Hyrja në epokën e re (problemet aktuale)

[4peace]

***

Hyrja në epokën e re

Të nderuar/a
Meqë edhe këtë shkrim do ta postoj pjesë-pjesë, në fillim duket se s’ka të bëjë me këtë rubrikë por, siç do ta shihni më vonë, pikërisht e ka vendin pikërisht këtu. Nëse dikujt i pengon – le ta shlyejë apo zhvendosë diku tjetër. Edhe ky shkrim ka karakter të njëjtë sikur shkrimi me titull „Kriza shpirtërore“ http://www.dardania.de/vb/upload/showthread.php?t=28869. Meqë as ky shkrim nuk ka qëllim debati, sepse edhe ashtu s’ka njerëz me të cilët mund të debatohet, nuk do të përgjigjem në asnjë replikë, me përjashtim të atyre që shtrojnë pytje për diçka që nuk e kanë të qartë. Natyrisht, unë s’kam mundësi t’ia ndaloj dikujt ndërhyrjet (shumica syresh nga motive të ulëta). Përndryshe, unë edhe ashtu nuk besoj se dikush ka aftësi të bëjë ndonjë kritikë, të sjellë kundërargumente… Kjo nuk d.t.th. se unë jam diçka i veçantë. I veçantë është shkrimi. Kush e kupton – mirë. Kush nuk e kupton – keq për të.
Fjala është për gjendjen aktuale në botë, edhe tek ne.

Falemnderit.

***




Kjo është një kohë shumë e vështirë për njerëzimin. Pjesa më e madhe e njërëzimit, para së gjithash në regjionet më pak të zhvilluara, në të ashtuquajturën Botë e Tretë, bën jetë jashtëzakonisht të vështirë. Natyrisht që edhe ne që jetojmë në vendet më të zhvilluara kemi probleme, probleme reale, por këto janë probleme që rëndom mund të zgjidhen shpejtë. Sipas Ekspertëve edhe problemet më të komplikuara, ato që e kanë prekur çdonjërin nga ne, kanë absolutikisht zgjidhje. Zgjidhet janë të kapshme për sejcilin nga ne – po ta dinim si dhe të vperonim në mënyrë gjegjëse.

...

[4peace]

***


Shumica e njerëzve e dijnë që jemi duke hyrë (apo kemi hyrë) në një epokë të re, në një cikël të ri kozmik, në Epokën e Ujorit. Kjo nuk është prognozë e koklavitur astrologjike që e kanë sajuar grupet e ashtuquajtura „New Age“ e të ngjashme, por një fakt i esëllt astronomik, të cilin mund ta vërtetoni në çdo observator (astronomik). Kjo mbështetet në lëvizjen e sistemit tonë diellor nëpër yllësitë e zodiakut. Një rrotullim zgjatë diku ndërmjet 25.000 deri 26.000 vite. Afërsisht për çdo 2150 vite dielli (ynë) hyn në një konstelacion (pozitë yjësishë), në një lidhje energjetike me njërën nga këto yllësi. Në bazë të kësaj renditjeje, në të cilën me atë rast gjindet pozita e diellit, e quajmë epokë.

...

[4peace]

***

Në dy mijë vitet e fundit kjo marrëdhenie ishte me yllësinë e Peshqve. Ne kemi qenë në Epokën e Peshqve, të cilën e kishte filluar Jezusi (Isa a.s.) më ardhjen e tij në Palestinë para dy mijë vitesh. (Shënimi dhe llogaritja e datave bëhet edhe sot kur përdorim shprehjet „viti kaq e kaq pas/para Erës sonë apo para Krishtit“ vër.4p) Të gjithë dishepujt e ngushtë të Jezusit e kanë ditur se caku i vërtetë i tij ka qenë drejtimi i Epokës së Peshqve dhe vënia në lëvizje e ideve dhe energjive, që do t’i shpiente njerëzit në krijimin e këtij civilizimi, të cilit tash po iu afrohet fundi. Ne jemi duke jetuar në fund të Civilizimit të Peshqve, në një periudhë shumë të vështirë kalimtare ndërmjet Epokës së Peshqve kah Epoka e Ujorit. Ikonografia e krishterimit të hershëm për simbol ka peshkun. Kjo shenjë (Peshqit) dominon kapitujt „Apostujve“ të Biblës. Ndër krishterët e hershëm ka qenë e njohur hyrja në Epokën e Peshqve, të cilën, ashtu të themi, e kanë përjetuar edhe ata vet. Prandaj, simboli i vjetër i kësajë yllësie ka qenë Peshku.


...

[4peace]

***


Epokës së Peshqve i ka ardhur fundi dhe tani ka filluar Epoka e Re. Energjitë e Peshqve kanë filluar të dobësohen dalëngadalë në vitin 1625, kurse, duke filluar nga viti 1675 kanë filluar të ndikojnë energjitë e Ujorit mbi planetin tonë. Tash afër 300 vite gjindemi në Epokën e Ujorit duke qenë çdo ditë e më shumë të hapur për pranimin e këtyre energjive, të cilat, në bazë të ndikimeve të veta dallohen qartë nga ato të Peshqve.



Ashtu siç kemi reaguar ndaj energjive të Peshqve, në këtë mënyrë kemi krijuar një botë ku gjithandej sundon përçarje – një botë e cila po zhduket me hapa të mëdhenj, përderisa këto energji po pakësohen, dielli po ikën nga fusha e ndikimit të Peshqve, nga kjo dhe po shemben intitucionet. Janë përforcuar, iu është marrë energjia dhe tani po shemben para syve tanë.


...

[4peace]

***

Për shumë njerëz kjo është jashtëzakonisht e dhimbshme sepse i bën të mos ndjehen të sigurtë. Çdo gjë që në jetën e tyre (numrin më të madh të tyre) ka qenë e shtrenjtë dhe e vlershme është duke iu rrëshqitur nga duart. Kanë ndjenjën që bota është kthyer së prapthi, se nuk kanë vend të vërtetë në të dhe se, siguritë politike e ekonomike, në të cilat janë mbështetur që nga fëmijëria, tanimë janë bërë të parëndësishme. Është vështirë t’i dallojnë institucionet si të atilla çfarë kishin qenë kur iu kishin besuar për aq shumë kohë.


...

[4peace]

***

Këta janë njerëzit të cilët cilësohen si forca konzervative e reaksionare.(Politikisht janë partitë e ashtuquajtura „me orientim të djathtë“/djathtistët). Mbahen fort për të vjetrën (kaluarën) dhe i rrezistojnë me gjithë fuqi kthesës (ndryshimeve), jo pse janë njerëz të ligj, por për arsye se janë të varuar nga e kaluara. Pjesëtarët e rinj të shoqërisë janë nga vet natyra më të hapur për pranimin e energjive të reja të Ujorit, të cilat (energji) janë duke u rritur për çdo ditë e më shumë. Momentalisht (viti 2001) energjitë e Peshqve dhe ato të Ujorit janë afërsisht të njëjta përnga fuqia – mu këtu dhe qëndron problemi ynë. Po të dominonte njëra nga to, atëherë edhe jeta do të kishte qenë më e thjeshtë (lehtë). Për shkak të barazisë së tensionit njerëzimi vihet para vendimeve me rëndësi. A të mbahemi fort pas udhëve të vjetra, egoiste e individualiste të së kaluarës, me gjithë egoizmin dhe nepsin që i përkasin asaj? Ose të kërkojmë udhë të reja për jetën tonë dhe në sjellje mes njëri-tjetrit, të cilat i përgjigjen më mirë cilësisë së energjive të Ujorit – që don të thotë sintezë? Për të rinjtë kjo është më e lehtë; por shumë më vështirë është për të vjetrit, veçanërisht atyre që mbajnë poste privilegjuese në shoqëri. Këta e çmojnë atë çfarë u ka ofruar jeta deri tani dhe kanë frikën për ta humbur atë. Prandaj dhe i rezistojnë çdo ndryshimi.

...