Lajme Aktuale....

[Neferta]

Jems Berisha dyshohët për mision sekret!?.



Derisa nuk dihet asgjë ende për fatin e pilotit shqiptaro-amerikan, James Berisha një blog i madh në Eritrera hedh dyshime për atë që ai po bënte në shtetin e tyre.

TesfaNews raporton se James Berisha mund të ketë lidhje me një grup të njerëzve të organizatës për të drejtat e njeriut, Amnesty International, që u

arrestuan kohë më parë. Qeveria në Eritrea i akuzoi ata për mision sekret me
qëllim të infiltrimit për të nxitur popullatë lokale kundër Qeverisë për t’u organizuar në protesta si në Egjipt, Libi, Tunizi e Siri.
Sipas TesfaNews qeveria e Eritreas asnjëherë nuk e pohoi e as mohoi arrestimin e Berishës, dhe në një raport me të cilin do të dalë shpejt do të sqarohet nëse Berisha ishte në Eritrea për të lobuar për pavarsinë e Kosovës, apo ishte pjesë e ‘misionit sekret’ të Amnesty International.

Skanerat e trupit jo më të detyruar

Sipas të dhënave të BE në Bruksel së shpejti në aeroportet evropiane ai që nuk do që ta kontrollojnë duke përdorur një skaner të plotë të trupit, mund të kërkojë një kontroll tjetër.

E mërkure 16 Nëntore 2011 11:22 Veç problemeve shëndetësore në Evropë ka shumë që e refuzojnë këtë teknologji kontrolli, me anë të së cilës mund të dallohen mjaft saktësisht konturet e trupit, sepse e ndjejnë veten të shkelur në privatësinë e tyre.
Prej disa kohësh në disa aeroporte të Evropës, p.sh. në Holandë apo në Britaninë e Madhe është futur në përdorim një teknikë, e cila sipas ekspertëve garanton një siguri më të madhe në aeroporte. Fjala është për të ashtuquajturin skanimi i trupit. Kjo teknikë e re kontrolli, e cila përdoret edhe në SHBA është shumë e diskutuar, sepse ka shumë pasagjerë që mendojnë se përmes një skanimi të tillë u preken të drejtat personale. Krahas çështjes, nëse skanerat truporë depërtojnë në një mënyrë të palejueshme në sferën private, kritikët kanë edhe një shqetësim tjetër: nëse rrezet që marrin personat që kontrollohen mund të jenë të dëmshme për shëndetin. Disa sindikata pilotësh mendojnë se skanerat mund të transmetojnë doza të rrezikshme rrezatimi.
Sipas të dhënave të Komisionit të BE-së të bëra të njohura të hënën (14.11) në Bruksel, së shpejti në aeroportet evropiane ai që nuk do që ta kontrollojnë për armë apo lëndë eksplozive duke përdorur një skaner të plotë të trupit, mund të kërkojë një lloj tjetër kontrolli. Rregullorja e re përkatëse për të ashtuquajturin skanimi i trupit do të hyjnë për në disa javë në fuqi.
Nëse një vend anëtar do ta përdorë apo jo skanerin e trupit, vazhdon të jetë kompetencë e vendeve anëtare. Aktualisht kjo teknologji e bazuar në skanimin e trupit përmes imazheve elektromagnetike e cila të mundëson që të zbulosh objekte metalike dhe jometalike përdoret kryesisht në Britaninë e Madhe dhe Holandë. Por kjo teknikë është e diskutueshme.
Në të ardhmen në lidhje me përdorimin e skanerave për trupin do të vendosen standarde të qarta minimale: P.sh. nuk do të lejohet që fotografitë e bëra të ruhen, të kopjohen apo të printohen. Po ashtu duhet të garantohet se askush nuk ka qasje të paautorizuar në këto pajisje. Përveç kësaj në të ardhmen ata që merren me vlerësimin dhe analizimin e imazheve që prodhojnë këto lloj skanerash, duhet të rrinë në një dhomë të ndryshme nga ajo ku gjenden aparatet e skanimit dhe personat e skanuar.
Diskutimi në lidhje me të ashtuquajturit skaner truporë apo të sigurisë filloi në vitin 2009, pasi një terrorist ishte përpjekur për të hedhur në erë një avion që ishte rrugës nga Amsterdami në Detroit. Ai donte ta kryente këtë me eksplozivë plastikë. Pas kësaj ngjarjeje disa vende të BE-së filluan t'i përdornin në formë testi skanerat e trupit dhe teknologjinë prëkatëse. Prej disa kohësh Holanda dhe Britania i përdorin këto pajisje rregullisht - dhe sipas Komisionit të BE-së me një përvojë pozitive./dw/

Lidhja Arabe dhe Turqia kundër çdo ndërhyrjeje të huaj në Siri



E mërkure 16 Nëntore 2011 23:21
Turqia dhe Lidhja Arabe u shprehën sot kundër çdo ndërhyrjeje të huaj në Siri, në një komunikatë të përbashkët në përfundim të Forumit për Bashkëpunim turko-arab të zhvilluar në Rabat.
Ata kërkuan gjithashtu miratimin e masave urgjente për mbrojtjen e civilëve nga shtypja e regjimit sirian të Bachar al-Assad.
"Forumi konfirmoi se ishte i nevojshëm ndalimi i gjakderdhjes dhe mbrojtja e qytetarëve sirianë nga aktet e tjera të dhunës dhe vrasjet, gjë që kërkon marrjen e menjëhershme të masave për të siguruar mbrojtjen e civilëve'', vijon komunikata.
"Ministrat këmbëngulën gjithashtu në rëndësinë e stabilitetit dhe bashkimit të Sirisë dhe nevojën e gjetjes së një zgjidhjeje të krizës, pa asnjë ndërhyrje të huaj'', thekson komunikata./trt/

Liga Arabe i jep tre ditë kohë Sirisë



E enjte 17 Nëntore 2011 10:28
Liga Arabe i ka dhënë tre ditë kohë Sirisë për "të ndaluar shtypjen e përgjakshme" ndaj protestuesve dhe të lejojë hyrjen e ekipeve të vëzhguesve.
Liga Arabe gjithashtu kërkoi tërheqjen e përfaqësuesit të Sirisë nga kjo organizatë.
Pas një takimi të shteteve anëtare në Marok, ministri i jashtëm i Katarit, Sheik Hamad bin Jasim Al-Thani, tha se Siria do të përballet me sanksione nëse nuk bashkëpunon.
Jasim tha se "qeveria siriane duhet të nënshkruajë protokolin e dërguar nga Liga Arabe dhe t`i japë fund të gjithë dhunës kundër demonstruesve".
Ndërkohë që bisedimet zhvilloheshin, turmat sulmuan ambasadat e Marokut dhe Emirateve të Bashkuara Arabe në Damask, ndërsa Franca dhe Maroku njoftuan për tërheqjen e ambasadorëve të tyre.

Erdogani sulmon Esedin



E mërkure 16 Nëntore 2011 23:16
Gjatë një takimi me deputetët e partisë për Drejtësi dhe Zhvillim, kryeministri turk Rexhep Erdogan sulmoi ashpër presidentin sirian Beshar Esed, duke iu drejtuar herë pas here me fjalët “Ti o Beshar”.
Erdogani e akuzoi Esedin si të pabesë, për shkak se nuk i është përmbajtur marrëveshjeve të nënshkruara me Ligën Arabe për ti dhënë fund akteve të dhunës dhe vrasjes së protestuesve civilë.
Ndër të tjera, ai tha:”Unë i kujtoj Esed-it se nuk korr asnjë lavdi duke shtypur popullin tënd. Historia do i kujtojë këta presidentë që vrasin dhe derdhin gjakun e popullit, si presidentë gjakpirës. Ti o Beshar po hedh hapa në këtë drejtim. Sido që të rrjedhin ngjarjet, ne do të qëndrojmë përkrah popullit sirian dhe nuk do e lëmë të vetëm.”
Disa orë pasi kryeministri turk dënoi aktin e dhunës ndaj përfaqësisë diplomatike turke në Siri, ministri i energjisë turke, u shpreh se Turqia mund ta rishikojë marrëveshjen për furnizimin me energji të Sirisë.
Kurse përgjegjësi për marrëdhëniet me jashtë në partinë në pushtet, Umer Çalik ka thënë se regjimi i Esed i ka humbur të gjithë shanset. “Beshar Esed është si Geddafi dhe pret të njëjtin fund si udhëheqësit e tjerë tiranë” ka thënë ai. /ardhmeriaonline/

Erdogan: Asadi i ka ditët e numëruara

Kryeministri i Turqisë, Rexhep Tajip Erdogan, sot i ka tërhequr vërejtjen presidentit të Sirisë, Bashar al-Asad, se ditët e tij në këtë post po kalojnë.

E hëne 21 Nëntore 2011 23:03 Gjatë fjalimit të tij në Stamboll, z.Erdogan tha se Asadi mund të mbështetet në “tanke dhe topa uji deri në një pikë të caktuar” dhe shtoi se “do të vije dita” kur ai do të largohet.
Tensionet ndërmjet Turqisë dhe Sirisë janë të larta, pasi Ankaraja është gjithnjë e më e zëshme në kritikat ndaj goditjes së Asadit kundër protestuesve anti-qeveri.
Sot më herët gjatë ditës, mediat turke kanë raportuar se dy shtetas të Turqisë janë lënduar, kur një konvoj i autobusëve me pelegrinë u sulmua në pjesën veriore të Sirisë.
Udhëtarët u kanë thënë mediave se sulmi ishte kryer nga ushtarët sirianë, në një pikë kontrolli matanë kufirit./rel/

Djali i Gedafit, pritet dënimi me vdekje në Libi


E diel 20 Nëntore 2011 22:56 Udhëheqja e re në Libi nuk do t`ja dorëzojë Gjykatës Ndërkombëtare Penale djalin e arrestuar të ish dikatorit Gaddafi, Saif al-Islam, por do ta bëjë vetë procesin gjyqësor kundër tij.
Kryeministri Abdulrahim Al-Kib tha se Saif do të marrë një gjykim të drejtë. Gjykata e Lartë Penale në Hagë gjatë kryengritjes kundër regjimit të Gaddafit kishte lëshuar një urdhër arresti ndaj Saifit dhe babait të tij Muammara al -Gaddafi, për shkak të krimeve kundër njerëzimit.
Në rast të një gjykimi në Libi, Saif mund të rrezikojë dhe dënimin me vdekje.
Saif al-Islam, djali më i njohur i Gaddafit u arrestua në jug të Libisë. Me sa duket ai donte të largohej për në Nigeri. Organizatat ndërkombëtare për të drejtat e njeriut kërkuan nga Tripoli që 39 vjeçarin ta dorëzonin në Hagë.

Vizat, ligj per “penalizimin” e Ballkanit

21 November 2011

Azilkërkuesit mund të cenojnë procesin e lëvizjes së lirë në zonën “Shengen”, duke rikthyer çështjen e regjimit të vizave. Sipas “Albanianscreen”, Komisioni Europian ka futur tashmë në procedurë miratimi projektligjin që parashikon pezullimin e përkohshëm të lëvizjes së lirë të qytetarëve në zonën “Shengen”. Ky kufizim do të zbatohet ndaj atyre vendeve, qytetarët e të cilave vijojnë të kërkojnë azil në Europë, duke abuzuar me heqjen e regjimit të vizave. Megjithëse shkak i ndryshimit është bërë numri i lartë i azilkërkuesve nga Shqipëria e vende të tjera të rajonit, mekanizmi që parashikon rikthimin e regjimit të vizave, përfshin të gjitha vendet e Ballkanit që kanë përfituar liberalizimin e vizave. Raportuesja e Parlamentit Europian për Shqipërinë, Tanja Fajon, ka komentuar dhe nismën që do të shqyrtohet nga Komisioni Europian, për hapat që po ndiqen konkretisht për miratimin e këtij ligji. “Situata është serioze. Ajo që jemi duke u përballuar tani, sidomos disa vende të Bashkimit Europian si Belgjika, Luksemburgu, Suedia dhe Gjermania është me të vërtetë shqetësuese. Numri i azilkërkuesve nga vendet e Ballkanit Perëndimor ka ardhur duke u shtuar. Unë mendoj se qeveritë e këtyre e vendeve kanë marrë disa masa, por ato nuk janë të mjaftueshme. Dhe tani ne kemi në duar një propozim të Komisionit Europian për pezullimin e përkohshëm të lëvizjes së lirë. Pezullimi mund të bëhet për disa muaj. Unë shpresoj që në të ardhmen, asnjë shtet të mos hyjë në listën e zezë të Shengenit”, tha Fajon për “AS TV”. Sipas saj bëhet fjalë për të vendosur disa kritere ligjore. “Tani po bisedojmë se cilat mund të jenë këto kritere, që një vend anëtar i BE-së, që ka probleme, mund t’i imponojë për të rivendosur regjimin e vizave. Atmosfera në këto vende të prekura nga fluksi i azilantëve është shqetësuese, por siç e thashë, ne këtu në Parlament jemi duke bërë maksimumin, aq sa mundemi, për të mos e rrezikuar lëvizjen e lirë për vendet e Ballkanit Perëndimor. Por kjo nuk është vetëm në dorën tonë. Qeveritë e këtyre vendeve duhet të marrin masa që të mos ketë abuzime me sistemin e lëvizjes së lirë”, deklaroi Fajon. Raportuesja në PE për çështjen e Shqipërisë bën të ditur se projektligji është në fazën e diskutimeve, ndërsa paraqitja e tij në Parlament pritet të bëhet në fund të nëntorit. “Komisioni Europian ka bërë një propozim që në muajin qershor të këtij viti. Ky tekst është duke u diskutuar me dy komisionet e Parlamentit Europian; me atë të Drejtësisë e të Lirive Civile dhe të Punëve të Jashtme. Raportues dhe ekspertë po merren me të dhe jemi në kontakt të vazhdueshëm për këtë edhe me Presidencën polake të BE-së, me Komisionin Europian dhe vendet anëtare. Pritet që ky raport të paraqitet në Parlament në fund të muajit nëntor. Për ne është me shumë rëndësi që Parlamenti do të jetë gjithashtu i përfshirë në këtë proces. Dhe ne nuk mund të lejojmë që disa vende të BE-së t’i përdorin këto propozime, në këtë situatë, si mjet politik për të ndaluar vendet me numër të lartë të azilkërkuesve. Ne do të vendosim kritere strikte se kur vendet e BE-së, për shkak të numrit të azilkërkuesve, të kenë të drejtë ta rikthejnë regjimin e vizave”, theksoi eurodeputetja. Pak kohë më parë sekretari i Shtetit për emigracionin belg, Melchior Wathelet, apeloi mbi rreziqet e azilkërkuesve ndërsa tha se po aplikohet një procedurë 15-ditore për verifikimin e tyre. Sakaq për projektligjin e Komisionit Europian, për pezullimin e lëvizjes së lirë, nuk ka ende një konsensus në gjirin e vendeve të BE-së. Për këtë qëllim, po punohet për të vendosur kritere shumë të sakta se kur një vendi i rikthehet përkohësisht regjimi i vizave ose futet në “listën e zezë të Shengenit”. Shqetësimi i BE-së vjen për vendet e Ballkanit, përfshi Shqipërinë, ndërsa rrezikohet një kthim i mundshëm i regjimit të vizave. Komisioni i Bashkimit Europian i ka dërguar një letër nëpërmjet komisioneres Mallstrom të gjithë ministrave të Brendshëm të Shqipërisë, Serbisë, Bosnjë-Hercegovinës, Malit të Zi dhe Maqedonisë në muajin shtator të këtij viti. “Në rrezik janë rezultatet e regjimit për liberalizmin e vizave”, shkruan Mallstrom në letrën e saj për ministrin Bujar Nishani dhe të tjerët. Lajmin e konfirmuan mediat italiane dhe agjencia e specializuar për çështjet e emigracionit, “Immigrazioneoggi”, por dhe “Stranieri”. Sipas një verifikimi të kryer nga Komisioni i BE-së për çështjen e vizave në të gjithë zonën “Shengen”, rezulton se kërkesat për azil të emigrantëve janë në rritje që prej dy vitesh dhe në veçanti prej dhjetorit 2010, kur përfitoi Shqipëria dhe Bosnjë-Hercegovina. Por problem përbëjnë edhe vende si Serbia, Maqedonia, Mali i Zi.

Burimi: Gazeta Shqip

Turqia kërkon anëtarësimin në BE

Gyl vizitë tre ditore në Britaninë e Madhe

E marte 22 Nëntore 2011 11:24 Presidenti Turk, Abdullah Gyl, deklaroi se vendi i tij vazhdon të dëshirojë anëtarësimin në Bashkimin Europian, pavarësisht krizës së Eurozonës.
Gyl, i cili mbërriu të dielën në një vizitë 3-ditore në Britaninë e Madhe, deklaroi përpara nisjes, se anëtarësimi i vendit të tij do të ishte mbi të gjitha i dobishëm për vetë Bashkimin Europian, për shkak të “qëndrueshmërisë dhe dinamizmit të ekonomisë turke”.
Kreu i shtetit turk do të takohet me kryeministrin David Cameron gjatë kësaj jave Siria pritet të jetë gjithashtu një prej temave kryesore të bisedimeve.
Turqia është parë si një urë të rëndësishme midis vendeve perëndimore dhe myslimane në Lindjen e Mesme dhe Azi, dhe gjithashtu ka një ekonomi, e cila aktualisht ka një normë të rritjes 6,6%. Londra zyrtare e ka mbështetur kandidaturën turke dhe ka qenë një prej nismëtareve të hapjes së bisedimeve në vitin 2005. Nëse do të anëtarësohet, Turqia do të jetë vendi i parë i Unionit me shumicë muslimane.
Megjithatë, përpara se një hap i tillë të ndërmerret, mbetet për t’u zgjidhur problemi shumë delikat i Qipros së veriut, ku autoritetet turke kanë instaluar një shtet të njohur vetëm prej tyre, pas një lufte të shkurtër në vitin 1974. Në kushtet aktuale, duket pothuajse e pamundur që Qiproja, një vend anëtar i BE-së, të japë aprovimin e tij për anëtarësimin.
Në bazë të ligjeve të BE-së, çdo vend anëtar duhet të ratifikojë anëtarësimin e një shteti të ri, në mënyrë që të ai të pranohet në bashkësinë e përbashkët./abc/

SHBA dhe BE të thonë qartë, jo ndarjes së veriut


23-11-2011 11:43 CET


“Nevojitet një qëndrim shumë i qartë dhe i fortë i Shteteve të Bashkuara dhe Bashkimit Evropian me të cilin theksohet se barrikadat dhe cilido element që shpie de fakto drejt ndarjes së veriut të Kosovës - janë plotësisht të papranueshme dhe nuk do të tolerohen”, ka thënë për “Zërin e Amerikës” në gjuhën serbe, Miroslav Lajçak, drejtor ekzekutiv për Evropë dhe Azi Qendrore në Shërbimin Evropian të Punëve të Jashtme.
Duke komentuar dialogun e Beogradit dhe Prishtinës Lajçak tha se ai duhet të forcohet dhe të përfshijë më shumë çështje politike. Por, sipas tij, vetë dialogu nuk është i mjaftueshëm për zgjidhjen e problemeve me pikëkalimet kufitare në veri të Kosovës.
“Nuk mund të injoroni një çështje aq të rëndësishme dhe të ndjeshme, por shihet qartë se vetë dialogu nuk është i mjaftueshëm që të zgjidhet ai problem”, ka thënë diplomati sllovak Lajçak. /qik/
0

Luan Rama: Meta, jo betejë me drejtësisë, betejë për drejtësi

2011-11-23


Deklarata

Sekretari i përgjithshëm i LSI-së: Dëshmitari i Prokurorisë Halilaj dëshmon me prova falsitetin e akuzës

Sekretari i përgjithshëm i Lëvizjes Socialiste për Integrim, Luan Rama, tha dje se Ilir Meta nuk ka betejë me drejtësinë, por betejë për drejtësi. Në një konferencë për shtyp, Rama u fokusua te seanca e zhvilluar në Gjykatën e Lartë, ku sipas tij shkresat dhe dokumentet zyrtare treguan falsitetin e të gjithë procesit politik kundër zotit Meta, por edhe pathemelësinë, manipulimin e provave dhe falsifikimin e tyre për të mashtruar opinionin publik. Sipas tij, dëshmitari i prokurorisë zoti Bekim Halilaj, ka provuar me një mori shkresash dhe dokumentesh zyrtare që akuzat e Priftit janë jo vetëm një mashtrim, por edhe një manipulim konkretizuar kjo edhe me atë që dokumentohet edhe në videopërgjimin e tij. Sipas Ramës, duke iu referuar biznesmenit Halilaj, një sasi nafte prej 30.000 tonësh, ose e konvertuar në vlerë rreth 10 milionë dollarë, i është dhënë në mënyrë të fshehtë që më 10 shkurt, tri javë më përpara se sa është realizuar videopërgjimi dhe gjithashtu tri javë më përpara se sa ishte caktuar data e ankandit, kompanisë ‘TEA construction’. “Do të thoni ju se çfarë lidhje ka ‘TEA construction’ me çështjen apo me njërin dëshmitar të prokurorisë apo dëshmitarin tjetër prokurorisë. Ka një lidhje që vjen e provuar gjithashtu sipas dëshmitarit z. Halilaj dhe dokumenteve që ai referon. Kjo do të thotë që pronari i kompanisë ‘TEA construction’, me një marrëveshje që nuk e ka ditur komisioni që zhvillonte ankandin dhe që mban datën 10 shkurt, për të përftuar sasinë e naftës që ju referova, është gjithashtu ortak në fabrikën e tullave me bashkëshorten e dëshmitarit tjetër të prokurorisë z. Prifti. Mjafton ky fakt për të kuptuar lidhjen, marrëdhënien, konfliktin e interesit, pazaret korruptive apo aferat korruptive që nga zhvillimet e djeshme e shndërrojnë tashmë procesin gjyqësor ndaj z. Meta në proces të mbyllur për të çelur një proces gjyqësor ndaj dëshmitarit kryesor të prokurorisë”, tha Rama. “Si konkluzion dua të nënvizoj faktin që Ilir Meta nuk është në betejë ligjore dhe politike me drejtësinë, por në respekt të autoritetit të organeve të drejtësisë Ilir Meta është në betejë për drejtësinë. Natyrisht mbi bazën e së vërtetës, mbi bazën e dokumenteve që dëshmohen dhe vihen çdo ditë edhe përpara trupit gjykues në seancën e shqyrtimit gjyqësor të çështjes”, pohon Luan Rama.


--------------------------------------------------------------------------------


.......kjo eshte paftyrsia me e madhe qe egziston, ne e dime edhe pa video qe te gjithe politikanet jane te zhytur deri ne fyte ne korrupcion, e ky tipi mundohet me mohu edhe videon ku shihet carte cdo gje.

[Zero Cool]

Partia per Drejtesi dhe Zhvillim shpall fitoren ne Maroko





MAROKO - Partia per Drejtesi dhe Zhvillim ka shpallur fitoren ne zgjedhjet e para parlamentare ne Maroko qe nga protestat pro-demokratike qe u mbajten me heret kete vit.

Pas Tunizise, PJD-ja (The Justice and Development Party) do te ishte partia e dyte ismamiste qe do te udhehiqte nje vend ne Afriken Veriore.

Pavaresisht thirrjeve per bojkot te disa aktivisteve, pjesemarrja e qytetareve ne zgjedhje thuhet se ishte 45 per qind.

Sikurse ne disa pjese te tjera te botes arabe, marokienet paten dale ne rruget e shtetit ne pjesen e pare te vitit 2011 me kerkesen per me shume demokraci.

Mbreti Mohamed VI iu pergjigj kesaj kerkese duke ndryshuar kushtetuten dhe duke mbeshtetur zgjedhjet e lira.

Mirepo, sipas disa aktivisteve, qe nga atehere jane zvogeluar thirrjet e qeverise per reforma.

[Llapjani_HH]

Policë serbë për Tetovën dhe Strugën

Policë serb do të patrullojnë në disa qytete me shumicë shqiptare në Maqedoni, sic janë Tetova dhe Struga.

Ministrja e Brendshme maqedonase, Gordana Jankullovska dhe kolegu i saj serb, Ivica Dacic, në Beograd kanë nënshkruar marrëveshje për bashkëpunim policor me të cilën parashihet që policë serbë të patrullojnë gjatë sezoneve turistike në qytete të Maqedonisë dhe anasjelltas.

Dy vendet po ashtu mund të shkëmbejnë forca policie në situata të caktuara, sidomos ato të rrezikut të lartë. Me këtë marrëveshje nuk pajtohen shumë qytetarët dhe politikanë shqiptarë të opozitës.

“Ne nuk kemi asgjë kundër bashkëpunimit rajonal ,por është sinjifikative gatishmëria e Qeverisë së Maqedonisë që të bashkëpunoj vetëm me qeverinë e Serbisë dhe nuk është një punë që i vjen erë e mirë.

Mendoj që këta shqiptarë që janë në qeveri pak më thellë duhet të jenë të interesuar që ky bashkëpunim mos të jetë fryt i qëndrimit të përbashkët sepse të dy qeveritë janë anti shqiptare”, tha Menduh Thaci, kryetar i PDSH-së.

Policia e Maqedonisë muaj më parë ka nënshkruar me Serbinë edhe një marrëveshje tjetër të rëndësishme sic është ajo për lëvizjen e qytetarëve pa pasaporta.

Ndërkohë që mësohet se një marrëveshje e ngjajshme me Shqipërinë nuk pritet të arrihet para vitit 2013 edhe pse Shqipëria i plotëson të gjitha kushtet e nevojshme.
Mesazhi.com

[Zero Cool]

Vjen telefoni i zgjuar islamik


India është vendi me rritjen më të madhe sa i takon përdoruesve të telefonisë mobile me 850 milion abonentë. Por në shtet që ka një popullsi prej 1.2 miliard duket se komuniteti që ka mbetur pas sa i takon zhvillimit teknologjik është ai i besimit islam. Sipas krijuesve të “Telefonit Islamik”, myslimanët kanë një nivel të ulët sa i takon mesatares së përdorimit të telefonit. Me nxjerrjen në treg të këtij telefoni ata besojnë se, myslimanët do të jenë më të përfaqësuar në botën dixhitale. “India ka rreth 180 milion myslimane dhe penetrimi i telefonisë në këtë komunitet është i vogël. Por kur ka një produkt dhe shërbim të përshtatshëm atëherë numri do të rritet”, është shprehur Anuj Kanish, i cili do të nxjerrë në tregun indian telefonin “Enmac”. Ai ka shtuar se kompania e tij është e fokusuar tek “teknologjia e religjionit” për të ndihmuar njerëzit me një të përditshme të zënë që të qëndrojnë të lodhur me Zotin. Ky telefon përkthen gjuhën Korane nga Arabishtja në 29 gjuhë.

[premium]

Postimi origjinal është bërë nga Hajra

Lidhja Arabe dhe Turqia kundër çdo ndërhyrjeje të huaj në Siri



E mërkure 16 Nëntore 2011 23:21
Turqia dhe Lidhja Arabe u shprehën sot kundër çdo ndërhyrjeje të huaj në Siri, në një komunikatë të përbashkët në përfundim të Forumit për Bashkëpunim turko-arab të zhvilluar në Rabat.
Ata kërkuan gjithashtu miratimin e masave urgjente për mbrojtjen e civilëve nga shtypja e regjimit sirian të Bachar al-Assad.
"Forumi konfirmoi se ishte i nevojshëm ndalimi i gjakderdhjes dhe mbrojtja e qytetarëve sirianë nga aktet e tjera të dhunës dhe vrasjet, gjë që kërkon marrjen e menjëhershme të masave për të siguruar mbrojtjen e civilëve'', vijon komunikata.
"Ministrat këmbëngulën gjithashtu në rëndësinë e stabilitetit dhe bashkimit të Sirisë dhe nevojën e gjetjes së një zgjidhjeje të krizës, pa asnjë ndërhyrje të huaj'', thekson komunikata./trt/

Shumë me vend programi

është një fjalë

''majmuni ka hap sytë më ''

intervenimi Amerikano-NAkTO ishte faqja e zezë për at shtet.

çdo hyrja e tyre në atë shtet , relativisht nuk kan pa hajr (dritë)