Eshtrat e Heroit Isa Boletini

[Zero Cool]

Eshtrat e Heroit Isa Boletini i dorëzohen komunës së Mitrovicës





Përfaqësuesit e institucioneve shtetërore të Republikës së Kosovës, kanë bërë për herë të parë homazhe pranë eshtrave të Heroit Kombëtarë, Isa Boletini dhe bashkëluftëtarëve të tij. Kjo është bërë e mundur me rastin e dorëzim-pranimit të eshtrave të Heroit Isa Boletini. Ai do të rivarroset më 28 nëntor të këtij viti, në fshatin e tij të lindjes.


Të enjten në Zhabar të Mitrovicës, Imami i kësaj komune, Mulla Asllan Murati, i cili i ka ruajtur deri tash, në prani të Zëvendësministrit të Kulturës, Rinisë dhe Sportit, Hajdin Abazi, ja ka dorëzuar kryetarit të Komunës, Avni Kastrai eshtrat e Heroit Isa Boletini, të bijve dhe bashkëluftëtarëve të tij.

Në këtë ngjarje morën pjesë edhe Prof. Dr. Pajazit Nushi, eksperti mjeko-ligjor, Arsim Gërxhaliu, intelektualë të njohur nga Prishtina, familjarë të Heroit Kombëtarë të Isa Boletinit dhe të bashkëluftëtarëve të tij.

Imami Murati, për herë të parë e bëri të ditur vendin se ku i kishte fshehur dhe ruajtur eshtrat e Heroit Isa Boletini dhe bashkëluftëtarëve të tij. “Ka ardhur koha që për eshtrat e Heroit Isa Boletini të përkujdesen institucionet, përkatësisht komuna e Mitrovicës. Sot në 95 vjetorin e vrasjes së Isës dhe bashkëluftëtarëve të tij në Ribnicë të Podgoricës dhe 13 vjetorit të mbërritjes së eshtrave të tij dhe bashkëluftëtarëve në Mitrovicë ndjej dhembje dhe krenari njëkohësisht për heroin Isa Boletini”, tha ai, pasi që arkivoli me eshtrat e Heroit Isa dhe bashkëluftëtarëve tij, u nxor nga toka, brenda një objekti ndihmës në oborrin e tij, ku i kishte fshehur që nga viti 2004.

Mulla Asllani ju tregoj të pranishmëve se iniciatori i parë për sjelljen e eshtrave të Isa Boletinit nga Podgorica në Mitrovicë ka qenë Prof. Pajazit Nushi, ndërkohë që kontribut të çmuar kanë dhënë ish Presidenti Ibrahim Rugova, Latif Berisha, Muhamet Shukriu, Remzi Murati dhe Fetah Hasani. Ai tha se eshtrat ishin varrosur asokohe në oborrin e xhamisë së Haxhi Veslit në Mitrovicë, prej nga pas lufte i ka zhvarros dhe rivarros në oborrin e shtëpisë së tij.

Zëvendësministri Hajdin Abazi, tha se kujdesi për eshtrat e Heroit Isa Boletini dhe ruajtja e tyre, është patriotizëm, ndërsa që sot e tutje Qeveria e Kosovës ka si prioritet përgatitjet për rivarrimin dinjitoz të eshtrave në Kompleksin memorial në kullën e tij në Boletin, për t’iu dhënë mundësi shqiptarëve që të nderojnë dhe respektojnë këtë figurë madhore të Kombit.

Ndërsa i pari i Mitrovicës, Avni Kastrati tha se Mulla Asllani meriton respekt të posaçëm për ruajtjen e eshtrave në kohë të vështira, andaj edhe në emër të të gjithëve e falënderoi për atë që ka bërë. Ai njoftoi se eshtrat e Isa Boletinit do të rivarrosen më 28 nëntor të këtij viti, në fshatin e tij të lindjes, me një ceremoni madhështore, nën përkujdesjen e Kryeministrit të Kosovës, duke shtuar se në ditët e ardhshme do të formohet Këshilli për rivarrim.

Eshtrat e Heroit Isa Boletini dhe bashkëluftëtarëve të tij, tani e tutje do të ruhen në ambientet e Kuvendit të Komunës, ndërkohë që atyre do tu bëhet analiza e ADN-së, për të mos lënë kurrfarë dyshimi.

[Zero Cool]

“Unë jam mirë kur ashtë mirë Shqipnia ”-Isa Boletini



Isa Boletini (1864-1916) Hero Kosovar, ishte një patriot i shquar shqiptar, strateg, udhëheqës ushtarak, vizionar dhe besimtar në pacifizmin e drejtë i cili luftoi për mbetjen e Kosovës brenda Shqipërisë. Isa u lind në Boletin, Albanik, emri i tijë i vërtetë ishte Isa Shala.Isa iu bashkua Lidhjes Shqipëtare të Prizerenit kur ai ishte vetem 17 vjeq, dhe luftoi në betejën e Slivovës kunder forcave Osmane.Më vonë, Boletini u bë një figurë madhështore e qëndresës shqiptare kundër Osmanëve, Serbisë dhe Malit të Zi.Gjatë viteve të fundit të shekullit 19, Boletini ishte antar i lëvizjeve shqiptare të cilat kerkonin bashkimin e katër vilajeteve Osmane(Kosova, Shkodra, Manastiri dhe Janina) në një shtet të pavarur shqiptar. Në vitin 1902, Boletini u dëbua në Stamboll nga Osmanët, ku ai qëndroni deri më 1906.Ai ishte deputet i kuvendit të Kosovës në Asamblenë Osmane mes viteve 1908-1912.Gjat kryengritjes popullore kundër Pushtuesit osman në vitin 1912, të cilët kishin ngulfatur të gjitha tokat e banuara me shqiptar, patriotet shqiptar vendosën të kriojnë një shtet të pavarur.Me 28 Nentor, 1912 në Vlorë (në përvjetorin e 469 të çlirimit të Krujës nga Skenderbeu, ku u ngrit flamuri shqiptar) Asamblea Kombetare Shqiptare krijoi shtetin e pavarur Shqiptar.Isa Boletini ishte udhëheqës i përfaqësuesve të Kosovës, të cilët unanimisht vendosen t'i bashkoheshin shtetit të ri. Isa Boletini kontriboi në mbrojtjen e qeverisë së Vlorës, kurse më vonë ishte pjesë e delegacionit shqiptar në Konferencën e Londrës (1913) së bashku me Ismail Qemalin, kreun e shtetit shqiptar.Delegacioni Shqiptar kërkoi që Kosova të mbetet brenda kufijëve të Shqipërisë, megjithatë Fuqitë e Mëdha pranuan vetem 1/3 e tokës së kërkuar. Gjatë Luftës së Parë Botërore, Boletini ishte i përfshirë në lëvizjen guerile Kaqak kundër Serbisë. Isa Boletini, së bashku me disa të tjerë e të afërmit e tij më të ngushtë, u vra nga forcat malazeze të udhëhequr nga Radomir Vešović, më 23 janar, 1916, në një përpjekje për të pushtuar qytetin malazez Podgoricën në prag të avancimit të ushtrisë Austro-Hungareze. Isa Boletini lidh jetën e tijë dhe të familjes së tijë me fatin e atdheut të tijë, për të cilin dashuria dhe besnikëria e tijë kujtohen me këto fjalë:" Unë jam mirë kur asht mirë Shqipnia".Ai shquhej për veshjen e tijë, ku gjithmonë mbante plis të bardhë dhe veshje kombëtare. Në vitin 2004, Ibrahim Rugova, President i Kosovës i dha atij urdhërin më të lartë "Hero i Kosovës" së bashku me Adem Jashari, Hasan Prishtina, si dhe Bajram Currin.

[Neferta]

Ne shenjë përkujtimi
23 janar 1916, Vritet në pritë Isë Boletini