Lajme nga bota Islame - Page 18

SoKoLi-i-Maleve · 28-03-07, 01:52

Shkoder locja e gezofsh Xhamin e re!
Uroj qe te jete vendi ku nderohet Zoti dhe perfiton Kombi Shqiptar.

Albanian eX|PerT · 30-03-07, 19:44

Gjatë vitit të kaluar 80 të huaj kanë pranuar islamin në Jemen

Gjatë vitit 2006 më së paku 80 vetë të nacionaliteteve të ndryshme kanë pranuar islamin duke përfshirë këtu 15 gra, thuhet nga një burim i Ministrisë së ndihmës dhe udhëheqjes.

Në atë numër përfshihen 13 filipines dhe etiopian, 12 nga India, 9 britanez, 8 amerikan, dhe 5 rus dhe armenas. Rreth 15 emigrant kanë pranuar islamin gjatë këtij viti pra deri më 15 mars. Ata janë 5 etiopian, tre amerikan, dy nga India dhe të tjerët nga Nigeria një nga Filipinet, një gjerman dhe një francez.

Albanian eX|PerT · 31-03-07, 01:45

Në Maqedoni bëhet i obligueshëm mësimi fetar në shkollat fillore

Prej vitit shkollor 2008/2009 arsimi i mesëm do të jetë i obligueshëm, ndërsa nga viti i njëjtë shkollor për shkollat fillore do të vendoset mësim i obligueshëm fetar me mundësi për zgjedhje mes shkencës fetare dhe historisë së religjioneve.

Siç sqaroi në konferencën e sotme për shtyp në Qeveri ministri i Arsimit Sulejman Rushiti, me vendosjen e arsimit të mesëm të obligueshëm do të përmirësohet konkurrenca e fuqisë së punës, ndërsa me atë edhe të vet shtetit në tregun global.

Lidhur me komentet nëse shteti ka kapacitet ta pranojë arsimin e mesëm të obligueshëm, ministri Rushiti i theksoi numrat, të cilat, sipas tij, tregojnë se me kapacitetet ekzistues dhe kuadrove kjo mund të realizohet.
Për prindërit të cilët nuk do t'i regjistrojnë fëmijët në shkollë të mesme ligji parasheh dënim prej 1.000 euro në kundërvlerë të denarit, por sekretari shtetëror në Ministrinë e Arsimit Pero Stojanovski theksoi se ndryshimet nuk duhet shqyrtuar përmes prizmës së dënimeve, por përmes sigurimit të kushteve që ato të implementohen.

Shkencat fetare ose historia e religjioneve do të mësohet vetëm në një vit shkollor edhe atë në klasën e pestë. Mësimi fetar në fazën e parë do të përfshijë vetëm dy religjione - ortodokse dhe islame. Ligjëratat do ti mbajnë teologë të diplomuar të cilët nga trupat speciale të Ministrisë do të duhet të marrin certifikata pasi ta japin provimin e nevojshëm.
Këto ligje e kaluan procedurën qeveritare dhe tani janë në procedurë kuvendare ku duhet të shqyrtohen nga trupat përkatëse të punës dhe pastaj të diskutohen në seancën plenare.

mesazhi.com

Albanian eX|PerT · 31-03-07, 01:45

Rritet popullariteti i islamit

Islami është duke u bërë feja më e popullarizuar në botë, tha Hashem al-Attas, një studiues në Darol Mustafa për edukimin tradicional islam në Jemen.

“Shumë masmedia tregojnë që islami është në rritje të popullaritetit në krahasim me ç’do religjion tjetër”, tha ai.
Duke iu adresuar kësaj çështjeje, ai bëri të ditur një gjë të këtillë në një simpozium për përhapjen e islamit në perëndim të organizuar nga Qendra Kulturore për studime islame dhe shërbim të trashëgimisë në bashkëpunim me Universitetin Sana dhe qendrës për studime islame al Mustafa.

Ikna

Albanian eX|PerT · 31-03-07, 01:47

Xhamia në Kan

Në Kan, qytet mediteran në Francë, është paralajmëruar ndërtimi i xhamisë e cila tërheq vëmendjen me pamjen e saj të ardhshme. Në prezantimin e maketës së xhamisë arkitekti Emil De Mateo ka thënë se zgjidhja arkitektonike e kësaj xhamie paraqet diçka të re në këtë rajon.

Maketa e xhamisë në Kan
“Arkitektura nuk i ngjanë asnjë arkitekture tradicionale karakteristike për xhamia. Ajo ndryshon nga ndërtimet tradicionale të xhamive, sepse nuk ka as kupola e as minare, të cilat janë elemente themelore në ndërtimin e xhamive. Por, çatia e xhamisë paraqet shigjetën treanësore e cila është e kthyer në drejtim të Kibles”, tha De Mateo, arkitekt francez, xhamia e parë në të cilën ai punon.
“Kjo është xhamia e parë të cilën e kam projektuar në jetën time. Kjo është një ngjarje me rëndësi të madhe për secilin arkitekt, sepse bëhet fjalë për një vepër e cila pos nevojave tjera ka edhe atë shpirtërore. Kjo është punë jashtëzakonisht e ndjeshme, sidomos për ne në perëndim. Jam përpjekur që me këtë zgjidhje t’ju plotësoj dëshirën e xhematit dhe kërkesat e Këshillit komunal të qytetit Kan – që të dy anët të janë të kënaqura.”
Pritet që gurëthemeli i xhamisë në Kan të vendoset në fillim të këtij viti.

Albanian eX|PerT · 31-03-07, 01:48

Fiton lejen për punë shkolla e tretë islame në Francë

Në fund të muajit shkurt, në Lion, është hapur shkolla e mesme islame “Al-Kindi”. Kjo shkolla lejen për punë e mori nga Këshilli për edukimin e mesëm dhe të lartë (CSE) pasi që eliminoj “të gjitha paqartësitë” të lidhura për punën e saj, për çka në shtator të vitit të kaluar është refuzuar, lajmëron IOL.

“Jemi shumë të gëzuar për shkak të qetësimit të tensioneve. Autoritetet administrative na mundësuan një kompromis. Ne do të vazhdojmë në atë drejtim, duke respektuar ligjet e republikës franceze”, tha Rashid Guergour, imami i xhamisë në Lion.
Shkolla do të përcjell plan programin nacional francez, duke pasur dy orë shtesë nga kultura islame.
Shkolla e parë e mesme islame në Francë është hapur në pjesën verilindore të Parisit në vitin 2001, ndërsa e dyta në vitin 2003 në Lil. Nevoja e shfaqur për këto shkolla është paraqitur pas miratimit të ligjit për ndalesën e shenjave fetare në shkollat e mesme shtetërore, ku hynë edhe hixhabi.
Për shkak të mungesës së shkollave të mesme islame nxënëset e mbuluara në Francë shpeshherë zgjidhnin shkollat e mesme katolike.

Albanian eX|PerT · 31-03-07, 01:49

Sjelljet izraelite ndaj popullatës palestineze janë raciste

Përfaqësuesi i të drejtave të njeriut në OKB, John Dugard, sjelljet e Regjimit Sionist kundër popullit palestinez në territoret e okupuara i ka cilësuar raciste, bënë të ditur Reuters.

John Dugard, të enjten gjatë një fjalimi në Këshillin e të drejtave të njeriut të OKB, gjendjen në territoret e okupuara palestineze i ka krahasuar me gjendjen e cila mbizotëronte në kohën e aparthejdit në Afrikën Jugore dhe shtoi: politika Izraelite kundër popullatës palestineze është kolonialiste.”
Ai, gjithashtu, tha: “Derisa shtetet perëndimore nuk fillojnë t’i mbrojnë të drejtat e popullit palestinez nuk do të kenë mundësi t’i inkurajojnë vendet në zhvillim që të merren seriozisht me respektimin e të drejtave të njeriut në territoret e tyre.”

**Zero Cool** · 31-03-07, 14:39

Citim:

Postimi origjinal është bërë nga Albanian eX|PerT

Putin kritikon politikat amerikane në LM

Kjo eshte krejt normale: Rusia , Serbia edhe harapet jane kunder Amerikes dhe Shqiptareve !

Guri i madh · 31-03-07, 16:04

Citim:

Postimi origjinal është bërë nga Zero Cool

Kjo eshte krejt normale: Rusia , Serbia edhe harapet jane kunder Amerikes dhe Shqiptareve !

[/center]

edhe kan qen kunder shqiptarve po fatkeqsisht ne mesi ton esht nji virus i shkavit qe proferojn vehabizmin po t5hojn se jena nga polloponezi

Albanian eX|PerT · 31-03-07, 16:55

Myslimanët anglezë kundërshtojnë planin e hapjeve të kazinove të reja në këtë vend

Myslimanët e Anglisë nga parlamentarët e këtij vendi kanë kërkuar që të refuzojnë propozim-ligjin e planit për hapjen e kazinove të reja. Agjencia e lajmeve IRNA bënë të ditur se Këshilli i myslimanëve të Britanisë në një deklaratë për media nga parlamentarët e Anglisë ka kërkuar që të mos miratojnë planin e hapjes së kazinove në këtë vend.

Në këtë deklaratë është thënë se bixhozi rritë varfërinë e shoqërisë dhe dëmton rëndin dhe familjen e popullatës. Dr. Muhammed Abdulabari, sekretari i përgjithshëm i Këshillit të myslimanëve të Britanisë, këshill i cili nën udhëheqje ka mbi 400 institucione islame në Britani, ka thënë se shpresojmë që kuvendi popullor anglez të mos aprovojë këtë plan dhe të pengojë zgjerimin e bixhozit në këtë vend.

Ikna

**Zero Cool** · 01-04-07, 00:18

Vazhdojnë sulmet në Irak – vriten 11 veta Tre autobomba kanë shpërthyer në mëngjesin e sotëm në Irak duke shkaktuar 11 të vdekur dhe dhjetëra të plagosur. Bomba e parë shpëtheu përpara spitalit Sadrain në një lagje shiite në Sadr Siti, ndërsa e dyta në qytetin Hila që kishte si objektiv një grup makinash pranë një stacioni policie. Bomba e tretë shpërtheu në Tuz Khurmatu,pranë Kirkukut.RTK31 mars 2007 - 13:24:59

Albanian eX|PerT · 04-04-07, 17:03

Këtë e quani poshtërim?

The Guardian 31. 3. 2007- ...Sa i përket detyrimit që marinarja Faye Turney të bartë shaminë e zezë , duke lejuar që fotografia e saj të shëtis tërë botën – pyetem, a thua iranianët nuk kanë koncept të sjelljeve civilizuese? Çfarë të keqe ka nëse e detyrojnë të mbajë kapelë në kokë? Në këtë formë ne sillemi me të burgosurit mysliman – në kokat e tyre vendosim thasë, kështu që mezi marrin frymë. Atëherë është plotësisht e pranueshme që t’i fotografojmë dhe këto fotografi t’i publikojmë në gazeta, sepse të burgosurit nuk mund të njihen dhe të ofendohen siç është rasti me marinarët e mjerë anglez...
Nuk ka kapela, rrahje, maltretime... Këta iranian nuk janë aspak të civilizuar

Shkruan: Terry Jones
E përkrahi pakënaqësinë e shprehur në shtypin anglez për mënyrën e sjelljeve ndaj marinarëve tanë të cilët Irani i akuzoi për hyrje ilegale në territoritorin e tyre. Ky është turp. Ne as në ëndërr nuk do të silleshim ndaj të burgosurve në këtë mënyrë – t’i lejojmë të pinë duhan, edhe pse është vërtetuar se duhani të vret. Ndërsa sa i përket detyrimit që marinarja Faye Turneypër ta mbuloj kokën me një shami të zezë, duke lejuar që fotografia e saj të shëtis tërë botën – pyetem, a thua iranianët nuk kanë koncept të sjelljeve civilizuese? Çfarë të keqe ka nëse e detyrojnë të mbajë kapelë në kokë? Në këtë formë ne sillemi me të burgosurit mysliman – në kokat e tyre vendosim thasë, kështu që mezi marrin frymë. Atëherë është plotësisht e pranueshme që t’i fotografojmë dhe këto fotografi t’i publikojmë në gazeta, sepse të burgosurit nuk mund të njihen dhe të ofendohen siç është rasti me marinarët e mjerë anglez.
Gjithashtu është e papranueshme që të burgosurve anglez t’ju lejohet të flasin për gjërat për të cilat më vonë mund të pendohen. Sikur iranianët t’ju mbyllnin gojën me shirita ngjitës, siç veprojmë ne me të burgosurit tanë, atëherë nuk do të ishin në gjendje të flasin asnjë fjalë. Me siguri se do ta kishin më vështirë të marrin frymë, e sidomos nëse kokat e tyre do t’i kishin të mbuluara me thasë – por, kështu nuk do të kishin mundësi të flasin dhe nuk do të ofendoheshin.
Çfarë skandali, t’ju lejohet të burgosurve të shkruajnë letra familjarëve duke iu treguar se janë shëndosh e mirë! Është koha që iranianët të vendosen në të njëjtën anë me botën civilizuese, duke iu lejuar të burgosurve intimitetin robërues në vetmi. Në fund të fundit, ky privilegj është një ndër shumë të tjerë që amerikanët u lejojnë të burgosurve të tyre në Guantanamo.
Vetia e parë e një vendi të civilizuar është që personat të cilët janë arrestuar në vendet ku ata kanë kryer invazion të mos gjykohen shpejtë. P.sh., të burgosurit e Gunatanamos gati 5 vjet gëzuan intimeitetin e tyre, dhe pas kësaj kohe filloj gjykimi i të burgosuri të parë. Çfarë dallimi kundrejt gutisë së pafalënderushme iraniane që t’i paraqesin të burgosurit e tyre para kamerave!
Për më tepër, është e qartë se të burgosurit britanik nuk i janë nënshtruar kurrfarë keqtrajtimeve nga ana iraniane. Ndërsa ushtria amerikane të burgosurve të tyre irakian u siguron “ushtrime fizike”. Kjo nënkupton angazhimin ekzotik të “pozicioneve rraskapitëse” në të cilat të burgosurit duhet të qëndrojnë me orë të tëra. Janë të njohur edhe ushtrimet e uljes ashtu që kofshët e tyre duhet të janë paralel me dyshemenë. Kjo krijon gjendje me dhimbje të mëdha dhe në fund me kallje të muskujve. Të gjitha këto janë kënaqësi të shëndetshme dhe në fund i burgosuri do të pranoj të gjitha çka kërkohet nga ai.
Kjo shpie deri te poenta ime. Nga TV incizimet shihet qartë se marinarja i është nënshtruar presioneve. Gazetat kanë angazhuar psikolog që t’i analizojnë incizimet dhe erdhën deri te përfundimi se ajo është “në gjendje të rëndë dhe e stresuar”.
Tmerri i kësaj është mënyra se si iranianët e bënë që ajo të jetë “në gjendje të rëndë dhe e stresuar”. Në trupin dhe fytyrën e saj nuk shihen shenja të keqtrajtimit. Kjo është e papranueshme. Nëse të burgosurit detyrohen të qëndrojnë në pozita “të neveritshme seksuale” apo i keqtrajtojnë në gjenitalet e tyre me forma të ndryshme elektrike atëherë duhet t’i fotografojnë si në Ebu Graib. Dhe vetëm atëherë fotografitë duhet t’i tregohen botës së civilizuar, kështu që çdo njëri mund të shikoj çfarë është duke ndodhur.
Siç thotë Stephen Glover në Daily Mail, ndoshta nuk do të mjafton bombardimi i Iranit si hakmarrje për ofendimin e marinarëve tanë. Jo, iranianët duhet t’i nënshtrohen vuajtjeve – me anë të ashpërsimit të saknskioneve, siç propozon Maili, ose ta bindin Bushin që ta përshpejtoj bombardimin e Iranit – gjë që ai e ka ndër mend – që ta sjell demokracinë dhe vlerat perëndimore në Iran, siç bëri në Irak.

Terry Jones është regjisor dhe artist

The Guardian

SoKoLi-i-Maleve · 07-04-07, 19:37

Ndriqimi dhe paqja:http://news.bbc.co.uk/2/hi/south_asia/6535363.stm

Albanian eX|PerT · 11-04-07, 01:13

Pranimi i fesė islame nga ana e njė kryebashkiaku amerikan ka krijuar krizė politike dhe mediatike nė SHBA

Kryebashkiaku i qytetit Mikan tė shtetit Xhorxhia tė Amerikės ka pranuar fenė e pastėr islame. Por pranimi i fesė islame nga ana e Zhak Elies, kryebashkiakut tė Mikanit ka ngjallur reagimin e mediave amerikane. Pas publikimit tė lajmit nė njė televizion lokal pėr pranimin e fesė islame tė Zhak Elies, menjėherė kanė filluar kritikat dhe sulmet negative tė mediave amerikane, madje disa nga tė krishtėrt radikalė menjėherė kanė kėkruar largimin nga posti i kryebashkiakut. Z. Elies nė njė prononcim pėr media ka thėnė: Duke kėkruar tė vėrtetėn kam arritur ta pranojė fenė e pastėr islame dhe qė nga ky moment emri im nga Zhak Elies do tė shndėrrohet nė Hakim Mensur Elies. Mėsohet se qyteti Mikan nė shtetin Xhoxhia tė Amerikės ėshtė vatra mė e madhe e tė krishterėve nė SHBA.

valiii · 11-04-07, 01:21

KUR’ANI PËRFITON ZEMRËN E NJË PROFESORI TE SHBA-VE

Dr. Xhefri Lleng (Jeffrey Lang) është profesor i Matematikës në Universitetin e Kanzasit, një prej universiteteve më të mëdha në Shtetet e Bashkuara të Amerikës. Ai ka filluar udhëtimin e vet fetar më 30 janar 1954, kur është lindur në një familje Romano-Katolike në Bridgefort, Konektikat. Nëpër shkolla Katolike i ka kaluar 18 vitet e para të jetës së tij, të cilat e kanë lënë atë me shumë pyetje pa përgjigje lidhur me Zotin dhe fenë Krishtere, thotë Lleng duke rrëfyer tregimin e tij se si ka arritur deri te Islami.

“Sikurse shumica e fëmijëve mbrapa në të 60-tat e vonshme dhe 70-tat e hershme, edhe unë fillova të pyetem për të gjitha vlerat që i kishim në atë kohë politike, sociale dhe religjioze”, thotë Lleng. “Kam qenë kundërshtar ndaj të gjitha institucioneve që shoqëria i konsideronte të shenjta duke përfshirë edhe Kishën Katolike”, thotë ai.
Deri në kohën kur ai arrin të 18-tat, Lleng veç më ishte bërë axhami i plotë Ateist. “Nëse ka Zot dhe Ai është i Gjithmëshirshëm dhe më i dashuri, pse atëherë ka vuajtje në këtë botë? Pse Ai nuk na dërgon neve thjesht në Xhennet? Pse të krijon gjithë këta njerëz që të vuajnë?” Këto ishin pyetjet që i vinin në mendjen e tij në ato ditë”.
Si profesor i matematikës në Universitetin e San Franciscos, Lleng gjeti fenë e tij, ku Zoti më në fund është realitet. Kjo i është treguar atij prej disa shokëve Muslimanë që ai kishte takuar po në atë universitet. “Ne bisedonim rreth fesë, unë ua parashtroja pyetjet e mia, dhe kam qenë me të vërtetë i befasuar lidhur me atë se si aq kujdesshëm ata i vlerësonin përgjigjet e tyre”, thotë Lleng.
Dr. Lleng kishte takuar një student Saudian me pamje mbretërore, Mahmud Kendil (Mahmoud Qandeel), i cili kishte tërhequr vëmendjen e tërë klasës në momentin kur ai kishte hyrë në të. Kur Lleng e kishte pyetur një pyetje lidhur me hulumtimet mjekësore, Kendil i ishte përgjigjur pyetjes në gjuhën angleze të folur në mënyrë perfekte dhe me vetësigurim të madh.
Ç’dokush e njihte Kendilin - kryetari i bashkësisë, shefi policor dhe njeriu i rëndomtë. Së bashku, profesori dhe studenti, kishin qenë në të gjitha vendet shkëlqyese ku nuk kishte hare apo gëzim por vetëm buzëqeshje. Dhe në fund Kendili befasisht ia ka dhënë Kur’anin dhe disa libra për Islamin. Lleng vet e lexon Kur'anin, gjen vetë rrugën deri te salla studentore për namaz në universitet, dhe në të vërtetë dorëzohet pa shumë kundërshtim. Ai ka qenë i mundur prej Kur’anit. Dy kaptinat e para janë shkak për këtë ndeshje e cila ishte gjë fascinuese.
“Piktorët mund të bëjnë pikturë të atillë, ashtu që sytë e një portreti të duken sikur janë duke të përcjellur ty prej një vendi në tjetër, por cili autor mund të shkruajë një libër të shenjtë që parashikon ndryshimet e tua të përditshme?… ç’do natë unë do të formuloja pyetje dhe kundërshtime, dhe disi zbuloja përgjigjen ditën që vinte pas. Dukej sikur autori t’i lexonte idetë e mia dhe i shënonte me kohë në rreshta adekuat për leximin tim të ardhshëm. Unë e kam takuar veten time në ato faqe…”
Lleng e kryen namazin vazhdimisht pesë herë në ditë dhe gjen në të shumë kënaqësi shpirtërore. Ai e vlerëson namazin e sabahut si një nga ritualet më të bukura lëvizëse në Islam. “Duket sikur përkohësisht e lëshon këtë botë dhe komunikon me engjëjt në këndimin lavdërues ndaj Zotit para agimit.”
Në pyetjen se si ai e konsideron recitimin e Kur’anit aq të mrekullueshëm, kur ai është në gjuhën arabe, e cila është krejtësisht e huaj për të, ai përgjigjet: “Pse foshnja ndjen rehati prej zërit të nënës së vet?” Ai thotë që leximi i Kur’anit i ka dhënë shumë qetësim dhe fuqi në kohëra të vështira. Prej atëherë e më tutje, feja ka qenë çështje e praktikës për rritjen shpirtërore të Llengut.
Në anën tjetër, Lleng ka vazhduar karierën në Matematikë. Ai ka marrë diplomën për magjistër dhe doktoraturë prej Universitetit Përdju (Purdue). Lleng thotë se çdoherë ka qenë i fascinuar prej Matematikës. “Matematika është logjikuese. Ajo përbëhet prej përdorimit të fakteve dhe figurave për të gjetur përgjigje konkrete”, thotë Lleng. “Kjo është mënyra në të cilën mendja ime punon, dhe është frustrale kur unë ballafaqohem me gjëra që nuk kanë përgjigje konkrete. Duke patur një mendje që pranon ide me meritë faktuale, kjo bën që të besuarit në një religjion të jetë i vështirë, sepse shumica e religjioneve kërkojnë që të kesh besim”, thotë ai.
Si këshilltar në fakultet për “Bashkësinë e Studentëve Muslimanë”, Lleng thotë se e vlerëson veten si një ndërlidhës ndërmjet studentëve dhe universitetit të tyre. Ai merr leje prej autoriteteve universitare për mbajtjen e ligjëratave Islame. “Qëllimi i bërjes këshilltar fakultativ i tyre është që të ndihmohen ata në plotësimin e nevojave të tyre sa i takon të përshtaturit kulturës amerikane dhe procedurave të universitetit. Ata e çmojnë mundësinë për përmirësimin e koncepteve të gabuara”, thotë ai.
Lleng është martuar para 12-të viteve me një femër Saudiane, Raika. Ai ka shkruar disa libra për Islamin, të cilat janë më të lexuarat në bashkësinë Muslimane në Shtetet e Bashkuara. Një prej librave të tij më kryesorë është: “Edhe Engjëjt pyesin”, “Një udhëtim drejt Islamit në Amerikë”. Në këtë libër, Dr. Lleng ndan me lexuesit e tij shumë ndriçime të papritura mendore që janë shpalosur për të gjatë zbulimit të vetvetes së tij, dhe progresin brenda fesë islame.