Lajme aktuale nga vendi !

[Shpati]

Postimi origjinal është bërë nga Neferta

Truku shqiptaro-shka!
Sërbia pranon dokumentet e Kosovës? SERBIJA I PRANON DOKUMENTET E SERBISE TE LESHUARA NE TERITORIN E KOSOVES ME KUSHT QE KOSOVA TE PRANOJ DOKUMENTET SERBE TE LESHUARA NE KOSOVE Pra edhe nje obstrukcion i shtetit sërrbë.

Kjo esht nje perpjekje te operoj si Shtet Serbia ne Kosove.
A i pranoj Serbia dokumentet e Kosoves sesht e rendesishme ne mundim definitivisht te nderprejm q'do kontakt me Serbin -qka na duhet Shkinia ?
Kosova nuk duhet te toleroj qe Shtete tjera edhe Serbia te operojn si Shtet ne Kosove.
Shtetasit e Kosoves munde te hyn dhe dalin jashta Kufijve te saj , ta identifikojn veten , te kryejn detyrimet ligjore, te operojn si persona fizik vetem me Dokumente te Kosoves.

[Zero Cool]

Vetëvendosje: Ishin Glauku dhe Liburni






Sekretari i Lëvizjes Vetëvendosje, Dardan Molliqaj ka konfirmuar pjesëmarrjen e aktivistëve të kësaj lëvizjeje në aksionin e djeshëm, ku u përmbys mauna me mallra serbe.

Glauk Konjufca dhe Liburn Aliu janë dy deputetët e Lëvizjes Vetëvendosje, që mund të ballafaqohen me arrestim pas paralajmërimit të ministrit të Brendshëm, Bajram Rexhepi.

Konfirmimi nga vetë lëvizja tregon se ato nuk i tremben arrestimit.
“Si në të gjitha aktivitetet tona, ka pasur edhe deputetë prezentë. Ata janë të pandashëm prej aktivistëve dhe popullit të Kosovës. Aty kanë qenë Glauk Konjufca dhe Liburn Aliu”, ka thënë Molliqaj.

Ai e ka vlerësuar shqetësuese deklaratën e ministrit Rexhepi, sepse ka thënë se ‘ky ministër i shtetit dhe qeverisë policore’ nuk e ka zellin e njëjtë edhe për deputetët e ministrat që vijnë në veri për të djegur kufirin dhe për të organizuar strukturat paralele serbe.

Molliqaj ka thënë për Indeksonline se tash kjo qeveri po e përdor edhe Gjykatën Kushtetuese kundër kujtdo që provon të bëjë diçka ndryshe, dhe arrestimi i deputetëve nuk do ta befasonte.

Pas këtij konfirmimi nga vetë Lëvizja Vetëvendosje, pritet reagimi i ministrisë së Brendshme. /albeu.com/

Postimi origjinal është bërë nga deti_om :-)

Vetëvendosje rrokullis kamionin me mallra serbe



Anëtarë të lëvizjes vetëvendosje e kanë rrotulluar një kamion që po sillte mallra serbe në Kosovë përmes pikës kufitare në Merdare.
Në fshatin Lupç të Podujeves, aktivistët e vetëvendosjes fillimisht kanë nxjerrë mallrat serbe që ndodheshin ne kamion edhe më pas e kanë shtyer kamionin në humnerë.
Erzen Vraniqi zëdhënës i vetëvendosjes thotë se me këtë akt kjo lëvizje kundërshton hyrjen në Kosovë të mallrave serbe.
Anëtarët dhe deputetët e vetëvendosjes e kanë ndaluar një kamion që po bartë mallera serbe e kanë shkarkuar mallin dhe më pas e kanë rrotulluar kamionin duke e bërë të pa lëvizshëm tha Vraniqi për expressonline.
Mësohet se aktivistët e vetëvendosjes kanë qenë të maskuar si policë dhe natyrshëm shoferi serb është ndalur kur ata ja kanë vënë stopin.

[Zero Cool]

Stefanovic: E di, duan të më vrasin!





Mediat e Beogradit shkruajnë se politikanët serbë të veriut kanë marrë udhëzime nga liderët e tyre partiak që të mos takohen me Borko Stefanovicin.
“Ka informacione se po organizohet atentati kundër Borko Stefanovicit. Pos kësaj, dje ka ndodhur një incident që informatat e tilla i ka vërtetuar. Kur Stefanovic ka ardhur para një moteli në Leposavic, ku po qëndron, ka hasur në dy shqiptarë dhe dy serbë.

Gjatë hulumtimeve është vërtetuar se shqiptarët ishin ish-luftëtarë të UÇK-së. Policia e Kosovës i ka përcjellë në jugun e Mitrovicës”, citon ditorja serbe “Alo” dikë që thotë të jetë burimi i saj, dhe shton se Stefanovic nuk është i befasuar kur kanë kërkuar koment lidhur me këtë rast.

“I kam marrë edhe unë ato informata dhe mendoj se janë reale. Eci nëpër barrikada dhe e di se shumë njerëz janë të abuzuar. Nuk kam frikë, por ndihem keq kur shoh se ka tentime që të shkatërrohet uniteti në popull, gjë që është shumë e rëndësishme”, ka thënë Stefanovic.

“Alo” shkruan se kjo nuk është hera e parë që përmendet likuidimi i shefit të ekipit serb për bisedime me Prishtinë. Kjo ditore ka shkruar se një biznesmen kontrovers serb nga veriu i Kosovës (Zvonko Veselinovic) e ka kërcënuar me likuidim Stefanovicin dhe të ashtuquajturin ministër serb për Kosovën, Goran Bogdanovic, sepse këta të fundit e kanë përmendur te KFOR-i emrin e tij si përgjegjës për djegien e pikës kufitare në Jarinje.

Siç thotë bashkëbiseduesi i “Alo”, shumë kriminelëve dhe biznesmenëve në Kosovë nuk iu përshtat zgjidhja e qetë për Kosovën.

“Grupet kriminale duan ta kryejnë vrasjen e Borko Stefanovicit, sepse ai është njeri i cili do të arrijë marrëveshje me Prishtinën dhe në këtë mënyrë do të heq paratë nga xhepat e shumë kriminelëve të cilëve u konvenon kaosi në Kosovë”, thotë burimi i “Alo”, sipas të cilit funksionarët paralelë serbë të Zveçanit, Zubin-Potokut dhe Mitrovicës së veriut kanë marrë udhëzime nga liderët e tyre partiak që të mos takohen me Borkon. /Telegrafi/

[deti_om :-)]

Në Jarinje konfrontim mes KFOR-it dhe barrikaduesve serbë



Sipasburimeve të portalit Kosovalbaner.com në Jarinje ka filluar një konfrontim në mes forcave të KFOR-it dhe barrikaduesve serbë. Derisa forcat e KFOR-it janë duke vendosur telat me gjemba në rrugen alternative që e hapen serbët mbrëmë,serbët kanë filluar ti bllokojnë forcat e KFORI-it me rërë
Serbët ishin duke u përgatitur që ta asfaltojnë at rrugë të cilën e rregulluan mbrëmë duke i ikur pikës ku kishin pikën kufitare të KFOR-it.

[Llapjani_HH]

A ka “zot shtëpie” në veri (Video)

Në kushte normale, kur Policia ose organet tjera të rendit vërejnë diçka të dyshimtë, jo të zakonshme e ndalin, e kontrollojnë dhe në raport me rrethanat veprojnë. Por, të jesh qytetarë në veri të Kosovës, vështirë se mund të mbështetesh në mbrojtjen e organeve të rendit.

Derisa, Policia dhe organet tjera të rendit aludohet se janë për vendosjen e rendit, ligjit dhe mbrojtjen e qytetarëve, kjo video e tregon tërësisht të kundërtën. Në video mund të shihet se si organet e sigurisë (këtë rast shihet vetura Carabineri) nuk ka guxim të përballet me një grup tejet të vogël serbësh.

Disa serbë përmes telefonit koordinohen për të ndjekur makinën e Carabinierave. Gjatë bisedës së tyre telefonike dëgjohet plani se në cilat rrugë alternative mund të shkojë makina dhe ku mund të ndalet. Makina e Carabinierave shkon drejt urës së Leposaviqit, ku i organizuan një 'pritë'. Ndërkaq, në momentin kur dalin serbet nga vetura, makina e Carabinierave largohet me shpejtësi të madhe. Serbët vazhdojnë t’i ndjekin ata.

Prandaj, nuk është çudi që situata në veri është në këtë gjendje, e tensionuar, jashtë kontrollit dhe mbizotëron krimi.

Urojmë që qytetarët të mos jenë pre e strukturave kriminale në atë pjesë, në mënyrë që të mos iu duhet ndihma e organeve të rendit. Me këtë video që shohim, vështirë se do t’iu dilnin në ndihmë.
Telegrafi

Qyshtu duhet me ja ba EULEX-it.

[Zero Cool]

Partitë kërkojnë nga Qeveria të mos tërhiqet





17:32 / 24.09.2011

Partitë kryesore politike në vend kërkojnë nga Policia e Kosovës dhe nga mekanizmat tjerë të sigurisë që të jenë më të pranishme në vendbanimet me popullatë të përzier në veri dhe në fshatrat e banuara me shqiptarë në këtë pjesë, për të ofruar siguri dhe mbështetje për banorët, të cilët kanë mbetur pothuajse të izoluar atje pas vendosjes së barrikadave nga strukturat paralele serbe.
Partia më e madhe në vend, PDK që qeveris Kosovën, por edhe dy partitë e tjera opozitare LDK dhe AAK, kërkojnë nga Qeveria dhe institucionet e tjera që të mos tërhiqen me asnjë çmim nga veriu deri në shtrirjen e plotë të kontrollit në këtë pjesë.

Siç raporton Zëri, kryetari i Grupit Parlamentar të PDK-së, Adem Grabovci, ka njoftuar se kanë kërkuar nga Qeveria e Kosovës që “për asnjë çmim të mos tërhiqet nga veriu i Kosovës, që të ruajë tërësinë territoriale të Kosovës, të zbatojë kushtetutshmërinë dhe ligjshmërinë në tërë territorin e Kosovës”.

Deputeti i LDK-së, Armend Zemaj, ka thënë se tani është e domosdoshme që qeveria në bashkëpunim me Komunën e Mitrovicës të ketë një përkujdesje të veçantë për të gjithë popullatën që është në atë territor, konkretisht për popullatën jo serbe- shqiptaret, boshnjakët dhe të tjerët të cilët mund të kenë pengesa në zhvillimin e jetës normale.

Kryetari i Komisionit parlamentar për siguri që vjen nga radhët e AAK-së, Ahmet Isufi, ka kërkuar vendosjen e postblloqeve policore në fshatrat dhe lagjet shqiptare dhe me popullsi të përzier në veri. /Telegrafi/

[Zero Cool]

Kapen strukturat paralele





Nga Express më 24 shtator 2011 në ora 18:41
Dy persona janë lënduar rëndë gjatë një rrahje masive mes bandave rivale që ka ndodhur mbrëmë rreth mesnatës në veri të Mitrovicës, bëjnë të ditur burime të Kosovapress-it. Ata janë dërguar në repartin e kirurgjisë në spitalin e veriut të qytetit, ndërsa jeta e tyre është në rrezik.

Sipas të njëjtave burime, deri te rrahja ka ardhur për shkak të tentimit të ushtrimit të kontrollit mes bandave në sa më shumë pjesë të qytetit në veri.

“Rrahje dhe të shtëna armësh si nëpër filma kam parë mbrëmë”, ka thënë për Kosovapress një qytetar serb, që nuk ka dashur t'i bëhet emri publik, duke shtuar se gjithë fajin e kanë gangsterët të ardhur nga vende të ndryshme të Serbisë, të cilët pothuajse çdo ditë janë shkaktar të incidenteve në qytet.

Ndërkaq, zëdhënësi rajonal i policisë në Mitrovicë, Besim Hoti, ka thënë se në rrahje ku kanë marrë pjesë një grup personash janë përdorur edhe armë zjarri. Sipas tij, një person është arrestuar, ndërsa policia e stacionit veri është në kërkim edhe të dy personave tjerë.

[Zero Cool]

Kuci: Zhbllokim rrugëve në veri





Zëvendëskryeministri i Kosovës, Hajredin Kuçi deklaron se institucionet e Kosovës nuk do të kenë durim pafund dhe se në veri do të zhbllokohen rrugët.

"Në veri të vendit do të vendoset normaliteti", Kuci. Nderkohe qe ne kete pjese te territorit te Kosoves, gjendja vazhdon të jetë e brishtë për shkak të barrikadave të vendosura nga strukturat paralele serbe.

Zyrtarë policorë thonë se vendosja e një pike statike të kontrollit të policisë nuk është zgjidhje e mirë për shkak të specifikave të terrenit. Sipas tyre, zgjidhja më e mirë për ofrimin e sigurisë është lëvizja e patrullës vazhdimisht gjatë 24 orëve.


Kamionët e Kosovës hyjnë në Serbi

Doganat e Kosovës njoftojnë se më në fund në Serbi kanë hyre kamionët e parë me dokumentacionin e Kosovës.

“Janë lejuar katër kamionët e parë. Ata e kanë kaluar kufirin dhe janë zhdoganuar, i kanë përfunduar të gjitha procedurat e zhdoganimit përmes pikës kufitare “Dheu i Bardhë”, me dokumente të Kosovës dhe përmes pikës kufitare në anën e Serbisë”, deklaroi zëdhënësi i Doganave të Kosovës, Adriatik Stavileci për radion Europa e Lirë.

Që nga 16 shtatori, kur me marrëveshjen e arritur në Bruksel, Prishtina hoqi masën e reciprocitetit, në Kosovë kanë hyrë më shumë se 700 kamionë nga Serbia.

[Zero Cool]

Fotoja e shqiptarit që impresionoi mediat botërore





Nga Express më 26 shtator 2011 në ora 11:29
Mediat gjermane dhe ato botërore janë impresionuar nga pritja e Papa Benediktit të XVI nga shqiptarët në qytetin gjerman Freibrug.

Një foto e Thomas Kienzle të AFP ka pushtuar titujt kryesor të agjencive dhe mediave gjermane dhe ato botërore. Një mërgimtar shqiptarë shihet në foto i mbështjellur me flamurin kuq e zi duke mbajtur foton e Nënës Terezë në selinë e Vatikanit, ku shkruhet “Ne faleminderojmë Vatikanin” dhe “Faleminderit Gjermani”.

Grupi i mërgimtarëve shqiptarë që jetojnë në Maqedoni nën organizimin e shoqatave të tyre kishte dalur për të pritur Papa Benediktin, i cili mbajti një meshë në Freiburg, vendlindjen e tij, të cilën e vizitoi për herë të tretë. (INA)

[natyra]

http://www.botasot.info/mesme/hh-thaci-tadic.jpg

Wikileaks: Thaçi-Tadiq, takime sekrete (video)

Hashim Thaçi, kryeministër i Kosovës i ka shtrirë dorën dy herë presidentit të Serbisë, Boris Tadiq. Zbulimin e bëjnë kabllogramet e Wikileaks. E para që e konfirmon takimin është një dokument i dërguar nga misioni i SHBA-së në OKB, në janar 2008.
Aty ambasadori i atëhershëm amerikan, Khalilizad shpjegon takimin e tij me presidentin serb Boris Tadiq, që i kishte treguar për takimin me kryeministrin Thaçi. “Presidenti Tadiq tha se Serbia kishte ofruar një “model shumë të qartë të autonomisë substanciale”, gjatë negociatave të Treshes për statusin final. Ai bëri thirrje për më shumë bisedime sepse ‘ne nuk do të heqim dorë nga Kosova’. Ai tha se e kishte takuar në Nju-Jork kryeministrin e Kosovës Hashim Thaçi dhe se do të takohej me të përsëri në përpjekje për të gjetur një kompromis final për statusin, por u ankua se historia e fundit e Kosovës dhe premtimet për pavarësinë po i bëjnë shqiptarët jobashkëpunes.Ai tha se ‘ne kemi një të kaluar të keqe nga e cila po provojmë të dalim’, por insistoi se ‘Unë nuk jam Slobodan Miloseviq’.
**

("Por insistoi se une nuk jam Sllobodan Miloseviç'!)
____________________________________________

P.s.e shkeputa renin e fundit,menyra per ti bere disa analiza dhe mendime bashk mu juve lexues te nderuar..flm,

hmmm,Athua "Tadiqi"(shkavelli) qka mendon qe jem na shqiptaret?
A mos valle mendon se tan hajm bar si Kryeministri i sotem Thaqi.;(LOL Me siguri Ai ka dasht me than se jam dhe ma i zi se SLLOBODANI ?
kshtuqe do doja dhe nga ju disa lexues te nderuar qe t'jepni mendime te tilla rreth fjales se parashtruar te fundit,te cilen e shkeputa nga "artikulli" si shum interesant mu duk ky takim mes dy Kryeministrave Fqinje(si pas Hashimit qe thote AI.
Prandaj na thuani diq rreth fjales, si dhe artikullit ne pergjithesi....Faleminderit paraprakisht per mirekuptimin.



mcs,une e shofe si Kompromis ne mes ketyre dy Kryeministrave Fqinje si q'e quan dhe vet Kryeministri Thaqi!
Shtoi pyetjen?"Athua si do ndjehet per sekretin e zbuluar ..lol!
Pikerisht nga vendet SHBA gje qe mendimi im parashefe dhe tjera risi te (mbeshtjella sekrete) ne mes ketyre dy Kryeministrave Sebo-Shqiptar!!
kshtuqe po dalin sekretet e Thaqit nja nga nja,pale qka mas ksaj here?
P.s.veq kur thon ni dite e shiti Kosoven Hashimi Serbis!


Megjithate,s'jemi duke pritur ma mire prej tij, "Veq dhasht Zoti qe tjeret i qelin syt sa seshte bere von,se Kosova asht ka shkon ka perendon dielli ne 3 vitet e fundit!



...me keqardhje per qfare mesova:("Me kujtohet si dje dhe sot dhe hiqe pa ndare nga disa te maskuar te pales se- PDK-istave si Puna e LLAPIT ma larte me mendime patjeter te Thaqit,qe manipulojshin takimin e Rugoves me Sllobodanin.ne nje Video te kombinuar mire nga dora vet e PDK-es.
edhe pse shum mire eshte ditur se AI ka qen i Kindapum Nga ana e paramilitarve" Serbo Sllave ",,ne kohen e viteve te 1998-99-tes-kur vriteshin e deboheshin nga trolli i Kosoves e pse jo dhe Ibrahim Rugoven mos te kete fshi furra.dhe Ai njeri si tjeret...Lufta Luft.ajo te fshin s'te pyet kush je?Por vetem pate fate e i shpetove,si dhe rastin tek ne qe me mija u vran,por me mija shpetuan armikut fam keq "Serbo Sllav"..Prandaj mos ti ngatrroim gjerat.tani e tutje..kur themi Lufta dihet si e ka dhe Emrin Luft.Por kur themi Liri.dhe kjo tingellon ndryshe nga ajo me Luften.dhe s'kemi pse paragjykoim kurse fjalet vet dalloin prej njara tjetres.kurse tipa te anes se PDK-es skan lan Forum as ven.pa e shperndar ate Video duke manipoluar qfare ju ka ardhur ne goje,me fyrje dhe fjale te nivelit me te ult njerzore..kurse sot te vetin nuk jan duke pare,perkundrazi dhe e mbroin dobesin e Tij."Madje dhe te kercenohen ne fjale dhe shkrime ku do.


Prandaj keto prapaskena parashohin t'merr per t'ardhmen e Kosoves dhe gjithe Kombin Shqiptar.Pikerisht nga ky Arrogant Kryeminister, qe me dhun luftoi karriken..vetem per qellimet e veta personale(si per ti mbulua krimet e bera te veta)Antishqiptare!


Fakte keto qe prishin,ç'do Imazh per t'ardhmen e vendit!.

Ju pershendes

Natyra.

[Neferta]

Serbët shtien me armë zjarri kundër KF0R-it

Jarinje, 27 shtator 2011 - Në afërsi të vendkalimit kufitar në Jarinje, rreth orës 13:10, ka pasur të shtëna me armë zjarri, ka konfirmuar për Radion Evropa e Lirë, zëdhënësi i forcave paqerujatëse Kai Gudenoge.
"Ka pasur të shtëna nga armë të vogla zjarri, që kanë ardhur nga turma, nga serbët e mbledhur aty pranë tek porta 1", ka thënë Gudenoge, duke shtuar se asnjë ushtar i KFOR it nuk ka pësuar lëndime dhe sulmuesi ende nuk është identifikuar.
Ndryshe, KFOR i ka filluar sot një aksion për heqjen e barrikadave në afërsi të vendkalimit kufitar në Jarinë, dhe me këtë rast ka arrestuar pesë persona.

[Neferta]

Njoftohet për 6 serbë të lënduar

Mitrovicë, 27 shtator 2011 - Mediat serbe njoftojnë se në Qendrën Shendëtësore në veri të Mitrovicës janë transportuar gjashtë qytetarë të lënduar kur ushtarët e KF0R-it shtien me plumba gome ndaj masës së tubuar në vendkalimin Jarinje. Nuk dihet se për çfarë plagësh bëhet fjalë.
Sipas agjencive serbe të lajmeve nga vendi i ngjarjes përleshjet filluan pasi që një kamion u soll para telave me gjemba, me të cilët ushtarët e KF0R-i kishin bllokuar rrugën drejt Serbisë. Ushtarët paralajmëruan serbët që të heqin kamionin, por ata me gurë kanë gjuajtur në drejtim të ushtarëve të KF0R-it, ndërsa ata ua kanë kthyer me gaz lotsjellës dhe me plumba gome.

[taraku-1]

Mitrovicë – Konflikti i sotëm me KFOR-in i kriminelëve serbë në veri të Kosovës, është një skenar i përgatitur mirë në këtë vikend në Beograd, nga krerë të politikës, policisë dhe ushtrisë serbe, në njërën anë, dhe nga krerë të politikës dhe të krimit të organizuar të serbëve të veriut të Kosovës, në anën tjetër.
Burime të Portalit LajmeShqip.com brenda KFOR-it, kanë bërë të ditur se konfrontimet dhe incidentet, mbrëmë dhe sot, në veri të Kosovës, konkretisht në Jarinjë, janë rezultate të skenarit të një takimi të mbajtur në mbrëmjen e së dielës (25 shtator) në Beograd.
Sipas burimit, në takim kanë marrë pjesë Vojisllav Koshtunica, Tomislav Nikoliq, një zyrtar i lartë i Ministrisë së Punëve të Brendshme të Serbisë dhe një pjesëtar tjetër i ushtrisë së Serbisë, emrat e të cilëve burimi nuk ka mundur t’i saktësojë.
Po sipas burimit ekskluziv të portalit, nga serbët e Kosovës, në këtë takim kanë qenë prezentë Milan Ivanoviq, Marko Jakshiq, Zvonko Veselinoviq, i ashtuquajturi kryetar i Mitrovicës së Veriut, Kërstimir Pantiq, Dushan Miloviq, kryetar i komunës paralele të Zveçanit dhe Sllavisha Ristiq, kryetar i komunës paralele të Zubin Potokut.
Serbët e veriut të Kosovës morën instruksionet për veprim, ndërkaq bandave kriminale në front kundër KFOR-it, u ngarkua t’iu prijë krimineli me damkë, Zvonko Veselinoviq. Ai, ishte komanduesi i serbëve që ia kthyen tytat KFOR-it në Jarinjë, nga ku, sipas informatave të deritashme, rezultuan të plagosur shumë kriminelë serbë dhe katër ushtarë paqeruajtës të KFOR-it.
Portali, përmes burimeve të veta, mëson se KFOR-i e ka identifikuar Zvonko Veselinoviqin mbrëmjen e shkuar të ketë qenë prezent në Jarinjë, ashtu siç ka saktësuar se kundërpërgjigja me zjarr nga KFOR-i ka ardhur pasi një ushtar i KFOR-it ishte plagosur, përkatësisht ishte qëlluar nga snajperistë serbë në Jarinjë.
Bëhet e ditur, gjithashtu, se në takimin e Beogradit, ku u hartua skenari, nuk kanë qenë prezentë dy udhëheqës të tjerë të strukturave paralele në veri, të ashtuquajturit kryetar i komunës së Leposaviqit Branko Niniq dhe kryetari i Qarkut të Mitrovicës, Radoslav Ndelkoviq. (LajmeShqip.com)

[taraku-1]

LIVE, Veriu: 17 kriminelë serbë të plagosur, 7 rëndë

Mitrovicë (PLOTËSUAR 15:36) – Ndryshojnë shifrat dhe të dhënat e vazhdueshme nga zhvillimet në Jarinjë.
Një burim i portalit konfirmon se në barrikadën në Jarinjë, prej mëngjesit është i pranishëm edhe Oliver Ivanoviq, skretar shtetëror për Kosovën në Qeverinë e Serbisë.
Ndërsa, rreth shifrave të të plagosurve, informatat shtesë bëjnë të ditur se janë plagosur 17 serbë, shtatë prej tyre më rëndë.
Burimi thekson, gjithashtu, se KFOR-i ka shtënë vetëm në vetëmbrojtje dhe në asnjë mënyrë nuk ka sulmuar dhe nuk ka për qëllmi të sulmojë apo të hapë zjarr ndaj ndokujt.
***************************

Mitrovicë (PLOTËSUAR 15:26) – Burime të portalit, të pakonfirmuara mirë, nga zhvillimet e fundit në Jarinjë, bëjnë të ditur se janë të plagosur së paku 15 serbë të bandave të Zvonko Veselinoviqit.
Ndërkaq, në tre fshatrat shqiptare përreth komunës së Leposaviqit, raportohet për situatë të qetë dhe pa incidente.
Por, në fshatrat e banuara me popullsi boshnjake, në krahun e majtë të pikës kufitare të Jarinjës, raportohet për situatë paksa më të tensionuar, pasi nga atye dëgjohen të shtënat nga grupet kriminale serbe, që po gjuajnë në drejtim të pjesëtarëve të KFOR-it.
****************************
Mitrovicë (PLOTËSUAR 15:04) – Portali LajmeShqip.com mëson se gjatë zhvillimeve të fundit në Jarinjë, janë plagosur së paku katër ushtarë të KFOR-it.
****************************
Mitrovicë (PLOTËSUAR 15:01) – Burimet nga veriu i Kosovës bëjnë të ditur se në Repartin e Kirurgjisë janë pranuar gjashtë serbë, të cilët po trajtohen për lëndime me armë zjarri.

Të shtëna e të plagosur në Jarinje

Të gjithë të plagosurit sot në Jarinje, gjashtë sish, janë sjellë në Spitalin në veri të Mitrovicës.

E marte 27 Shtator 2011 15:08

Millan Jakovleviq, drejtor i këtij spitali, ka deklaruar se gjashtë të lënduar janë sjellë këtu, por nuk ka komentuar gjendjen e tyre shëndetësore, pos që ka thënë se “janë duke u trajtuar”. Por gazeta “Blic” thekson se që të gjashtit janë në gjendje të rëndë. Sipas saj të plagosur janë: Aco Radunoviq, Mlladen Antonijeviq, Millan Premoviq, dhe Stevo Petronijeviq.
Merret vesh po ashtu se Zvonko Veselinoviq, i cilësuar si kryekapo e krimit në këtë pjesë të vendit tonë, është njëri nga pjesëtarët e grupet kriminale serb, që ka shti me armë zjarri në drejtim të ushtarëve të NATO-së, të vendosur në Jarinje. Pohohet se KFOR-i ka reaguar vetëm pasi është shtënë në pjesëtarët e tij nga snajperit të vendosur në kodrat përreth. Sipas burimeve shumica e serbëve të lënduar janë snajperistë.
Sipas njoftimeve më të reja të Blici-it në Jarinje janë plagosur gjashtë serbë gjatë konflikteve me pjesëtarë të KFOR-it.. Katër serbë janë plagosur sot në konflikt ne KFOR-in në Jarinje. Njëri nga të plagosurit është në komë, një tjetër është goditur në qafë dhe është në gjendje të rëndë, njofton “Blic”. Radiotelevizioni i Serbisë njoftoi pak më parë se gjatë të shtënave dhe rafalëve në rrugën alternative në Jarinje, ka të plagosur. KFOR-i kishte bllokuar këtë rrugë, që lidh ilegalisht Kosovën me Rashkën. RTS-ja bën të ditur për grumbullim serbësh në të dy anët e pengesës së vendosur nga KFOR-i. Njoftohet po ashtu se të plagosurit janë transportuar me tri ambulanca.
RTS-ja raporton për hedhje të gazit lotsjellës nga KFOR-i në orën 13, që u shoqërua nga breshëri të shtënash. Nuk saktësohet se nga cila palë vinin të shtënat – nga KFOR-i apo nga serbët. Por, theksohet se helikopterët e KFOR-it po fluturojnë mbi zonën.
Në vendkalimin kufitar Jarinje para disa minutash janë dëgjuar të shtëna, por ende nuk ka informata nëse ka të plagosur apo të vrarë, njofton Blic. Sipas kësaj gazete situata aktualisht është e qetë e në vendkalim janë tubuar më shumë se një mijë persona. Rreth orës 12. 30 për në Jarinje janë nisur serbë nga Mitrovica Zveçani.
Dhjetëra automobila privatë me serbë vendorë kanë mësyrë këtë vendkalim.
Beogradi zyrtar i ka quajtur ilegjitime aksionet e KFOR-it për heqjen e barrikadave në veri.