Mos harro historinë

[Zero Cool]

Vuçiq:
Nuk ka dëshmi se shqiptarët i vranë serbët në lokalin “Panda” të Pejës 1998



Beograd, 30.12.2013

Shteti serb ka kryer likuidimin e gazetarit Slavko Curuvija , tha zëvendëskryeministri i parë i Serbisë, Aleksandar Vuçiq, duke shtuar se autorët e drejtpërdrejtë të vrasjeve të tilla janë ende gjallë. Në një emision në TV Pink, ai ka thënë se si jurist shpejtë do të dëshmojë se shteti serb ka vrarë kundërshtarët, shkruan Telegrafi. “Ky është një problem i tmerrshëm për vendin tonë”, tha Vuçiq, duke shtuar se fjala është për pushtetin pjesë e të cilit ka qenë, por që nuk ka qenë pjesëmarrës e as nuk ka ditur gjë. Ai shton se në 14 vitet që nga vrasja e Curuvijsë, është përpjekur që të thuhet se “kryesit e krimit nuk janë më gjallë”, që të hiqet dorë nga zbardha e këtij rasti.

Të kujtojmë, Vuçiq të shtunën ka thënë se nëse nuk e zgjedh këtë rast, ai do të japë dorëheqje.

Zëvendëskryeministri serb tha se janë shumë “gjëra të tmerrshme me të cilat duhet të përballen”, duke përmendur si shembull “vrasjen e serbëve në lokalin “Panda” (Pejë), në Kosovë më 1998”, për të cilën tha se nuk ka dëshmi se vrasjen e kanë kryer shqiptarët, ashtu siç besohej.

Duke folur për anëtarësimin e Serbisë në BE, Vuçiq tha se viti 2020 është vështirë i arritshëm, por qëllim i mundshëm.

“Pres prapë probleme në rrugën drejt BE-së, por ajo rrugë është e qartë”, ka thënë ai.

[Zero Cool]

Shkurt 1999 - dikush lufton e dikush bënë “Rambouillet Party”







Në shkurtin e vitit 1999 në Kosovë kishte dy botë të kundërta. Dikush në Kryeqytet po bënte “Ramboullet Party” kur një pjesë tjetër e popullatës ishte në luftë.

Në Caffe "PUNTO" në Prishtinë “Associated Press” pati transmetuar pamje të nj feste të organizuar nga prishtinasit me emrin “Ramboullet Party” në kohën kur në Ramboullet të Francës po zhvilloheshin negociatat e mes palës kosovare e përbërë nga Elementi Kosovar i Armatosur (EKA) që përfaqësonte Ushtrinë Çlirimtare të Kosovës dhe pjesa poetike e LDK’së e përfaqësuar nga Ibrahim Rugova si dhe përfaqësues të tjerë, dhe palës serbe-përfaqësuese vë regjimit të Miloshevicit.

Në këtë video që po qarkullon nëpër rrejte sociale, AP kishte filmuar luftën, por edhe ata që në Kryeqytete e bënin festën.

[Zero Cool]

1912 – kur serbët dërgonin shqiptarët drejt pushkatimit në Beograd



Ishte tetori i vitit 1912 kur dhjetëra shqiptarë të cilët kishin luftuar përkrahë turqve, ishin kapur robër nga serbët në Beograd.

Ata ishin lidhur nga ushtarët serb duke formuar një kolonë përmes Beogradit dhe më pas janë dërguar në Kalanë e qytetit.

Nuk dihet asgjë më për fatin e tyre edhe pse dyshohet që të gjithë janë pushkatuar po atë ditë.

[Zero Cool]

Presidentja Jahjaga bëri homazhe në Kompleksin Memorial në Reçak



Shtime, 15.01.2014

Presidentja e Republikës së Kosovës, zonja Atifete Jahjaga bëri sot homazhe në Kompleksin Memorial në Reçak, në përkujtim të viktimave të Masakrës së Reçakut, 15 vjet më parë, më 15 janar 1999.
Gjatë homazheve, presidentja Jahjaga u shoqërua nga përfaqësues të Qeverisë së Kosovës, udhëheqja komunale e Shtimes dhe qytetarë të shumtë.







http://www.knninfo.com/repository/im...143408_jjj.jpg



Masakra e Reçakut zgjoi ndërgjegjen botërore



Prishtinë, 15.01.2014

Kryeministri i Kosovës, Hashim Thaçi, në 15 vjetorin e Masakrës së Reçakut ka deklaruar se pesëmbëdhjetë vjet më parë, në fund të shekullit të njëzet, në një vendbanim të Kosovës një akt çnjerëzor tronditi ndjenjat e botës demokratike në shkallë planetare.

Thaçi në profilin e tij Facebook ka shkruar se gra, burra, bujq të paarmatosur, fëmijë dhe të rinj ishin vrarë dhe shfytyruar mizorisht nga makineria e kasapit të Ballkanit, Miloshevic, që kishte përgjakur popuj të tërë për një dekadë.

“Falë shpejtësisë së informimit dhe ndjeshmërisë politike të botës demokratike, Reçaku u bë pikë kthese e zhvillimeve të vrullshme diplomatike, përshpejtuar organizimin e Konferencës Ndërkombëtare të Rambujesë”, u shpreh Thaçi.

Kryeministri më tej tha se mbi gjakun dhe sakrificat e shumta shekullore, mbi gjakun dhe sakrificën e freskët të Reçakut nisi përshpejtimin historia e çlirimit të Kosovës, kur Perëndimi lëvizi mekanizmin e ushtarak NATO-n.

“Sakrifica e Reçakut është simbol i zgjimit të ndërgjegjes botërore, është çmimi i flijimit për lirinë, demokracinë dhe pavarësinë e Kosovës. Lavdi e përjetshme dëshmorëve të Reçakut!”, ka deklaruar Thaçi.

Emrat e viktimave

Lute Asllani
Banush Azemi
Ragip Bajrami
Halim Beqiri
Rizah Beqiri
Zenel Beqiri
Lutfi Bilalli
Ajet Emini
Bujar Hajrizi
Myfail Hajrizi
Skënder Halili
Haqif Hysenaj
Hajriz Ibrahimi
Hakip Imeri
Murtez Imeri
Nazmi Imeri
Mehë Ismajli
Muhamet Ismaji
Ahmet Jakupi
Eshref Jakupi
Hajriz Jakupi
Mehmet Jakupi
Xhelal Jakupi
Jashar Jashari
Raif Jashari
Shukri Jashari
Fatmir Limani
Nexhat Limani
Salif Limani
Bajram Mehmeti
Hanumshah Mehmeti
Arif Metushi
Haki Metushi
Ahmet Mustafa
Asllan Mustafa
Muhamet Mustafa
Sadik Osmani
Jashar Salihu
Shukri Salihu
Bajrush Shabani
Ahmet Smajlaj
Sheremet Syla
Shyqëri Syla
Bajram Xheladini
Njazi Zymeri



William Wallker: „Nga ajo që pashë nuk ngurroj të përshkruaj ndodhinë si masakër dhe krim kundër njerëzimit (!)“