Kështu fliste Vula e Pejgamberisë

[Albanam]

Transmetohet nga Enesi radijall-llahu anhu që ka thënë se një njeri ishte te Pejgamberi alejhis-selam kur kalon aty një njeri tjetër, kurse (ky që ishte te Pejgamberi) tha: “O i Dërguari i All-llahut, unë vërtet e dua këtë njeri”. Pejgamberi alejhis-selam tha: “A e ke informuar atë (se e do)?” Tha: “Jo”. (Pejgamberi) Tha: “Informoje”. (Ky) E takon dhe i thotë: “Unë të dua për hir të All-llahut”. (Ai) Tha: “All-llahu të dashtë, që të ka bërë të më duash për Të”.

We Alejkum Selam ve Rahmetullahi ve Berekatuhu motër e nderuar.
Dashuria për hir të All-llahut është dhunti që meriton shpërblim të lartë nga All-llahu, është virtyt që meriton Hijen e Tij në Ditën e Gjykimit, atë Ditë kur nuk ka hije tjetër pos Hijes së All-llahut.
All-llahu ta mundësoftë atë Hije edhe ty. AMIN.

Me respekt,
Vëllau yt në Islam,
Albanam

[Vajza]

Albanam Postuar: 17.06.2005 10:47 Titulli i mesazhit:

--------------------------------------------------------------------------------

Transmetohet nga Enesi radijall-llahu anhu që ka thënë se një njeri ishte te Pejgamberi alejhis-selam kur kalon aty një njeri tjetër, kurse (ky që ishte te Pejgamberi) tha: “O i Dërguari i All-llahut, unë vërtet e dua këtë njeri”. Pejgamberi alejhis-selam tha: “A e ke informuar atë (se e do)?” Tha: “Jo”. (Pejgamberi) Tha: “Informoje”. (Ky) E takon dhe i thotë: “Unë të dua për hir të All-llahut”. (Ai) Tha: “All-llahu të dashtë, që të ka bërë të më duash për Të”.

We Alejkum Selam ve Rahmetullahi ve Berekatuhu motër e nderuar.
Dashuria për hir të All-llahut është dhunti që meriton shpërblim të lartë nga All-llahu, është virtyt që meriton Hijen e Tij në Ditën e Gjykimit, atë Ditë kur nuk ka hije tjetër pos Hijes së All-llahut.
All-llahu ta mundësoftë atë Hije edhe ty. AMIN.

Me respekt,
Vëllau yt në Islam,
Albanam

Selam alejkum...
AMIN inshallah Zoti na ben prej atyre qe te duhemi per hir te TIJ !!!! :!: :!: :!:

[munti]

Nga Ibni masudi r.a. transmetohet se ka thene:I Derguari i Allahut s.a.v.s. e ka mallkuar shfrytezuesin e kamates dhe kredituesin e tij".
(transmeton Muslimi)
Tirmidhiu dhe te tjeret shtojne:"Edhe deshmitaret edhe shkruesin."

[moni_gjilan]

Allahu i Madhëruar thotë:
“Bëhu i butë ndaj besimtarëve”. (el-Hixhr:88)
Ebu Dherri (Allahu qofte i kenaqur prej tij) thotë: “Pejgamberi (alejhi selam) ka thënë: “Mos nënçmo asnjë punë të mirë, qoftë edhe takimin e vellait tënd me fytyrë të qeshur”. (Transmeton Muslimi)

Allahu i Madhëruar thotë:
“O besimtarë, përse flisni atë që nuk e bëni. Tek Allahu është shumë e urrejtur ta thoni atë që nuk e punoni”. (es-Saff:2-3)
Nga Abdull-llah bin Amr ibn El-Asi (Allahu qofte i kenaqur prej tyre) transmetohet se Pejgamberi (alejhi selam) ka thënë: “Personi tek i cili gjenden këto katër cilësi është hipokrit i vërtetë, kurse ai, tek i cili gjendet një prej tyre, ai posedon cilësi të hipokrizisë, derisa nuk e flak atë; Kur flet, gënjen...Kur premton, nuk e përmbush premtimin... Kur është në zënkë, sillet padrejtësisht... dhe kur zotohet, e shkel zotimin (tradhton)...” (Muttefekun alejhi)

Nga Ebu Hurejre (Allahu qofte i kenaqur prej tij) tregohet se Pejgamberi (alejhi selam) ka thënë: “Besimi është shtatëdhjetë e ca ose gjashtëdhjetë e ca dege. Dega më e larte e besimit është fjala “La ilahe il-lall-llah” (nuk ka zot tjetër përveç Allahut), ndërsa më e uleta është mënjanimi i ndonjë sendi nga rruga, që i pengon kalimtarët. Edhe turpi është një pjesë e imanit”. (Muttefekun alejhi)
*
Allahu i Madhëruar thotë:
“Atë ditë miqtë/miqësitë do të kthehen në armiq të njëri-tjetrit, përveç të devotshmëve”. (ez-Zuhruf:67)
Nga Ebu Musa El-Esh’ariu (Allahu qofte i kenaqur prej tij) thuhet: “Hyra te Pejgamberi (alejhi selam) unë dhe dy kushërinj të mi, njëri prej tyre i tha: “O i Dërguari i Allahut, më emëro udhëheqës në atë që Allahu ta ka dhënë”. Tjetri tha të njëjtën gjë si i pari. Pejgamberi (alejhi selam) u tha: “Betohem në Allahun se ne nuk vendosim në pozitat udhëheqëse (vali) asnjë person që e kërkon atë, ose atë që e lakmon pozitën”. (Muttefekun alejhi)

Allahu i Madhëruar thotë:
“Atë, botën tjetër, do t’ua japim atyre që nuk lakmojnë madhështinë në këtë botë e as nuk duan çrregullime ne te, sepse ardhmëria është e atyre që i frikësohen Allahut”. (el-Kasas:83)
Nga Ebu Seid Abdurrahman bin Semura (Allahu qofte i kenaqur prej tij) thuhet se Pejgamberi (alejhi selam) ka thënë: “O Abdurrahman, i biri i Semurinit, mos kërko poste ne udhëheqje. Nëse vjen deri te posti udhëheqës pa e kërkuar atë, atëherë do të jesh i ndihmuar, e nëse në postin udhëheqës vjen duke e kërkuar pozitën vetë, atëherë ti vetë je garant për të (para Allahut). Nëse betohesh në diçka, por e sheh se tjetra është më e mirë se ajo për të cilën je betuar, atëherë bëre atë që është më e mirë, e për betimin tënd të dhënë më parë jep kefaret (shpagim për betimin)”. (Muttefekun alejhi)

Allahu i Madhëruar thotë:
“Allahu urdhëron drejtësi dhe mirësi, ndihmë dhe respekt ndaj të afërmve.” (en-Nahl:90)
Nga Abdull-llah ibni Amr ibni El-Asi (Allahu qofte i kenaqur prej tyre) tregohet se Pejgamberi (alejhi selam) ka thënë: “Njerëzit e drejtë te Allahu do të jenë në minbera prej nurit (dritës): ata persona që kanë gjykuar në mënyrë të drejtë, ata që ishin të drejtë në familjet e tyre, si dhe ata që janë të drejtë me ata që i kanë nën mbikëqyrje”. (Transmeton Muslimi)
Nga Auf ibni Malik (Allahu qofte i kenaqur prej tij) thuhet: “E kam dëgjuar Pejgamberin (alejhi selam) duke thënë: “Udhëheqësit tuaj më të mirë janë ata që ju duan dhe i doni, dhe ata për të cilët ju luteni dhe ata luten për ju. Ndërsa udhëheqësit tuaj më të këqij janë ata të cilët ju i urreni dhe ata ju urrejnë, si dhe ata të cilët ju i mallkoni dhe ata ju mallkojnë!” Avfi (Allahu qofte i kenaqur prej tij) tha: “Atëherë ne i thamë: “O i derguar i Allahut, a t’ju kundërvihemi ne?” Tha: “Jo, derisa të falin së bashku me ju namazin. Jo, derisa të falin së bashku me ju namazin”. (Transmeton Muslimi)
Ijad ibni Himar (Allahu qofte i kenaqur prej tij) thotë: “E kam dëgjuar Pejgamberin (alejhi selam) duke thënë: “Banorë të Xhennetit janë tre persona: udhëheqësi i drejtë që u përmbahet këshillave, njeriu i mëshirshëm, zemra e të cilit është e butë për çdo të afërm dhe për çdo musliman, si dhe njeriu i pastër e i ndershëm, i cili ka shumë fëmijë”.
(Transmeton Muslimi)

Allahu i Madhëruar thotë:
“Allahu urdhëron drejtësi dhe mirësi, ndihmë dhe respekt ndaj të afërmve dhe ndalon amoralitetin, neverinë dhe gjithçka që është krim dhe urrejtje. Ai ju këshillon të pranoni mësimin”. (en-Nahl:90)
Ibni Umeri (Allahu qofte i kenaqur prej tij) thotë: “Kam dëgjuar Pejgamberin (alejhi selam) duke thënë: “Të gjithë ju jeni barinj dhe secili do të përgjigjet për kopenë e vet. Imami është bari dhe do të pyetet për kopenë e tij. Burri është bari në shtëpinë e vet dhe ai do të pyetet për kopenë e tij. Gruaja është bareshë në shtëpinë e burrit dhe ajo do të pyetet për kopenë e saj, edhe shërbëtori është bari në pasurinë e zotërisë së tij dhe ai do të pyetet për ate që e ka ruajtur. Të gjithë ju jeni barinj dhe do të përgjigjeni për atë që keni ruajtur”. (Muttefekun alejhi)

Allahu i Madhëruar thotë:
“Me moral të lartë dhe të devotshëm (muttekin) janë ata, që e mposhtin hidhërimin dhe i falin njerëzit. Allahu i do bamirësit”. (Ali Imran: 134)
Aisheja (Allahu qofte i kenaqur prej saj) thotë: “Erdhi Pejgamberi (alejhi selam) prej një udhëtimi, dhe unë e kisha mbuluar një dollap me një perde, në të cilin kishte figura. Kur e pa Pejgamberi (alejhi selam) e bëri atë copë-copë dhe iu skuq fytyra (nga hidhërimi) dhe tha: “O Aishe, dënimi më i ashpër i Allahut Ditën e gjykimit do të jetë për ata të cilët i imitojnë krijesat e Allahut”. (Muttefekun alejhi)

Allahu i Madhëruar thotë:
“Ti merri me të mirë! Urdhëro për vepra të mira dhe shmangiu injorantëve”. (el-A’raf:199)
“Por, kush duron dhe falë, keto jane nga punët e mençura”. (esh-Shûrâ:43)
Ibnu Mes’udi (Allahu qofte i kenaqur prej tij) thotë: “Tani sikur jam duke e parë të Dërguarin e Allahut duke treguar për një pejgamber prej pejgamberëve, (mbi të gjithë qoftë paqja dhe shpëtimi i Zotit), se si e kishte rrahur populli i vet, derisa i kishte rrjedhur gjak. Dhe ai, duke e fshirë gjakun prej fytyrës, thoshte: “O Zoti im, fale popullin tim, sepse vërtet ata nuk dinë”. (Muttefekun alejhi)

Allahu i Madhëruar thotë:
“Vërtet ai që duron dhe fal, posedon virtytet më të larta”. (esh-Shûrâ:43)
Aisheja (Allahu qofte i kenaqur prej saj) thotë se Pejgamberi (alejhi selam) ka thënë: “Vërtet Allahu është i butë dhe Ai e do butësinë në të gjitha sendet”. (Muttefekun alejhi)
Nga Enesi (Allahu qofte i kenaqur prej tij) transmetohet se Pejgamberi (alejhi selam) ka thënë: “Lehtësoni e mos vështirësoni, përgëzoni e mos largoni”. (Muttefekun alejhi)

Allahu i Madhëruar thotë:
“Sepse ti ke vërtetë virtyte të larta”. (el-Kalem, 4)
Transmetohet nga Ebu ed-Derda (Allahu qofte i kenaqur prej tij) se Pejgamberi (alejhi selam) ka thënë: “Asnjë send nuk do të jetë më i rëndë në peshojën e besimtarit në Ditën e gjykimit sesa morali i mirë. Dhe, vërtet, Allahu e urren të pamoralshmin dhe fjalëndytin”. (Transmeton Tirmidhiu)
Transmetohet nga Ebu Hurejre (Allahu qofte i kenaqur prej tij) se i Dërguari i Allahut (alejhi selam) ka thënë: “Besimtari me besim më të plotë është ai që e ka karakterin më të mirë, kurse më të mirët prej jush janë ata që janë më të mirë për gratë e veta”. (Transmeton Tirmidhiu)

Allahu i Madhëruar thotë:
"Mos ec mendjemadh nëpër tokë.” (el-Isra’, 37)
Transmetohet nga Ebu Hurejre (Allahu qofte i kenaqur prej tij) se i Dërguari i Allahut (alejhi selam) ka thënë: “Me tre persona Allahu nuk do të flasë në Ditën e Gjykimit, nuk do t’ua falë e as nuk do t’i fusë ne rahmetin e tij. Për ta është caktuar dënim i rëndë e i dhembshëm. Ata janë: plaku imoral, sunduesi që gënjen (mashtron popullin) dhe i varfëri mendjemadh”. (Transmeton Muslimi)

Allahu i Madhëruar thotë:
“O njerëz! Ne ju kemi krijuar prej një mashkulli dhe një femre dhe ju kemi bërë popuj e fise që ta njihni njëri-tjetrin. Më i nderuari tek Allahu është ai qe eshte me i devotshem ndaj Tij.” (el-Huxhurat, 13)
Transmetohet nga Enesi (Allahu qofte i kenaqur prej tij) se i Dërguari i Allahut (alejhi selam) kur hante ndonjë ushqim i lëpinte tre gishtat e vet. Ka thënë (Enesi): “Ka thënë (Pejgamberi): “Kur ndonjërit prej jush i bie kafshata, le t’ia largojë papastërtinë dhe pastaj le ta hajë e mos t’ia lëre ate shejtanit”. Dhe ka urdhëruar që të fshihet ushqimi i fundit ne ene, pastaj ka thënë: “Sepse nuk e dini se në cilin ushqim gjendet bereqeti”. (Transmeton Muslimi)

“…Prandaj shpejtoni te Allahu, unë jam dërguar prej Tij t’ju tërheq vërejtjen haptazi”. (Edh-Dharijat, 50)
Transmetohet nga Ebu Se’id el-Hudrij (Allahu qofte i kenaqur prej tij) se i Dërguari i Allahut (alejhi selam) ka thënë: “Së shpejti do të vijë koha kur per muslimanin pasuria më e mirë do te jenë delet, me të cilat do të shkojë majave të bjeshkëve dhe rrjedhave të ujit, duke ikur me fenë e tij nga sprovat e ndryshme”. (Transmeton Buhariu)

Allahu i Madhëruar thotë:
“... E keni konsideruar imtësi, por ajo tek Allahu është e madhe”. (en-Nûr, 15)
Transmetohet nga en-Neuas ibn Sem’an (Allahu qofte i kenaqur prej tij) se Pejgamberi (alejhi selam) ka thënë: “Bamirësi është sjellja dhe karakteri i mirë, kurse mëkat është ajo çka mendon në vetvete, e nuk dëshiron që ta dinë njerëzit”. (Transmeton Muslimi)
Transmetohet nga Hasan ibn Ali (Allahu qofte i kenaqur prej tij) se ka thënë: “Kam mbajtur në mend nga i Dërguari i Allahut (alejhi selam): “Largohu nga te dyshimtat dhe përmbaju asaj ku nuk ke dyshim”. (Transmeton Tirmidhiu)

Transmetohet nga Burejde (Allahu qofte i kenaqur prej tij) se ka thënë: “Pejgamberi (alejhi selam) i ka mësuar që kur t’i vizitojnë varrezat të thonë: “Paqja dhe shpëtimi qofshin mbi ju, o banorë të këtyre shtëpive që jeni besimtarë dhe muslimanë. Edhe ne, nëse do Allahu, do të vijmë te ju. Kërkojmë nga Allahu për ne dhe për ju falje”. (Transmeton Muslimi
Allahu i Madhëruar thotë.
“Çdo qenie e gjallë do ta përjetojë vdekjen, dhe vetëm në Ditën e kijametit do të fitoni totalisht shpërblimet tuaja. Kush do të jetë i larguar nga zjarri dhe futet në Xhennet ai ka arritur sukses. Jeta në këtë botë nuk është asgjë gje tjetër veçse kënaqësi mashtruese” (Ali Imran, 185)
“... E kur u vjen çasti për asnjë moment nuk munden as ta vonojnë e as ta shpejtojnë” (en-Nahl, 61)
Transmetohet nga Ibni Umeri (Allahu qofte i kenaqur prej tij) se ka thënë: “Më kapi i Dërguari i Allahut (alejhi selam) për krahu dhe më tha: “Jeto në këtë botë si të jesh i huaj apo udhëtar”. Kurse vet Ibni Umeri (Allahu qofte i kenaqur prej tij) thoshte: “Kur të ngrysesh, mos e prit mëngjesin, kurse kur të gdhihesh, mos e prit mbrëmjen. Derisa je i shëndoshë, përgatitu për sëmundje, kurse gjatë jetës, përgatitu për vdekje”. (Transmeton Buhariu)

Allahu i Madhëruar thotë:
“Nuk do të arrini mirësinë e plotë derisa të mos ndani një pjesë të asaj që e keni më të dashur. Çdo gje që të ndani, Allahu me siguri e di atë”. (Ali Imran, 92)
Transmetohet nga Ebu Hurejre (Allahu qofte i kenaqur prej tij) se të varfërit e të muhaxhirëve erdhën tek i Dërguari i Allahut (alejhi selam) dhe i thanë: “Pasanikët na i morën gradat e larta dhe shpërblimin e përhershëm!” (Pejgamberi) Tha: “Ç’është ajoqe po thoni?” Thanë: “Ata falin namaz si ne, agjërojnë si ne, por ata ndajnë sadaka ndersa ne nuk mundemi, ata lirojnë robër e ne nuk mundemi”. Atëherë i Dërguari i Allahut (alejhi selam) u tha: “A doni t’ju mësoj diçka permes se ciles do t’i arrini ata që ju kanë kaluar, dhe do t’ia kaloni atyre që do vijnë pas jush? Dhe nuk do të jetë askush më i vlefshëm se ju, përveç atij që vepron si ju?” Thanë: “Patjeter, o i Dërguari i Allahut!” Tha: “Beni tesbih (subhanall-llah), tekbir (Allahu ekber) dhe tahmid (Elhamduli-l-lah) pas çdo namazi nga 33 herë”. Pas disa kohesh u kthyen tek i Dërguari i Allahut të varfërit e muhaxhirëve dhe i thanë: “Vëllezërit tanë pasanikë kanë dëgjuar, se ç’po veprojmë e po bëjnë edhe ata të njëjtën gje!” I Dërguari i Allahut (alejhi selam) tha: “Kjo është prej miresise së Allahut që Ai ia jep kujt të dojë”. (Muttefekun alejhi)

[munti]

Trasmetohet se Umeri [radijall-llahu anhu], ka thënë:
"Një ditë ishim duke ndenjur me të Dërguarin e All-llahut, [salallahu alejhi ve sel-lem], kur u duk një njeri me rroba shumë të bardha dhe flokë shumë të zeza. Në të nuk hetoheshin shenja të udhëtimit dhe askush prej nesh nuk e njohëm. U ul pranë të Dërguarit, [salallahu alejhi ve sel-lem] duke i mbështetur gjunjët e vet mbi gjunjët e tij, i vendosi duart e veta në kofshën e tij dhe tha:
'O Muhammed, më trego ç'është Islami?' I Dërguari, [salallahu alejhi ve sel-lem], ka thënë: 'Islami është që të dëshmosh që nuk ka Zot tjetër përveç Allahut dhe se Muhammedi është i Dërguari i Zotit, ta kryesh namazin, ta ndash zekatin, ta argjërosh Ramazanin, ta vizitosh Ka'ben nëse ke mundësi ta bësh këtë!' Ai tha: 'Të vërtetën e the!' Ne u çuditëm: po e pyet dhe po ia vërteton. Ai tha: 'Më trego ç'është imani?' (Pejgamberi ) tha: 'Ta besosh Zotin, Engjujt e Tij, Librat e Tij, të Dërguarit e Tij, Ditën e fundit dhe të besosh në të caktuarit e Tij të së mirës dhe së keqës.' Tha: 'Të vërtetën e the.' Tha : 'Më trego ç'është ihsani?' (Pejgamberi) tha: 'Ta adhurosh Zotin sikur e sheh Atë, sepse edhe pse ti nuk e sheh Atë, Ai vërtet të sheh ty'. Tha: 'Më trego ç'është Çasti (i fundit, dita e shkaterrimit)?' (Pejgamberi) tha: 'Për këtë i pyeturi nuk di më shumë nga ai i cili pyet'. 'Më trego mbi shenjat e tij?' Tha: 'Kur robëresha t'i lindi vetës zonjushë, kur të shihen barinjtë këmbëzbathur, të zhveshur e të mjerë se si garojnë në ndërtimin e godinave të mëdha.' Pastaj shkoi, kurse unë mbeta i habitur. Pastaj (i Dërguari) tha: 'O Umer, a e njeh atë që më pyeti?' Thashë: 'Allahu dhe i Dërguari i Tij më së miri e di'. Tha: 'Vërtet ky qe Xhibrili, erdhi t'ua mësojë fenë tuaj '". Transmeton Muslimi

[Psikologu]

munti shkruajti:

'Vërtet ky qe Xhibrili, erdhi t'ua mësojë fenë tuaj '". Transmeton Muslimi

Atehere pse Zoti nuk ua mesoj drejtpersedrejti?!

[munti]

Postimi origjinal është bërë nga Psikologu

munti shkruajti:

Atehere pse Zoti nuk ua mesoj drejtpersedrejti?!

Ne si musliman nuk bejme pyetje pse nuk erdhi Zoti drejpersedrejti e perse xhibrili erdhi etj.Ate e cakton Allahu se si do te zbritet shpallja.Allahu ka caktuar Xhebrailin per transmetimin e shpalljes dhe pike.
Po e permendi nje shembull nga Bibla per Xhibrilin apo Gabriellin:


"Dhe Maria i tha engjellit:Si do te ndodhe kjo,perderisa une nuk njohe burre?. Luka 1:34

Tash nje pyetje per ty Psikolog:

Pse ketu nuk foli Zoti drejtpersedrejti por permes engjullit i erdhi lajmi Marijes per lindjen e Jezusit?.A ke nje sqarim per kete.

[Only God Can Judge Me]

Enes ibën Maliku transmeton se Pejgamberi [sal-lallahu alejhi ve sel-lem] ka thënë: “Allahu gëzohet më tepër kur robi i Tij pendohet se sa ndonjëri prej jush nëse do të kishte qenë në një shkretëtirë të madhe me devenë e tij, e ajo papritmas humbet, e mbi të ka patur të ngarkuar ushimin dhe pijen e tij. (pasi që e kërkon) humbë shpresat se mund ta gjej, shkon dhe shtrihet nën hijen e një druri. Pasi që humbë shpresat, duke pushuar, papritmas sheh devenë që është kthyer pranë tij. E kapë atë për kapistrin e saj dhe nga gëzimi i madh thotë: o Allahu im, Ti je robi im kurse unë jam zoti yt, gabon për shkak gëzimit të madh.” (Buhariu dhe Muslimi)

[Only God Can Judge Me]

Allahu [subhanehu ve teala] thotë: “pedohuni të gjithë tek Allahu, o besimtarë në mënyrë që të gjeni shpëtim.” (Nur – 31), poashtu thotë: “O ju që keni besuar, pendohuni tek Allahu me një pendim të sinqertë.” (Buhariu dhe Muslimi)

[Only God Can Judge Me]

Ore Psikolog a nje muaj te duhet ty qe te pergjigjesh ,hajde ç'ka u be ,kur ziheni ngushtë ,nuk ju ndegjohet zeri fare.

[Only God Can Judge Me]

Aliu [radijallahu anhu] thoshte: “është për t’u habitur me atë që shkatërrohet e me vete e ka fjalën e shpëtimit! E pyetën: cila është ajo? Tha: kërkimi i faljes.
[/b]

[Only God Can Judge Me]

Pendimi i shlyen mëkatet dhe penduesi bëhët i barabartë me atë që nuk ka mëkate, Allahu [subhanehu ve teala] thotë: “nëse heqin dorë (nga rruga e tyre e gabuar) do t’u falet e kaluara.” (Enfal – 38). Kurse Pejgamberi [sal-lallahu alejhi ve sel-lem] thotë: “Ai që pendohet nga mëkatet është sikur ai që nuk ka mëkate.”

[Only God Can Judge Me]

Pendimi është shkak për të shpëtuar, Allahu [subhanehu ve teala] thotë: “pendohuni që të gjithë tek Allahu, o ju besimtarë, në mënyrë që të shpëtoni.” (Nur – 31)

[Only God Can Judge Me]

Pendimi është shkak që Allahu të shtoj bereqetin prej qielli dhe toke dhe të shtoj pasuritë dhe fëminjtë. Allahu [subhanehu ve teala] thotë: “unë u thash: kërkoni falje zotit tuaj, se Ai vërtet falë shumë; Ai ju lëshon nga qielli shi me bollëk. Ju shumon pasurinë dhe fëmijët, ju bën të keni kopshte dhe ju jep lumenj. “ (Nuh, 10 –12)

[Only God Can Judge Me]

Abdullah ibën Amër [radijall-llahu anhu] transmeton se Pejgamberi [sal-lallahu alejhi ve sel-lem] ka thënë: “të drejtit janë në piedestale te ndriçuara në të djathtën e Të Mëshirshmit - e të dy duart e Tij janë të djathta – ata që janë të drejtë kur gjykojnë, janë të drejtë në famijlet e tyre dhe në çështjet që i kanë në përgjegjësi.” (Muslimi)