Kosova në festivalin Venecian

**Zero Cool** · 06-09-13, 11:34

Filmi “Ballkoni” ngre flamurin e Kosovës në Venecia

Venecia, 06.09.2013

Për herë të parë në historinë e kinematografisë së Kosovës, përmes filmit “Ballkoni” të regjisores Lendita Zeqiraj, flamuri i Kosovës gjendet në mesin e flamujve të tjerë në hyrje të Festivalit prestigjioz të filmit, në Venecia.

Filmi “Ballkoni” i regjisores nga Kosova, Lendita Zeqiraj, pati të mërkurën premierën botërore para publikut, transmeton TCh. Radhët e gjata të njerëzve pranë biletarive flasin për rëndësinë e shfaqjes së filmave në këtë festival.

Pjesëmarrja e filmit “Ballkoni” në Bienalen e Venecias është e një rëndësie të veçantë, jo vetëm për regjisoren dhe njerëzit që punuan në realizimin e këtij filmi, por edhe për kinematografinë e Kosovës, duke qenë filmi i parë kosovar i përzgjedhur nga një festival me rëndësi të madhe për filmin, si ky i Venecias.

Në një konkurrencë mjaft të fortë, në mesin e 14 filmave të shkurtër, në programin “Orizzonti” regjisorja është pozitive për suksesin e filmit, duke konsideruar se faza më e vështirë ishte ajo e përzgjedhjes.

Roli kryesor në filmin “Ballkoni” është luajtur nga aktori me famë botërore, Arben Bajraktari, i cili ka luajtur edhe në filmin “Taken”.

Të mërkurën, filmi “Ballkoni” u ftua nga festivali i filmit në Varshavë, si film mik, ndërsa regjisorja Lendita Zeqiraj, si anëtare e jurisë për garën e filmave të shkurtër.

**Zero Cool** · 06-09-13, 11:36

"Ballkoni" në Festivalin e Filmit në Venecia

Pas shqyrtimit të më shumë se 9000 filmave nga anembanë bota, Festivali i Ndërkombëtar Filmit në Venedik përfshin filmin “BALLKONI” të regjizores Lendita Zeqiraj në mesin e 14 filmave të programit të seksionit “Orizzonti”, i cili u dedikohet vetëm trendeve më të reja të kinematografisë botërore, ku kriter rigoroz i përzgjedhjes është origjinaliteti dhe inovacioni.

Filmi “BALLKONI” i regjizores kosovare Lendita Zeqiraj, i prodhuar nga shtëpia filmike n’Art, është filmi i parë shqiptar që merr pjesë në programin zyrtar të festivalit më të madh dhe më të vjetër në botë.

Pas shqyrtimit të më shumë se 9000 filmave nga anembanë bota, Festivali i Ndërkombëtar Filmit në Venedik përfshin filmin “BALLKONI” të regjizores Lendita Zeqiraj në mesin e 14 filmave të programit të seksionit “Orizzonti”, i cili u dedikohet vetëm trendeve më të reja të kinematografisë botërore, ku kriter rigoroz i përzgjedhjes është origjinaliteti dhe inovacioni.

Festivali Ndërkombëtar i Filmit në Venedik është festivali më i vjetër i filmit në botë, i themeluar në vitin 1932 nga konti Giuseppe Volpi. Ky festival ishte edhe pikënisje e disa prej regjizorëve më të njohur botërorë, si Michelangelo Antonioni, Frederico Fellini, Akira Kurosawa, Roberto Rossellini, Andrei Tarkovsky, Wim Wenders, Jean-Luc Godard e shumë të tjerë. Edicioni i 70-të do të mbahet prej 28 gusht -7 shtator 2013.

Me rastin e marrjes së lajmit “më të gëzueshëm që e ka pasur kinematografia kosovare”, Bujar Kabashi, producenti i filmit thotë: “Kjo është një shtytje dhe rast i mrekullueshëm për afirmimin e filmit shqiptar dhe kosovar”.

Z. Kabashi e merr këtë lajm në kohën kur filmi “ZIBIDI” i kësaj shtëpie filmike, prezentohet anembanë nëpër festivale botërore, si FLICKERS: Rhode Island International Film Festival, një nga 10 festivalet më prestigjioze të filmit të shkurtër në SHBA.

Për regjizoren Lendita Zeqiraj, kjo nuk është hera e parë që paraqitet në skenën botërore të filmit, pasi që filmat e saj kanë marrë pjesë në mbi 40 festivale ndërkombëtare të filmit, ku edhe janë shpërblyer shumë herë.

“BALLKONI” është një vëzhgim i mentalitetit autentik të shoqërisë sonë, i cili shumë shpejt mund të shndërrohet në një situatë absurde. Teknika e filmit që ka aplikuar regjizorja është teknika më e vështirë në kinematografi, ajo e xhirimit me një plan të vetëm. Regjizorë që kanë pasur guxim të punojnë në këtë teknikë janë Alfred Hitchcock, Michelangelo Antonioni, Jean Luck Godard, Michael Haneke, Stanley Kubrick, Martin Scorsese, Andrei Tarkovsky, Werner Herzog, i cili ishte pjesëmarrës në seksionin “Orizzonti” të Edicionit 69-të të Festivalit Ndërkombëtar të Filmit në Venedik.

“BALLKONI” është xhiruar vetëm në një plan sekuencë, që dmth me një plan të vetëm dhe pa montazh. Sekuenca fillon në perëndim të diellit dhe mbaron në muzg, si shprehje kinematografike që përforcon zhytjen në një situatë absurde, duke zbuluar realitetin e jetës së përditshme në shoqërinë e Kosovës së sotme.

Filmi flet për një djalë 10 vjeqar, i cili është i ulur në skaj të ballkonit në katin e katërt të një ndërtese. Fqinjët dhe kalimtarët e rrugës, të tmerruar nga kjo, thërrasin policinë dhe zjarrfikësit për ndihmë, por e tërë situata shumë shpejt eskalon dhe bëhet e vështirë për tu menagjuar.

**Zero Cool** · 06-09-13, 11:37

"Ballkoni" trailer

**Zero Cool** · 20-11-13, 11:04

“Ballkoni” konkurrent për çmimet Bafta dhe Oscar

Prishtinë, 20.11.2013

Filmi “Ballkoni”, me skenar dhe regji të Lendita Zeqirajt do të jepet premierë në festivalin “Leeds International Film Festival”, në Angli, të mërkurën, në ora 16:30, në Leeds Town Hall- Victoria Hall.

“UK Premiere”, kështu prezantohet filmi i Zeqirajt në këtë festival, film i cili gjatë javës së shkuar, në festivalin “Afi Fest”, në Los Angjelos të SHBA-ve ka fituar çmimin special të jurisë.Festivali “Leeds International Film Festival”, ka nisur më 6 nëntor dhe do të mbyllet më 21 nëntor, festival që edhe i hapë dyert për konkurrentët e kësaj gare për suksese të reja. “Festivali ka karakter garues dhe është kualifikues për çmimet Bafta, dhe Oscar, ka thënë Lendita Zeqiraj për KultPlus.

Në filmin “ Ballkoni” luan një ekip prej më shumë se 20 aktorësh, afër 60 për qind prej tyre aktorë jo profesionistë të cilët në 20 minuta krijojnë situata dinamike. Teknika që u punua filmi konsiderohet si një ndër teknikat më të vështira të filmit, me plan të pandërprerë, si një ndër elementët që është vlerësuar nga kritikët e filmit dhe publiku.

Me rolet e tyre në këtë film janë prezantuar: Arben Bajraktaraj, Sevdai Radogoshi, Osman Ahmeti, Sefedin Nuredini, Shengyl Ismajli, Kujtim Kryeziu, Gjin Kastrati, Avni Dalipi, Edona Reshitaj, Adriana Matoshi, Burhan Sejdiu, Afrim Muçaj, Mevlan Saraçi, Leonora Mehmetaj, Mejreme Berisha, Nexhmije Selca, Merfi Gashi, Shqipe Gashi, Gojart Kqiku, Flamur Hasani, Halit Bytyqi dhe Naim Kabashi.