Kronika e zeze

[Zero Cool]

Një person plagos me armë zjarri gruan e vet dhe mikun


Një person rreth 41 vjeçar nga fshati Jagodë e Klinës ka plagosur me armë zjarri gruan e vet dhe mikun për motive deri tash të panjohura.





10 shtator 2011
Rasti konfirmohet nga policia dhe ka ndodhur të premten në mbrëmje rreth orës 18:30 min. Zëdhënësi rajonal i Policisë Zeqir Kelmendi, thotë se policia e Stacionit Policor në Klinë, nga Shtëpia e Shëndetit e këtij qyteti, ka pranuar informatën, se dy persona janë pranuar për tretman mjekësor të plagosur më armë të zjarrit. Sipas hetimeve të para dyshohet, i dyshuari Shqiptar rreth 41 vjeçar nga fshati Jagodë e Klinës ka plagosur me armë te zjarrit (pistoletë) bashkëshorten e tij Shqiptare, rreth moshës 38 vjeçare dhe mikun e ti shqiptar rreth 49 vjeçar nga fshati Radulloc-Klinë. Motivi i ngjarjes tani për tani është i panjohur. Rasti ka ndodhur ne shtëpinë e te dyshuarit ne fshatin Jagod. Viktimat e rastit pas ndihmës mjekësore te ofruar ne shtëpinë e shëndetit janë dërguar në Spitalin e Pejës për tretman mjekësor. I dyshuari është arrestuar dhe arma e cila dyshohet te jetë përdor është konfiskuar, Rasti është nen hetime. Policia e ka cilësuar rastin si vrasje në tentative.

[Zero Cool]

Profesori qëllohet nga ish-nxënësi


Profesori i matematikës në gjimnazin“Bedri Pejani” të Pejës, Xhemail Xheremeti, të premten është sulmuar fizikisht dhe është kërcënuar nga dy persona në hyrje të oborrit të shkollës.





09 shtator 2011
Derisa po zbriste nga makina në parkingun pranë shkollës, profesori është sulmuar, por edhe është kërcënuar me pistoletë. Policia e Pejës ka thënë se profesori i shkollës ka qenë në veturën e tij personale kur papritmas iu ka afruar një person, i cili e ka goditur me grusht në fytyrë përmes dritares se hapur si dhe e ka kërcënuar me armë të zjarrit pistoletë dhe pastaj është larguar në drejtim të panjohur, shkruan "Zëri".

Zëdhënësi i policisë së Pejës Zeqir Kelmendi ka thënë se policia është duke zhvilluar hetimet intensive për identifikimin dhe arrestimin e të dyshuarit. Kolegë të profesorit nga kolektivi i shkollës e kanë identifikuar atë si një ish- nxënës së kësaj shkolle, të cilit, siç thuhet, tre vjet më parë profesori Sheremet i kishte lënë notë të dobët.

Drejtori i gjimnazit, Musa Nikçi, thotë se pas kësaj stafi i shkollës ka shprehur solidaritetin me kolegun e tyre të sulmuar dhe nuk kanë mbajtur mësim gjatë ditës.

Pasi e rrahu ish-nxënësi, profesori jep dorëheqje

Katër ditë pasi që është rrahur nga një ish- nxënës, profesori i Gjimnazit “Bedri Pejani”, Xhemail Sheremeti e ka lënë ditarin. Ky profesor i lëndës së Matematikës, i vlerësuar nga kolegët e tij si mësimdhënës i mirë dhe me kritere të njëjta për të gjithë nxënësit, e ka bërë publike largimin nga procesi mësimor, duke firmosur edhe një deklaratë, të cilën ia ka dorëzuar drejtorisë së shkollës.
Më 9 shtator një ish- nxënës i pandërgjegjshëm e ka sulmuar fizikisht dhe kërcënuar me armë profesorin Sheremeti, derisa ky i fundit ishte rrugës për të shkuar në shkollë.
I prekur thellë për incidentin që i ka ndodhur, ndonëse jashtë shkollës dhe jashtë oborrit të saj, profesor Xhemail Sheremeti i ka dërguar një shkresë drejtorit të shkollës, ku jep arsyetimet që e kanë detyruar të japë dorëheqje.
“Kam vendosur të japë dorëheqje, pasi nuk dua të punoj një kohë që të shoh se si po rrjedhin gjërat”, ka thënë profesori në shkresën e tij.

[Zero Cool]

Vritet kosovari në Sarajevë

Policia e Sarajevës ka njoftuar se sot rreth orës 06:00, në rrugën “Kolodvorska” në Sarajevë, është gjetur i lënduar rëndë, Bajram Krasniqi nga Peja. Krasniqi sipas Policisë ishte bartur për në spital, mirëpo ai vdiq rreth orës 10:25, pasi nuk i përballoi plagët e rënda në kokë.





14 shtator 2011
idhur me këtë rast janë arrestuar dy persona si të dyshuar për rastin, Nuredin Krasniqi (1989) dhe B.K. (1996) nga Sarajeva. Sipas informatave jozyrtare, të dyshuarit kanë goditur Bajram Krasniqin me mjete të rënda në kokë. Hetimet po vazhdojnë

Sipas medieve boshnjake, Krasniqi ka lindur në Pejë, dhe ishte me banim në Sarajevë. (Indeksonline)

[Zero Cool]

Vetëvritet duke kërcyer nga kati i pestë



Nga Express më 17 shtator 2011 në ora 18:41
Të shtunën rreth orës 17:00 ka ndodhur një rast i vetëvrasjes në lagjen “Tjegullorja” në Mitrovicë.

Dëshmitarët okularë kanë bërë të ditur të kenë parë një trup të pajetë, i cili dyshohet se ka kërcyer nga kati i pestë i një ndërtese të kësaj lagje.

Vdekjen e viktimës e ka konfirmuar mjekët e repartit të urgjencës në Mitrovicë.

Rasti është konfirmuar edhe nga policia. Sipas zëdhënësit të policisë në Mitrovicë, Besim Hoti, viktima është rreth 40-vjeçar, ndërsa në lidhje me rastin ka përjashtuar çdo mundësi të kryerjes së veprës penale.

[Zero Cool]

Vrasje në qendër të Pejës


Kushtrim Isufaj nga fshati Radavc, është vrarë të hënën në mesditë në qendër të Pejës, mbi trotuar në udhëkryqin mes objektit të komunës, postës dhe Hotel Dukagjinit, ndërsa një kalimtar rasti është plagosur para hyrjes së postës.






19 shtator 2011
. Vrasja ka ndodhur para orës 13:00, kur disa persona për motive ende të panjohura kanë shtënë me armë zjarri në drejtim të viktimës, duke e plagosur atë rëndë në gjoks dhe pastaj janë larguar duke vrapuar nga vendi i krimit.

I përgjakur mbi tërë trupin, ai është dërguar me një taksi në Spitalin e Pejës, ku përkundër përpjekjeve të mjekëve që ta shpëtojnë, siç konfirmoi për KosovaLive, drejtori i spitalit Skënder Dreshaj, ai ka vdekur pas gjysmë ore, transmeton Koha.

Zëdhënësi i policisë rajonale të Pejës, Xhevat Ibraj, e konfirmoi vrasjen dhe shtoi se janë identifikuar disa persona të dyshuar dhe janë në kërkim të tyre për t'i kapur.

Edhe për motivin, siç tha ai, policia ka disa njohuri, por nuk tregoi se cili është për shkak të hetimeve që janë në zhvillim.

Në kohën kur është kryer kjo vrasje, të dy anët e rrugës në qendër të qytetit kanë qenë përlotë nxënës që shkoni apo vinin nga shkolla.

Ka qenë një fat i madh që nga gjitha ata plumba të shkrepur nuk ka pësuar askush tjetër nga kalimtarët e rastit, përveç një shtetasi të Shqipërisë, A. P., i cili i veshur në rroba pune kanë qenë duke qarkulluar me biçikletë kur e ka goditur një plumb në këmbë.

Ai është rrëzuar para postës kryesore kur është goditur dhe në vendin e ngjarjes i ka mbetur biçikleta dhe disa dokumente personale, në mesin e tyre edhe një fletëpagesë e bërë në një kompani për internet dhe TV kabllorë.

Sipas drejtorit të spitalit, ky ka pësuar lëndime më të lehta dhe është jashtë rrezikut për jetë.

[Zero Cool]

Arrestohen vrasësit e Kreshnikut


Në qendër të Pejës, e në pikë të ditës, dy grupe të rinjsh kanë shkëmbyer breshëri plumbash mes veti. Asnjëri prej tyre nuk u lëndua. Por plumbat ranë mbi Kreshnik Isufajn, një kalimtar i rastit. Njëzetenjë vjeçari vdiq, e një tjetër person i pafajshëm u plagos rëndë. Policia dyshon se vrasja u krye nga Fisnik Gashi.





Nga Nexhmije Ahmeti më 20 shtator 2011 në ora 08:36
(E plotësuar) Hetuesit e Njësitit Hetimeve Rajonale për Krime Serioze në bashkëpunim më hetuesit e Stacionit Policor të Pejës kanë zhvilluar aktivitete intensive operativo-hetimore, duke mbledhur informata në terren dhe duke bashkëpunuar ngushtë me qytetarë të Pejës, kanë arritur që të arrestojnë të dyshuarit e në vrasjen e Kreshnik Isufajt.

Policia ka arritur që të lokalizojnë vendstrehimin e të dyshuarve në fshatin Shkrel të Rugovës në një stan dhe më datën 20.09.2011 rreth orës 01:00 janë arrestuar personat e dyshimtë shtetasit Kosovar, D.K. rreth 25 vjeçar dhe B.K. rreth 21 vjeçar nga Peja.

Një ditë me herët ishte arrestuar F.G. rreth 22 vjeçar nga fshati Qyshkë i Pejës.

Policia e Pejës ka konfiskuar dy armë të zjarrta (pistoleta) që dyshohet se janë përdorur në vrasjen e shtetasit kosovar, Kreshnik Isufaj dhe plagosjen shtetasit Shqipërisë, Agim Peca. Të dyshuarit më vendim te Prokurorit janë ndaluar në ndalimin policor dhe rasti do të procedohet nga Njësiti i Hetimeve Rajonale DRP Pejë.

Tronditet Peja

Kreshnik Isufaj ka mbetur i vrarë në vend kur është qëlluar me armë zjarri.

Personi i cili dyshohet se i ka marrë jetën 23-vjeçarit nga Radavci i Pejës, është një bashkëmoshatar i tij.

Zyrtarë të Policisë në Pejë, jozyrtarisht kanë thënë të hënën për Express se personi që dyshohet se ka shtënë mbi këtë të ri, është Fisnik Gashi nga fshati Qyshk i Pejës.

Që ngjarja të jetë edhe më e rëndë, sipas organeve të rendit, viktima, në këtë rast, Kreshnik Isufaj, 21 vjeç, nuk ka pasur të bëjë asgjë me këtë rast.

I ndjeri ka qëlluar rastësisht në vendin e gabuar dhe në momentin e gabuar, në sheshin “Shkëlzen Haradinaj” në qendër të Pejës.

Policia dyshon se Kreshniku ka qëlluar në atë vend, pikërisht në momentin kur dy grupe rivale të rinjsh, janë kacafytur ndërmjet vete.

Sipas dyshimeve të para, ata mendohet se ishin duke qëruar hesapet e tyre të cilat për motiv kishin hakmarrjen.

Përveç tij, në vendin e ngjarjes, policia thotë se ka mbetur i plagosur edhe një person tjetër, shtetas i Shqipërisë. Ky person, i identifikuar si Agim Peca (1970) gjithashtu nuk ka të bëjë fare me rastin e vrasjes dhe kacafytjen e të rinjve pejanë ndërmjet vete. Edhe ai, sikurse viktima, kishte qëlluar rastësisht në atë vend.

Ky person është dërguar me urgjencë në Spitalin rajonal të Pejës dhe është duke u trajtuar nga mjekët, ndërkohë që merret vesh se gjendja e tij shëndetësore është jashtë rrezikut për jetën. Ngjarja e rëndë e vrasjes së të riut Kreshnik Isufaj, sipas policisë, ka ndodhur rreth orës 13, kurse dëshmitarët okularë tregojnë për Express, panikun që ka përfshirë kalimtarët të cilët kanë qëlluar aty afër.

“Kam qenë brenda në postë kur kemi dëgjuar gjashtë të shtëna të pandërprera, kemi dalë menjëherë, kur kemi parë njeri të shtrirë në rrugë të cilit i kishte dalë gjaku. Një nga kalimtarët e ka futur në taksi dhe e ka dërguar në spital”, thotë ky dëshmitar për Express, i cili shton se kjo ishte një pamje e frikshme dhe e tmerrshme.

Një tjetër dëshmitar që e kishte parë ngjarjen thotë se këso pamje i sheh vetëm nëpër filma ku njerëz të armatosur ndiqen në mes vete nëpërmes qytetit.

Por ky rast ka mundur të jetë edhe më tragjik, pavarësisht se është humbur një jetë e pafajshme dhe është plagosur një tjetër person.

Kjo për faktin se plumbat e armës që dyshohet të jetë pistoletë, kanë depërtuar edhe brenda objektit të Postës së qytetit, pikërisht në kohën kur brenda kishte punëtorë por edhe qytetarë të rastit. Kjo pjesë është vend ku frekuentojnë shumë njerëz pasi që përreth ka një numër të madh të kafiterive.

“Më nuk guxoj të vij me fëmijë në këtë pjesë, e sidomos në postë”, thotë një qytetar tjetër pejan, i tronditur nga ky rast.

Ndërkohë, gjaku i viktimës ka qëndruar mbi asfalt deri në orët e mbrëmjes të së hënës, kur atë e kanë pastruar zjarrfikësit e qytetit të Pejës. Për këtë rast që tronditi qytetin e Pejës, policia arrestoi një person, ndërsa është në kërkim edhe të dy të dyshuarve të tjerë. Këta tre dyshohen se ishin duke u gjuajtur me armë ndërmjet vete.

Zëdhënësi Xhevat Ibraj, konfirmoi për Express se rasti ka ndodhur rreth orës 13, derisa në vendin e ngjarjes kanë mbetur dy të plagosur, njëri prej të cilëve ka ndërruar jetë më vonë.

“Rreth orës 13, të hënën, Policia ka pranuar informatën se në Qendër të Qytetit ka të shtëna nga armë të zjarrit, dhe dyshohet se ka persona të plagosur. Rasti ka ndodhur në prezencën e shumë qytetarëve dhe pastaj të dyshimtit janë larguar në drejtim të panjohur”, thotë zëdhënësi Ibraj.

Personat e plagosur, sipas komunikatës zyrtare të Policisë, menjëherë janë dërguar në Spitalin Rajonal në Pejë për trajtim mjekësor, por si pasojë e plagëve të marra nga arma e zjarrit, ka ndërruar jetë, Kreshnik (Enver) Isufaj (1988) lindur dhe banues në fshatin Radavc të Pejës. Personi i dytë i plagosur, Agim (Ukë) Peca (1970), lindur dhe banues në fshatin Has, Republika e Shqipërisë, është jashtë rrezikut për jetë.