Të tjerët për Dr. Rugovën.

[Espresso]

Zotim para kolosit të kombit Ibrahim Rugova


Shkruan Engjëll Koliqi

I dashur Presdident,
Së pari falënderoj Zotin që kombit tonë ia dhuroi një njeri të madh me emrin IBRAHIM RUGOVA!
Me bindje të plotë mendore e shpirtërore vlerësoj se në ranglistën e personaliteteve të mëdha të Kombit Shqiptar je dhe mbetesh gjithmonë në vendin e tretë:
1. Gjergj Kastrioti – Skënderbeu
2. Gonxhe Bojaxhiu – Nëna Tereze
3. Ibrahim Rugova
...

Mbas kontributit të madh shkencor, në lëmin e letrave shqipe, mrekullisht vullneti Yt u ngjit me vullnetin e Zotit, që në periudhën shumë të vështirë dhe vendimtare për kombin tonë, për kombin e ndarë padrejtësisht nga interesat dhe turpet e diplomacive ndërkombëtare, t’i përkushtohesh kombit, në luftën vendimtare për jetësimin e aspiratave tona kombëtare – të drejta dhe të natyrshme. Në këtë luftë, megjithë rreziqet e panumërta ke ditur ta zgjedhësh rrugën e paqes dhe të dashurisë njerëzore dhe me një diplomaci gjithmonë të përkryer i ke ngushtuar të gjitha qarqet e diplomacive botërore dhe të qendrave arbitrare ndërkombëtare, që me pamundësinë e gjetjes më të hapsirave të manipulimit me fatin e popullit tonë veç janë përgatitur ta shpallin aktin final të njohjes së Pavarësisë së Kosovës, fryt e angazhimit tënd të pandalshëm dhe të palodhshëm, me dashuri të madhe për popullin tënd, për paqen dhe mirëqenien njerëzore, të veshur gjithmonë me dashuri të mirëfilltë. Akti i madh do të shpallet së shpejti, por ne do të kremtojmë me lotë në sy. Megjithatë krenaria nuk do të na mungojë, sepse Ti shpirtërisht do të jesh me ne në kremte dhe në çdo hap të jetës sonë. Trupi Yt do të prehet në qetësi në dheun e Kosovës së Lirë – të pavarur dhe sovrane, çfarë e ke dashur gjithmonë dhe për çka e ke përgatitur, kurse shpirti Yt do të frymojë gjithmonë në zemrat tona dhe me shembullin tënd që na mësoi një dashuri shenjtërie, ne do të ecim ballëhapur dhe do t’i përballojmë të gjitha sfidat dhe pengesat që na sjell jeta.

Zotohemi Predident i Dashur, me mësimet tua do të jemi gjithmonë shembull i mirë në familjen e madhe të kombeve europiane, me dashuri të mirëfilltë njerëzore që burimin e ka në traditat e shenjta arbërore!

Lavdi e përjetshme Veprës Kolosale dhe të Shenjtë të Presidentit të Kosovës Ibrahim Rugova!
Zoti e bekoftë trupin e Presidentit të Kosovës Ibrahim Rugova dhe Tokën e Kosovës deri në përjetësinë e amshuar!
Zoti e bekoftë shpirtin e Ibrahim Rugovës, të shndritur në amshim me vezullima shenjtërie!
Zoti e bekoftë Familjen Rugova!
Zoti e bekoftë Kosovën dhe popullin e saj!
Zoti e bekoftë mbarë Kombin Shqiptar!

Me kujtim të përhershëm dhe me krenari që të njofta nga afër.

Itali, 23 janar 2006

[Artisti]

Kryetari i Shteteve te Bashkuara Xhorxh Bush


,,Ne emer te Popullit Amerikan Une dhe Laura shprehim ngushellimet tona Popullit te Kosoves.
Shtetet e Bashkuara te Amerikes humben nje mik te madh,ne do te jemi te gatshem gjithmone te punojm per popullin e Kosoves,,.

.

[illyria]

Edhe flamuri i popullit të madh amerikan në gjysmë shtize për nder të të madhit kryetar të Kosovës Dr.Ibrahim Rugova.
LAVDI

[Urata]

Postimi origjinal është bërë nga Espresso

Zotim para kolosit të kombit Ibrahim Rugova


Shkruan Engjëll Koliqi

I dashur Presdident,
Së pari falënderoj Zotin që kombit tonë ia dhuroi një njeri të madh me emrin IBRAHIM RUGOVA!
Me bindje të plotë mendore e shpirtërore vlerësoj se në ranglistën e personaliteteve të mëdha të Kombit Shqiptar je dhe mbetesh gjithmonë në vendin e tretë:
1. Gjergj Kastrioti – Skënderbeu
2. Gonxhe Bojaxhiu – Nëna Tereze
3. Ibrahim Rugova
...

Mbas kontributit të madh shkencor, në lëmin e letrave shqipe, mrekullisht vullneti Yt u ngjit me vullnetin e Zotit, që në periudhën shumë të vështirë dhe vendimtare për kombin tonë, për kombin e ndarë padrejtësisht nga interesat dhe turpet e diplomacive ndërkombëtare, t’i përkushtohesh kombit, në luftën vendimtare për jetësimin e aspiratave tona kombëtare – të drejta dhe të natyrshme. Në këtë luftë, megjithë rreziqet e panumërta ke ditur ta zgjedhësh rrugën e paqes dhe të dashurisë njerëzore dhe me një diplomaci gjithmonë të përkryer i ke ngushtuar të gjitha qarqet e diplomacive botërore dhe të qendrave arbitrare ndërkombëtare, që me pamundësinë e gjetjes më të hapsirave të manipulimit me fatin e popullit tonë veç janë përgatitur ta shpallin aktin final të njohjes së Pavarësisë së Kosovës, fryt e angazhimit tënd të pandalshëm dhe të palodhshëm, me dashuri të madhe për popullin tënd, për paqen dhe mirëqenien njerëzore, të veshur gjithmonë me dashuri të mirëfilltë. Akti i madh do të shpallet së shpejti, por ne do të kremtojmë me lotë në sy. Megjithatë krenaria nuk do të na mungojë, sepse Ti shpirtërisht do të jesh me ne në kremte dhe në çdo hap të jetës sonë. Trupi Yt do të prehet në qetësi në dheun e Kosovës së Lirë – të pavarur dhe sovrane, çfarë e ke dashur gjithmonë dhe për çka e ke përgatitur, kurse shpirti Yt do të frymojë gjithmonë në zemrat tona dhe me shembullin tënd që na mësoi një dashuri shenjtërie, ne do të ecim ballëhapur dhe do t’i përballojmë të gjitha sfidat dhe pengesat që na sjell jeta.

Zotohemi Predident i Dashur, me mësimet tua do të jemi gjithmonë shembull i mirë në familjen e madhe të kombeve europiane, me dashuri të mirëfilltë njerëzore që burimin e ka në traditat e shenjta arbërore!

Lavdi e përjetshme Veprës Kolosale dhe të Shenjtë të Presidentit të Kosovës Ibrahim Rugova!
Zoti e bekoftë trupin e Presidentit të Kosovës Ibrahim Rugova dhe Tokën e Kosovës deri në përjetësinë e amshuar!
Zoti e bekoftë shpirtin e Ibrahim Rugovës, të shndritur në amshim me vezullima shenjtërie!
Zoti e bekoftë Familjen Rugova!
Zoti e bekoftë Kosovën dhe popullin e saj!
Zoti e bekoftë mbarë Kombin Shqiptar!

Me kujtim të përhershëm dhe me krenari që të njofta nga afër.

Itali, 23 janar 2006

Engjëll Koliqi,

Dr. Ibrahim Rugova është njishi...
jo vetem humanizmin dhe trimerin ai ishte edhe mjeshter pende ...!

Zot e bekofte Kosoves! Lutje dhe deshire e tij...

LAVDI!

[Urata]

Rugova, udhërrëfyesi i Kosovës


Shkruan Sabit Rrustemi

Kosova e kalitur nëpër dhembje e pikëllim, kalon edhe një ditë pa Prijësin e Saj. Kosova me lotë që I rrjedhin nëpër faqe, me lotët që nuk I shihen e , e përcëllojnë në zemër, përpiqet për të saten herë nëpër histori, për ta përballuar momentin më të rëndë; mbetjen pa Njeriun më të Shtrenjtë që e nxorri nga Gjiri I saj.
Nuk e ka lehtë Kosova ime e brendshme, njësoj siç nuk e ka lehtë edhe Kosova jonë e shkepur nëpër botë, për ta pranuar këtë fat kaq të rëndë. Po, Kosova, si Kosovë, po mbahet, po qëndron vertikalisht duke nderuar të Madhin Rugovë. Udhërrëfyesin e deritashëm. Udhërrëfyesin e Përjetshëm. Qoftë si I Shenjtë, si Misionar apo si Engjull Mbrojtës. Kosova amshueshëm e nguliti Brenda mishit të saj, Njeriun që më së shumti I dha Asaj, Njeriun që më së paku mori prej Saj. Se borxh I pat. Jo vetëm Ai, Edhe të tjerët. Po, I Shenjti Rugovë, ishte më Fatlumi, sepse qëlloi të jetë I zgjedhuri i saj. Njeriu që që vjen si fat njëherë Brenda një shekulli. Rugova zuri dy shekuj dhe lidhi po këta dy shekuj përmes veprës së tij për ta njxerrur Kosovën faqe botësh, në udhën e pandalshme drejtë ëndrrës së Tij, Pavarësisë. Pavarësia s’është më ëndërr e Rugovës. Pavarësia si ëndërr, përmes Rugovës, u bë e gjithë Kosovës, e shqiptarëve kudo që ishin apo u ndodhën. Si ëndërr u ngrit në piedestalin e përpjkekjeve dhe angazhimeve deri në flijim, në
rënien e alatarit të lirisë.
Rugova, u bë I madh, më I madhi Njeri I shekullit që iku pak më parë dhe, I këtij që posa ka ardhur, sepse krijoi, punoi dhe dhe të gjithëve na rreshtoi pas Tij, që, këtë ëndërr ta arrijmë, ta prekin e ta shijojmë, përmes një udhe tjetërfare, një udhe tepër të mundimshme e me sakrifica po për t’ju shmangur flijimeve të mëdha. Sepse, shumë kishim flijuar në shekujt që ikën. Shumë gjak kishim derdhur sa mbetëm dhe pa dheun e kësaj toke. Kockë e lëkurë nëpër shkëmbij. E, gjalluam dhe nuk u zhbëmë se kishim motivin e madh, kishim një ëndërr të panxënë. I Shenjti Ynë I pari e zgjodhi rrugën e paqes, sepse e dinte që njerëzit e tij kishin qenë dhe mbetur thellësisht paqësor. Ai si askush tjetër e njihte gjeografinë e shpirtit të këtij populli. Sepse dhe ish I Tij.
Prandaj nuk ishte rastësi pse Ai doli në ballë të kësaj rruge të gjatë e të mundimshme.Nuk bënte përjashtim as nga prijësit e mëhershëm të këtij populli por, bota nuk arriti t’a njoh dhe kuptojë sa duhet përcaktimin e tyre paqësor Rugova ishte njeriu me fat sepse arriti ta bind botën që shqiptarët ishin një popull me asht e me rrasht paqësor dhe, të ashpër I kishin bërë të
tjerët gjithnjë duke I prerë në besë e , duke ua grabitur dheun nën këmbë. Nuk e pati lehtë për t’ia rikthyer mendjen dhe sytë botës kah Kosova. Vetëm shpirti I tij që tashmë prehet në amshim e di çë ka hequr. Edhe me botën, edhe me neve.
Rugova u bë idhul I shqiptarëve në këtë pjesë të trazuar të Ballkanit me kurajon, urtësinë dhe mençurinë, po mbi të gjitha, me këmbëngultësinë e tij, duke na përvetësuar sëpari neve e, pastaj të tjerët. Një mënyrë shumë e vështirë e bindjes Brenda gjakut po, që Rugova e arriti me përkushtimin fanatic duke e përsëritur parreshtur po atë ëndërr: Liri , Pavarësi, Demokraci.
Tash duket si legjendë, si baladë e moçme shqiptare. Që pak pa hedhur dhe tjegullën e fundit në kulmin e ri të shtëpisë, të të ikë I zoti I Shtëpisë. Të mbetesh pa të, sepse kështu ka dëshiruar një vullnet suprem dhe I padukshëm. Një fuqi e përbotshme që lidhet me emrin e Zotit.
Po legjendat dhe baladat e moçme shqiptare u krijuan nga fatet tona. Nuk ishin shpikje. Ishin momente të përjetuara rëndë, si tash pas qindra vjetësh, në fillimet e shekullit njëzetenjë, kur mbetëm pa praninë fizike të Prijësit Tonë, të njeriut që na nxorri në rrugën e drejtë të njerëzimit e kulturës botërore, përmes së cilës identifikohen vetëm popujt e zgjedhur dhe
të mençur.Rugova ishte ai që kosovarizoi botën me problemin e pazgjidhur të shqiptarëve po, dhe njeriu që I hapi botës rrugën për ta çmontuar bombën e kurdisur, të cilën tjerët e kishin lënë qëllimisht në atdheun e tij, për zhbërijen e popullit të tij. Me aktin e tij sublim, si një Shenjt I Ri në këtë cep juglindor të Ballkanit, njëherë përmes mendimit kritik e më pas, edhe mendimit politik, Rugova, provoi me sukses realizimin e projektit për lirinë dhe pavarësinë e
Kosovës, përmes rrugës së paqes, jo vetëm me ndihmën e shqiptarëve po, mbi të gjitha edhe me ndihmën e miqve dhe gjithë atyre që synojnë dhe punojnë për paqen në çdo cep të botës.
Rugova, me sakrificën e madhe në këtë rrugë të mundimshme të arritjes deri te paqja përmes tolerancës e mirëkuptimit, përbashkoi rreth shqiptarëve fuqitë vendosëse të botës, duke u bërë zëdhënësi I një bote të re dhe të paqtë, pikërisht në vendin ku vazhdimisht kishin vringëlluar shpatat dhe kishin kërsitur pushkët. Përmes këtij përkushtimi, tash Evropa, në gjirin e së cilës pret të rikthehet Kosova, fitoi përmes Rugovës Njeriun e Demokracisë, çfarë
asnjëherë deri më tash në këto përmasa nuk e kish Ballkani. Ata që nuk e njohin mirë historinë e shqiptarëve dhe, veçanërisht historinë e prijësve shqiptarë të cilët kanë vepruar qoftë Brenda trojeve etnike apo edhe më larg, mund të habiten se si nga një vend kaq I vogël dhe thuaja të
humbur në alpet e Ballkanit, të nxirren figura të përmasave evropjane e botërore siç ishte realisht Rugova, edhe për së gjalli, edhe tash pas shkuarjes në amshim. Por, kjo tingëllon e vërtetë dhe, këtë e dëshmon edhe reagimi I figurave tjera më markante të botës demokratike, tash, pas kalimit të Tij në botën tjetër.
Prandaj Kosova, duke e njohur thellësisht Birin e Saj, duke e ditur po edhe tash duke e vlerësuar, dhe jo vetëm Kosova, mbledh forcë për të qëndruar e dinjitetshme dhe krenare.
Kosova si e tillë, me gjithë këtë dhembje, përmbledh veten për të ju përkulur Birit të Saj dhe, për të ju betuar se do ta nxëj atë ëndërr, do ta bëjë veten të pavarur, edhe për amanet të tij po, me të përherë në ballë. Kosova, duke e kuptuar veprën e Tij dhe duke vepruar sipas mësimeve të Tij, do të arrijë më shpejt ku deshi vetë Ai, në familjen e shteteve të pavarura
e sovrane, me identitet të saj, identitet që tashmë lidhet edhe me emrin e tij.
Asnjë letërnjohtim më I ligjshëm se letërnjoftimi I Kosovës me emrin e Rugovës, nuk mund t’I hapë rrugët e saja drejtë botës. Rugova u bë dhe mbeti përjetësisht letërnjoftimi dhe udhërrëfimi I Kosovës drejt lirisë, pavarësisë dhe demokracisë.

Prishtinë, 23 janar 2006

[Urata]

Vdekja e Ibrahim Rugovës ka bashkuar metropolet shqiptare me ato ndërkombëtare


Shkruan Elida Buçpapaj

Vdekja e Ibrahim Rugovës i ka unifikuar metropolet shqiptare me ato ndërkombëtare. Ka bashkuar Tiranën, Prishtinën, Shkupin, me Uashingtonin, Berlinin, Vatikanin, Parisin, Brukselin, Londrën, Romën etj. etj. Shqiptarët si një metropol-pjesë e metropoleve të Perëndimit. Shqiptarët si një metropol në unison me metropolet e lirisë dhe të demokracisë. Sipas filozofisë së lbrahim Rugovës. Sa ishte Ibrahim Rugova gjallë pati shumë kundërshtarë politikë, të cilët nuk e mundën dot Liderin e Pavarësisë në asnjë kohë dhe rrethanë dhe po ashtu nuk mundën asnjëherë që të prishnin ekuilibrin e madh që Ibrahim Rugova kishte ndërtuar me shqiptaret, të cilët për 16 vjet rresht ia dhanë votën, duke i sfiduar dhe mposhtur kuliset, kulauret, intrigat provinciale të rajonit më të trazuar që ka prodhuar aq gjakderdhje.
lbrahim Rugova ka përfaqësuar dhe do të vazhdojë të përfaqësejë filozofin, filozofinë që prodhon politikën për të sendërtuar lirinë dhe paqen e Ballkanit, e cila do të vijë duke i dhënë pavarësinë Kosovës dhe duke i faktorizuar shqiptarët, këtë komb liridashës, që jeton në gjashtë njësi shtetërore në Ballkan, i cili është defaktorizuar artificialisht nga politikat luftënxitëse të fqinjëve dhe nga konfuziteti i politikës shqiptare që pas rrëzimit të komunizmit nuk e mblodhi menjëherë veten për të kuptuar rolin që ka e për të ndërtuar një strategji gjithëkombëtare paqebërëse dhe afatgjatë.
Politika shqiptare dhe po ashtu politikanët shqiptarë duhet të ndiheshin fartumë, sepse ata e kishin edhe filozofin dhe filozofinë për të shkuar tek liria, të cilin mjerisht nuk e çmuan kurrënjiherë sa duhet dhe si duhet për sa kohë lbrahim Rugova ishte gjallë, duke krijuar vonesa dhe një keqkuptim të pafalshëm, të cilin Ibrahim Rugova e plotësoi shumëfish me mirëkuptimin që gjeti midis shqiptarëve të Kosovës dhe të trojeve mbarë shqiptare.
Kosova dhe shqiptarët si komb, duke e mbështetur Ibrahim Rugovën, u treguan se ishin dhe janë të pagabueshëm dhe shumë më vizionarë se ata, sepse duke qenë vuajtësit më të mëdhenj, ata janë më të ndjeshëm, më intuitivë. më inteligjentë se politikanët, pasi ata me Rugovm lidhën interesat e jetës, të rrënjëve, të vatrave dhe kombit, të cilat nuk mund të ekzistojnë, apo ekzistojnë në trajta të përçudnuara pa ekzistencën e shtetit të pavarur, që ad literam përjaqësohet përmes shtetit të së drejtës apo shtetit ligjor, i cili na bën të gjithëve të barabartë përballë ligjit.
Do të vije një çast, ndoshta që tani, ndoshta me kalimin e kohës, krr ata do të zbulojnëse ata janë faktorizuar jo si rivalë politikë, por vetëm si bashkëpunëtorët e Ibrahim Rugovës për sendërtimin e pavarësise së Kosovës. Qëkur u përhap lajmi, se Ibrahim Rugova nuk frymon më në tokë, por në qiellin shqiptar u duk sikur të gjithë politikanët shqiptare, nga të gjitha metropolet shqiptare i thirrën mendjes. Në krye të metropoleve qendronte Tirana, pastaj vinte Prishtina e Shkupi, ku e gjithë klasa politike deshi që me një zë të vite në vend një gur të historisë moderne shqiptare, dhe t'i shqiptonin me një zë ato fjalë, të cilat ngjanin sikur i kishin pasur gjithnjë brenda tyre, fjalë, të cilat ishin si një ligjëratë e gjatë, e shqiptuar nga zëra të ndryshëm, nga liderë partish të ndryshme, nga kryministra dhe ish-kryministra, kryetarë të Parlamentit, nga liderë të opozitës, nga ministra të jashtëm dhe ish-minisira të jashtëm, nga shkrimtarë, intelektualë dhe parlamentarë, që kishin një kontinuitet logjik, shpirtëror dhe gjithëkombëtar.
Ndërsa të ashtuquajturit rivali të lbrahim Rugoves në Pristinë, në. prononcimet e tyre të para, ndoshta sepse janë të prekur dhe pikëlluar, duket se ende nuk e kanë mbledhur mendjen dhe vazhdojnë të jënë nën efektet e narkozave partiake. Por, jam e bindur se së shpejti do të dalin nga narkoza. Këtë e dikton filozofia e Rugovës e shtetbërjes. Sepse Rugova është ndarë prej ne të gjallëve të përkohshëm, por filozofinë e tij e ka mbjellë tek ne. Dhe filozofia e lirisë është eternel.

Prishtinë, 23 janar 2006-01-23
(Marrë nga Bota Sot)

[Psikologu]

Anakara: Presidenti Rugova arkitekt dhe simbol të zhvillimeve pozitive në historinë e re të Kosovës

Ankara, 23 janar - Ministria turke e Punëve të Jashtme ka shprehur ngushëllimet për humbjen e Presidentit Ibrahim Rugova, duke e vlerësuar si "arkitekt dhe simbol të zhvillimeve pozitive" në historinë e re të Kosovës.
"Presidenti Rugova, një lider që ia kushtoi jetën Kosovës, ishte arkitekti dhe simboli i zhvillimeve pozitive në historinë e afërt të Kosovës", thuhet në deklaratën e Ministrisë së Punëve të Jashtme të Turqisë.
Njëherit Turqia shpreh besimin se procesi i statusit përfundimtar, i filluar në kuadrin e përpjekjeve të Presidentit Rugova për përcaktimin e të ardhmes së Kosovës, do të arrijë një zgjidhje, për të cilën do të bien dakord të gjithë popujt që jetojnë në Kosovë.
Populli turk "ndan sinqerisht me popullin e Kosovës pikëllimin qëndjen me rastin e humbjes së presidentit Rugova", përfundon deklarata e kësaj ministrie.
Po ashtu, Kryetari i Asamblesë së Madhe Kombëtare të Turqisë, Bulent Armç i ka dërguar një mesazhngushëllimi kryetarit të Kuvendit të Kosovës, Nexhat Daci, ndërsa kryeministri Recep Tajip Erdogan i ka dërguar mesazh ngushëllimi Kryeministrit të Kosovës, Bajram Kosumi.

[Psikologu]

Flamujt në institucionet shtetërore të Shqipërisë janë ulur në gjysmë shtize

Tiranë, 23 janar - Në Shqipëri sot është dita e parë e zisë treditore të shpallur në shenjë nderimi për Presidentin e Kosovës Ibrahim Rugova. Flamujt në institucionet shtetërore janë ulur në gjysmë shtizë. Të gjitha aktivitetet kulturore dhe sportive në Tiranë janë anulluar, ndërsa televizionet kanë ndërprerë programet e zakonshme.
Në qendër të kryeqytetit qytetarë kanë ndezur qirinj dhe kanë shprehur ngushëllimet familjes dhe Kosovës për humbjen e Presidentin Rugova.
Analistët në Tiranë, humbjen e Presidentit Rugova, e konsiderojnë humbjen e një simboli në një moment vendimtar për Kosovën.
Një delegacion i nivelit të lartë shtetëror me 30 anëtarë i drejtuar nga Presidenti Moisiu do të niset për të marrë pjesë në ceremoninë mortore të Presidnetit Rugova.

[Psikologu]

Në Preshevë tri dite zie për Presidentin Rugova

Prishtinë, 23 janar - Kuvendi Komunal i Preshevës me rastin e vdekjes se Presidentit të Kosovës, Ibrahim Rugova ka shpallur tri dite zie në komunën e Preshevës, duke filluar që nga nesër deri në ditën e varrimit të tij.
Përfaqësuesit politikë të shqiptarëve të Luginës së Preshevës, kanë ndërprerë çdo aktivitet, duke iu bashkuar kështu zisë gjithëkombëtare. Institucionet e pushtetit lokal në Preshevë gjithashtu kanë caktuar delegacionin zyrtar që do të merrë pjesë në ceremoninë e varrimit të kryetarit Rugova.

[Urata]

Evropiani i parë i rajonit

Shkruan Lulzim Mjeku

Në këtë para-Evropë të përgjakur, jeta ishte metafizikë. Të ofronte dy zgjidhje; osa ta mundësh armikun ose të zaptoheshe e sundoheshe nga ai. Rrugë e mesme nuk shihej. Ibrahim Rugova si intelektual hyri në politikë, për të gjetur një tjetër zgjidhje për popullin e tij të shumë vuajtur. Zgjidhja e mesme thuhej se ishte moderne evropiane dhe shmangte gjakderdhjen. Ajo sugjeronte që betejën mund ta fitosh duke u bërë më i mirë ekonomikisht dhe kulturalisht. Një injorim të tillë robëruesit dhe robërisë Rugova e cilësoi të vinte nga liria e brendshme që ndien qenia njerëzore. Në këtë mënyrë nga lideri i lëvizjes populiste, i parë si vëllai i madh i shqiptarëve të Kosovës, Rugova u shfaq evropiani i parë i rajonit. Por, Rugova injorues më i madh i çizmes së xhandarit jo rrallëherë u gjet i injoruar nga bashkëbiseduesit në rajon dhe në botë. Megjithkëtë ai pati durimin e plakut të urtë që në raportet ndërkombëtare të mbizotërojë me ngulm si bashkëbiseduesi më besnik. Ato që i thoshte edhe i besonte. Presidenti Rugova i mbeti besnik idesë se mënura paqësore pse të ndodh lufta. Por epoka në të cilën veproi ai ishte epokë e marrëzisë dhe e babëzisë për gjak dhe territore. Ç’mund të bënte prajshmëria e një intelektuali të një populli të vogël, në çastet kur te analistë ushtarakë e politikë bile edhe te aleatët e natyrshëm të pupullit shqiptar mbizotëronte ideja e hapjes së "frontit të jugut". Edhe në këtë çast ai tha JO luftës.
Marrëveshja e Daytonit për Bosnjën e vitit 1995 Rugovës i dha leksionin themelor të jetës. Asnjë faktor politik ndërkombëtar nuk e hapi problemin e Kosovës, pa e zgjidhur problemin e Bosnjës. Në Kosovë nuk ishte derdhur gjaku rrëke akoma. Për cfarëdo marrëveshje duhen dy palë dhe bota tashmë e dinte se pale bashkëbisedue ne këtë në kontekst gjeografik e politik ishte Rugova dhe jo Milosheviqi.
Edhe gjatë luftës çlirimtare në Kosovë, një kohë kur ithtarët e tij mbase kanë pritur një kushtrim tradicional të liderit për t'u hedhur në luftë, Rugova i tha JO luftës. Reagimi i brendëshëm: zemërim, keqinterpretini, etiketim. miratim... Reagimi i jashtëm: aprovim. Por edhe bashkësisë ndërkombëtare Ballkani si para -Evropë i dha edhe një herë dëshminë e mungesës së liderëve me kredenciale të forta ne politikën e jashtme. Serbia vret e pret. Bashkësia ndërkombëtare mbetet serish me një bashkëbisedues besnik, evropianin e parë të Ballkanit Ibrahim Rugovën, i cili ua përkujtoi leksionin e Erazmo Roterdamit se pas çdo marrëzie vjen epoka e arsyes e triumfit të jetes mbi vdekjen. Lider të tillë evropian në kushte të tilla nuk kishin arritur ta nxjerrnin as Kroacia, as Serbia, as Maqedonia. Jetëshkrimi i tij u mungon vendeve të ish-JugosIlavisë. Ai zhvilloi një politikë të jashtme duke shërbyer si ambasador, ministër e kryetar, e mbi të gjitha kampion i Kosovës së pavarur. Po të kishin pasur fqinjtë tanë krvetarë të tillë, sot Ballkani Perëndimor do të ishte pjesë e Bashkimit Evropian. Prandaj Ibrahim Rugova është evropiani i parë i rajonit.

Prishtinë, 23 janar 2006
(Marrë nga gazeta Lajm)

[Psikologu]

Flamuri amerikan ulet në gjysmë shtizë në Prishtinë


Prishtinë, 23 janar - Në një ceremoni të shkurtër të mbajtur sot në Zyrën e SHBA-ve në Prishtinë, shefi i misionit Philip Goldberg udhëhoqi uljen e flamurit amerikan në gjysmështizë për të nderuar Presidentin e ndjerë të Kosovës Ibrahim Rugova. "Të shtunën, kur dëgjova për vdekjen e Presidenti Rugova, thashë se Kosova ka humbur një udhëheqës të madh. Por, ne në SHBA humbëm një mik të madh dhe të përkushtuar", u shpreh Golberg.
"Në botë nuk ka shumë udhëheqës apo popuj të cilët kanë aq shumë dashuri dhe respekt për Shtetet e Bashkuara sikur që pati Presidenti Rugova dhe ka populli i Kosovës. Dhe si rrjedhojë e respektit për të, respektit për miqësinë e tij me Shtetet e Bashkuara dhe respektit për popullin e Kosovës, unë e ndjej se është shumë e qëlluar që edhe ne të lëshojmë flamurin amerikan në gjysmështizë gjatë kësaj periudhe të zisë. Kjo ka një domethënie të madhe për ne dhe jam i sigurtë se do të ketë edhe për popullin e Kosovës gjithashtu", theksoi z.Goldberg, ndërsa ulej flamuri i SHBA-së në gjsymështizë nga komandanti i njësisë së Marinës së SHBA-ve.
"Presidentin Rugova e njoha shumë mirë gjatë këtij një viti e gjysmë të fundit. Për herë të parë e takova para njëmbëdhjetë viteve në Uashington, dhe përveç asaj që ai bëri si udhëheqës – dhe me të vërtetë si një simbol i Kosovës për botën – unë e njoha atë edhe si një njeri shumë të këndshëm dhe të përzemërt. Dhe mendoj se tani do të ishte e drejtë që, gjersa dëshirojmë dhe lutemi që shpirti i tij të pushojë në paqë, të ndalemi për një çast – para se të largohemi nga kjo kohë shumë e ftohtë - dhe të mbajmë një minutë heshtjeje në përkujtim të tij, dhe për një të ardhme të ndritur këtu, dhe për të mbajtur në mend këtë mik të madh tonin", theksoi z.Goldberg, duke nderuar së bashku me punonjësit e Zyrës së SHBA-ve po mbanin një minutë heshtje.

[Psikologu]

Oto fon Habsburg: Zoti e shpërbleftë në përjetësi Gandin e Evropës
Mynih, 23 janar - Oto fon Habsburg (Otto von Habsburg), kryetar nderi i Unionit Paneuropian në mesazhin e tij të ngushëllimit për Presidentin Rugova shkruan:
"I pikëlluar thellë nga lajmi për vdekjen e Presidentit Rugova ju përcjell juve dhe popullit të Kosovës ngushëllimet e mia të përzemërta.
Zoti e shpërbleftë në përjetësi Gandin e Evropës për përpjekjet e tij të palodhshme në shërbim të popullit të vet, si mbrojtës heroik i të drejtave të njeriut, sundimit të ligjit dhe vetëvendosjes së popujve - synime bujare të jetës së tij në tokë.
Duke përkujtuar përkushtimin e tij për çështjen e bashkimit të Evropës dhe Kosovës së tij si një anëtare e nderuar kësaj bashkësie, Otto von Habsburg, kryetar Nderi i Unionit Paneuropian".

[Psikologu]

W.Martens: Rugova ishte baba i përkushtuar dhe frymëzues për lirinë e Kosovës

Bruksel, 23 janar - Në një mesazh ngushëllimi të kryetarit të Partive Popullore të Evropës Vilfrid (Wilfried) Martens, shkruan:
"Familje dhe miq të Presidentit Ibrahim Rugova,
Me pikëllim të madh mësova për shkuarjen nga jeta të Ibrahim Rugovës, të cilin kam pasur privilegj dhe kënaqësi ta takoj në raste të ndryshme.
Ai ishte baba i përkushtuar dhe frymëzues për lirinë e Kosovës.
Në emrin tim personal dhe të Partisë Popullore Evropiane ju përcjell në këtë mënyrë juve dhe qytetarëve të Kosovës ngushëllimet tona më të sinqerta për humbjen tuaj", thuhet në mesazhin e zotit Martens drejtuar familjes Rugova.

[Urata]

Dega e LDK-së në Kanada, Shoqata Shqiptare-Kanadeze Kosova: Me vdekjen e Presidentit Dr. Rugova Kosova humbi njeriun më të dashur dhe vizionarin e paqës dhe pavarsisë, njeriun më të madh që ka pasur ndonjë herë. Dr. Rugova e ngriti qështjen e Kosovës në piedestalin më të lartë ndërkombtar. Në këto momente kur po vendoset e ardhmja historike e Kosovës ne duhët të jemi të bashkuar dhe të arrijmë misionen e filluar nga Presidenti Dr. Rugova me njohjen formale të pavarsisë së Kosovës.

Te gjithe ata qe jetojne ne Toronto dhe rrethine le te jene ne dijeni se eshte hapur libri i zise ...
Pritet dhe organizim i tubimit te te gjitheve ne pamundesi qe te jene atje nga ketu ti behen nderimet e fundit.

[Psikologu]

Ministri Veliu: Kosova dhe arsimi shqip mbijetoi falë Presidentit Rugova


Prishtinë, 23 janar - Ministria e Arsimit, Shkencës dhe Teknologjisë (MAShT), me rastin e ndarjes nga jeta të Presidentit të Kosovës, Ibrahim Rugova, sot organizoi mbledhje komemorative në të cilën morën pjesë punonjësit në ministri si dhe përfaqësues të UNMIK-ut dhe mediat.
Fillimisht zv.ministri Fevzi Berisha tha se ndërrimi i jetës së Presidentit Rugova ishte një lajm shokues që shkaktoi dhembje e pikëllim edhe në mesin e stafit të ministrisë së arsimit.
Ndërkaq Fehmi Ismajli, u.d. i sekretarit permanent, tha se presidenti Ibrahim Rugova është emër i njohur në letrat shqipe edhe me opusin e tij të pasur letrar. “Për një periudhë të gjatë kohore, ka lënë gjurmë të thella në historinë më të re të tyre, në përgjithësi dhe në bashkëkohëzimin e veprës madhore të Bogdanit, në veçanti”, tha ai. Ismajli njoftoi se MASHT, duke u bazuar në këtë krijimtari të pasur, e cila ka bërë kthesa në letërsinë shqipe, para pak kohësh, e ka propozuar dr.Rugovën për çmimin kombëtar “Azem Shkreli” për vepër jetësore.
Ismajli tha se, fusha e letërsisë nuk ishte e vetmja për dr.Ibrahim Rugovën. “Që kur ai u zgjodh kryetar i Shoqatës së Shkrimtarëve të Kosovës, në vitin 1984, filloi angazhimet e tij edhe në fushën e politikës, të cilën nuk e zgjodhi, por iu imponua, në të cilën me sukses të plotë u ngrit në piedestalin më të lartë, duke u zgjedhur katër herë radhazi President i Kosovës”, tha Ismajli duke pohuar se ai bë njëri nga figurat më të njohura dhe më të pranuara, jo vetëm në Kosovë, por edhe jashtë saj. Duke folur për rolin e arsimit shqip gjatë viteve 90-ta Fehmi Ismajli tha se në luftën e përgjithshme të cilën me mençuri e udhëhoqi presidenti Rugova, arsimi shqip u pavarësua, u riorganizua në të gjitha segmentet e tij, duke u bërë, kështu, bastion i pamposhtur. Në fund zv.Ministri Berisha njoftoi pjesëmarrësit për Librin e pikëllimit i cili është hapur në ambientet e MASHT.
Ministri i MASHT Agim Veliu ka pohuar se Kosova dhe arsimi shqip që mbijetoi falë veprës së Presidentit Rugova, humbën njeriun e madh, mikun e arsimit e të dijes.