhënë dritën e gjelbër që individët e grupit të serbëve që kandhunuar kufirin e Kosovës të arrestohen. Ndërsa, nga Prishtina për në Jarinje rreth orës 16:00 janë nisur edhe njësitë speciale të EULEX-it. Po këto burime kanë njoftuar se më herët gjatë ditës së enjte, në Kosovë përmes pikëkalimit kufitar në Jarinje është futur edhe një grup tjetër serbësh, të cilët e kanë treguar dokumentacionin.