Hollandë, mbretëresha Beatrix ia le vendin të birit

[Zero Cool]

Mbretëresha Beatrix e Holandës i ka dorëzuar fronin të birit, princit Willem Alexander, në një eveniment që po festohet në mbarë vendin.








Mbretëresha Beatrix, 75 vjeç, ka firmosur instrumentin e abdikimit në Amstërdam pas 33 vitesh në fron. Williem Alexander, 46 vjeç, bëhet kështu mbreti i parë i vendit që prej Willem-it III, që vdiq në vitin 1890.





Turma të mëdha njerëzish, të veshur me ngjyrën portokalli, kanë mbushur rrugët e kryeqytetit duke i bërë homazhet e tyre mbretëreshës (qyre mirë se qaty dikund jam edhe unë ).





Beatrix njoftoi planin e saj për t’u tërhequr në Janar, duke thënë se djali i saj ishte gati të merrte nën kontroll mbretërinë dhe se ishte koha që froni të mbahej nga një gjeneratë e re.

Lëshimi i fronit është bërë në një ceremoni të shkurtër në Pallatin Mbretëror. Më pas Willem Alexander do të betohet në Nieuwe Kerk, përpara se t’i bashkohet sesionit të Parlamentit holandez.

Bashkëshortja e tij Maxima, 41 vjeç dhe e lindur në Argjentinë, do të bëhet mbretëreshë. Në mbrëmje, familja mbretërore do të marrë pjesë në një paradë.

Ceremonia po ndiqet nga familje të tjera mbretërore të ftuara dhe zyrtarë të lartë, përfshirë këtu princin e Britanisë, Charles dhe dukeshën e Kornuollit, princi Felipe dhe princesha Letizia të Spanjës dhe princi i Danimarkës Frederik me bashkëshorte