Gjithçka ngapak !

[Zero Cool]

Printerët dhe routerët po përdoren si Bots në sulmet e mohimit të shërbimit (DDoS)



Printerët, routerët, kamerat IP, sensorët dhe pajisje të tjera të lidhura në rrjet po përdoren gjithmonë e më shumë për të përhapur sulme të mohimit të shërbimit. Ky konstatim vjen nga firma e sigurisë Prolexic, e cila ka përpiluar një raport që u publikua gjatë ditët e fundit.

Sulmuesit po përfitojnë nga dobësitë që gjenden në disa prej protokolleve të rrjeteve që përdoren nga këto pajisje për t’i kthyer ato në makina që shpërndajnë kode dashakeqëse, thuhej në raport.
Tre dobësitë që po përdoren në sulmet DDoS, të cilat janë identifikuar në raport janë: Simple Network Management Protocol (SNMP), Network Time Protocol (NTP) dhe Character Generator Protocol (CHARGEN). Të tre protokollet janë të pranishme në të gjithë internetin dhe njëkohësisht në konfigurimet e pajisjeve në fjalë, u shpreh Prolexic.

Për shembull, SNMP përdoret për të menaxhuar pajisjet që lidhen në internet si routerët apo printerët. Protokolli përdoret për të mbledhur të dhëna mbi performancën e pajisjes si dhe për të aktivizuar menaxhimin në distancë. Disa protokolle madje arrijnë të transmetojnë të dhëna në forma që mund të lexohen nga njeriu. Disa të tjera lejojnë vjedhjen e adresave të IP-së dhe mbulimin e gjurmëve. Ndërsa të gjitha versionet e SNMP-së mund të bien pre e sulmeve të forcës brutale.

Ndërkohë, sulmuesit përfitojnë nga dobësitë për të marrë në kontroll pajisjet si dhe për t’i përdorur ato si qendra të lançimit të sulmeve DDoS. Në këtë mënyrë, hakerët arrijnë të gjenerojnë vëllime të mëdha të trafikut DDoS nëpërmjet një numri të vogël kërkesash SNMP. Këto lloj sulmesh njihen tashmë me emrin “sulme të amplifikuara DDoS” për të bërë një paralelizëm me mënyrën se si operohet (trafiku rritet fillimisht dhe më pas i transmetohet targetit).

[Kaqanikasja]

Gjithçka ngapak bohet shum

[Zero Cool]

Si të sinkronizoni folderë të caktuar nga SkyDrive në PC


Windows 8 vjen me një aplikacion të brenda-ndërtuar SkyDrive, por ai nuk iu mundëson që të shtoni skedarë në llogarinë tuaj SkyDrive.

Për atë e kemi aplikacionin për desktop të SkyDrive që ka një veçori të dobishme përzgjedhëse për sinkronizim.

Do të supozojmë që e keni instaluar SkyDrive në desktop.

Si të sinkronizoni folderë të caktuar nga SkyDrive në PC-në tuaj?

Për të filluar se çfarë dëshironi të sinkronizoni në këtë makinë të caktuar, shkoni tek hapësira me njoftime dhe klikoni me të djathtën në ikonën e SkyDrive ku do të ju duhet që të zgjidhni opsionin Settings nga menyja.

Pastaj shkoni tek tabi choose folders.

Këtu do të ju duhet të klikoni butonin Choose folders.

Pastaj do të ju jepet një dialog që iu mundëson të zgjidhni se çfarë dëshironi të sinkronizoni. Ju mund të zgjidhni ose të sinkronizoni të gjithë skedarët, ose disa folderë të caktuar duke u bazuar në kërkesat e juaja.

[Zero Cool]

Objektet e padobishme pas 20 viteve



Gjithcka materiale e vënë në shërbim të njeriut synon gjatë gjithë kohës përmirësimin. Risitë teknologjike janë gjithmonë në përmirësim për të qenë sa më të dobishme dhe praktike në duart tona.

Ky evolucion “nxjerr” në pension objekte konkurente me funksione të njëjta, që për një arsye apo për një tjetër nuk janë më në lartësinë e duhur, s’janë më praktike apo se produkti i ri është më i përshtatshëm.

Shekulli i 20-të do të mbahet mend si shekulli i bumit teknologjik. Shkenca avancoi dhe nga qarkullimi u zhdukën mjaft objekte dhe aksesorë të jetesës së përditëshme, që u zëvendësuan ose nga gjenerata e re e tyre, ose nga një tjetër aksesor më praktik dhe më i dobishëm.

Mjafton të përmendim revolucionin në transport. Shpikja e makinës së parë në fund të shekullit të 19-të, çoi gradualisht në zhdukjen e mjeteve të transportit “primitive”, që ishin kryesisht kuajt dhe karrocat e tërhequr prej tyre.

Sigurisht, evolucioni vazhdon. Çdo brez, ndoshta pa e vënë re bëhet dëshmitar “i braktisjes” së një objekti për të përqafuar një tjetër më të përparuar. Por cilët do jenë disa nga objektet që për ne do jenë të padobishëm pas 20 viteve?


Syzet miopike

Me zhvillimin e teknologjisë gradialisht po zëvendësohen nga operacionet kirurgjike dhe lentet. Zhdukja është e sigurtë…të paktën në formën që ne njohim sot.


Portofoli

Me ritmet e zhvillimit teknologjik gjithnjë e më pak njerëz paguajnë me para në dorë. Shumica zgjedhin të paguajnë nëpërmjet shërbimeve online, nga telefoni apo nga kompjuteri. Në shtetet e zhvilluara ky aksesor është në zhdukje, por vec tij, drejt zhdukjes po shkojnë edhe kartat e kreditit dhe bankomatet, të cilat “shumë shpejt” do të jenë vetëm një kujtim.


Radiot në makinë

Vështirë të gjenden edhe në këto kohë, ndërsa me telefonat inteligjentë në qarkullim, thuajse të gjitha kompanitë e prodhimit të automjeteve ndërtojnë një sistem të përshtatshëm për këta telefona, që përmbajnë muzikë, video, radio dhe GPS. Kur i ke të gjitha në një, pse të përdorësh radion tradicionale?


Çelsat

Gjithnjë e më shumë po përhapen dyert me kode kalimi, apo ato më të sofistikuarat me anë të retinës së syrit. Këto kanë një shtrirje të gjërë në vendet e zhvilluara. I vetmi problem i tyre është se si të hysh në shtëpinë tënde në rast të ikjes së energjisë elektrike?


Metri

Është përdorur për qindra vite me radhë nga ndërtuesit dhe fajtorë për zhdukjen e tij janë sërish telefonat inteligjentë dhe aplikacionet e shumta që ata ofrojnë, një ndër të cilët është edhe ai i matjes së distancave.


Kukullat

Nuk mund të themi se do të zhduken krejtësisht, por që do të shndërrohen në një masë të madhe të padobishme po, dhe kjo falë zëvendësimit nga gjenerata e re, ajo e kukullave 3D.


MP3

Është një ndër urat lidhëse mes një celulari të thjeshtë dhe një telefoni inteligjent. Me përhapjen e këtij të fundit, duket aq i padobishëm, sa kalimi i tij “në arkiv” thuajse ka ndodhur.


Bateritë alkalinë

Edhe në këtë sektor ka patur zhvillime me hapa gjigantë. Shumëkush ka nëpër telekomandat e televizorit të tij bateri të tilla. Këto njihen si bateri tradicionale të cilat përdoren e më pas hidhën. Ato po humbasin gjithnjë e më shumë konkurencën me bateritë e gjeneratës së re, ato të rikarikueshme.


Faksi

U shndërrua në simbol të komunikimit në vitet ’90. Por sot, skaneri, posta elektronike dhe aplikacionet e ndryshme në celular, po e zhdukin atë.


Rrjetet e telefonisë fikse

Fibrat optike dhe telefonat celularë nuk janë më një ëndërr, dhe këto prej vitesh kanë fituar terren me hapa marramendës ndaj telefonisë konservatore.


Video-kamerat dhe aparatet fotografikë për amatorë

Që prej hedhjes së telefonit të parë me fotokamera, tregu i këtyre të fundit është vazhdimisht në rënie. Ato tashmë u interesojnë vetëm profesionistëve, ndërsa njerëzit e thjeshtë mjaftohen me fotot e marra nga aparatet celulare, mes të cilëve ka nisur edhe gara se kush hedh në treg kamerën me cilësore.


Miu dixhital (mouse)

Ekranet me prekje dhe gjithë produktet e tjera, fillimisht të hedhura nga Apple, po nxjerrin gjithnjë e më shumë jashtë loje miun dixhital (mouse).


Karikuesit e baterive

Përse të karikosh telefonin apo cdo aparat tjetër duke shpenzuar kohë, ndërkohë që fare mirë këtë mund të bëjë vetë aparati, mjafton që të bjerë në konktakt me një objekt tjetër. Disa prej markave, kryesisht të telefonave celularë, kanë hedhur në treg produkte që vetëkarikohen në momentin që bien në kontakt me një trup tjetër, më të ngrohtë se ai. Aktualisht është ende në fazën fillestare, por për një kohë të shkurtër, nuk është cudi ta shohim të adoptohet botërisht.


Orët analoge dhe dixhitale

Orët janë të bukura, por të kufizuara me funksionet e tyre. Me hedhjen e smartwatch, do të duken gjithnjë e më arkaike e të lënë pas dore.

[Zero Cool]

Happier, rrjet social vetëm për njerëzit e lumtur





Facebook dhe Twitter janë rrjetet më të famshme sociale në të cilat njerëzit postojnë çdo gjë që pëlqejnë ose urrejnë, pa ndonjë filtrim të caktuar të përmbajtjes së shpërndarë përmes fotografive, tekstit dhe videove.


Por, çfarë nëse jeni duke kërkuar një vend të vetëm për ndarë dhe festuar momentet e vogla të lumturisë në jetë? Happier është një biznes i ri me bazë në Boston, i cili ka krijuar një rrjet të ngrohtë social që synon pikërisht këtë.

Happier është menduar të jetë një rrjet i veçant social për postimin e fotografive dhe statuseve për gjërat që i bëjnë njerëzit të jenë të lumtur.

Themeluesit e rrjetit social për përdoruesit e lumtur në internet, Happier, kanë thënë se asnjë moment lumturie nuk është i parëndësishëm, ndërsa faqja nuk lejon shpërndarjen e statuseve që krijojnë negativitet.