PyDyKy-ja e Hashim Pondla Rehabilitojnë monstrumin Enver Hoxha!

[Dilaver]

E dëgjuam fjalimin e kryetarit të PDKsë që po festonte përvjetorin; një fjalim që dukej krejt rutinor e që e paraqiste PDKnë si një “parti të profilizuar” dhe “parti të unitetit”.
Por, problemi i atij fjalimi mbi unitetin, ishte konteksti i tij i errët politik. Publiku ashiqare priste deklarimin e Hashim Thaçit për ose kundër nismës për rehabilitimin e Enver Hoxhës, të ndërmarrë nga disa prej figurave kryesore të PDK-së. Por, ai doli me fjalimin që donte të përçonte porosinë e qartë se PDK është parti që fuqinë e bazon
në unitetin e saj.
Çudi!
Me pak cinizëm, do të mund të shtroheshin pyetje të shumta lidhur me unitetin e proklamuar. Por, të gjitha ato do të mund të përmblidheshin në një të vetme. A është PDK unike sa i përket rehabilitimit të Enver Hoxhës?
Është?
Nuk është?
Nuk duan të deklarohen tash?
Jo, ata nuk mendojnë njëjtë , por do të deklarohen më vonë?
Ose, thjesht, duhet të mësohem ta shohim PDK-në si janë “parti ku nuk ka shkarkime”, siç tha vet Jakup Krasniqi.
Sepse në PDK enverizmi shihet si “njëra nga bindjet” dhe jo si një mohim esencial i vet pluralizmit, pra mohim vdekjeprurës i vet idesë së lirisë njerëzore dhe demokracisë?
Por, vargu i pyetjeve shumë lehtë mund të përfundojë jo më pyetjen nëse PDK është një parti enveriste ose jo, por në pyetjen nëse PDK është fare një parti, nëse ajo vërtet e sheh veten si parti?
Ajo sot vërtet duket më shumë se sa që mund të jetë një parti, duke qenë se aty, në kreun e saj si dhe në pushtetin e deleguar e që ajo ka nën kontroll, i gjen bashkë enveristët e titistët, rugovistët e demaçistët, postmodernistët e ruralistët, si dhe gjithçka tjetër që mund të pjell mendja shqiptare?
Por, nëse pretendohet se gjithçka që i duhet Kosovës politike është ose do të duhej duhet të jetë brenda vet PDK-së, atëherë përse na duhen parti tjera?
Përse na duhet pluralizmi?
Përse na duhet demokracia?
Por, ka edhe gjera tjera të këqija në këtë rrëfim.
Për shembull, ka ditë të tëra që tema e rehabilitimit të Enver Hoxhës komentohet nga gazetarë e opinionistë të ndryshëm, por ende nuk kemi parë as edhe një qëndrim të vetëm nga partitë tjera, qoftë nga LDK-ja e këtij koalicioni, qoftë nga opozita.
Por, edhe gazetaria, sikurse ajo e RTK-së në shtëpinë e Jakup Krasniqit, nuk është
“fushë me lule”. Për shembull, atë reportere e kanë gënjyer keq me idenë banale se “TV është fotografi” dhe se, rrjedhimisht, roli i saj i vetëm qenka që të dalë në “fotografi” dhe që, shkarazi, ta mbajë mikrofonin në dorë, dhe jo që të bëjë pyetje e pyetje e pyetje.

Thaçi: Deklarimi i Heshtjes
Unë thjesht nuk shoh tjetër që punës së rehabilitimt eventual të Enver Hoxhës mund t’i vërë kapak më mirë sesa Hashim Thaçi personalisht.

Pas aktit të mosdeklarimit të tij, nuk ka si të dihet me siguri se cili është qëndrimi i tij ndaj enverizmit. Por, ajo që mund të dihet me një siguri është se Hashim Thaçi thjesht nuk ka llogari të jetë pro-enverist i deklaruar- për shkak se kjo do ta largonte shumicën absolute të elektoratit që i ka dhënë besiminPDK-së së Hashim Thaçit. Po ashtu, një deklarim i tij pro-enverist patjetër që dota sfidonte mbështetjen euro- amerikane qëashiqare gëzon kjo qeveri.
Por, në këtë situatë, kalkulatori tregon se z.Thaçi po ashtu nuk ka llogari as që të demonstrojë hapur se nuk është një enverist.
Në rast të deklarimit të tillë anti-enverist, me gjasë do të nxiste ndoshta gjysmën e kreut partiak kundër vetes. Ky ballafaqim, patjetërse do ta destabilizonte partinë që supozohetse duhet të fokusohet e tëra në udhëheqjenstabile të Kosovës në këtë fazë kritike.
Dua të them se Heshtja e Thaçit, bashkë me buzëqeshjet triumfale të “shokëve” të partisë së tij, paraqesin minimumin konsensual që vazhdon ta mbajë PDK-në në këmbë.
Dhe, ndonëse Heshtja e Thaçit mund te ketë efekte pozitive për stabilitetin aktual të partisë, qysh tash mund të mendohet se kjo çështje nuk ka gjasa të përfundojë me Heshtje.
Po qe se ndërkohë PDK nuk do të vendosë kontroll totale në mediat e mëdha, pyetja e parë për debatet e ardhshme zgjedhore, për të gjithë kandidatët dhe përfaqësuesit e PDK-së, do të duhej të ishte: “Çfarë mendoni për Enver Hoxhën?”.
Por, përgjigjen e vërtetë nuk duhet kërkuar nga Jakup Krasniqi ose nga Hydajet Hyseni e të ngjashmit, dhe e as në justifikimet e cekëta me motivimet psikologjike të bindjeve tyre.Përgjigja e vërtet do të vijë nga elektorati!
Ndërkohë, nuk është e parëndësishme të konstatohet se përpjekja e këtilla arrogante për rehabilitimin e Enver Hoxhës, nuk vjen rastësisht mu në kohën e fuqisë thuajse te pakontrollueshme të PDK-së, dhe jo në momente të vështira për PDK, sikur në vitin 2001 ta zëmë.
Ky këndvështrim e kthen gjithë temën e rehabilitimit të Enver Hoxhës si një akt të diversion politik kundër Thaçit, brenda vet PDK-së.
Por, çfarë mund të jenë synimet e “shokëve” që e vlerësojnë Thaçin si të panevojshëm e të tejkaluar për misionin e tyre?
Nuk mund ta di!
Ajo që e di me një siguri më të madhe është se fuqia aktuale e PDK-së është e pandashme nga figura e Hashim Thaçit. Dhe, besoj se ai aktualisht gjendet para edhe një sfide të rëndë personale, kur nuk ka situata “win-win” dhe kur i duhet të humbë diçka, në mënyrë që të fitojë diçka tjetër,
Tash, zgjedhja është e tij!
Që nga Rambuje e deri më 17 Shkurt, në asnjë rast, vendimet e Hashim Thaçit nuk mund të vendoseshin brenda skemave të perceptimeve pasionante. Prandaj , për vete nuk e shoh shumë të çuditshme pse ai, edhe tash, me rastin e daljes në skenë të vampirëve të Enver Hoxhës, disi sërish lejon te mendohet se edhe ai vetë “ndoshta është, ndoshta nuk është... ”. Por, një vazhdim i gjatë i sorollatjes së kësaj “Dileme që endet nëpër Kosovë...”, me siguri që do të mjaftojë që njerëzit të nisin të kërkojnë dhe të krijojnë rrugë më të sigurta drejt asaj që është Fati i Mirë i Kosovës dhe i Shqipërisë: SHBA, NATO dhe Bashkimi Evropian!
Do të bëhet e jona, dhe jo e tyrja!

Mufail Limani

[Veterani]

Fol, guxo, mos ke frig se gabon

Ai që i ka kaluar vetëm tre ditë në Shqiprin nënë, shumë shpejt do të dinte të jepte një përgjegjie. Të shkurtë, të qartë, e pa u friguar në mos do të gabonte në vlerësimin e historis së gjysmë shekullit, dhe Diktatorit Enver Hoxha.

Vetëm fakti që bëri aleanca ehde me dreqin po u desh, e jo me ata që për të satën herë shpëtuan shqiptarin, na e shpjegon tërë marifetin e tijë.

Nga ana tjetër këta "burra" që tashmë kanë Shtetin në dorë, nuk do të mund ti ikin edhe aq gjatë (më së largu deri në zgjedhjet e ardhshme),Asaj se çfar mendoni për Enver Hoxhen.

Jakup Krasniqi& Co (Historian) duket ta kenë mësuar historin vetëm nga librat e regjimit komunist. Pa patur ndonjë herë (e as tash) asnjë më të voglën dëshirë ti shohin gjërat ashtu siq ishin.

Familje të tëra të dënuara, e përgjatë vitëve.
Një Shqipëri të varfër, e të mjeruar.
Një Kosove të harruar ( besa edhe të shitur)
Dhe dhe dhe. . .

[Dani11]

Enver Hoxhen do ta pershkruaja vetem me nje fjale: DIKTATOR dhe asgje tjeter nuk ia vlen te flitet per te.Ai perdori diktaturen qe te ishte ne pushtet si ne kohen e faraoneve, ndoshta do te ishte me mire te quhej Faraoni Enver Hoxha.

[Arb]

I madhi Rugova tha nje fjali per keta zagaret cetnike eneveriste, u tha "dore e zgjatur e Shkinise." Rrnoj sa rrnoj e shkoj, edhe kurre nuk i ra pishman per ate qe pat thene. E ka dite se kush jane keta zagare qe kane vrare Shqiptare qe nga vitet e para te LDB e kendej...

[Veterani]

ZOGJ TË QYQES, LERINI ZOGJTË E SHQIPONJËS TË FLUTUROJNË

Nga Ramiz Lushaj

1.

Klisyra, një fshat i vogël përgjatë Luginës së bukur të Valbonës mbartën ndër shekuj një legjendë të dhimbshme: Thuhet se aty Ajkuna e ka varrosur djalin e saj, Omerin, dhe në ligjërimin e Ciklit të Kreshnikëve njihet mallkimi i saj prej Nane: “K’tu Qyqja kurr’ mos k’noftë”...!
Nuk e kam jetuar kohëlindjen e kësaj legjende dhe nuk e di nëse aty ku ma kanë tregue asht vërtetë “Varri i Omerit”, por e kam përjetue realisht faktin se në këtë luginë të gjelbrueme e të kaltrueme, me orkestrime zogjsh gjithëfarësh, kurrë nuk ndigjohet kukama vajtuese e Qyqes së vetmuar.
Më 31 maj të vitit 1970, ish Lideri Komunist, Enver Hoxha, iu ngjitë kësaj lugine mrekulli hyjnore dhe, pikërisht në një nga gurët kilometrikë të kësaj zone pa kukamen e Qyqes, mblodhi një tufë me lule të bukura për t’ia çuar dhuratë sa më të freskëta Nexhmijes së tij me elikopter të posaçëm në Tiranë. Vetëm për atë tufë lulesh, për t’i shkuar në dorë të freskta Nexhmijes,çka, menjëherë, masmedia e asaj kohe e publikoi e interpretoi me pathos si veçanti e ditës...
Mirëpo askush nuk foli për një fakt tjetër: ajo tufë lulesh, e dërgueme me aq bujë në eter e nisur me shpejtësi për në “Bllokun e Udhëheqjes”, nuk qëndroi as në vazo me ujë dhe as në album të posaçëm, pamvarësisht nga përkushtimi i lartë e përdorimi i solucioneve të ndryshme.
Ato u vyshkën menjëherë. U thanë përgjithmonë. Ashtu, të thara, mbetën për vite të tana në albumin e familjes Hoxha, në Vilën 31.
Kjo ndodhi reale ka shpjegimin e vet:
Enver Hoxha, si “KU-KU”, ishte vetë një Zog ritual Qyqeje, që Qyqja e Moskës e kishte rritur si “Vemje-pjellë të Veten” në Folenë e Shqiponjës me Dy Krena, para e pas 8 Nëntorit 1941...
Mallkimi i Ajkunës legjendare dhe i mijëra nanave shqiptare i kishte ra mbi krye aqsa as tufa e “luleve të tij “ propogandistike nuk e ruante njomështinë e freskinë e tokës epike shqiptare.
“Kukuja” Enver ishte pjellë e Qyqes Komuniste Bolshevike, njësoj, si ato “Kukujat” e tjera simotra, në Kremlin, në Kubë, në Korenë e Veriut...

[jane]

Postimi origjinal është bërë nga Arb

I madhi Rugova tha nje fjali per keta zagaret cetnike eneveriste, u tha "dore e zgjatur e Shkinise." Rrnoj sa rrnoj e shkoj, edhe kurre nuk i ra pishman per ate qe pat thene. E ka dite se kush jane keta zagare qe kane vrare Shqiptare qe nga vitet e para te LDB e kendej...

eeh po bash per kete fjali, gjithe qytetaret e prishtines po i hudhin plehrat mbi varrin e rugovs. çka te mbjellesh korr thot populli.

[Veterani]

2.

Kukuja Enver, në të dalë të zonës së ndaluar hyjnisht për kukama qyqesh, u ulë “kambëkryq” në një rudinë të vogël, sepse i thanë që nuk mundesh me shkue për në fshatin-perandor të bukurive alpine, në Valbonë, pasi “rrugën e ka nxanë një ortek i madh bore”.
Kukuja u kthye pjetëposhtë luginës së kaltër të Valbonës e Shkëlzenit të bardhë derisa e ndali ecjen e vet, tek “Zonja e Zezë”, Nexhmije, në “shtetin brenda shtetit”, në Bllokun e Udhëheqjes.
Në vitet ’90, ai ortek i madh u ba realitet...
Djemtë e Malësisë së Mirë, të Tropojës, Kreshnikët e Demokracisë, Zogj Shqiponja të Kohës, Prof. Dr. Sali Berisha e Azem Hajdari, me qindra e mijëra të tjerë nga Vendlindja e Tyre dhe e gjithë Shqipëria, duke tejkaluar legjendat më të hershme e përshpejtuar ëndrrat më të guximshme, u kthyen në një ortek madhështor për përmbysjen e regjimit të kuq të “KU-KU”-ve, pjella bolshevike e import-skaduara, Enver Hoxha e Ramiz Alia dhe të zogjëve-qyqe të komunizmit në Byronë Politike të KQ të PPSH në Tiranë e nëpër rrethe...


3.

Zogjtë e Qyqes të mbetur dhe ata të vdekur nisën të thërrisnin kukamen e tyre të vdekjes mbi kokën e dejet e Demokracisë së Re Shqiptare, mbi zogjtë e Shqiponjës Shqiptare.
Zogjtë e Qyqes, me kukamat e tyre, jo vetëm e plagosën rëndë në Parlament, por edhe e vranë para derës së Partisë Demokratike, Liderin e Dhjetorit, Heroin e Demokracisë, Legjenden e Re, Azem Hajdari.
Zogjtë e Qyqes, me kukamat e tyre të zeza si vetwvetja, nuk kanë pushuar, që nga vrasjet në kufi e në Demonstratën e Shkodres ndaj Arben Brocit, me rebelimin e ’97-tës, me sulmet biologjike ndaj Dr. Berishës, me kuku-të “orekstrale” në Parlament kundër Jozefina Topallit dhe, tani së fundit, kundër Ministrit të Jashtëm, Lulzim Basha...
Kukama e zogjëve të Qyqes nuk po pushon kundër Rrugës Kombëtare e Ndërkombëtare Durrës-Prishtinë, sepse është edhe një arsye më shumë për t’ua shuar zërin e tyre kobndjellës ndaj Ardhmërisë Shqiptare e Triumfit të Demokracisë Shqiptare.

[Veterani]

4.
Zogjtë e Qyqes kurrë nuk i kanë pushue kuku-të e tyre ndaj Prof. Dr. Sali Berishës, as kur ishte në ballë të Lëvizjes Demokratike e Kryetar i të parës Parti Opozitare, (PDSH), as kur u zgjodh President i Republikës, as kur ishte në Opozitë dhe as sot që është Kryeministër...
Kuku-të vemje të komunizmit bolshevik nuk mund ta pranojnë e për ma tepër ta lejojnë që, Sali Berisha, një Zog flatrahapur i Shqipes Shqiptare, i shenjtëruar si Njeri e Lider, si mali i Shenjtë i Shkelzenit qëndrestar, të ketë përkrahë një shoqe jete e bashkëpunëtore të afërt e besnike, Zonjën Liri Berisha, të respektuar deri në adhurim, të pastër si Valbona burimnisur nga bjeshkët e saj shqiptare të Vuthajve epik. Ndodh rrallë si këta të dy, që së bashku, përjetsisht së bashku, të formojnë në mënyrë ideale e jetësore një Shqiponjë me Dy Krena.

Ky fakt i irriton zogjtë e Qyqes, por kanë nisur kukamen e tyre edhe për një tjetër arsye: Në folenë e tyre të shenjtë, Shqiponja me Dy Krena, Shqiponja Berisha, kanë rritur zogj shqiponjë të vërtetë: një Argitë të artë e me emër ilirian dhe një Shkëlzen, që shkëlqen e me emër mali të shenjtë të Vendlindjes.
Zogjtë e Qyqes duan t’ua ndalin fluturimin e tyre sfidant bashkëkohorë në udhën traditore të prindërve dhe në hapësirat e kohës.
Kukutë e zeza lëshojnë kukamat e tyre kundër një femre shqiptare sfinks e sfidante, jo vetëm për faktin që është vajza dinjitoze e Kryeministrit të Vendit, por edhe për faktin tjetër se, Argita Malltezi, po të ishte Kryeministre e Shqipërisë, do t’ia kalonte edhe Prof. Dr. Sali Berishës.


5.

Zogjtë e Qyqes, të rritura si vemje të Lindjes Komuniste, të Kremlinit të kuq, të rritura aksidentalisht e fatëkeqsisht në folenë e Shqipeve, nuk e duan Përendimin.
Këta zogj të Qyqes, ndonëse të vetmuar e të zinj si nata dhe epoka e tyre komuniste, duan që Lindja Komuniste të lindë dhe Perëndimi të perëndojë në Tokën e Shqipeve.
Ndaj kanë lëshuar kukamet e tyre ndjellakeqe ndaj gjithë atyre Zogjë të Shqipes, që janë shkolluar e punuar në Perëndim dhe janë rikthyer në folenë e vet, në Vendin e Vet për të dhënë kontributet e tyre, për përshpejtimin e hapave e ritmeve shqiptare drejt Perëndimit, drejt strukturave Euro-Atlantike.
Ndaj, zogjtë e Qyqes, e kanë sulmuar dhe e sulmojnë Familjen Mbretërore, Mbretin Leka e Naltësinë e Tij, Princin Leka, duke ua mohuar e ndaluar për dekada rikthimin në Atdheun e Tyre dhe tani që po japin kontribute pas rikthimit në folenë e Shqipeve nuk iu ndahen kukamat e tyre të zeza...
Ndaj e sulmojnë Ministrin e Jashtëm, Lulzim Basha, që vjen nga Hollanda e UNMIK-u në Kosovë e vendosë gurë kilometrikë në autostradat e bashkimit dhe të integrimit mbarëshqiptar drejt Perëndimit.
Vetëm zogjtë e Qyqes mund të bëjnë një kukamë kaq të madhe e të pashembulltë ndaj Edith Harxhit, një femre shqiptare me vlera dinjitoze, që ka studiuar në Mbretërinë e Bashkuar, punuar edhe në UNMIK në Kosovë e jep kontributin e saj si “Princeshë” për të kurorozuar ëndrrat e saj e të miliona shqiptarëve drejt së ardhmes Euro-Atlantike.
Prandaj zogjtë e Qyqes lëshojnë kukamen e tyre mbi Ministrin e sotëm të Turizmit, Kulturës, Rinisë e Sporteve, Ylli Pangos, me shpirt e kualifikime në Perëndim, duke synuar, edhe vite më parë, t’ia merrnin edhe jetën tek dera e shtëpisë së tij.

Unë flas për disa zogj të Shqipes, që kanë studiuar e punuar jashtë Shqipërisë dhe rikthehen e japin kontribute në Vendin e Vet, por janë me dhjetra, qindra e mijëra dhe, nesër, qofshin edhe miliona në të gjitha Trevat Shqiptare. Dhe ky numër, me besim të lartë tek Zoti e Demokracia, tek potencialet e talentet shqiptare, patjetër do të rritet, sepse Qeveria Demokratike Shqiptare po i stimulon në pagë, me vende pune e me vlerësime në ecuri kohore.

[Veterani]

6.


Zogjtë e Qyqes erdhën si vemje të Kremlinit të kuq dhe nga ’41-shi tek ’91-shi u shtuan aq shumë, saqë e krijuan “shtetin e tyre”, Bllokun e Udhëheqjes brenda kufinjëve të Shtetit Shqiptar, krijuan “Shtetin e të Deklasuarëve” me kufinj politik brenda Shtetit Shqiptar, krijuan kufinj ideologjik me “Shtetin e të Emigruarëve” jashtë Shqipërisë, krijuan “Shtetin e Rrethuar me Klon me gjëmba e me piramidat me inicialet RPSSH” për të mos komunikuar me Trevat e tjera Shqiptare në Kosovë, Maqedoni, Malin e Zi, Greqi, Luginën e Preshevës dhe Krahinën e Sanxhakut.

Demokracia Shqiptare i shëmbi këto “mure shtetesh” të krijuara nga zogjtë e Qyqes dhe Zogjtë e Shqipes nisën dhe po vazhdojnë ndertimin e të Ardhmes së vet.
Me mijëra shqiptarë në këto dy dekada shkuan si emigrantë e me studime në vende të tjera të Perëndimit dhe, qindra prej tyre, (nesër edhe me mijëra, qofshin edhe miliona), u rikthyen zi Zogj të Shqipes në folenë e vet, në vendin e vet, me diploma universitare e pasuniversitare, me tituj e grada shkencore, me çmime ndërkombëtare...
Këta duan të fluturojnë si Zogj të Shqipes, bashkë me Vendin e Shqipeve, drejt Integrimeve Euro-Atlantike, drejt Ardhmërisë Mbarëkombëtare Shqiptare.
Zogj të Qyqes, lerini Zogjtë e Shqiponjës të fluturojnë Lartësive Shqiptare, drejt Perëndimit...



RAMIZ LUSHAJ

Marrë nga Tribuna Shqiptare.Albemigrant
http://tribunashqiptare.albemigrant....ullnews&id=407

[Anthrax]

Postimi origjinal është bërë nga Arb

I madhi Rugova tha nje fjali per keta zagaret cetnike eneveriste, u tha "dore e zgjatur e Shkinise." Rrnoj sa rrnoj e shkoj, edhe kurre nuk i ra pishman per ate qe pat thene. E ka dite se kush jane keta zagare qe kane vrare Shqiptare qe nga vitet e para te LDB e kendej...

...po qaq ka pas ftyr ai , nuk u prit naj fjal e meqme prejt tij .

thot nji fjal e popullit - sa din, qaq Fol -

[GURI SYLAJ]

Per te gjithe keta une kam vetem nje ngushllim;
Ju shnosh per "vellain" e fundit te E.Hoxhes !!!

[sherri]

Postimi origjinal është bërë nga Anthrax

...po qaq ka pas ftyr ai , nuk u prit naj fjal e meqme prejt tij .

thot nji fjal e popullit - sa din, qaq Fol -

Shume po t'u pershtatka kjo fjale e Popullit.

[jonuzi]

Postimi origjinal është bërë nga jane

eeh po bash per kete fjali, gjithe qytetaret e prishtines po i hudhin plehrat mbi varrin e rugovs. çka te mbjellesh korr thot populli.

shiko ti JANE

Eshte shume e vertet se titistat dhe enveristat vazhdojne te jetojne dhe te diktojne ne jeten politike te Kosoves, ata jane plehrat e vertet qe jetojne ne Kosove sot, kultura e tyre shkon ne aq cinizem sa shkojne dhe hudhin plehra mbi varrin e nje njeriu per te cilin mbar bota ka rrespekt per te. Enveristat (komunistat) jane ata qe na kane lane ne kete dite, mjer ata qe ende mbajne librezar e kesaj partie, eshte turp me i madh per nje shqiptar te sillet si nje enverist. tere bota demokratike i denon krimet e komunizmit, kurse dikush ende i justifikon, i legjitimon krimet makabre, ..... qfare te mire i solli enver hoxha shqiprise dhe shqiptareve, le te me thot vetem nje te mire dikush, ne kohen kur shiptaret shtypeshin nga pushtuesit serb ne jugosllavi, ne greqi, ne Shqipri Enver hoxha shtypte popullin e vete, vriste, varferonte kete popull, kurse shqiptaret gjithandej Jugasllavise e Greqise i kishte lene te vuanin okupimin....., JANE demokracia qe kemi fituar me flijimin e popullit te thjesht, nuk guxon te perdhunohet nga enverista, komunista dhe bandit te llojit te vet

[Oqeani]

Habitem me njrez te tille, keni pase drejten e votes, pse u lejuan gjera te tilla !!!! Votoni - zgjidhni !!!

PSe lejoni gjra te tilla ne jete, kur jan votat njerzit thone , nuk me intereson mua !!!

[Urata]

Postimi origjinal është bërë nga Oqeani

Habitem me njrez te tille, keni pase drejten e votes, pse u lejuan gjera te tilla !!!! Votoni - zgjidhni !!!

PSe lejoni gjra te tilla ne jete, kur jan votat njerzit thone , nuk me intereson mua !!!

qy,qyyyyyyyyyyyyyyyyy...
ore shoqi, tregom allahile ku e blen buken ...?
Kot votohej, e kot drejtohej ...
vendimet ishin te marra me larte dhe large!!!!

sa lehte behet
Abstrakcioni i çdo gjeje kur ke/je fuqi!!!


mos u tall me popullin e shkrete!