Ndodh edhe kjo:12 fansa të Jackson bëjnë vetëvrasje

[Jana]

Fansat fanatikë të Michael Jacksonit janë goditur shumë nga vdekja e Mbretit të muzikës pop, kështu që mësohet se së paku 12 prej tyre kanë bërë vetëvrasje.

Legjenda botërore e muzikës ndërroi jetë të enjten pas një arresti kardiak, ndërsa miliona fansa anembanë botës janë duke mbajtur zi për humbjen e yllit të tyre.

Sipas themeluesit të faqes MJJcommunity.com, Gary Taylor, disa prej tyre e kanë pasur të vështirë ta pranojnë vdekjen e Jackson dhe i kanë dhënë fund jetës së tyre.

“E di se është rritur numri i të vdekurve, tani shifra është 12. Është një situatë shumë serioze në përjetimet e këtyre njerëzve, mirëpo Michael Jacksoni nuk e ka dashur një gjë të tillë. Ai do të dëshironte që ata të jetojnë”, ka thënë Taylor.