Distria Krasniqi, e artë në “Grand Slamin” Budapest

power8 · 23-10-20, 17:20

Xhudistja pejane ka shkëlqyer në “Grand Slamin” e Hungarisë, garuesit tjerë kosovarë u eliminuan herët

Distria Krasniqi i ka siguruar medalje të artë Kosovës.

Xhudistja pejane ka shkëlqyer në “Grand Slamin” e Hungarisë, i cili filloi sot.

Krasniqi ka dominuar në kategorinë 48 kilogramë, në garën që po mbahet në Budapest.

Rrethin e parë, Distria e kaloi pa luftë, ndërsa në atë të dytë ishte më e mirë se hungarezja Eva Csernoviczki.

Në rrethin e tretë, përkatësisht në çerekfinale, Krasniqi e mposhti francezen Shirine Boukli.

E në gjysmëfinale, “Disi” e mundi izraeliten Shira Rishony për ta siguruar kështu medaljen e argjendtë.

Ajo ishte në nivel edhe në finale, ku përballë e kishte argjentinasen Paula Pareto për ta fituar kështu të artën.

Garat e xhudos u rikthyen sot pas tetë muajsh pauze shkaku i pandemisë COVID-19.

Ndërkohë, garuesit tjerë të Kosovës, Nora Gjakova, Flaka Loxha e Shigeki Nakamura janë eliminuar sot herët nga kjo garë.

Nesër do të garojnë Akil Gjakova, Loriana Kuka dhe Laura Fazliu.

Kosova po përfaqësohet me 7 garues në Hungari.

Në këtë garë prestigjioze po marrin pjesë afro 500 garues nga rreth 70 shtete të botës.
---------
https://www.kosova-sot.info/sport/50...e-ne-budapest/
-----------------
Krenaria e Republikes se paster shqiptare te Kosoves.

power8 · 26-10-20, 11:53

Komentatori i IJF-së : Xhudistet e Kosovës janë të klasit botëror

Dy medalje ka fituar ekipi i Kosovës në xhudos në Grand Slamin e Budapestit, garë që shënon rikthimin e nivelit më të lartë të xhudos.

Distria Krasniqi të premten fitoi medalje të artë në kategorinë deri 48 kilogramë, ndërsa të dielën të bronztë fitoi Loriana Kuka në kategorinë deri 78 kilogramë. Të dyja kishin paraqitje të nivelit të lartë, ndërsa Lorianës i kushtoi një moment pakujdesie.

Vlerësimet për xhudistet kosovare nuk mungojnë asnjëherë. Nuk kanë munguar as të dielën. Komentatori i IJF-së, që është ekspert i xhudos, ka thënë disa fjalë për ekipin e Kosovës gjatë luftës së Lorianës, raporton KOHA.

Tere Republika e fuqishme e Kosoves eshte e klasit boteror.
------
https://njekomb.org/komentatori-i-ij...lasit-boteror/

power8 · 27-10-20, 11:21

Distria Krasniqi e bën krenare Republiken e Kosovën : Renditet e para në botë për kategorinë e saj

Distria Krasniqi ka fituar Medaljen e Artë në Grand Slamin e Budapestit në kategorinë deri në 48 kilogramë pasi mposhti argjentinasen, Paula Pareto.

Me këtë triumf, përveç medaljes dhe 1.000 pikëve olimpike, xhudistja kosovare ngjitet në vendin e parë në renditjen e përgjithshme.

Ajo tashmë është në vendin e parë me 6.765 pikë, duke lënë mbrapa ukrainasen Daria Bilodidin me rreth 500 pikë.
------------
https://njekomb.org/distria-krasniqi...egorine-e-saj/