Lajme Aktuale....

[uck_aksh]

gadafi para vdekje video live
shikoje

[uck_aksh]

Mutassimi djali i gadafit i plagosur
SHIKO

Pavarësia e Kosovës duhet të respektohet


22-10-2011 00:13 CET


Pavarësia e Kosovës është realitet që duhet të merret parasysh dhe njëkohësisht të insistohet në demokratizimin e mëtutjeshëm dhe respektimin e të drejtave të pakicave, ka thënë të premten kryetari i Partisë Demokratike të Socialistëve dhe ish-kryeministri i Malit të Zi, Millo Gjukanoviq, në konferencën dyditore “Ballkani i ri dhe zgjerimi i BE-së”, të cilën në Milloçer e ka organizuar Qendra Evropiane për Paqe dhe Zhvillim (ECPD).
Gjukanoviq, në hapjen e konferencës ka thënë se rajoni ka përparuar dukshëm, mirëpo - sipas tij - nevojitet të zgjidhen edhe shumë probleme që mund të rrezikojnë zhvillimin e mëtejmë të Ballkanit.
Si probleme të mëdha, Gjukanoviq ka përmendur raportet në mes të Serbisë dhe Kosovës, stagnimin shumëvjeçar të Maqedonisë në rrugën drejt Bashkimit Evropian dhe mosfunksionalitetin e Bosnjës e Hercegovinës, e cila që një kohë të gjatë nuk ka qeveri të nivelit qendror. “Bosnja unike dhe funksionale nuk ka alternativë”, ka thënë Gjukanoviq. /Zëri/

[Neferta]

TURQI: QYTETI VAN TRONDITET NGA NJË TËRMET 6,6 BALLË


Në qytetin Van të Turqisë ka ndodhur një tërmet i shkallës 6,6 ballë.













më 23.10.2011 12:30:30

Në qytetin Van të Turqisë ka ndodhur një tërmet i shkallës 6,6 ballë.
Ndërkohë që disa godina janë shembur si pasojë e tërmetit, bëhet e ditur se ka të plagosur.
Mendohet se ka edhe humbje jete.
Tërmeti ka ndodhur në orën 13.41 në fshatin Tabanli të nënprefekturës qendrore të Vanit.
Ai është ndjerë edhe në nëpër rrethet përqark si Bitlis, Siirt, Batman, Erzurum, Bingël, Agrë, Mush dhe Dijarbakir.
Si pasojë e tërmetit qytetarët janë derdhur nëpër rrugë.
Në veçanti në Van dhe në nënprefekturat përreth janë shembur shumë godina.
Në nënprefekturën Erxhis shumë njerëz janë plagosur.
Ndërkohë lëkundjet pasuese vazhdojnë.
Edhe në Van Gedikbullak kanë ndodhur lëkundje pasuese të shkallës 5,5 ballë.
Me disa nënprefektura dhe fshatra lidhjet janë ndërprerë.
Sipas informatave të para mendohet se ka edhe humbje jetësh.
Në rajon po përjetohen probleme në komunikim.
Nëpër shumë nënprefektura janë ndërprerë edhe dritat.
Kurse nga rrethet përreth, në rajon janë dërguar ekipet e mbrojtjes civile. Ekipet e Mbrojtjes Civile të Dijarbakërit janë nisur me helikopterë për të shkuar në rajonin e prekur nga tërmeti.

[murrizi]

Katastrof e madhe vertete.

[Makresh]

Termetet ne turqi nuk jan te rralla.

6.6, nuk eshte edhe aq i fuqishem nese normat sismike do kishin me qen te aplikueshme.

[Neferta]

MESIQ NE GJYKATE!

Dyshohet se ka lidhje me Qazim Osmanin te njohur me nofken Feliks http://www.necenzurirano.com/index.p...=1077&Itemid=1
Iu dha titulli Honoris Causa nga një universitet kosovar. U shpall edhe qytetarë nderi i Prishtinës. Ish presidenti kroat Stipe Mesiq, u nderua edhe me medaljen e pavarësisë për ndihmën që i dha Kosovës. Por gjithë këto çmime për dikë në shtetin e tij, po konsiderohen si lidhje e dyshimtë me shqiptarët. Bile politikani tashmë po akuzohet se fushata e tij është mbështetur financiarisht nga grupet mafioze shqiptare. Për këtë arsye ai edhe doli para gjykatës komunale të Zagrebit, ku edhe mohoi një akuzë të tillë.

“Kurrfarë mafie shqiptare nuk më ka financuar. Bile i keni edhe raportet e bëra nga auditorët. Kështu që nuk e di se për çfarë bëhet fjalë’, ka thënë Mesiq.


Në pamjet ekskluzive që transmetoi portali i gazetës kroate Dnevnik, Mesiq shihet duke u përgjigjur në pyetjet e gjykatësit. Sic raportojnë mediat, në fillim të seancës gjyqësore, politologu Darko Petriqiq i cili edhe e akuzon Mesiqin për këtë, e ka përshëndetur mirëdita në gjuhën shqipe. Fjalët e Petriqiqit, Mesiq i konsideroj si jo normale dhe mohoj ato që thotë ai.

Ish presidenti Mesiq është pyetur edhe nëse emri i babait të tij ka qenë Idriz, gjë që e ka nervozuar. Megjithatë, ai është përgjigjur duke thënë se i ati i tij quhej Josip ndërsa gjyshi Ivan./

Dëshmitarët përshkruajnë tmerrin e tërmetit

Tërmeti i fuqishëm që goditi Turqinë lindore u mori jetën të paktën 260 vetëve, por në Provincën Van mund të ketë shumë më tepër viktima të pazbuluara nën gërmadha. Standartet për ndërtimin e shtëpive janë të ulëta.

E marte 25 Tetor 2011 10:14 Njerëzit kërkonin gjithë natën të mbijetuarit në qytetin e vogël Ercis në Provincën Van. Tërmeti i fuqishëm që goditi Turqinë Lindore të dielën e ka shndërruar në gërmadhë një godinë më shumë dyqane. Disa nga shpëtuesit kërkojnë në gërmadha duke i lëvizur thjesht me duar gurët.
Nuk ka mbetur kohë: deri 28 familje mendohet që mund të jenë ende nën gërmadhat e ndërtesës. Ajo qe ndërtuar vetëm pesë ose gjashtë vjet më parë, thotë një fqinj, ende në gjendje shoku.
Edhe ata, shtëpitë e të cilëve nuk janë shkatërruar kanë frikë të flenë në to. "Ne e kaluam natën në veturë", thotë Rachard Bayram, pronar i një hoteli në qytetin e Vanit. Ai po hante drekë në një restorant, kur tërmeti me një magnitudë prej 7.3 ballë goditi pa paralajmërim.
Ai u fsheh nën një tavolinë, i frikësuar. Ai dhe familja e tij mbetën të paprekur, por ai ka frikë të kthehet në shtëpi. " Kanë pasuar dridhje të tokës çdo njëzet minuta", tregon ai.
Hayat Bilgisi gjithashtu nuk ishte e sigurtë nëse apartementi i saj, i cili nga jashtë dukej i padëmtuar, mund të mos pësonte kolaps në ndonjë goditje tjetër tërmeit. "Unë qendrova në universitet. Ishte shumë ftohtë të dilje jashtë", thotë ajo.
Rreth 100 studentë dhe lektorë kaluan një natë pa gjumë në universitet. Ajo dëshiron të largohet, por autobuzët dhe fluturimet prej Vanit janë të gjitha të prenotuara. "Unë dua vetëm të shkoj në shtëpi", thotë ajo.
Tërmete thuajse çdo ditë
Rreth 98 përqind e Turqisë është zonë tërmetesh, një e treta e vendit është zonë tërmeti e rrezikshmërisë së lartë, duke përfshirë zonat përreth qyteteve kryesore të Stambollit dhe Izmirit në rajonin e Anadollit Lindor.
Tre linja qendrore, ku takohen pllakat gjeologjike, kalojnë përmes Turqisë dhe tërmetet e vogla janë të përditshme. Dy prej këtyre linjave kalojnë nën provincat Van dhe Ercis, rreth 100 km në veri të kryeqytetit.
Në vitin 1939 rreth 40.000 vetë vdiqën në një tërmet masiv në Turqinë lindore, ndërsa tërmeti i fundit i madh ndodhi 12 vjet më parë, kur një tronditje prej 7.4 ballësh u mori jetën 20 mijë vetëve në Turqinë veri-perëndimore.
Shtëpi të ndërtuara pa kontroll
Megjithë rrezikimin e dukshëm, Turqia vazhdon të mbetet e papërgatitur për një katastrofë të madhe. Edhe në Stamboll, në qytetin më modern dhe më të zhvilluar të vendit, vetëm 25 përqind e ndërtesave janë ndërtuar duke respektuar standartet për t'u mbrojtur nga tërmetet, bën të ditur Ministria e Strehimit.
Shumë shtëpi janë ndërtuar pa kontroll teknik dhe me materiale ndërtimi të një cilësie të dobët. Dhoma e Inxhinjerëve të Çertifikuar beson se vetëm një përqind e spitaleve dhe as 10 përqind e shkollave në metropole janë riparuar siç duhet që prej tërmetit të fuqishëm që goditi qytetin në vitin 1999. Megjithëse epiqendra e tërmetit ishte 100 km larg Stambollit, mijëra banorë të qytetit humbën jetën.
Në provicën Van, në kufi me Iranin dhe Irakun, situata është edhe më e rëndë. Shumë njerëz që jetojnë në varfëri janë të lumtur që kanë një çati mbi kokë dhe standartet e sigurisë janë për ta vërtet të panjohura./dw/

[Neferta]

Ofertë e qëlluar për sërbët e shpërngulur
Sociologu dhe analisti politik serb, Milan Nikolic i sugjeroi presidentit Boris Tadic që serbët e Kosovës t’i zhvendos në Serbinë lindore, ku ata mund të merren me livadhet e lëna pas dore.

Ai ka thënë se lidershipi serb duhet të jenë i ndërgjegjshëm dhe të thotë se Kosova është e humbur dhe serbët e Kosovës duhet të vendosen në zonat rurale.
“Të gjithë ata që jetojnë atje duhet të vijnë në Serbi. Ne kemi pjesë të tëra të zbrazëta të Serbisë lindore, kemi sipërfaqe të mëdha bujqësore që mund të punohen e tash janë të lëna pas dore...”, ka thënë Nikolic në një emision televiziv të B92, duke theksuar se vetë e ka prejardhjen nga Kosova.

[Neferta]

Clark: Kosova nuk është vendi i tyre

Tet 25, 2011 12:51

[Neferta]

Kercenohet '' EUROPA E LIRE''
Lëvizja “SNP Nashi”, e cila nga një pjesë e opinionit publik njihet si organizatë ekstremiste dhe ultranacionaliste, ka publikuar në faqen e saj të shkruar një thirrje për qytetarët, që, siç thuhet, ta bindin Korrespodenturën e Radios Evropa e Lirë në Beograd, që ta ndryshojë politikën e saj redaktuese.

Në deklaratën që kjo organizatë djathtiste e ka publikuar në faqen e saj të internetit, thuhet se Radio Evropa e Lirë në ueb-faqen e saj mban hartën e Serbisë pa Kosovën.

“Kërkojmë që harta e pasaktë e Serbisë të hiqet menjëherë. Po ashtu kërkojmë që organet shtetërore të reagojnë në një provokim të tillë si dhe të hetojnë rastin, meqë bëhet fjalë për një medium që vepron në Serbi”, thuhet në deklaratë.

Krahas kësaj, përfaqësuesit e kësaj organizate u kanë bërë thirrje qytetarëve që duke thirrur në telefonat e redaksisë, t’ua shpjegojnë atyre se si duket harta e Serbisë.

Ndaj këtij publikimi ka reaguar Asociacioni i Pavarur i Gazetarëve të Serbisë. Nënkryetarja Jelka Jovanoviq ka thënë se një thirrje e tillë nuk është kundër Radios Evropa e Lirë, por kundër lirisë së mediave.

[Neferta]

Humbja e radhës për dominim

Qeveria e Serbisë ka humbur kontrollin e veriut, të banuar me shumicë serbe, në Kosovë. Rrugët janë barrikaduar dhe vendësit po voziten me paqeruajtësit e NATO-s dhe Policinë e Bashkimit Evropian.

Presidenti i Serbisë, Boris Tadiq, i ka lutur kryetarët serbë të komunave veriore që t’i hapin rrugët. Në Beograd, opozita e Serbisë nuhat gjak.

Serbët e Kosovës kanë bllokuar rrugët, sepse duan të pengojnë Policinë e Kosovës dhe doganierët nga stacionimi në dy pikat kufitare me Serbinë.

Për ta, ky do të ishte hapi i parë drejt pranimit të pavarësisë së Kosovës, që u shpall në vitin 2008. Janë rreth 120 mijë serbë në Kosovë, rreth një e treta e të cilëve jeton në veri. Pjesa tjetër e Kosovës është e dominuar nga shqiptarët.

Për një të huaj, grumbujt e trungjeve nëpër rrugë paraqesin vetëm një barrikadë. Por, për ish-jugosllavët ato evokojnë emocione komplekse.

Më 1990, serbët në rajonin e Krajinës, në Kroaci, filluan “revolucionin e tyre të trungjeve”. Me bllokimin e rrugëve, ata nisën të ndërtojnë shtetin e vogël të ndarë serb. Pas pesë vjetësh dhe pas një lufte të mëvonshme, ata u dëbuan nga Krajina nga ana e armatës fitimtare kroate.

Nuk duket se ka të ngjarë që trungjet në rrugët e Kosovës të çojnë drejt një katastrofe të ngjashme. Por, disa analistë janë të shqetësuar se bllokadat mund të kthehen në diçka të rrezikshme.

Forca paqeruajtëse e NATO-s, KFOR-i, dëshiron që t’i heqë barrikadat. Dhjetëra protestues janë lënduar në përleshje, edhe pse KFOR-i deri më tani është përmbajtur nga përdorimi i forcës.

Konflikti ka minuar bisedimet e ndërmjetësuara nga Bashkimi Evropian mes Serbisë dhe Kosovës, të cilat dukeshin premtuese kur filluan në Bruksel, në muajin mars.

Më 12 tetor, Komisioni Evropian rekomandoi se liderët e BE-së duhet t’ia japin Serbisë statusin e kandidatit, me kusht që të arrihet “përparim domethënës” në këto bisedime. Por, tani trungjet po e bllokojnë rrugën e Serbisë drejt Brukselit.

Patriarku i Kishës Serbe i ka mbështetur protestuesit. Për të keqen e Tadiqit, shumica e liderëve të serbëve të veriut të Kosovës vijnë nga partitë opozitare.

Tadiqi dëshironte të fitonte kandidaturën e BE-së, e cila do t’i ndihmonte që të rifitonte në zgjedhjet e pranverës.

Opozita shpreson saktësisht të kundërtën. Gjermania dhe Franca nuk po nguten për zgjerimin e mëtejmë të BE-së. A mund të dalë Tadiqi nga ky kënd i ngushtë? Ai është politikan i zoti, por hapësira për manovrim i është kufizuar. Dhe, po qe se një serb vritet nga buldozerët e KFOR-it, të gjitha bastet bien. (a.i

[Neferta]

Sulmojne ambasaden Amerikane ne Sarajeve

Sarajevë, 28 tetor – Është vrarë njëri nga dy meshkujt që rreth orës 15 e 45 minuta sot drejtoi të shtëna me armë drejt ambasadës së SHBA-së në Sarajevë, transmetojnë mediet boshnjake.

Mashkulli, i veshur me uniformë maskuese, shtiu me kallashnikov nga stacioni i tramvajit dhe pastaj iku, mirëpo më pas shpejt u vra me snajper. Si deklaroi një dëshmitar okular, mashkulli i vrarë dukej si pjesëtar i lëvizjes vehabiste.

Sulmuesi i dytë, i cili kishte të mbështjellë rreth trupit eksploziv, u plagos në ije dhe u dërgua në spital.

Sipas informatave të para, gjatë të shtënave ka pasur edhe të plagosur, por në mesin e tyre nuk ka as punonjës e as diplomatë, por sipas të gjitha gjasave pjesëtar të sigurisë fizike të ambasadës. Sipas informatave ende tëp pakonfirmuara që i transmeton gazeta Veçernji list, në mesin e të plagosurve janë edhe dy policë.

Në terren janë dërguar disa patrulla policore, duke përfshirë edhe ato speciale. Lagjja Marindvor, ku gjendet edhe ambasada amerikane, është e bllokuar, kurse ndër qytetarë të shtënat shkaktuan panik.

Vritet sulmuesi i ambasadës amerikane në Bosnjë


28-10-2011 17:07 CET


Personi që ka qëlluar me armë zjarri ndërtesën e Ambasadës Amerikane në Sarajevë, është vrarë në një aksion policor, njoftoi korrespondenti i Radios Evropa e Lirë, i cili ndodhet në vendin e ngjarjes.
Sipas informacioneve ende jozyrtare, sulmuesi është qëlluar me plumb snajperi në kokë.
Ambasada konfirmoi për Radion Evropa e Lirë se ka ndodhur incidenti dhe se ambasada është mbyllur, ndërsa me informacione të tjera ka pohuar se do të dalë më vonë.
Komunikacioni dhe lëvizja e njerëzve në pjesën ku ndodhet ambasada, thuhet të jetë bllokuar tërësisht. /rel/

[Neferta]

Sulmuesi ne Sarajeve ishte i denuar me pare per veper teroriste



Sipas informatave të Televizionit Federal, sulmuesi është 23 vjeçari Mevlid Jashareviq nga Novi Pazari. Bëhet fjalë për një pjesëtar të lëvizjes vehabioste, i cili më 30 nëntor të vitit të kaluar bashkë me Fatmira Muratoviq është arrestuar në Novi Pazar, sepse ka qenë i dyshimtë për policinë serbe gjatë vizitës së ambasadores amerikane Mary Worlick në këtë qytet të Sanxhakut