Lajme aktuale nga vendi !

http://www.zeri.info/fotografia.php?id=50401

Bllokadë në Merdarë, maltretohen udhëtarët me pritje të gjata
31-03-2012 21:58 CET

Në zonën ku ishin arrestuar dy policët kosovarë të cilët po mbikëqyrnin Zonën e Gjelbër të kufirit Kosovë-Serbi në Merdarë, tashmë janë formuar autokolona prej disa kilometrash me automjetet e shqiptarëve të Kosovës.

Ata tregojnë se, me orë dhe ditë të tëra po mbahen nëpër kufi. Për shkak të pritjes së gjatë, shumë prej tyre kishin lënë makinat në anën serbe dhe ishin nisur në këmbë për të kaluar në territorin kosovar. Madje disa prej tyre tregojnë se për të kaluar kufirin policia serbe i ka detyruar të japin edhe ryshfet.

Ndërkohë një bashkatdhetar i cili kishte një vulë të shtetit shqiptar, serbët nuk e lejuan të kalojë në kufirin e Merdarës.

Drejtuesit e automjeteve të rënda tregonin se nëpër pikat kufitare janë detyruar të presin edhe më shumë se 20 orë.

Situata është tensionuar pas arrestimit të katër qytetarëve serbë në pikën kufitare tek Dheu i Bardhë, të cilët po bartnin materiale zgjedhore. Pas kësaj ngjarje Ministri i Brendshëm serb ish-zëdhënësi i Sllobodan Millosheviqit, kërcënoi publikisht se, tani e tutje Serbia në këtë formë do të respektoje reciprocitetin me Kosovën, pra me arrestimin e shqiptarëve. /tch/

[Domira]

Baza e AKI-së ndërtohet nga një zyrtar i PDK-së

Shtetet e Bashkuara të Amerikës kur lidhin një kontratë sekrete, bëjnë marrëveshje me njërën nga kompanitë që gjenden në “listën e bardhë”, ku hyjnë ndërmarrjet e përgjegjshme që kontraktohen vazhdimisht nga administrata amerikane. Kosova nuk e ka një listë të tillë të kompanive, sikurse nuk ka as ligj për prokurime speciale.
Në kundërshtim me modelin amerikan, Qeveria e Kosovës ia ka besuar ndërtimin e bazës së Agjencisë Kosovare të Inteligjencës (AKI) një kompanie private, për të cilën edhe vetë kreu i AKI-së e pranon se nuk ka shumë kontrata me institucionet shtetërore.
Kompania “Ing Engineering”, nga Suhareka, në gusht të vitit të kaluar ka lidhur me Ministrinë e Administratës Publike një kontratë 5 milionë euroshe për ndërtimin e bazës së Agjencisë Kosovare të Inteligjencës. Për, këtë nuk ka pasur një procedurë të hapur të prokurimit publik, por është përdorur procedura e negociuar.
Bashkim Smakaj, drejtor i AKI-së, e arsyeton këtë me ruajtjen e sekretit shtetëror. “AKI i ka kërkuar Qeverisë që të përjashtojë Ligjin e Prokurimit, në këtë kontratë publike. Kërkesa është miratuar. Ministria e Administratës Publike, përkatësisht Departamenti i Inxhinieringut, në gusht të vitit të kaluar, ka nisur procedurat për ndërtimin e bazës së AKI-t”, ka thënë Smakaj.
Ministria e Administratës Publike, sipas tij, ua ka dërguar ftesat pesë kompanive nga të cilat është përzgjedhur “Ing Engineering” nga Suhareka.
“Kompanisë i është bërë verifikimi dhe ka dalë në rregull”, ka deklaruar Smakaj.
Kreu i AKI-së e pranon se kompania nga Suhareka ka pasur më së paku kontrata me institucione shtetërore nga katër kompanitë e tjera që janë ftuar të ofertojnë. Por, sipas tij, përzgjedhja e kontraktorëve të vazhdueshëm të Qeverisë ka mundur të kishte konotacione se ato po favorizoheshin nga shteti.
Gjatë verifikimit, sipas tij, ka dalë që kompania nga Suhareka ka kryer me përgjegjësi punët që i ka kontraktuar ne sektorin privat.
AKI s’e vërejti afërsinë e “Ing Engineering” me PDK-në
Hazir Hajdari, i cili e mban pozitën e zëvendësdrejtorit gjeneral të “Ing Engineering”, në vitin 2007 ka qenë kandidat për deputet në Kuvendin e Kosovës nga radhët e Partisë Demokratike të Kosovës (PDK), që udhëhiqet nga kryeministri i vendit Hashim Thaçi.
Hajdari, aktualisht është këshilltar komunal në Suharekë, po nga radhët e partisë së kryeministrit Thaçi. Ai kur është kontaktuar nga Gazeta Jeta në Kosovë nuk ka dashur të flasë për kontratën “sekrete” me Qeverinë e Kosovës, me arsyetimin se vëllai i tij, Rexhepi, i di më mirë punët që lidhen me tenderë.
Rexhep Hajdari figuron zyrtarisht si pronar i vetëm i kompanisë në regjistrat e Ministrisë për Tregti e Industri. Ai nuk ka dhënë përgjigje në pyetjet e gazetës se a ka ndikuar pozita në PDK e vëllait të tij, për të përfituar nga Qeveria Thaçi.
E, kreu i inteligjencës kosovare ka thënë se ky detaj nuk është vërejtur kur është bërë verifikimi i kontraktorit. “Tash e mora vesh këtë. Nuk e kemi pasur këtë informatë më parë. Por, mendoj që nuk është mirë të diskualifikohen njerëzit vetëm pse kanë votuar për një parti, ose që janë me një parti”, ka deklaruar Smakaj.
MAP-i nuk jep arsyetim për përzgjedhjen e kontraktorit besnik
Zyra e Prokurimit e Ministrisë së Administratës Publike (MAP) nuk ka dhënë një përgjigje se çfarë kriteresh janë marrë për bazë për të klasifikuar si të besueshme kompaninë “Ing Engineering”. Arton Berisha, drejtor i prokurimit, ka zbuluar vetëm shumën e kontratës që, sipas tij, kap vlerën e 5 milionë eurove.
E për sa i përket kritereve, sipas MAP-it, ato i di vetëm Agjencia Kosovare e Inteligjencës.
“Në këtë rast ne kemi vepruar sipas kërkesës AKI-së, dhe sipas dispozitave ligjore. Për kërkesë ma shumë drejtoheni AKI-së”, ka deklaruar Birsen Shufta, zëdhënëse e Ministrisë së Administratës Publike.
AKI ka nisur ndërtimin e qendrave rajonale edhe në Mitrovicë e Gjilan.
Por për ndërtimin e tyre ka aplikuar tenderë të hapur. MAP, njëjtë si kreu i AKI-së, e arsyetojnë këtë me specifikat më pak të ndjeshme të qendrave rajonale, në krahasim me bazën qendrore në Prishtinë.
“Sa i përket pyetjes se pse ka pasur tender të hapur për qendrat regjionale, përsëri ka qenë kërkesë e AKI-së që të procedohet në atë mënyrë, pasi qe edhe specifikat janë ndryshe. Për çdo informate më shumë kontaktoni AKI-në”, ka deklaruar Shufta.
Ndërkohë Mursel Rraci, drejtor në Agjencinë Qendrore të Prokurimit, ka thënë se MAP nuk ka kërkuar leje për tenderë të negociuar.
“Në këtë rast është aplikuar neni 3 i Ligji të Prokurimit Publik që përjashton aplikimin e këtij ligji”, ka thënë Rraci.
Ndërkaq ky nen i këtij ligji përjashton aplikimin e procedurave të prokurimit kur bëhet fjalë për kontrata publike, për të cilat Qeveria i vlerëson si sekrete shtetërore.
“Pavarësisht nga dispozitat e tjera të këtij ligji, autoriteti kontraktues nuk do të kërkohet që të veprojë në përputhje me ndonjë procedurë të veçantë të prokurimit, apo të respektojë dispozitat e këtij ligji mbi transparencën, gjer në shkallën kur, përputhshmëria dhe respektimi do të komprometonin sekretin e ligjshëm, ose interesat e sigurisë, gjatë kryerjes së aktiviteteve të prokurimit, të rëndësishme për dhënien e një kontrate publike, për të cilën Qeveria është pajtuar që ta përjashtojë nga fushëveprimi i këtij ligji, sepse (i) ekzekutimi i kontratës në fjalë, sipas ligjit të aplikueshëm në Kosovë, kërkon përdorimin e masave të veçanta të sigurisë, ose (ii) Qeveria është pajtuar që ta klasifikojë lëndën e kontratës në fjalë si sekret”, thuhet në nenin 3 të Ligjit të Prokurimit Publik. jnk
Shpërndaje

Bashkeshorti i Mihrije Brahes, perplaset nga nje makine
15 April 2012 - Vipat Shqiptare - Showbiz - 919 shikime

Një lajm jo i mirë vjen këto ditë nga Prishtina për bashkëshortin e këngëtares së njohur, Mihrije Braha, njëherazi moderatorin dhe këngëtarin e njohur Naim Abazi, i cili ka pësuar një aksident, ndërsa ka kaluar semaforët në një rrugë të Prishtinës. Siç njoftojnë mediat atje, pasi kishte ndaluar makinën, Naimi ishte nisur të kalonte rrugën, ndërsa në semafor është aksidentuar nga një makinë në kalim. Gjendja e Naimit nuk është në rrezik, vetëm se është lënduar pak dhe është frikësuar nga shpejtësia me të cilën makina ka qenë në lëvizje.

Burimi: Panorama Plus

[Skyfter]

Postimi origjinal është bërë nga Hajra

Bashkeshorti i Mihrije Brahes, perplaset nga nje makine
15 April 2012 - Vipat Shqiptare - Showbiz - 919 shikime

Një lajm jo i mirë vjen këto ditë nga Prishtina për bashkëshortin e këngëtares së njohur, Mihrije Braha, njëherazi moderatorin dhe këngëtarin e njohur Naim Abazi, i cili ka pësuar një aksident, ndërsa ka kaluar semaforët në një rrugë të Prishtinës. Siç njoftojnë mediat atje, pasi kishte ndaluar makinën, Naimi ishte nisur të kalonte rrugën, ndërsa në semafor është aksidentuar nga një makinë në kalim. Gjendja e Naimit nuk është në rrezik, vetëm se është lënduar pak dhe është frikësuar nga shpejtësia me të cilën makina ka qenë në lëvizje.

Burimi: Panorama Plus

Sinqerisht u frigova pak kur e pash qe paska lajm aktual nga vendi ne ket kohe.


Moni bre qeshtu.

[Neferta]

Pune ne qeveri ne te zeze

Kanë punuar pa kontratë, dhjetë orë më shumë brenda javës sesa janë obliguar me ligj, pa kompensim për fundjavat, pa mbulim për sëmundje dhe janë paguar, kur kjo ka ndodhur, në kesh dhe dyshohet pa iu mbuluar ndonjë taksë përkatëse. Këto dyshohet se kanë ndodhur mu në selinë e Qeverisë së Kosovës, në Prishtinë. Kompania përgjegjëse thotë se ajo është sjellur në mënyrë ligjore dhe ka respektuar të drejtat e punëtorëve.

Fatlum Pllana nuk e kishte imagjinuar se në objektin e Qeverisë së Kosovës, ku ishte lokacioni që punonte, do të mund t’i shkeleshin të drejtat e veta si punëtor për një vit e gjysmë sa punoi aty. Në fakt, ai as nuk ka menduar për këtë kur e kishte gjetur punën.
Pllana, 22 vjeç nga Prishtina, shërbeu si kamerier në bufenë e Qeverisë ku administron kompania “Amadeus” prej nëntorit të vitit 2010 deri në fillim të marsit 2012. Ai do të largohej nga kjo kompani pasi, siç tregon, ajo kishte katër muaj që s’po e paguante. Janë 800 euro për të cilat Fatlumi pohon se nuk është kompensuar asnjëherë. (shih dokumentin)
Fatlumi në fakt ishte bërë pjesë e tregut të zi të punës. Ai nuk kishte kontratë pune. Pagën kryesisht e merrte kesh. Nga tetëmbëdhjetë muaj sa kishte punuar aty, vetëm katër pagesa i janë bërë përmes transferit bankar. Megjithëse ai pohon se punën e kishte nisur në nëntor të vitit 2010, xhirollogarinë në bankë e kishte hapur pesë muaj më vonë sepse deri atëherë ishte paguar përmes zarfit.
Ligji kosovar i punës obligon të gjitha organizatat punëdhënëse të kenë kontrata të shkruara me punëtorët. Pagesa mund të bëhet përmes xhirollogarisë bankare ose kesh, por në të dy rastet duhet të paguhen taksa. Për paratë që ka marrë në zarf, Fatlumi thotë se, me sa e din, nuk janë paguar taksa as në burim dhe as për pension.
Fatlum Pllana


“Në njëfarë forme kam qenë punëtor i Qeverisë ngase kompania për të cilën punoja ka qenë e kontraktuar përmes një tenderi publik, por kjo kënaqësi zgjati krejt pak se shkelja e të drejtave aty fillon prej ditës së parë të punës për të gjithë punëtorët”, thotë Fatlumi, derisa bën me dorë në drejtim të objektit të Qeverisë dhe në dorë mbanë bexhin që tregon se është punëtor i kësaj kompanie.
“Bexhin nuk e kam dorëzuar pasi e kam lënë punën. Është e vetmja dëshmi që kam punuar aty me që kontratë nuk kam pasur sikur asnjë prej punëtorëve”, shprehet Fatlumi.
Ai thotë se ka ndenjur aty pasi ka pasur nevojë për punë. Dhe duket se, për shumë punë.
“Orari im ka qenë prej orës shtatë në mëngjes deri në pesë pasdite”, kujton Fatlumi. Sipas ligjit të punës, i cili ka hyrë në fuqi më 1 janar 2011 (neni 20 pika 2), orari nuk duhet të jetë më gjatë se 40 orë në javë. Fatlumi ka punuar më shumë se dhjetë shtesë në javë.
Po ashtu, gjatë tetëmbëdhjetë muajve në punë, ai ka marrë dy javë pushim vjetor ose dhjetë ditë pune. Me ligjin e punës ai ka pasur të drejtë të pushojë edhe 20 ditë për një vit. Dhe megjithëse ai ka pushuar vetëm 10 ditë, as ato nuk i janë paguar.
Të dielat në Qeveri
Kjo nuk është vetëm historia e tij. Agron Haliti, 23 vjeç nga Prishtina, ka një rrëfim të ngjashëm. Ai për një vit e gjysmë sa pohon se ka punuar aty, asnjë rrogë të plotë nuk e ka marrë përmes bankës. Sipas qarkullimit të gjendjes bankare për tetëmbëdhjetë muaj, ai ka marrë vetëm 150 euro përmes bankës. (shih dokumentin)
“Pjesën tjetër të rrogës, 50 euro m’i kanë dhënë në dorë”, thotë Agroni.
Ai tregon edhe për të shtunat e të dielat që i ka kaluar në punë. “Kur ka qenë kabineti i Kryeministrit në punë, ne natyrisht se kemi dalë të punojmë. Për këtë asnjëherë nuk jemi paguar. Madje nëse i kemi thënë pronarit ai na ka thënë ‘po punoni për kryeminsitrin, jo për mua’”.
Agroni thotë se kompania “Amadeus” i ka mbetur borxh edhe katër rroga pa llogaritur edhe pushimin vjetor. “Janë 800 euro dhe sa herë i kontaktoj për to më thotë ‘nesër’”.
Agron Haliti

Gazeta Jeta në Kosovë ka folur edhe me një ish-kuzhinier, Elmedin Sinanin, të kësaj kompanie, i cili ishte detyruar të lërë punën për shkak të një sëmundje për të cilën nuk mund të merrte pushim mjekësor.
“Unë punova një muaj e gjysmë, u sëmura, m’u desh të shkoja në Tiranë. Ata as pushim qoftë edhe pa pagesë nuk më jepnin. Kësisoj m’u desh ta lë krejt punën, por kam mbetur pa marrë asnjë centë për një muaj e gjysmë sa kam punuar”, thotë Sinani.
Sipas nenit 59 të ligjit të punës, “i punësuari, në rast të sëmundjes, ka të drejtë në pushim mjekësor të rregullt mbi bazën, deri në njëzet (20) ditë pune brenda një (1) viti me kompensim prej 100 % të pagës”.
Gazeta ka folur edhe me disa ish punëtorë të cilët vazhdojnë të shërbejnë në bufenë e Qeverisë dhe të cilët nuk kanë guxuar të flasin me emra duke mbajtur shpresë se pronari do t’ia lajë borxhet që iu detyrohet. Disa të tjerë nuk kanë pranuar të flasin.
Kompania: Gjithçka në përputhje me ligjin
Pronari i “Amadeusit”, Arsim Makolli, i mohon të gjitha të dhënat e prezantuara nga ish punëtorët dhe disa nga punëtorët e tij aktualë.
“Punëtorët e mi punojnë prej orës tetë deri në katër, rrogat i kanë të mira, kontrata kanë, pushimin vjetor ua paguaj dhe nuk u kam borxh”, ka thënë Makolli, për Gazetën Jeta në Kosovë.
Ai ka shtuar se nuk është përgjegjës për asnjë shkelje gjatë punës në bufe. “Kushdo që iu ka dhënë juve informata të kësaj natyre, kanë qenë armiqtë e mi”, është shprehur ai.
Por Makolli nuk ka qenë në gjendje të sigurojë as edhe një kontratë të vetme të ndonjë punëtori të tij në bufenë e Qeverisë megjithëse gazeta e ka pritur për dy javë.
Kompanitë private obligohen me ligj të punës krejt njëjtë sikur institucionet e tjera, por Makolli arsyetohet me të qenit ‘privat’. “Unë jam kompani private dhe nuk kisha dashur që ju me interpretu diçka këtu si shkelje të Qeverisë”, rekomandoi ai.
“Amadeus” e kishte fituar për herë të parë tenderin e shpallur nga Ministria e Administratës Publike në gusht të vitit 2009 për të ofruar shërbimet hoteliere në, siç quhet, objekti i ish-Bankosit ku është i vendosur Kryeministri dhe kabineti i tij, Ministria e Financave, ajo e Integrimit Europian, e Punëve të Jashtme si dhe disa komisione qeveritare.
“I njëjti operator e ka fituar tenderin sërish në gusht të 2011 për 36 muajt e ardhshëm në mesin e shtatë ofertuesve të tjerë duke ofruar çmimin më të lirë”, thotë drejtori i prokurimit në MAP, Arton Berisha.
Përkushtimi institucional vetëm në erë
Ministri i Punës dhe Mirëqenies Sociale, Nenad Rashiq, në një debat më 1 maj, vitin e kaluar, kishte thënë: “Jam i përkushtuar për mirëqenien e punëtorëve në Kosovë dhe jam i angazhuar maksimalisht për një bashkëpunim të ngushtë në mes të Qeverisë dhe sindikatave në të mirë të mirëqenies së punëtorëve të Kosovës”.
Pavarësisht kësaj, në kuadër të 5,100 inspektimeve nga Inspektorati i Punës, gjatë nëntëmujorit të parë 2011, janë shqiptuar mbi 700 vërejtje.
Administrata Tatimore e Kosovës (ATK), në një deklaratë javën e kaluar, u rikujtoi të gjithë personave të cilët merren me aktivitete afariste, se në bazë të legjislacionit tatimor janë të detyruar të regjistrohen, pajisen me Numër Fiskal, deklarojnë dhe paguajnë tatimet (bazuar në statusin e tyre) dhe të mbajnë tatimin në burim dhe kontributet pensionale për punëtorët e tyre.

[Neferta]

I Dyshuari për Falsifikim Shërben me Kafe Deputetët



Gjykata e Qarkut në Prishtinë do të mbajë seancë për konfirmim të aktakuzës kundër Bedri Nikës dhe të tjerëve për falsifikimin e 80 mijë dollarëve, më 30 prill. Nika është menaxher i ndërmarrjes “Shqiponja” e cila, përkundër hetimeve ndaj tij, vazhdon të mbajë bufenë e Kuvendit të Kosovës dhe Prokurorisë së Shtetit.

http://gazetajnk.com/?cid=1,3,1903

[e-uritura]

[Zero Cool]

Kafshata e mjerimit.Buke e krypur nga lotet e varferis.Me kujtoj kjo foto nje ngjarje te pak ditve me pare.
Nje shqiptar mbasi mori nje thes mille veresi gjat kthimit per ne shtepi rreqiti ne humner. La ne kete bot jetimet e ti te uritur....
Dikush qe duhet te ndjehet pergjegjes deri ne palce mburret me arritjet e qeveris ne moshen e internetit.
Sa tallje, sa turp, kjo eshte bota, kohet Migjeniane te shekullit 21.

zc news

[Alima]

...

Grupe të armatosura pritet ta marrin veriun me forcë !








Me titullin “Maqedonia në kazanin kosovar” e përditshmja maqedonase ‘Fokus’ e ditës së Martë shkruan se në rajonin e Likovës dhe përgjatë kufirit Maqedoni - Kosovë ka grupe të uniformuara dhe të armatosura. Këto grupe të uniformuara, sipas gazetës, i kanë parë edhe policia dhe me këtë janë të njohur instancat më të larta të Ministrisë së Punëve të Brendshme, transmeton shkrimin portali Shqipmedia.
‘Fokus’ ka kontaktuar ish-ministrin e Punëve të Brendshme të Maqedonisë Pavle Trajanov i cili për gazetën në fjalë ka thënë se sipas informatave që ka ai, përgatitet destabilizimi i Kosovës pasi përgatitet marrja me forcë të veriut të Mitrovicës.
"Bëhet fjalë për një operacion të gjerë që përfshin në plan edhe destabilizimin e Maqedonisë dhe Luginës së Preshevës me të cilën do të tentohet të tërhiqet vëmendja e ndërkombëtarëve për zgjidhjen e problemit të Kosovës. Jo rastësisht NATO ka kërkuar trupa shtesë në Kosovë", ka thënë për gazetën Trajanov.
Ndryshe dje në artikullin e tij të përjavshëm gazetari i “Vecer” Dragan Pavlovic-Latas, i cili njihet si mik i ngushtë i kryeministrit Gruevski, për vrasjen e 5 maqedonasve para disa javësh në Shkup drejtoi gishtin kah kosovarët.

/indeksonline/

[Zero Cool]

Deputetët e Kuvendit të Kosovës kanë aprovuar nenet 38, 427 dhe 428 të Kodit Penal. Kodi i ri Penal, i miratuar në Kuvend, i ndjek penalisht gazetarët dhe redaktorët, nëse gjykata konstaton se zbulimi i informatave është i domosdoshëm për të parandaluar veprën penale të dënueshme, prej së paku tre vjet burg ose për veprën penale të paraparë edhe në nenin 427 që flet për marrje ryshfeti, si dhe nenin 428 që flet për dhënie ryshfeti. Nëse gazetari nuk e zbulon burimin që ka deklaruar t’i jetë kërkuar ryshfeti ose që ka dhënë ryshfet për një shërbim, ai mund të përfundojë në burg. Në të kundërtën, në burg mund të përfundojë burimi, që ka folur për gazetën në kushte anonimiteti, në rast se media ia publikon identitetin. Edhe pse ky ligj është krejtësisht në përputhje me normat pozitive juridike, gazetarucët e vetëquajtur profesionistë, “birn-istët” e ish gazetarët e regjimeve okupatore kanë reaguar, për shkak se tani e tutje do të detyrohen ta denoncojnë burimin dhe nuk mund të thirren në të ashtuquajturat, “burime konfidente brenda qeverisë apo brenda institucioneve”. Aprovimi i këtij neni penal, ka për qëllim t’i eliminojë gënjeshtrat, mashtrimin e opinionit publik dhe të gjitha abuzimet, që bëjnë gazetarë e redaktorë të caktuar nën ombrellën e “fjalës së lirë”.

Ligji, i cili kërkon përgjegjësi nga gazetarët dhe redaktorët e papërgjegjshëm, të cilët aktualisht rezervojnë të drejtën e fshehjes së burimit ka për qëllim eliminimin e mashtrimeve si dhe korrupsionin e shprehur në disa mediume, të cilat fshihen pas të ashtuquajturave “burime anonime, sikur rëndom thuhet, brenda Qeverisë, brenda institucioneve, madje edhe burime të “besueshme” të zyrtarëve të lartë të vendit e të huaj”. Kjo formë e mashtrimit publik, përmes gjoja burimeve sekrete të akëcilit gazetar redaktor apo medium, nuk ka të bëjë me gazetarinë afirmative, as me gazetarisë profesioniste bashkëkohore. Kjo mënyrë e mashtrimit i takon burimeve të shërbimeve sekrete, ku informatat shiten e blihen, sidomos informatat që kanë të bëjnë me diskreditimin e personaliteteve të caktuara publike, në luftën e pandershme partiake, e cila është shumë aktuale, sidomos në Kosovë.
Ky ligj, nuk shkel kodeksin e gazetarëve, as gazetarinë e mirëfilltë dhe të vërtetë hulumtuese, e cila bazohet në gjuhën e fakteve, në dëshmi relevante, në argumente, e jo në përgojimet nëpër kafeneve e mejhane të pista, të mbushura me tym duhani, raki e drogë. Po ashtu ligji parasheh edhe ndjekjen penale të mashtruesve, të mercenarëve cilët fshihen pas “fjalës së lirë”. Opinioni liridashës në Kosovë është dëshmitar i fushatës mediale, e cila dy vjet më parë u ndërmor nga gazeta “Koha Ditore”, Gazeta “Zëri”, gazetarët e Birn-it kundër deputetit Fatmir Limaj, asokohe ministër i MTPT-së. Ishin pikërisht burimet gazetave, që thirreshin në burimet e tyre “të besueshme” brenda Qeverisë, në të cilat u mbështet EULEX-i dhe për dy vjet rresht nuk arriti të nxjerrë asnjë provë faktike për korrupsion, edhe pse arrestimi ishte krejtësisht politik. Më vonë u pa dhe u dëshmua botërisht se pista e vetme të akuzave ishte mbështetur në artikujt e gazetave.
Janë gazetarët e tillë, të vetëquajtur “profesionistë”, ata që po e diskreditojnë ish-komandantin e UÇK-së, Azem Syla, janë gazetarët shqipfolës ata që po bashkëpunojnë me Dik Martin, gjithnjë duke u thirrur në prova të instruktuara, me qëllim përfitimi të parave të majme, dhe duke fshehur identitetin, me qëllim të paragjykimit të ndonjë hakmarrjeje.
Dyzina e gazetarëve agresivë e vulgarë të Kosovës, që veten e tyre e quajnë profesionistë e kanë vështirë ta pranojnë ligjin, i cili ua ndalon gënjeshtrën e mashtrimin, sepse ata janë ngritur dhe kanë përfituar pikërisht duke u mbështetur në gënjeshtra e paragjykime. Të tillët janë turpi i gazetarisë së Kosovës, edhe për faktin se janë diferencuar nga armata e gazetarëve të tërë Kosovës, duke u vetë-përkufizuar si profesionistë, por pa e dëshmuar publikisht me fakte e dëshmi profesionalizmin. Fakti se ata i mëshojnë kaq shumë “profesionalizmit” se nuk pajtohen me ligjet, se nuk i japin llogari askujt, tregon mirëfilli nivelin e tyre, arsimor, kulturor e profesional.
Do të ishte fat i madh sikur ky ligj të fillonte të zbatohej, meqë në radhë të parë krijon transparencë publike dhe nuk lejon që njerëzit të diskreditohen nga gazetarët agresivë, të cilët më së paku i shërbejnë gazetarisë, por me besnikëri iu shërbejnë klaneve të ndryshme mafioze.

[GURI SYLAJ]

I nderuari Zero Cool ,nese ky shkrim eshte i juaji une ju pergezoj per angazhimin ne mbrojtjen e fjales se lire.
Por keni harru dicka.
Kush e mbrone faktin dhe te verteten ??
Mos harroni se ,as UNMIK -u dhe as EULEX nuk kan ardhe me denu askend ....!?
Nasradinika thene ; KUSH I KA PARET I BIJE FYELLIT .
Gjykatesit ,jo vetem te huajt, e kan shume te zhvilluar nuhatjen ,sidomos aty ku i vije ERA PARE !!!

[Neferta]

Z.C. ARTIKULLI ESHTE SHUM I NJEANSHEM
Edhe pse eshte miratuar ne kuvende ligji len shum vende per interpretime.
Ngulfatja e fjales se lire nuk ndodhe ne EU, fjala e lire eshte e shenjte, por dikujt i duhet te meshifet prapa ati kodi penal ashtu qe gjithnje do te ket zvarritje te proceseve demokratike.

[Neferta]

Arrestohen të dyshuarit për vrasjen e pesëfishtë në Maqedoni (Video)
E plotësuar - Ministria e Punëve të Brendshme, të martën ka ndërmarrë një operacion të quajtur “Monstrum”, me ç’rast ka arrestuar 20 persona në disa lagje të Shkupit , ku një pjesë e të arrestuarve ndërlidhen me vrasjen në Smilkovc.Në kuadër të aksionit me emrin e koduar "Monstrum", sot në orët e para të mëngjesit u kryen bastisje në shumë pjesë të Shkupit. “Në orët e para të mëngjesit janë kryer bastisje në 26 objekte. Gjatë bastisjes, janë ndaluar 20 persona në baza të ndryshme. Është gjetur një numër i madh materialesh për të cilat vlerësojmë se më pas do të mund t’i shfrytëzojmë si dëshmi. Është gjetur një pjesë e madhe armësh, literaturë, e cila flet për përfaqësimin ideologjik të këtyre personave dhe një sërë lëndësh të tjera si jelek taktik, maska dhe pajisje të ngjashme, të cilat mund të shfrytëzohen ose ka qenë e shfrytëzuar për kryerjen e veprave penale”, ka deklaruar ministrja e Punëve të Brendshme të Maqedonisë, Gordana Jankulovska. Gjatë aksionit policor morën pjesë mbi 800 përfaqësues të policisë, ka marrë pjesë edhe Drejtoria për Siguri dhe Kundërzbulim si dhe Byroja për Siguri Shtetërore. "Në mesin e 20 të arrestuarve, ka persona të cilët drejtpërdrejtë janë të ndërlidhur me vrasjen makabre në liqenin e Hekuranës, pranë fshatit Smilkovc. Por, ka dhe të tillë për të cilët nuk kemi të dhëna konkrete se drejtpërdrejt janë të përfshirë në këtë vrasje. Ata po merren në pyetje për momentin, dhe pasi të realizohen hetimet, do të dalim me të dhëna tjera“, tha ajo.“Bëhet fjalë për qytetarë të Maqedonisë, nga Shkupi, të cilët janë pjesëtarë të grupeve radikale islamike, të cilët paraqesin kërcënim si për të krishterët, ashtu dhe për muslimanët", tha Jankulovska, raporton REL.“Të gjitha dëshmitë materiale, për të cilat folëm më parë kanë qenë pikënisje që të vinim deri tek faza ku do të mësonim saktë se ku duhet të bënim bastisje, çfarë të kërkonim gjatë atyre bastisjeve si dhe në çfarë drejtimi ta orientonim hetimin. Më këtë rast dëshiroj të falënderoj të gjithë qytetarët që na dhanë informata të rëndësishme duke u paraqitur në numrin 199... Më e rëndësishme është se MPB-ja ka zbuluar autorët e vrasjes makabre të 5 personave të pafajshëm në liqenin e Smillkovcës”, tha Jankulovska.Ajo tha se kundër përfaqësuesve të grupit do të ngrihen padi penale për veprën penale të terrorizmit.Më 13 prill në bregun e liqenit afër Smilkovcit, u vranë Kire Trickovski, Aleksandar Naqeski, Filip Slavkovski dhe Cvetanco Acevski, të moshës prej 18 deri 20 vjeç, si dhe Borce Stefanovski (45) nga fshati Creshevë.Pesë personat, sipas informatave të deritanishme të policisë, janë vrarë me armë automatike në afërsi të drejtpërdrejtë.Një ditë më vonë, 10 kilometra nga vendi i masakrës është gjetur automobili "Opel omega", për të cilin më vonë është konfirmuar se ka qenë në vendin e ngjarjes dhe është përdorë nga vrasësit. /Telegrafi/

[Neferta]

Zbulohen emrat e pesë të akuzuarve për vrasjen në Maqedoni

Ministria e Punëve të Brendëshme të Maqedonisë si kryerës kryesor të vrasjes së pesëfishtë në Smilkovc i ngarkon Halil Demirin (27) nga Haraçina dhe vëllezërit Afrim Ismailoviq (32) dhe Agim Ismailoviq (33) nga Hasanbegi. Dy persona të tjerë të akuzuar se kanë ndihmuar vrasjen janë Fejzi Aziri (54) dhe Rami Sejdiu (24). Siç bëhet e ditur në arrati janë Afrim Ismailoviq dhe Halil Demiri. Orë më pare Gjykata Penale në Shkup ndaj shumicës së të arrestuarve në operacionin “Monstër” tashmë veç ka shqiptuar masën e paraburgimit prej 30 ditëve, informon agjencia e lajmeve INA.
Në ndërkohë, mediat maqedonase tashmë kanë publikuar edhe fotografitë e siguruara të personave që akuzohen se kanë kryer vrasjen e pesëfishtë më 12 prill në fshatin Smilkovc të Shkupit.
Ministrja e MPB-së, Gordana Jankullovska theksoi sot se këta persona janë anëtarë të grupit kriminal që kanë kryer vrasjen. Sipas versionit të MPB-së, tre vrasësit më 12 prill rreth orës 20.00 në afërsi të fshatit Smilkovc të Shkupit kanë kryer vrasjen e pesëfishtë me anë dy pushkë automatike dhe një pistoletë dhe se më pas kanë ikur në drejtim të një lokacioni tjetër me makinën “Opel Omega”, që më pas ilegalisht kanë kaluar kufirin drejt Kosovës. /Indeksonline/

[Neferta]

Lirohet Ramushi


Ish-kryeministri i Kosovës, i cili po mbahet në Hagë, do të lirohet nga paraburgimi, deri në vendimin lidhur me aktakuzën ndaj tij. Prokuroria nuk ka bërë ankesë. Haradinaj pritet të kthehet të enjten në Kosovë.

Gjykata për Krime Lufte në ish-Jugosllavi, ICTY, ka marrë vendim që ta lirojë nga paraburgimi Ramush Haradinajn, deri në vendimin lidhur me aktakuzën ndaj tij.
Lajmin për Klan Kosovën e kanë bërë të ditur burime të sigurta, sipas të cilave prokuroria nuk ka bërë ankesë ndaj këtij vendimi.
Media të tjera raportojnë se Haradinaj kthehet në Kosovë të enjten.

Daut Haradinaj, vëllai i Ramushit, i ka thënë "Zhurnalit" se Ramushi do të kthehet në vendlindje, pasi ndaj tij nuk është verifikuar ndonjë dëshmi se ai ka kryer krime lufte ose rrezikon t’i ikë përgjegjësisë.
Procesi i rigjykimit ndaj ish-eprorit të UÇK-së dhe dy bashkëluftëtarëve të tij, Idriz Balaj dhe Lahi Brahimaj, pritet të përfundojë diku nga fillimi i gushtit.