Lajme aktuale nga vendi !

[Zero Cool]

Qeveria ankohet në Bruksel dhe Washington


Qeveria e Kosovës, përmes një shkrese, sot do të njoftojë zyrtarët në Bruksel dhe Uashington për mosrespektimin e marrëveshjes nga Serbia dhe bllokadën ndaj mallrave kosovare





19 shtator 2011
Ministrja e Tregtisë dhe Industrisë Mimoza Kusari Lila thotë se nëse Serbia nuk e ndryshon qëndrimin e saj, atëherë shumë shpejt do të rikthehen masat e reciprocitetit. Këtë e përkrahin edhe përfaqësuesit e komunitetit të biznesit, raporton RTK.

Nëse Serbia do të vazhdojë bllokadën ndaj mallrave nga Kosova, atëherë Qeveria e Kosovës mund të rikthejë masat e reciprocitetit, që u ndërprenë të premten.

Ministrja e Tregtisë dhe Industrisë, Mimoza Kusari Lila, tha se nuk është qëllim i Qeverisë së Kosovës zbatimi i reciprocitetit, por nëse nuk respektohet marrëveshja e arritur në Bruksel më 2 shtator, atëherë do të detyrohen të ndërmarrin një hap të tillë.

“Ne, së pari sot do të përcjellim letrën, e cila është përgatitur për Bruksel dhe Uashington në raport me moszbatimin e marrëveshjes nga pala serbe dhe shumë shpejt, në ditën në vijim, nëse nuk ka ndonjë ndryshim të qasjes së Serbisë, do të vendosim masat e reciprocitetit”, Kusari-Lila.

Përmes kësaj shkrese, Qeveria do të prezantojë të gjitha rastet e kthimit të mallrave nga doganierët serbë, dhe pas marrjes së përgjigjes, atëherë Qeveria e Kosovës do të marrë vendimin përkatës, thotë Kusari Lila.

“Besoj se kjo është çështje ditësh. Shumë shpejt do të presim përgjigje konkrete dhe vendimin konkret nga Qeveria e Kosovës. Qëllimi dhe ideja jonë nuk ka qenë rivendosja e reciprocitetit, por nëse jemi të shtyrë për të bërë një gjë të tillë atëherë do ta bëjmë shumë shpejt sepse nuk mundemi njëanshëm të zbatojmë një marrëveshje për të cilën të dy palët janë dakorkuar”, tha Kusari-Lila.

Edhe komuniteti i biznesit kërkon që marrëveshja të respektohet nga të dyja palët. Kryetari i Odës Ekonomike të Kosovës, Safet Gërxhaliu, thotë se nuk duhet të humbet kohë në këtë drejtim dhe Qeveria e Kosovë duhet të rikthejë reciprocitetin.

“Një marrëveshje nuk është e tillë nëse nuk respektohet nga të dyja palët. Nëse shihet fluksi i produkteve në Kosovë dhe nga Kosova nuk mund të depërtojë asgjë, atëherë nuk duhet të analizohet shumë kjo punë dhe duhet në të njëjtën mënyrë të vazhdohet reciprociteti”, theksoi Gërxhaliu.

Ndryshe, që nga e premtja, kur filloi zbatimi i marrëveshjes për vulat doganore, në Kosovë kanë hyrë rreth 70 kamionë me mallra nga Serbia, kryesisht me grurë, material ndërtimor, zhavorr, letër mbështjellëse, dhe më pak mallra ushqimore. Ndërkaq, Serbia nuk ka lejuar asnjë kamion me mallra nga Kosova të hyjë në tregun e saj.

[Zero Cool]

Serbia po përgatitet për luftë në tetor





Këshilli i Helsinkit për të drejtat e njeriut në Beograd jep alarmin. Serbia po përgatit rezervistët e saj për luftë me Kosovën në tetor.


19 shtator 2011
Kjo organizatë ka marrë letrën e një mashkulli që para disa ditësh e ka marrë një ftesë nga Ministria e Mbrojtjes së Serbisë që të jetë në gatishmëri për gjendje luftë më 5 tetor 2011, shkruan Indeksonline.

“Ky person nëpërmjet hetimeve në interent, por edhe nëpërmjet kontakteve të tij, ka ardhë deri tek njohuria se po bëhet fjalë për formimin ose ribërjen e njësive ushtarake rezervistë ne Pozharevc, në rast lufte”, ka thënë Sonja Biserko, drejtoreshë e Këshillit të Helsinkit.

Ky person, emri i të cilit është i njohur për OJQ-në ka refuzuar të luftojë dhe tani ka frikë se mund të dënohet me burg për mosgatishmërinë e tij për të luftuar. Ai ka thënë se do të ankohet edhe në organe të tjera.

Ministria e Mborjtjes e Serbisë nuk është përgjigjur në interesimin e gazetarëve për të treguar nëse po bëhet gati për luftë.

[Zero Cool]

Lëvizja për Bashkim tërhiqet nga Vetëvendosja në Kuvend


Lëvizja për Bashkim ka njoftuar nëpërmjet një komunikate se ka tërhequr dy deputetët e saj, Aurora Bakalli dhe Agim Kuleta, nga grupi parlamentar i Vetëvendosjes.






19 shtator 2011
Arsyet që kanë çuar deri tek ky vendim, Lëvizja për Bashkim ka njoftuar se do t’i publikojë të martën.
Deri në marrjen e këtij vendimi, Vetëvendosja kishte gjithsejt 14 deputetë.
Me 12 deputetë, aq sa do të ketë tash, Vetëvendosje në Kuvend barazohet me Aleancën për Ardhmërinë e Kosovës dhe Partinë Liberale Serbe.

[Zero Cool]

Ikin nga Albini


Grupi parlamentar i Lëvizjes Vetëvendosje ka mbetur me dy deputetë më pak. Agim Kuleta dhe Aurora Bakalli, anëtarë të Lëvizjes për Bashkim, kanë braktisur Grupin e Albin Kurtit në Parlament. Të dy lëvizjet do të japin të martën qëndrimet për ndarjen mes tyre. Zyrtarë të Vetëvendosjes nuk besojnë se ka edhe deputetë të tjerë që do të largohen nga kampi i tyre.





Lëvizja Vetëvendosje ka mbetur e befasuar të hënën kur është informuar nga mediat se nuk do t’i kenë më 14 deputetë, por vetëm 12.

Dy deputetët e Grupit parlamentar të Vetëvendosjes, Aurora Bakalli dhe Agim Kuleta, anëtarë të Lëvizjes për Bashkim, nuk do të jenë më pjesë e Grupit të Albin Kurtit në Parlament.

Ata tani do të jenë deputetë të pavarur që do të flasin vetëm në emër të Lëvizjes për Bashkim, subjekt politik që në zgjedhjet e fundit ka garuar në listë të përbashkët me Vetëvendosjen.

Deputetët që u larguan nga Grupi i Vetëvendosjes nuk thanë asnjë fjalë të hënën, ndërsa Lëvizja për Bashkim ka paralajmëruar një konferencë për media të martën, ku do të jepen arsyet për tërheqjen e dy deputetëve të saj nga Grupi parlamentar i Vetëvendosjes.

Zëdhënësi i Vetëvendosjes, Erzen Vraniqi ka treguar të hënën për Express se për daljen e dy deputetëve nga Grupi parlamentar kanë marrë vesh nga mediat.

“Ne kemi marrë vesh prej medieve. Kryesia është duke e shqyrtuar situatën edhe nesër (të martën) do të mbajmë një konferencë për shtyp dhe do të dalim me qëndrime. Tash për tash nuk ka ndonjë qëndrim zyrtar. Ende është duke u shqyrtuar dhe nuk më kanë dhënë ndonjë qëndrim për media”, ka thënë Vraniqi.

Ai tha se strukturat e Lëvizjes Vetëvendosje të hënën janë mbledhur për të biseduar rreth largimit të dy deputetëve, ndërsa të martën do të flasin zyrtarisht për këtë çështje.

“Të martën, në ora 13:00, do të ketë konferencë për media dhe për këtë çështje aty do të merrni përgjigje”, ka thënë Vraniqi.

Duke folur për historikun e bashkëpunimit me dy deputetët e Lëvizjes për Bashkim dhe Vetëvendosje, Vraniqi tha se ata qysh nga fillimi nuk janë shkrirë në Vetëvendosje.

“Ata kanë pasur qëndrime ndryshe, sepse ata kanë qenë subjekt tjetër politik. Asnjëherë nuk janë shkrirë në Vetëvendosje. Brenda Grupit parlamentar kanë qenë subjekt tjetër politik. E kanë ruajtur pavarësinë politike brenda Grupit parlamentar, prandaj edhe janë toleruar disa diferenca, sepse është normale të ketë diferenca”, tha ai.

Vraniqi thotë se liderë të Vetëvendosjes do të shprehin qëndrimin e tyre, pasi të dëgjojnë se çfarë ka për të thënë Lëvizja për Bashkim. Ky subjekt politik i udhëhequr nga Avni Klinaku, do të mbajë konferencë për shtyp dy orë para zyrtarëve të Vetëvendosjes.

“Për këtë arsye, pa i dëgjuar arsyetimet e tyre pse kanë dalë, ne nuk mund të flasim zyrtarisht. E shohim çka po thonë ata, pastaj flasim ne. Ata e kanë konferencën në ora 11:00, e ne do të flasim në ora 13:00”, ka thënë një zyrtar i Vetëvendosjes.

Menjëherë pas daljes së dy deputetëve nga Grupi parlamentar i Vetëvendosjes, kanë filluar spekulimet se nga Vetëvendosja mund të ketë edhe rrjedhje të tjera të deputetëve.

Por një gjë e tillë, sipas Vraniqit, nuk mund të ndodhë, pasi vetëm këta dy deputetë nuk kanë qenë pjesë e Lëvizjes Vetëvendosje.

“Nuk besoj. Këta kanë dalë si subjekt politik. Nuk besoj se kjo ka lidhje me ndonjë deputet tjetër. Deputetët e tjerë janë të Vetëvendosjes”, tha Vraniqi.
Deputeti Agim Kuleta para pak ditësh pati paralajmëruar për mundësinë e daljes nga Grupi parlamentar i Vetëvendosjes.

Arsyeja e deklarimit të tillë kishte të bënte me dokumentin pesëfaqësh të Këshillit të Përgjithshëm të Lëvizjes Vetëvendosje, sipas të cilit asnjë deputet nuk mund të shprehë qëndrimin e tij personal në media, pa e marrë lejen e kryetarit Albin Kurti.

Kuleta kishte thënë se kjo rregullore e cenon pavarësinë e deputetit, gjë që, sipas tij, përbënte veprim jokushtetues dhe jodemokratik.

Lëvizja për Bashkim dhe Vetëvendosja kanë pasur qëndrime të kundërta edhe për çështje të tjera. Disa herë deputetët Kuleta dhe Bakalli kanë votuar ndryshe nga deputetët e Albin Kurtit.

Lëvizja për Bashkim është shprehur kundër aksionit të Vetëvendosjes kur ata sulmuan me domate Zëvendëskryeministren Edita Tahiri, në aeroportin “Adem Jashari”, pas kthimit nga raundi i gjashtë i dialogut me Serbinë, në Bruksel.

Të dy lëvizjet janë kundër këtij dialogu. Ato janë në favor të bashkimit kombëtar, por Lëvizja e Avni Klinakut konsideron se Veriu duhet të shkëmbehet me Luginën e Preshevës.

[Zero Cool]

Barrikadat presin Thaçin e Jahjagën






Barrikadat në veri të Kosovës do të mbesin aty të paktën deri sa në Kosovë të rikthehen dy liderët e vendit, presidentja Atifete Jahjaga dhe kryeministri Hashim Thaçi.
Burime të gazetës Koha Ditore kanë shpjeguar se EULEX-i dhe KFOR-i në konsultim me institucionet e Kosovës kanë vlerësuar se nuk do të bëhet asnjë përpjekje apo aksion për heqjen e barrikadave në kohën derisa delegacioni i lartë kosovar po zhvillon takime në kuadër të sesionit të OKB-së në New York.

KFOR-i e EULEX-i nuk e shohin çështjen e heqjes së barrikadave vetëm si aksion të organeve të sigurisë. Në këtë mënyrë të dy këta mekanizma ndërkombëtarë i presin që përfaqësuesit politikë të Kosovës dhe të Serbisë të konsultohen me Brukselin për mënyrën se si do të mundësohet qarkullimi i qytetarëve në pjesën më problematike të Kosovës.

Strukturat paralele të Serbisë në veri të Kosovës kanë bllokuar rrugët në pjesën që dominohet nga qytetarët serbë të Kosovës nëpërmjet barrikadave të ndryshme përfshirë muret e betonit, si përgjigje ndaj veprimit të EULEX-it dhe KFOR-it të koordinuar me institucionet e Kosovës për vendosjen e doganierëve në pikëkalimet kufitare në Jarinje dhe Bërnjak.

Zëdhënësi i KFOR-it, Ralph Adametz, ka thënë se misioni paqeruajtës i NATO-s nuk ka dhënë kurrfarë ultimatumi për heqjen e barrikadave.

“Nuk kemi dhënë kurrfarë ultimatumi. Ne nuk pajtohemi me barrikadat, por përderisa situata mbetet e qetë, mundësohet qarkullimi i KFOR-it dhe nuk rrezikohet jeta e njerëzve ne mund të vazhdojmë kështu”, ka thënë zëdhënësi i KFOR-it.

Ai e ka konfirmuar se misioni i NATO-së pret që të ketë konsultime politike për heqjen e barrikadave. /Telegrafi/

[Zero Cool]

EULEX-i arreston dy serbë në veri






Situata në veri të Kosovës vazhdon të jetë e tensionuar, megjithatë pa incidente. Ndërsa KFOR-i ka hequr telat gjembor nga pikëkalimi kufitar në Bërnjak, ky veprim ngjan i kotë, meqë për shkak të barrikadave të vëna nga ekstremistët serbë nëpër tokë kësaj rruge s’mund të depërtojë as vetë KFOR-i.
Njoftohet se policia e EULEX-it ka arrestuar dje dy serbë, njëri nga të cilët është adoleshent, me dyshime se të hënën kishin shtënë me armë në drejtim të shtëpisë së pjesëtarit të policisë së Kosovës, në Leshak.

Lajmin e ka konfirmuar avokati i tyre Dejan Vasic, sipas të cilit ndaj tyre është caktuar masa e ndalesës policore dhe se sot do të nxirren para gjykatësit hetues. Ata ngarkohen për vepër të shkaktimit të rrezikut të përgjithshëm. Që të dytë ndodhen në burg në pjesën jugore të Mitrovicës.

Mediat serbe merren sot edhe me spekulimet se kush po e kontrollon situatën në barrikada në pjesën veriore të Kosovës. Siç shkruan e përditshmja “Danas”, rolin kryesor e kanë aktivistët e SNS dhe të DSS. Vetëm në komunën e Leposaviqit, që drejtohet nga DS-ja, nga e cila është edhe ministri për Kosovën në Qeverinë e Serbisë, Goran Bogdanovic, ka një koordinim me zyrtarët e Beogradit, thotë gazeta. /Telegrafi/

[Zero Cool]

Serbia kushtëzon bisedimet?


Përfaqësuesit e Serbisë e kanë kërcënuar Bashkimin Evropian se do të tërhiqen nga negociatat me Prishtinën zyrtare, derisa kjo e fundit nuk pranon të negociohet në raundin e ardhshëm çështja e dy portave doganore 1 dhe 31 në veriun e Kosovës.
Kryenegociatori serb, Borisllav Stefanovic, në një bisede më gazetën “Zëri” nëpërmjet telefonit ka thënë se “nuk ka kurrfarë kuptimi që të hapen tema të reja ndërmjet Prishtinës e Beogradit, derisa nuk rregullohet çështjet në veri”.

Ai tha se Serbia nuk do të marrë pjesë në raundin e ardhshëm, që do të mbahet në Bruksel më 27 dhe 28 të këtij muaji e as në raunde tjera, nëse fillimisht nuk ulen të bisedojnë për veriun, saktësisht për pikat 1 dhe 31, për çka tashmë Stefanovic e ka bërë me dije edhe Brukselin.

“...Serbia nuk është kundër rregullave dhe procedurave në veri, por është kundër doganierëve të vendosur nga e ashtuquajtura Republika e Kosovës”. Serbia, sipas tij, pranon që këto pika t’i kontrollojë kushdo tjetër, përveç se doganierët e Prishtinës.

Ndërsa përfaqësuesit e Bashkimit Evropian deklaruan për “Zëri” se nuk kanë marrë kurrfarë kërcënimesh nga Beogradi. “Neve nuk na ka njoftuar askush nga Beogradi për këtë vendim, në çfarëdo forme dhe presim që dialogu të fillojë javën e ardhshme”, tha një përfaqësues nga Këshilli i Ministrave i BE-së.

Ndërkaq Edita Tahiri, kryenegociatorja e Kosovës, ia bën me dije Stefanovicit që kërkesa e tij për të biseduar për kufijtë e Kosovës nuk do të ndodhë kurrë.

“Ne e kemi bërë të ditur si qeveri që nuk ka biseda për pikat doganore, dhe se ky është një kapitull i mbyllur. Asnjëherë nuk ka pasur, as që do të ketë, sepse pikat doganore janë çështje e sovranitetit të shtetit të Kosovës”, tha Tahiri për “Zëri”.

Ajo tha se në raundin e ardhshëm, që do të mbahet më 27 dhe 28 shtator, pala kosovare do të jetë e pranishme dhe në këtë raund do të flitet vetëm për telekomunikacionin, energjinë dhe bashkëpunimin rajonal.

Sa i përket mundësisë së mosparaqitjes në këtë raund të palës serbe, Tahiri tha se ajo flet për palën kosovare e cila, sipas saj, po kryen obligimet e veta dhe po zbaton marrëveshjen për tregti të lirë. /Telegrafi/

[deti_om :-)]

Vetëvendosje rrokullis kamionin me mallra serbe



Anëtarë të lëvizjes vetëvendosje e kanë rrotulluar një kamion që po sillte mallra serbe në Kosovë përmes pikës kufitare në Merdare.
Në fshatin Lupç të Podujeves, aktivistët e vetëvendosjes fillimisht kanë nxjerrë mallrat serbe që ndodheshin ne kamion edhe më pas e kanë shtyer kamionin në humnerë.
Erzen Vraniqi zëdhënës i vetëvendosjes thotë se me këtë akt kjo lëvizje kundërshton hyrjen në Kosovë të mallrave serbe.
Anëtarët dhe deputetët e vetëvendosjes e kanë ndaluar një kamion që po bartë mallera serbe e kanë shkarkuar mallin dhe më pas e kanë rrotulluar kamionin duke e bërë të pa lëvizshëm tha Vraniqi për expressonline.
Mësohet se aktivistët e vetëvendosjes kanë qenë të maskuar si policë dhe natyrshëm shoferi serb është ndalur kur ata ja kanë vënë stopin.

[GURI SYLAJ]

Tash duhet shtru pyetjen se cilat jan ato GRUPE KRIMINALE qe, brenda pese ditesh, kan fute me shume se dyqind kamion mall te Serbise ne Kosove.
A mos eshte ky edhe nje SHFAJSIM i radhes qe po ju behet grupeve kriminale ne Veri te Mitrovices dhe nga kush.
Kah po shkon Kosova me aksione spektakulare e me rezultate -SILL E BIR VETIT !!

[Fshatari]

Postimi origjinal është bërë nga GURI SYLAJ

Tash duhet shtru pyetjen se cilat jan ato GRUPE KRIMINALE qe, brenda pese ditesh, kan fute me shume se dyqind kamion mall te Serbise ne Kosove.
A mos eshte ky edhe nje SHFAJSIM i radhes qe po ju behet grupeve kriminale ne Veri te Mitrovices dhe nga kush.
Kah po shkon Kosova me aksione spektakulare e me rezultate -SILL E BIR VETIT !!

- Sëpari nuk është Kosova por zyrtarishte është Republika e Kosovës : me kete emërtim njihet shteti i Kosovës nga 84 shtete, antare te OKB-se. Kjo për kete aresye : "Shqiptaret,nese deshirojn qe te tjeret ti njohin, ata, duhet t'a njohin ,realisht,veteveten." Shqiptaret e njohin realisht vetveten si Republike e Kosoves e jo si Kosove.
- Shfajsimin, sipas shkrimit tend, po e beka H.Thaçi (keshtu mendojne edhe grupet kriminele) e jo Qeveria legjitime e shtetit te Kosoves.
Marrja e kontrollit ne dy pikat kufitare dhe mbrojtja e integritetit territorial te shtetit nuk kane asgje "spektakulare" : 84 shtetet qe kane njohur syrtarisht Republiken e Kosoves ( e jo Kosove ose kosove e metohi, krejt nje per ata qe nuk e njohin vetveten) e obligojne Qeverine e ketij shteti t'i mbroje kufinjte e vete shtetror.

Kam pershtypjen se ty te vjen keq qe Qeveria e shtetit te Kosoves (gjithemone shteti i Kosoves ose Republika e Kosoves, per hir te njohjes se "vetevetes") ka vendosur doganiere e polici kufitare ne goganat e shtetit?!

Per 5 dite paskane hy 200 kamione mall! E per 12 vjet sa kamiona kane hy ?!
A ka ne kete forum ndonje matematicien qe kryen llogarine se une, per aq sa e njoh vetveten, nuk qendroj mire ne kete domen (ne matematike)!

[Zero Cool]

Policia arreston 13 serbë në Mitrovicë


9:35 / 22.09.2011

Policia e Kosovës ka arrestuar 13 serbë për hyrje ilegale në Kosovë dhe transportimin e lëndës së parë për kombinatin Trepça gjatë ditës së djeshme.
Lajmin e ka konfirmuar ministri i Brendshëm, Bajram Rexhepi.

Mësohet se fjala është për 13 shoferë të sipërmarrjes serbe Eurokop nga Rashka, të cilët eksportojnë koncentrat të minierës Trepça për në Zvicër.

Ndërkaq, zëdhënësi i Policisë së Kosovës për rajonin e Mitrovicës, Besim Hoti, ka thënë për “Tanjug” se ekziston dyshimi që me këta kamionë ditëve të fundit kanë bllokuar rrugët në veri, por gjatë hetimeve është vërtetuar se nuk është fjala për kamionët e tillë.

“20 kaminë janë subjekt i hetimeve. Është vërtetuar se 13 shoferët kanë hyrë ilegalisht në Kosovë. Shtatë janë në burgim në Lypjan, 3 në Podujevë e 3 në Vushtrri”, ka thënë Hoti, sipas të cilit brenda 48 orëve ata do të gjenden para gjykatësit. /Telegrafi/

[GURI SYLAJ]

Postimi origjinal është bërë nga Fshatari

- Sëpari nuk është Kosova por zyrtarishte është Republika e Kosovës : me kete emërtim njihet shteti i Kosovës nga 84 shtete, antare te OKB-se. Kjo për kete aresye : "Shqiptaret,nese deshirojn qe te tjeret ti njohin, ata, duhet t'a njohin ,realisht,veteveten." Shqiptaret e njohin realisht vetveten si Republike e Kosoves e jo si Kosove.
- Shfajsimin, sipas shkrimit tend, po e beka H.Thaçi (keshtu mendojne edhe grupet kriminele) e jo Qeveria legjitime e shtetit te Kosoves.
Marrja e kontrollit ne dy pikat kufitare dhe mbrojtja e integritetit territorial te shtetit nuk kane asgje "spektakulare" : 84 shtetet qe kane njohur syrtarisht Republiken e Kosoves ( e jo Kosove ose kosove e metohi, krejt nje per ata qe nuk e njohin vetveten) e obligojne Qeverine e ketij shteti t'i mbroje kufinjte e vete shtetror.

Kam pershtypjen se ty te vjen keq qe Qeveria e shtetit te Kosoves (gjithemone shteti i Kosoves ose Republika e Kosoves, per hir te njohjes se "vetevetes") ka vendosur doganiere e polici kufitare ne goganat e shtetit?!

Per 5 dite paskane hy 200 kamione mall! E per 12 vjet sa kamiona kane hy ?!
A ka ne kete forum ndonje matematicien qe kryen llogarine se une, per aq sa e njoh vetveten, nuk qendroj mire ne kete domen (ne matematike)!

I nderumi Fshatari.
Nese veq don me e marr ne mbrojtje dikend atehere mundohu me e marre mire.
Pikrisht se une flas per grupe kriminale e jo per shtetin, e quaj Kosove e jo Republika e Kosoves!
Mbas reciprocitetit ,jo nje here ne eshte thene se neve mundemi edhe pa mallra te Serbise dhe kjo na eshte thene nga njerez udheheqes dhe pergjegjes, cka doli se ose paska qen rrene ose vertete dikush nuk mundet pa keto biznise.
Po e lexove mire Konkluzen nga bisedimet-R.e Kosoves -Serbi, per doganat, e sheh se dikush ka rrejte me te madhe.
Aty qendron ;Doganat e Kosoves(e jo te R.se Kosoves) dhe se dokumentet percjellese duhet te pasqyrojne kete forme -kete vije.Keshtu ishte dicka perafersisht .Merri e lexoj dhe shih se ku flen lepuri!
Nga ketu ,nga ky pasus del se jo vetem vulat por te gjitha dokumentet percjellese duhet te jen me Kosove e jo me Republike e Kosoves.
Tash ne daq shahemi ,ne daq perqafohemi ,ne daq i biem kavallit!

[Shpati]

Postimi origjinal është bërë nga Zero Cool

Serbia kushtëzon bisedimet?


Përfaqësuesit e Serbisë e kanë kërcënuar Bashkimin Evropian se do të tërhiqen nga negociatat me Prishtinën zyrtare, derisa kjo e fundit nuk pranon të negociohet në raundin e ardhshëm çështja e dy portave doganore 1 dhe 31 në veriun e Kosovës.
Kryenegociatori serb, Borisllav Stefanovic, në një bisede më gazetën “Zëri” nëpërmjet telefonit ka thënë se “nuk ka kurrfarë kuptimi që të hapen tema të reja ndërmjet Prishtinës e Beogradit, derisa nuk rregullohet çështjet në veri”.

Ai tha se Serbia nuk do të marrë pjesë në raundin e ardhshëm, që do të mbahet në Bruksel më 27 dhe 28 të këtij muaji e as në raunde tjera, nëse fillimisht nuk ulen të bisedojnë për veriun, saktësisht për pikat 1 dhe 31, për çka tashmë Stefanovic e ka bërë me dije edhe Brukselin.

“...Serbia nuk është kundër rregullave dhe procedurave në veri, por është kundër doganierëve të vendosur nga e ashtuquajtura Republika e Kosovës”. Serbia, sipas tij, pranon që këto pika t’i kontrollojë kushdo tjetër, përveç se doganierët e Prishtinës.

Ndërsa përfaqësuesit e Bashkimit Evropian deklaruan për “Zëri” se nuk kanë marrë kurrfarë kërcënimesh nga Beogradi. “Neve nuk na ka njoftuar askush nga Beogradi për këtë vendim, në çfarëdo forme dhe presim që dialogu të fillojë javën e ardhshme”, tha një përfaqësues nga Këshilli i Ministrave i BE-së.

Ndërkaq Edita Tahiri, kryenegociatorja e Kosovës, ia bën me dije Stefanovicit që kërkesa e tij për të biseduar për kufijtë e Kosovës nuk do të ndodhë kurrë.

“Ne e kemi bërë të ditur si qeveri që nuk ka biseda për pikat doganore, dhe se ky është një kapitull i mbyllur. Asnjëherë nuk ka pasur, as që do të ketë, sepse pikat doganore janë çështje e sovranitetit të shtetit të Kosovës”, tha Tahiri për “Zëri”.

Ajo tha se në raundin e ardhshëm, që do të mbahet më 27 dhe 28 shtator, pala kosovare do të jetë e pranishme dhe në këtë raund do të flitet vetëm për telekomunikacionin, energjinë dhe bashkëpunimin rajonal.

Sa i përket mundësisë së mosparaqitjes në këtë raund të palës serbe, Tahiri tha se ajo flet për palën kosovare e cila, sipas saj, po kryen obligimet e veta dhe po zbaton marrëveshjen për tregti të lirë. /Telegrafi/

Kosova nuk duhet te lejoj te behet sikurse Haiti ose Somalia!
Edhe pse diq te till e duan Armiqt e saj.
Te ndaj Sovranitetin me Oranganizata Nderkombtare dhe dihet ku perfundon nje Shtet i till -veshtro Haitin , Somalin !!!
Sovranitetin Kosova duhet ta ushtroj ne gjith Terriotorin e saj.
Ne qofte se vertet Serbia nuk deshiron te bashkpunoj me Kosoven ne nivel Shteteror !
Ateher Kosova duhet te mbyll per afat te pakufizuar Kufirin- Daljet me Serbin.
Por edhe importi i mallrave te ndalohet nga vendet qe nuk e kan njohur Kosoven si Shtet.

[Neferta]

Truku shqiptaro-shka!
Sërbia pranon dokumentet e Kosovës? SERBIJA I PRANON DOKUMENTET E SERBISE TE LESHUARA NE TERITORIN E KOSOVES ME KUSHT QE KOSOVA TE PRANOJ DOKUMENTET SERBE TE LESHUARA NE KOSOVE Pra edhe nje obstrukcion i shtetit sërrbë.

[Zero Cool]

Pacollit i pamundësohet garimi për president?


Nga Express më 22 shtator 2011 në ora 11:01
Zv/kryeministri Behgjet Pacolli rrezikon të humbë të drejtën për të garuar për president të Kosovës nëse një draft –amendament i Komisionit për ndryshimet kushtetuese shndërrohet në amendament kushtues, shkruan sot e përditshmja Infopress.

Fjala është për draft-amendamentin që thotë se kandidati për president duhet të ketë vetëm një nënshtetësi, ndërsa Behgjet Pacolli dihet se ka më tepër së një nënshtetësi. Me këtë draft-amendament nuk është pajtuar përfaqësuesja e AKR-së në këtë komision, Suzanë Novoberdali, e cila ka kërkuar që kjo çështje të rishikohet.

Përveç këtij draft-amendamenti Komisioni, që është takuar pa praninë e medieve, ka propozuar që kandidatët për president të sigurojnë 15 mijë nënshkrime të qytetarëve dhe të kenë jetuar së paku 5 vjet në Kosovë.

Është propozuar që kandidatët për president të sigurojnë 15 mijë nënshkrime të qytetarëve dhe të kenë jetuar së paku 5 vjet në Kosovë.

Draft-amendamentet tjera pritet të propozohen pas debateve me qytetarët e Kosovës, që do të fillojnë me 4 nëntor. Në fund të gjitha propozimet shkojnë në Kuvend për miratim.