Lajme nga bota Islame

[Zero Cool]

Ne po i afrohemi fund vitit, por jo vetëm kaq, ne po i afrohemi edhe disa festave. Ne jemi në prag të festave të huaja, të cilat kanë marr namin tek popullata, e nga këto është edhe festa e ashtuquajtur “viti i ri”. Është kjo festë e gëzimit për dikë, por realisht është ditë mëkati e dëshpërimi, keqshpenzimi e keqbesimi. Për shumë kënd është gjë e çmuar, e çmuar se kështu është në përshtatje me qejfet dhe synimet shpirtërore të tyre.

Një arsye se pse edhe tek ne festohet Viti i Ri është se po pasohet perëndimi dhe e gjithë kjo është bërë me të madhe në periudhën e fundit që po jetojmë. Duket se shqipfolësit po synojnë një drejtim nga “modernizimi”, ndërkohë harruan fenë e të parëve të tyre, që ishte Islami. Dihet se Zoti i Madhërishëm si festa të muslimanëve- ku shpenzohet e gëzohet- i la dy e që janë Bajramet. Por megjithatë në të tashmën po aprovohet diçka e re në popullin tonë, një afrim me kulturën dhe fenë e huaj. Të gjithë e dimë se Viti i ri nuk është dhe kurrë nuk ka qenë festë islame; nëse një muslimanë do ta mbrojë veten dhe ta justifikojë, atëherë nuk mundet ta bëjë këtë, duke ditur se kjo festë nuk është nga etika islame.

Qysh në të mësuarit e Kuranit si mesazh jete, nga sunneti po ashtu, nga jeta e të parëve tanë në fe (selefët), nga këshillat e dijetarëve, nga jeta e njerëzve të mençur dhe të udhëzuar kuptojmë shumë qartë se festa islame janë ato që i ligjësoi Allahu, e nga to është ajo se çfarë ka përmendur Profeti i dërguar për mbarë njerëzimin, Muhamedi [paqja dhe mëshira e Allahut qofshin mbi të!]. transmetohet se kur ka hyrë Profeti në Medinë, medinasit festonin dy ditë. I pyeti se çfarë ishin këto dy ditë dhe i thanë se këto ditë i kishin para Islamit. Profet [paqja dhe mëshira e Allahut qoftë mbi të!] tha: “Allahu ua zëvendësoi këto me dy festa të tjera, festa e Kurban Bajramit dhe festa e Fitër Bajramit.”[5] Ky është aprovimi që bëri Allahu përmes të Dërguarit të Tij, është Islami që praktikohet.

Sot muslimanët po festojnë disa festa tjera, nuk kanë turpin meritor që duhet pasur prej Allahut, nuk e kanë xhelozinë për fenë e tyre, ende po i lënë vend kulturave të huaja në zemrat e tyre, nuk kanë iniciativë në të kundërshtuarit e kësaj feste dhe të tjerave; a mos pandehin se festimi i tyre qenka nga butësia që duhet ta ketë një muslimanë në rrugën e thirrjes së njerëzve në këtë fe të bekuar?! Ndoshta!

Në këtë punim do i paraqesim vetëm disa dukuri mjaftë negative në lidhje me besimin dhe përditshmërinë që i hasim me rastin e festës në fjalë:

Bredhi- traditë idhujtarie/pagane, e më vonë krishtere, ndërsa tash edhe moderne. Shtet më të zhvilluara prodhojnë drurin e zbukuruar, shumë njerëz lënë parat në blerjen e tij; në këtë nuk ndalojnë edhe pse bredhi në vete është simbolikë mohuese ndaj Allahut. Një traditë dikur e mbrapsht sot u transferua si pjesë e festave. Nuk ka gati shtëpi që nuk e mbajnë bredhin në natën e festës së vitit të ri, madje edhe nga familjet më të varfëria bredhi gjendet në ndonjë skaj apo në mes të dhomës. Mund të jenë këto nga familjet që ankohen tërë vitin, që kërkojnë mëshirën e të tjerëve, ndërsa kur vjen koha e kësaj feste, ato i gjen duke festuar edhe me bredha e me lulëzime të bredhave. Kontesti është se mund të jenë familje muslimane të cilët thonë se jemi muslimanë, por pasojnë dhe përngjajnë me traditat e huaja, madje qofshin edhe tradita femohuese. E gjitha na çon në mendimin se edhe muslimanët po mbajnë diçka (bredhin) në shtëpitë e tyre për disa ditë me radhë, edhe pse e besojnë Allahun si Zot, ata me këtë po shfaqin një mosvetëdijësim rreth fesë së tyre. Islami është feja e monoteizmit, feja e mohimit të çdo gjëje që mohon Allahun dhe feja që pohon adhurimin që e meriton vetëm Allahu. Megjithatë, sot po tregohet edhe diçka tjetër e që është pra barazia në adhurim. Bredhi nga enciklopedia pohohet se ka origjinë pagane, ndërsa tash ka hyrë edhe në përditshmërinë tonë. Paganizmi është besimi që i shoqëron Allahut edhe diçka tjetër në adhurim- besimi në shumë zota. Bredhi dikur është mbajtur nga popujt e mëhershëm në shenjë të zotave që i kanë besuar. E gjithë kjo në kundërshtim me besimin monoteist dhe përfaqësuese e monoteizmit është Islami, e ndërsa ne muslimanët përfaqësojmë Islamin. Prandaj duke u bazuar në ideologji çfarë përçon bredhi, ne diferencohemi dhe thërrasim të tjerët në largim nga kjo. Duke qenë se kjo festë ka elemente pagane e krishtere, të përmendim në këtë rast një fjalë nga hoxha i islamit Ibën Tejmije [Allahu e mëshiroftë!], i cili ka thënë: “Nëse çifutët apo të krishterët kanë ndonjë festë, ata janë të veçantë në to, ne nuk bashkohemi me ta (nuk festojmë me ta) ashtu siç nuk bashkohemi në kiblën dhe ligjet e tyre.” [Iktidaus-Siratal mustekim 2/501]

Një gjë mjaftë negative që shënohet ndër të këqijat e kësaj nate janë edhe besëtytnitë. Këto droçka të besimeve të kota janë të shfaqura mjaftë në këtë natë, e një besëtytni manifestohet me vet minutën e fundit të ndërrimit të mot moteve, pra në 00:00. Disa njerëz kujdesen që ky minutë t’i zë të qeshur, të gëzuar, të lumtur, e nëse e kalojnë këtë minutë kështu, atëherë kanë besimin se do u kalojë i tërë viti i tillë. Pra, ata e bëjnë me qëllim këtë duke qenë të shtyrë nga ai besim i gabuar. Disa të tjerë kujdesen që ky minutë t’i gjejë me njerëzit më të dashur, duke besuar kështu që do u shkojë edhe viti. Pse e madhërojnë një ndërrim të mot moteve? Besimi është aq i prishur në këtë rast saqë edhe bëjnë veprime të atilla. A thua nuk mendojnë fare se Allahu është Ai që plotëson dëshirat e njerëzve e jo një natë e caktuar! Vërtetë nga gjërat më të pakuptimta të kësaj natyre praktikohen dhe besohen në këtë natë të festë së Viti të ri.

Çfarë do njeriu në gjithë këtë, pos kënaqësinë që synon ta arrijë, të argëtohet, të bëjë qejf pra për vetën dhe të tjerët. Nga kategoritë që dëmtohen janë fëmijët. Truri i tyre i vogël e i pafajshëm për gjykim, do të absorbojë gjëra të panevojshme, siç është pra mashtrimi. Ata mashtrohen e gënjehen qysh në start me fenomenin “babadimër”. A ndodhi në historinë e njerëzimit ndonjëherë që kjo të ishte ngjarje e vërtetë, përshkrimi i një njeriu të tillë që plotëson dëshirat e fëmijëve, a ishte pra ngjarje reale?! Dhe askush nuk thotë po. Thonë se është një histori që u përshtatet natyrës së fëmijëve, është për kënaqësinë e tyre. Fëmijë, kaq janë! Këta kështu qysh në fëmijëri ata marrin diçka për etikë, e kjo është gënjeshtra. Kur pjekën në gjykim, e kuptojnë se ishin të gënjyer. Në këtë vet ne ndoshta secili jemi dëshmitarë. Çfarë po sjellë familja jonë për mirëqenien e njerëzve, për ardhmërinë e pastër, e ajo është se po sjellë gënjeshtrën si kod moral. Jo vetëm kaq, por këto janë krijesat që mund të pësojnë edhe më keq. Ka thënë pejgamberi i dërguar nga Zoti i botëve: “Çdo i lindur lindë në natyrshmëri monoteiste, por prindërit e tij nëse janë çifutë e edukojnë në judaizëm; nëse janë nazaretistë, e bëjnë nazaretis: e nëse janë zjarrputistë, e bëjnë zjarrputist.” [Buhariu dhe Muslimi] Si po i bëjnë fëmijët e tyre, çfarë suksesi do kenë ata një ditë në të ardhmen kur qysh në fëmijëri i rrisin me imagjinata e fantazi.

Sa njerëz në botë janë në gjendje të rënda ekonomike, ndërsa nuk kursehen aq në të shpenzuarit e natës e Vitit të Ri. Edhe në këtë rast me rëndësi është argëtimi për ta. Për këtë natë nuk qenka me rëndësi mosshpenzimi, ndërsa ankimi më pas vazhdon. Po çfarë mund të thuhet për njerëzit e pasur të cilët shpenzojnë me mijëra euro vetëm brenda një nate, qoftë duke nxënë vende në restaurante e kafene, qoftë me dhurata të shtrenjta ndaj tjerëve, qoftë me shpenzimi për ushqime të llojllojshme për familjen. E gjithë kjo pra vetëm për hir të festës. Zoti nuk e do shpenzimin e tepruar, Ai porositë besimtarët që mos ta teprojnë, Ai thotë në një versët kuranor: “Dorëshpuarit me të vërtetë, janë vëllezërit e djallit dhe djalli është mosmirënjohës ndaj Zotit të tij.” [Kaptina Isra, 26-27] Pra, një shpenzim i panevojshëm në një festë jo të lejuar, kështu bashkohen dy të këqija përveç të tjerave.

Alkooli- pija përcjellëse dhe shoqëruese për disa njerëz që krijon një gjendje të çmendur, antinjerëzore e të pazakontë. Shfrenimi nuk mbetet anash e si pjesë e shfrenimit është edhe dehja. Muslimanët e dinë se kjo ka ndalesë të madhe nga Allahu për një gjendje të tillë. Ai e renditi edhe atë në një ajet me shirkun që i bëhet Allahut përmes adhurimeve të idhujve, siç thotë: “O besimtarë! Me të vërtetë, pijet alkoolike, bixhozi, idhujt dhe shigjetat e fallit janë vepra të ndyta nga punët e djallit. Prandaj, largohuni nga këto, me qëllim që të shpëtoni!” [Kaptina Maide, 90] Këtë dukuri negative që është e përhapur shumë, edhe shtet e luftojnë sot, konsiderohet nga gjërat e shëmtuara që bëjnë disa, duke shkaktuar vdekje, aksidente, vetëvrasje, dhunime, rrahje, degjenerime, sëmundje dhe të tjera pasoja të tilla. E gjithë kjo përhap paqen në botë dhe ndërthurë një mbrapshti në njerëzim.

Kjo nuk është nata që shton buzëqeshjen, nuk afron tek Allahun, nuk mishëron paqen, nuk është dashuria e vërtetë në raporte mes njerëzve...është vetëm një trik i djallit, andaj ju o muslimanë mos bini preh e kulturave të huaja kur keni Islamin sistem jete. Kjo mjafton për gjithçka në këtë jetë, është zgjidhja e duhur, është feja për të cilën u zbritën pejgamberë të ndershëm, sakrifikuan njerëz e popuj, e ne sot po e nënçmojmë, po e shkelim atë ndershmëri me këmbët tona, duke e zëvendësuar me diçka të keqe, siç janë festat e huaja dhe imitimi i popujve të huaj.

Pati thënë sahabi i nderuar, khalifi i muslimanëve- Umer ibn Hattabi: “Ne jemi një popull që Allahu na ka ngritur lartë me anë të Islami, e nëse ne kërkojmë krenari me diçka tjetër përveç islamit, atëherë do të na poshtërojë Allahu.”

[Zana_ch]

OKB: Më shumë se 60.000 të vrarë në Siri

E mërkure 2 Janar 2013 20:31

Më shumë se 60.000 njerëz janë vrarë në Siri që nga kryengritja kundër regjimit të Presidentit Bashar al-Asadit, që shpërtheu në mars 2011, tha një zyrtar i lartë i OKB-së.

Navi Pillay, Komisioneri i Lartë i OKB për të Drejtat e Njeriut, tha se një analizë e kryer nga specialistë të të dhënave tregoi se 59.648 njerëz kishin vdekur deri në fund të nëntorit. "Ne mund të supozojmë se më shumë se 60.000 njerëz janë vrarë nga fillimi i vitit 2011," tha Pillay në një deklaratë.

[Zero Cool]

Asadi ka ikur dhe jeton në anije?


Damask, 16.01.2013

Kryetari sirian Basha el Asad kundër të cilit vazhdon kryengritja tash e disa muaj, ka ikur me familje dhe jeton në një anije me mbrojtje të marinës ruse, shkruan shtypi britanik.

Kryetari gjoja është në anijen e punës e cila gjendet në bregdetin sirian. Arsye për këtë, siç transmeton edhe portali Klix, është se Asad nuk i beson sigurisë së vet dhe jeton në anije, ndërsa në mbledhje në Damask shkon me helikopter.

Burime informative kanë theksuar për gazetën saudite Al-Vatan se kryetarin e Sirisë e mbrojë rusët.

Po ashtu Moska është adresa e tij e përshtatshme për ikje, shkruan kjo gazetë.


Shpërthim e të shtëna në Kabul

Kabul, 16.01.2013

Një shpërthim i madh dhe të shtëna me armë janë dëgjuar afër kryeqytetit afgan.

Radio Afganistani i Lirë i RFE/RL-së, raporton se shpërthimi ka ndodhur në zonën ku gjendet ndërtesa e Ministrisë së Brendshme në Kabul.

Zëdhënësi i kësaj Ministrie, Sadeeq Sadeeqi ka konfirmuar shpërthimin dhe të shtënat.

Ai ka thënë se të shtënat tash janë ndalur. Ai nuk ka ofruar detaje tjera.


Valë sulmesh në Irak, 17 të vrarë

Bagdad, 16.01.2013

Zyrtarët e sigurisë dhe ata shëndetësore thanë se nga disa sulme në Irakun Verior dhe në Bagdad janë vrarë të paktën 17 persona dhe janë lënduar rreth 170 të tjerë.

Në qytetin e përzier etnikisht të Kirkukut, një sulm vetëvrasës me bombë ka vrarë të paktën 10 persona dhe ka plagosur 140 të tjerë.

Një tjetër sulm më bombë në Tuz Khurmatu, rreth 75 kilometra larg nga Kirkuku ka vrarë dy dhe ka plagosur 26 vetë.

Ndërsa në tri sulme të ndara në Bagdad, kanë vdekur pesë persona.

Asnjë grup nuk ka marrë përgjegjësinë për sulmet, por makinat bombë shpesh përdoren nga kryengritësit sunitë.

[Zero Cool]

Ekzekutohen me varje, pasi postuan vjedhjen, në YouTube





22.01.2013 11:31

Gjyqi i tyre u bë përmes YouTube. Ata u varën me një telekomandë, ndërkohë që qindra njerëz filmonin gjithçka me celularët e tyre.

Gjithçka i përket shekullit të 21-të, përveç ekzekutimit të tyre në publik, një veprim mesjetar.

Alireza Mafiha dhe Mohammed Ali Sarvari u varën në një shesh publik në kryeqytetin e Iranit, Teheran.

Të dy djemve iu bë një paradë përpara një turme, ndërsa dërgoheshin në një shesh publik.

Sarvari dukej stoik, por Mafiha dukej shumë i rënë. Sarvari ishte 20-vjeç, Mafifa 23-vjeç.

Ata u arrestuan pasi postuan në dhjetor një video në YouTube, ku kishin filmuar veten duke sulmuar me thikë një person në Teheran.

Video e tyre u transmetua në televizionin publik dhe shkaktoi shumë zemërim. Të dy djemtë ishin të papunë. Ata thanë përpara gjyqit se e kishin kryer krimin nga varfëria. Por ata u akuzuan për luftë kundër Zotit.

Dy bashkëpunëtorët e tyre u dënuan me 10 vite burg dhe 74 goditje kamxhiku.

[Dardanesha]

Amerikë: Muslimanët me rritjen më të shpejtë


Nuk është krishterizmi religjion i cili ka rritje më të shpejtë në Amerikë, por e kundërta.

Sipas regjistrimit të fundit, i cili u zhvillua në 2012 religjioni i cili është në rritje më të shpejtë në Amerikë është Islami. Që nga viti 2000 deri në vitin 2010, regjistrimi ka përcaktuar se numri i muslimanëve që jetojnë në Amerikë u rrit për rreth 1deri 2. 600 000. Pra ka shënuar një rritje të madhe për 66.7%, transmeton agjensia serbe Vestinet.rs.

Sigurisht, kjo është një normë e rritjes që befason.

Ndërkohë, shumica krishterë ka pasur normë të rritjes shumë të vogël, dhe në disa vende edhe zvoglim.

Kur Barack Obama deklaroi , "Ne nuk jemi më një komb i krishterë", nuk ishte larg nga e vërteta.

Të krishterët po humbin shumë shpejt ndikimin, ndërsa fetë tjera, si Islami, në mënyrë rapide rritë anëtarësinë e vet dhe në shumë vende ndërtojnë xhamija të reja. Nëse Islami vazhdon të rritet në këtë normë në Shtetet e Bashkuara, është e pashmangshme se do të transformojë vendin në mënyra të ndryshme në vitet e ardhshme.

Pra, të shohim qka po ndodhë me grupet e tjera fetare? Si kaluan në regjistrimin e fundit në Amerikë?

Pra, në vijim po japim disa nga normat më të larta të rritjes së grupeve fetare nga viti 2000 deri në vitin 2010.

Mormonët 45,5%

Protestestantët evangjelist 1,7% (larg normës së rritjes së popullsisë).

Katolikët -5.0%

Protestestantët meinlin -12,8% (rënie mahnitëse)

Por Islami ka shënuar rritje eksplozive.

Sipas një profesor i studimeve islamike në Universitetin e Kentucky, në vitin 2000, në Amerikë ka patur rreth 1,200 xhami. Sipas regjistrimit të fundit, ka 2106 xhami.

Në gjithë Amerikën shohim "mega-xhami", të cilat janë duke u ndërtuar apo janë ndërtuar, dhe në shumë raste, financimi vjen nga jashtë. Dhe këto "mega-xhami" nuk qëndrojnë të papërdorura.....



President i Shoqërisë Islame të Floridës Qendrore, vuri re rritjen eksplozive të pabësueshme prej 473%, në dhe përrreth qarkut Orange Orlando. Sipas tij, rritja është dyfishuar , sepse janë paraqitur 10.000 anëtarë të rinjë .

Ai gjithashtu theksoi se rritja e popullsisë myslimane është shënuar pas ngjarjeve të 11 shtatorit. Lindja e fëmijëve të emigrantëve në Amerikë, dhe punësimi ka nxitë rritjen e popullsisë. Në Floridën Qendrore, muslimanët kan ndjekur të gjithë të tjerët, në kërkim të "kushteve më të mira, çmimet më të ulëta dhe shtëpitë më të rehatshme".

Një pjesë e mirë e rritjes së popullsisë që është nxitur nga imigrimet.

Hulumtimi që është kryer në vitin 2007, gjeti se 39% e muslimanëve të rritur që jetojnë në Amerikë, kanë arritë si emigrantë pas vitit 1990.

Ky fluks i shpejtë i muslimanëve, ka transformuar komunitetin në tërë Amerikën. Për shembull, muslimanët të cilët janë studentë në Shteteve të Bashkuara përbëjnë 10% të numrit të përgjithshëm të nxënësve të Nju Jorkut.

Në gjithë vendin, shumë shkolla kanë qenë të detyruara të ndryshojnë kalendarin shkollor për t’i shënuar festat islame.

Në Michigan seancat stërvitore të futbollit janë planifikuar në përputhje me muajin e Ramazanit ...

Në një qytet të vogël - Michigan, shkollat janë mbyllur një dite para festës së Bajramit dhe ditën e Bajramit, mandej në përputhje me festat i kan përshatë edhe seancat stërvitore të futbollit. Gjate Ramazanit ato janë mbajtë nga ora 11:00-04:00 të mëngjesit. Kjo është e gjitha për shkak se lojtarët myslimanë të cilët nuk duan të stërvitin gjat ditës, përshkak se agjërojnë muajin e Ramazanit.

Dearborn ndodhet afër Detroit, dhe ka një nga komunitet më të populluar me musliman. Çdo ditë, nga xhamia lokale dëgjohet në tërë qytetin thirrja e ezanit për falje të namazit. Ky qytet është një shembull i qartë se pse Amerika nuk mund të quhet "kombi i të krishterë".

Por Islami nuk është e vetmja fe jo-krishterë që po rritet me shpejtësi në Amerikë.

Regjistrmi i fundit në SHBA, sa i përketë fesë publikoi se grupet jo- krishtere kanë shënuar rritje për 32% brenda dhjetë viteve të fundit .

Ndërkohë, rënia e krishterimit në Amerikë po përshpejtohet me të madhe, potencon Vestinet.rs.

Në vitin 1990 një nga anketat e zhvilluara kanë treguar se 86% e amerikanëve veten e kan identifikuar si "krishterë", ndërsa në vitin 2008, 76% e amerikanëve veten e kanë identifikojnë si "të krishterë".

Ndërkohë edhe ateizmi i cili është "jo fetar" është duke përjetuar rritje të jashtëzakonshme. Për shembull, byroja për regjistrim , në mes vitit 1990 dhe 2008 tregoi se numri i amerikanëve "pa fe" (ateist) është dyfishuar.

Edhe ata që vetën e quajnë "të krishterët" nuk janë të përkushtuar sa duhet besimit të tyre.

Hulumtimi i fundit tregon se 150 milionë amerikanë nuk janë të angazhuar në mënyrë aktive në qfardo komunitet fetar. Kjo është pothuajse gjysma e popullsisë.

Ismet Azizi

[Dardanesha]

Eshte dite e Xhuma.


PS: Pejgamberi [sal-lall-llahu alejhi ve sel-lem] ka thënë:

"Në ditën e xhuma ka një moment në të cilin nëse muslimanët e kalojnë në namaz, dhe i luten All-llahut [subhanehu ve teala] për nevojat e tyre, All-llahu [subhanehu ve teala] me të vërtetë do t'ua japë. Atëherë Pëjgamberi [sal-lall-llahu alejhi ve sel-lem] tregoi me gishta se kjo kohë ndodhet në një periudhë tejet të shkurtër."

[Oqeani]

Dardaneshë : Sot duhet te behen dhe vizita tek te afermit !


Sot e xhuma : Sa me shkoi puna mbarë, sa heret e kryta :)

[AmonRa]

[sherri]

Jan qu leshat, po dojn me pru qeso ligjesh t'sherjatit po thojn qeto jan prej allahut :P

[elvio]

Postimi origjinal është bërë nga sherri

Jan qu leshat, po dojn me pru qeso ligjesh t'sherjatit po thojn qeto jan prej allahut :P

Ata qe nxjerrin revolverin si Qemal Stafa jane,sepse sot ishin bo trima per pak karrike imami.

[Zero Cool]

Dubai, policia patrullë me Lamborghini


Dubai njihet si një qytet me shumë pasuri të cilat vijnë nga industria e naftës por edhe nga fusha të tjera. Ndaj grabitësit apo shkelësit e ligjit nuk e kanë problem të blejnë makina superluksoze dhe të shpejta, transmeton Albeu.

Ndaj si kundërpërgjigje policia e këtij qyteti ka futur në patrullim një Lamborghini Aventador. Makina e cila kushton rreth 300 mijë euro arrin një shpejtësi 100 km/h brenda tre sekondave. Edhe pse makina shpenzon shumë karburant, të paktën policët do të kenë mundësi të kapin grabitësit.

[Zero Cool]

BIK-u është jashtë kontrollit!



Prishtinë, 19.04.2013

Kryetari i Sindikatës së punëtorëve të Bashkësisë Islame të Kosovës, Idriz Bilalli, ka thënë se udhëheqësja e BIK-ut me qëllim nuk po pranon të bëjë reforma brenda BIK-ut. Sipas tij, kjo po ndodh për shkak se ata po frikësohen se po i humbin postet dhe privilegjet që i gëzojnë, duke qëndruar në këto poste.

“Nuk ka gatishmëri prej kësaj udhëheqje aktuale konkretisht prej z. Tërnava. Ai me një klan të caktuar aty prej katër a pesë vetash ka bllokuar këtë çështje dhe nuk lejon të bëhen ndryshime në aspektin pozitiv”, ka thënë Bilalli.

Në një intervistë për “Tribunën”, Bilalli ka deklaruar se grupi i Naim Tërnavës po vazhdon ta mbajë të izoluar BIK-un, pasi, sipas tij, ky institucion nuk i jep askujt llogari, por punon sipas interesave të disa personave.

Sipas tij, BIK-u që 14 vjet nuk ka asnjë statut juridik por punon me një Kushtetutë të kohës moniste. Ai ka kërkuar nga institucionet e shtetit që të ndërhyjnë duke mundësuar reformimin e këtij institucioni fetar.

[Zero Cool]

Arabia Saudite dëbon 3 meshkuj me arsyetimin se janë shumë të bukur



26.04.2013

Autoritetet në Arabinë Saudite kanë vendosur të përzënë nga vendi 3 meshkuj me arsyetimin se janë shumë të bukur dhe si të tillë të parezistueshëm për gratë vendase.

Njëri prej këtyre meshkujve është Omar Borkan Al Gala, poet, aktor, fotograf dhe një qytetar i Emirateve të Bashkuara Arabe. Ai është dëbuar nga vendi me një vendim të Komisionit për Promovimin e Virtytit dhe Parandalimit të Veseve, pasi sipas këtij autoriteti vendas, ai është shumë i bukur dhe cenon ruajtjen e moralit të shëndoshë të popullit.

Sipas pretendimit të vendimit të marrë, këta meshkuj shpërqendruan dhe bënë të binin në dashuri me ta shumë gra vendase duke vënë në rrezik moralin shoqëror.

Lajmi për këtë vendim absurd qarkullon prej ditësh dhe mediat ndërkombëtare të cilat janë vënë në kërkim të gjetjes së fotove dhe identitetit të 2 personave të tjerë të dëbuar nga vendi për shkak të bukurisë së tyre

[Zero Cool]

Harami!!!!!


Gjashtë të vdekur nga alkooli në Iran





02.06.2013

Raportet nga Irani thonë se gjashtë njerëz kanë vdekur dhe 348 janë sëmurë pas konsumimit të alkoolit të helmuar në provincën Kerman.

Autoritetet spitalore kanë thënë se shumica e viktimave mendohet të kenë konsumuar të mërkurën “alkool të prishur”, transmeton REL.

Pirja e alkoolit është vepër e paligjshme dhe konsiderohet mëkat në bazë të Ligjit Islamik në Iran.

Por, alkooli i bërë në shtëpi ka tendencë të tjerë i lirë dhe i disponueshëm në tregun e zi të Iranit.

[Zero Cool]

Hoxhë Salihu nuk është suspenduar, është në procedurë







Prishtinë, 06.06.2013 14:47

(E plotësuar) Bashkësia Islame e Kosovës ka suspenduar nga imami Irfan Salihu të Prizrenit, pas fjalëve fyese ndaj femrave shqiptare. Këtë e ka bërë të ditur deputetja e LDK-së Teuta Sahatçiu, pas një takimi që ka pasur me zyrtarë të Bashkësisë Islame bashkë me deputetë të tjerë.

Sahatçiu ka bërë të ditur se në takimin me myftiun Tërnave ky i fundit ka shprehur shqetësime të mëdha lidhur me deklaratat e hoxhë Irfanit, për të cilat kanë marrë edhe masat disiplinore. Siç transmeton KTV, zyrtarë të Bashkësisë Islame nuk kanë dashur ta komentojnë, përveçse kanë mohuar se është suspenduar, por sipas tyre kanë nisur masat disiplinore për ta suspenduar atë.

Para këtij takimi deputetët e njëjtë kanë reaguar edhe në Kuvendin e Kosovës, ku u kërkuar nga Bashkësia Islame të distancohen nga ky akt. Por në mbrojtje të hoxhës ka dalë deputeti i Partisë së Drejtësisë Gëzim Kelmendi, i cili u tha atyre se fillimisht duhet t'i kërkojnë falje Bashkësisë Islame dhe qytetarëve të Kosovës sepse ato me dorën e tyre kanë votuar kundër mbulesës në shkolla”, ka thënë Kelmendi.

...

Bashkësia Islame e Kosovës ka marrë vendim për shkarkimin e hoxhë Irfan Salihut, pasi që ky i fundit kishte komentuar dhe fyer femrën shqiptare në një video të shkarkuar në interent.

Hoxhë Irfani ka qenë kryetemë e medieve të Kosovës kohëve të fundit për komentet e tij në you-tube për amoralitetin e femrave shqiptare.

Pasi Express kishte publikuar para dy dite videon e Hoxhë Irfan Salihut, reagime kishin ardhur nga Grupi i Grave Deputete të Kuvendit të Kosovës të cilat e kanë cilësuar gjuhë denigruese "predikimin" që ka bërë imami.

Gratë Deputete thanë se Hoxha ka përdorur gjuhë helmuese që dhunon të drejtat e njeriut ndërsa është kërkuar nga BIK'u që të distancohet nga Irfan Salihu, transmeton Express.

Reagime kishte pasur edhe nga Qendrës Kosovare për Studime Gjinore, ndërkaq reagimet e këtyre dy palëve
partia LISBA konsideronte se këto janë më shumë sulme në drejtim të hoxhës. Ajo i ka quajtur sulme të paskrupullta ato që janë thënë për hoxhën nëpër media.

Hoxhë Irfan Salihu, aktualisht jeton dhe vepron në qytetin e Prizrenit dhe deri me tani ka qenë Imam në xhaminë Suzi Zerrini në këtë qytet.


indeksonline