New?

[doni]

Në Suedi organizohet Festivalin e Poezisë dhe i Muzikës Shqiptare për Skandinavi

Malme, 6 tetor - Rrethi i Shoqatave Shqiptare për ra

rajonin e Skones, në Suedi, edhe sivjet organizon Festivalin e Poezisë dhe të Muzikës Shqiptare për Skandinavi. Ky festival, që është i treti me radhë, sivjet do të mbahet më 22 nëntor në Kopenhagë nën patronatin e Qendrës Shqiptare për Kulturë dhe Sport.

Në këtë manifestim të rrallë të diasporës shqiptare, me punimet e veta origjinale dhe të pabotuara, do të prezentohen krijuesit letrarë dhe ata muzikorë që jetojnë e veprojnë në shtetet skanindave. Gjithashtu do të merr pjesë edhe një shkrimtar nga Kosova.

Organizatori dhe nikoqiri, për punimet më të suksesshme do të ndajnë shpërblime modeste. (R.R.)

[doni]

Presidenti i Kosovës Dr.Ibrahim Rugova priti sot në një takim miqësor e kulturor shkrimtarin e njohur Sabri Hamiti, me rastin e botimit të veprës së tij të plotë në 10 vëllime.

Ibrahim Rugova, vetë një kritik letrar në zë i Kosovës, e përgëzoi zotin Hamiti për daljen në dritë të kompletit të veprës së tij letrare, botuar nga shtëpia botuese "Faik Konica" e Prishtinës, dhe i uroi autorit edhe shumë vepra të tjera.

Me këtë rast Dr. Rugova çmoi lart punën tridhjetëvjeçare prej krijuesi e studiuesi letrar të Sabri Hamitit.

Përndryshe, Dr. Ibrahim Rugova ka shkruar parathënien e kompletit të veprës me titull "Përurimi i veprës së madhe të Sabri Hamitit", ku Rugova e quan Hamitin 'shkrimtar dhe burrë të madh shqiptar të Kosovës".

Në parathënie të veprës së Hamitit, Dr. Ibrahim Rugova thotë edhe këtë: "Sabri Hamiti i takon atij brezi të shkrimtarëve e intelektualëve të Kosovës të viteve '70 që mund të quhet "Qarku i Prishtinës" të Kryeqytetit të Kosovës, të Dardanisë antike, të cilët donin që vendin e tyre ta lidhin me botën perëndimore, të vendosnin popullin e vet atje ku e ka vendin përgjithmonë".

Shkrimtari Sabri Hamiti i dhuroi Rugovës kompletin e parë të veprës së sapodalë nga shtypi dhe e falënderoi atë për pritjen dhe vlerësimin e veprës së tij, duke e çmuar Dr. Rugovën si njërin ndër njohësit më të mirë të veprës së tij.

Kompleti i veprës së Sabri Hamitit përbëhet nga dy tërësi. Në pesë vëllimet e para përfshihet krijimtaria e tij imagjinative letrare (poezia, dramat, romani), ndërsa në pesë vëllimet e tjera shkrimet teorike, studimet, esetë kritike për letërsinë shqipe nga fillimet e saj deri në ditët e sotme.

Vepra e plotë e Sabri Hamitit do të promovohet solemnisht në Panairin Ndërkombëtar të Librit në Frankfurt, më 12 tetor 2002.