Lajme aktuale nga vendi !

Florini: Luftoni kriminelët n’Prishtinë

Në diskutimin për Raportin e Progresit sërish përplasje e akuza të Vetëvendosjes. Deputeti i këtij subjekti politik, Florin Krasniqi i ka bërë thirrje pushtetit që para se të provojë të luftojë kriminelët në veri, të merret me strukturat kriminale që sipas tij janë brenda partive politike, duke përmendur në veçanti SHIK-un.
“I ftoj dy partit më të mëdha që ta elaburojnë këtë fjali, edhe për ju LDK-në, çka keni bë me Sigurimin e Atdheut a e keni hala, këta të paktën na kanë qu një letër e prishëm, ju as letër s’na keni qu bile me thanë është s ‘ është ka qenë s’ ka qenë . Duhet ta përkrahim iniciativën e Burim Ramadanit, ta krijojmë një tekst që do të na krijon mundësi që t'i hetojmë këto shërbime informative, t’i shohim kush janë”, ka thënë Krasniqi.
Më shumë sesa PDK-në deklarata e ka prekur LDK-në. Deputeti i saj, Naser Osmani ka reaguar ashpër duke thënë se ku bazohet Krasniqi ku përfshin edhe LDK-në në ato që tha.
“Raporti i progresit nuk përmend me emër e mbiemër partitë politike, përmend vetëm subjekte e drejtë e kujt është këtu që të përfshijë LDK-në me të tjerët në grupet kriminele, është i pandërgjegjshëm, i pa pjekur, destruktiv dhe që nxit konflikt në parlament”, ka thënë me këtë rast Osmani.
Edhe deputeti tjetër, kryesues i seancës, Sabri Hamiti ka thënë se Vetëvendosja si subjekt i madh politik që pretendon të jetë nuk mund të bëjë deklarata të tilla.

KFOR-i mori barrikadën te Jarinja

Pjesëtarë të KFOR-it në veri të Kosovës, herët në mëngjes, duke përdorur gaz lotsjellës kanë marrë barrikadën në drejtim të vendkalimit kufitar Jarinje, njoftojnë medie serb.

E mërkure 9 Nëntore 2011 9:38
Në ndërkohë serbë kanë shkarkuar disa kamionë zhavorr për të ngritur barrikadë të re , njofton RTS.
Situata në këtë pikë kufitare aktuale është e qetë.
Kryetari ilegal i komunës së Leposaviqit Branko Niniq, ka ftuar qytetarët për qetësi dhe ka kërkuar nga ta vazhdimin e luftës me mjete paqësore për, siç ka thënë ai, realizimin e të drejtave të veta legjitime.
Ushtarët e KFOR-it kanë bllokuar edhe dy drejtimet alternative afër Jarinjes dhe lumit Ibër./koha/

“Atentatori” i Thaçit lirohet nga akuza për vrasje në tentativë


E marte 8 Nëntore 2011 10:08
Prokurori i EULEX-it, Pascal Persoons, nuk ka gjetur asnjë provë për ta akuzuar Fazli Sejdiun (1988) për vrasje të rëndë në tentativë të kryeministrit Hashim Thaçi. Për këtë arsye ka hequr dorë nga kjo pikë e akuzës. Ka hartuar një të re bazuar në prova materiale.
Ky prokuror nuk është bindur me faktet dhe as me aktakuzën e ngritur nga ish-prokurori kosovar, Osman Mehmeti, edhe sa u përket të pandehurve të tjerë. Alban Gecin (1988), Kushtrim Gecin (1986) dhe Orges Prelvukajn (1987) të akuzuar më herët për vepër penale moslajmërim i veprave penale apo moslajmërim i kryesit të saj dhe dhënie të ndihmës pas kryerjes së veprave penale i ka liruar nga akuzat.
Në aktakuzën e re të ngritur në fund të muajit të kaluar, Pascal Persoons ka konstatuar se Fazli Sejdiu nuk synonte ta vriste kryeministrin Thaçi, por të vidhte në shtëpinë e tij.

Kosova ka pak më shumë meshkuj se femra


E marte 8 Nëntore 2011 22:07 Enti i Statistikave të Kosovës, përkatësisht Departamenti i Popullsisë ka publikuar të martën raportin “Gratë dhe burrat në Kosovë”, me ç’rast janë bërë të ditura informacione statistikore për situatën gjinore sipas sektorëve të jetës ekonomike dhe sociale në vend. Sipas të dhënave përbërja e popullsisë sipas gjinisë është gati e njëjtë, por me një përqindje edhe pse të vogël shihet se Kosova ka më shumë meshkuj se femra.
Në këtë publikim që është i pesti me radhë “Gratë dhe Burrat në Kosovë”, gjendet të dhëna statistikore më afatgjata, të krahasuara sipas viteve dhe ofrohen të dhëna të mjaftueshme, për analiza, krahasime, etj.
Sipas gjinisë në publikimet e realizuara nga Enti i Statistikës së Kosovës, 28 për qind e popullatës është më e re se 15 vjeçare, gjersa gati dy të tretat (65 për qind) i përkasin grupmoshës 15-64 vjeçare, grupmoshë kjo që njihet si ekonomikisht aktive.
Kurse shpërndarja e popullsisë sipas gjinisë është praktikisht e njëjtë në viset urbane dhe rurale, pasi 50.1 për qind janë meshkuj dhe 49.9 për qind femra në viset urbane, ndërsa 50.2 meshkuj dhe 49.8 për qind femra në viset rurale.
Nga të dhënat shihet se popullsia e Kosovës për çdo 100 lindje vajzash ka rreth 109 lindje djemsh, kurse mosha mesatare e martesës në vitin 2009 është 31 vjeç për burrat dhe 28 për gratë.
Analfabetizmi në Kosovë vazhdon të jetë çështje gjinore dhe moshove. Femrat në përgjithësi janë më tepër se dyfish më analfabete se meshkujt (7.5 për qind krahasuar me 3.3 për qind në viset urbane dhe 11.3 për qind krahasuar me 5.5 për qind në viset rurale).
Pjesëmarrja e grave në forcat e punës është gati sa gjysma e burrave. Në vite kjo përqindje është ulur nga 30 në 29 për gratë dhe nga 68 në 67 për burrat.
Shkalla e papunësisë për vitin 2009 shënon 56 për qind për gratë , ndërsa për burrat 41 për qind.
Ndër profesionet që ushtrojnë gratë janë më shumë ato profesionale, shërbyese dhe teknike, ndërsa, burrat kryejnë gati të gjithat llojet e profesioneve./Kosovapress/

Zgjidhje përtej Planit Ahtisaari


09-11-2011 12:52 CET


Autoritetet politike dhe shoqërore në Kosovë janë shumë këmbëngulëse që lidhur me integrimin e veriut të Kosovës, të mos lëshojnë pe përtej planit të presidentit Martti Ahtisaari, kryenegociatorit të Kombeve të Bashkuara, në bazë të të cilit është shpallur pavarësia e Kosovës. Por, analistët e çështjeve politike në Kosovë vlerësojnë se Prishtina zyrtare do të jetë e detyruar që ta tejkalojë këtë plan.
Naim Rashiti, analist i Grupit Ndërkombëtar të Krizave, thotë se qëndrimi i ngurtë i Prishtinës zyrtare është rezultat i mospërfundimit të procesit me shpalljen e pavarësisë së vendit, por edhe njohjes së pamjaftueshme të situatës në veri, si dhe mungesës së komunikimit ndërmjet Prishtinës zyrtare dhe serbëve të veriut.
“Realisht, ‘treni i Ahtisarit’ për veriun ka ikur. Situata në të cilën jemi tash, si dhe proceset që do të vijnë në vazhdim, sidomos ato proceset integruese të BE-së, do ta detyrojnë Prishtinën që të mendojë për diçka përtej Planit të Ahtisaarit”.
“Me siguri që Prishtina, për një kohë të gjatë, do të insistojë në bazat e Planit të Ahtisaarit dhe fundamentalisht në provizionet e këtij plani. Por, realisht, Prishtina do të ulet në tavolinë me veriun apo qoftë edhe me Beogradin me Planin e Ahtisaarit”, thotë Rashiti.
Sipas tij, shumë njerëz nga faktori ndërkombëtar e shohin Planin e Ahtisaarit vetëm si bazë për fillimin e zgjidhjes së statusit të veriut. Ai gjithashtu thekson se disa diplomatë dhe burokratë evropianë kanë shprehur opsione të ndryshme për zgjidhjen e çështjes së veriut, si: status special, Ahtisaari plus apo autonomi. Sipas tij, të gjitha këto kanë një emërues të përbashkët - lëvizjen përtej Planit të Ahtisaarit.
“Në fund, se si do të quhet, kjo ka pak rëndësi. Por, ajo që do të jetë, është përtej Ahtisaarit. Do të krijohen disa kompetenca më të fuqishme për komunat në veri, ndoshta edhe përmes një krijimi të një asambleje për veriun. Do të ketë disa garantime më të fuqishme sa i përket funksionimit të policisë autonome lokale dhe gjykatave”.
“Do të ketë një rirregullim të marrëdhënies së Beogradit në funksionimin e disa çështjeve, sferave me rëndësi për serbët në veri, siç janë: arsimi, edukimi, shërbimet sociale, kultura apo qoftë edhe projekte të tjera që do të shkojnë te komunat”, deklaron Rashiti. /REL/
0

[LuLjaa]

Hajra ti edhe spiker koke ba se pasna dit tybe,, ama te ka hijee
sikur te ishe dal edhe TV, pot paramendoj qysh i jep lajmet hahaaa

Postimi origjinal është bërë nga LuLjaa

Hajra ti edhe spiker koke ba se pasna dit tybe,, ama te ka hijee
sikur te ishe dal edhe TV, pot paramendoj qysh i jep lajmet hahaaa

.....qy ti spiker ani po me paramendon hahahah...

[Neferta]

Ia panë sherrin hajnisë

pasi u konfrontuan me rojet e shtepive shqiptare i zuri belaja;
Njëri nga tre serbët e plagosur gjatë konfliktit që ndodhi sot në Lagjen Kroi i Vitakut ka ndërruar jetë pak minuta pas orës 24:00 të së mërkurës.
Lajmi është bërë i ditur nga zëdhënësi i Policisë së Kosovës Besim Hoti, sipas të cilit është bërë e ditur se është fjala për Sava Mojisiçin. i pyetur rreth të dhënave të viktimës Hoti ka thënë se informacionet që i disponon aktualishtë janë vetëm të dhënat se njëri nga tre të plagosurit i quajtur Sava Mojisiç ka ndërruar jetë dhe shtoi se nuk është në dijeni për moshën e tij. Policia vendore dhe ajo ndërkombëtare është duke ushtruar një operacione të bastisjes së shtëpive që gjenden në lokacionin ku ka ndodhur incidenti. Tashmë forca të mëdha policore të Policisë së Kosovës dhe asaj ndërkombëtare kanë zbarkuar në Mitrovicë duke përfshirë edhe pjesën veriore të saj.

Kryetarët ilegalë të veriut, kërkesë Putinit


11-11-2011 16:39 CET


Kryetarët ilegalë të katër komunave veriore, pas një takimi të mbajtur në veri kanë kërkuar të marrin pjesë në mbledhjen e Kuvendit të Serbisë që i kushtohet Kosovës.
Ata i janë drejtuar të ashtuquajturit ministër për Kosovën, Goran Bogdanoviq “me lutjen që t’i ndihmojë ekzistencës së popullit serb në Kosovë, dhe se me këto kërkesa do t’i adresohen edhe kryeministrit rus Vladimir Putin”.
Ata kanë kundërshtuar sërish praninë e doganierëve dhe të policëve shqiptarë në pikat doganore, duke premtuar rezistencë paqësore, dhe duke kërcënuar e theksuar “se kurrë nuk do të ketë kufi në Jarinë e Bërnjak”.

Inaugurohet një pjesë e autostradës


12-11-2011 13:44 CET

http://www.zeri.info/fotografia.php?id=41340




Shumë qytetarë, zyrtarë vendorë e ndërkombëtarë, kanë marrë pjesë të shtunën në ceremoninë solemne të përurimit të 38 kilometrave të parë të autostradës Vërmicë-Merdar, që mban emrin “Ibrahim Rugova”.
Prerjen e shiritit të kësaj rruge e kanë bërë presidentja e Kosovës, Atifete Jahjaga, kryeministri kosovar, Hashim Thaçi, ai i Shqipërisë, Sali Berisha, dhe kongresisti amerikan, Eliot Engel.
Me këtë rast, presidentja Atifete Jahjaga ka thënë se “sot është fillimi i një vepre të pritur shumë gjatë nga Kosova”. Ajo ka deklaruar, po ashtu, se kjo rrugë është në funksion të lidhjes së popujve dhe shteteve.
“Përurimi i kilometrave të parë në territorin e Kosovës të Rrugës së Kombit, të ndërtuar me standarde dhe parametra modern, është filli i një vepre të dëshiruar dhe të pritur shumë gjatë që Kosova dhe Shqipëria po e realizojnë sot. Kjo rrugë është në funksion të ndërlidhjes së popujve dhe të shteteve. Është lidhja jonë në korridoret e rëndësishme evropiane. Sot po tejkalojmë barrierat e fundit që penguan lëvizjen e lirë mes qytetarëve tanë për të qenë bashkë si të gjithë popujt që mbështesin vlerat evropiane dhe që ndërtojnë ura bashkëpunimi”, ka thënë Jahjaga.
Ajo ka shtuar se “sot po e realizojmë një ëndërr. Një vepër të një vlere të pakrahasueshme morale që çon në afrimin e njerëzve dhe ju shërben qytetarëve dhe vendeve tona”.
Edhe kryeministri i Kosovës, Hashim Thaçi, ka thënë se projekti për ndërtimin e autostradës është një projekt që hap kufij dhe i demokratizon ata.
“Ky projekt është projekt i shekullit të ri, i lirisë, pavarësisë dhe integrimit - projekt i gjeneratës dhe mentalitetit të ri mirëqeverisës. Është projekt i evropianëve të rinj. Ky projekt hap kufij, thyen barrierat e së kaluarës dhe hap horizontin e së ardhmes. Kjo është autostrada më moderne në rajon. Kjo autostradë i jep kuptim shtetit tonë të ri”, ka theksuar Thaçi.
Ndërkohë i emocionuar, kryeministri i Shqipërisë, Sali Berisha, është shprehur se rruga bashkon idealin kombëtar, idealin e Prizrenit dhe atë të Ibrahim Rugovës.
“Inaugurimin sot në Kosovën e lirë dhe të pavarur të kësaj rruge madhështore, të kësaj autostrade që bashkon shqiptarët me shumë së kurrë në idealin e unitetit kombëtar, në idealin e Prizrenit, në idealin e pavdekshëm të grave dhe burrave që sakrifikuan, derdhën lumenj gjaku në kryengritjen e tyre të madhe për ta bërë Shqipërinë e pavarur, për ta bërë Kosovën të lirë dhe të pavarur, në nderimin më të madh të arkitektit të Kosovës së pavarur, burrit mendje-ndritur të kombit shqiptar, profesor doktor Ibrahim Rugovës”, ka nënvizuar Berisha.

Në ceremoni, kanë qenë të pranishëm edhe kongresisti amerikan Eliot Engel dhe ambasadori i SHBA-së në Prishtinë, Christopher Dell.
Kongresisti Engel ka thënë se kjo rrugë e sjell Kosovën në zemër të Evropës.
“Në një kohë kur të tjerët po i mbyllin kufijtë e tyre, Kosova po i hap kufijtë e saj dhe po bëhet një pjesë shumë e rëndësishme e Evropës. Dikur nevojiteshin 10 orë për të shkuar nga Prishtina në Tiranë, e tash na duhen vetëm tri orë. Mendoj se është shumë me rëndësi që kjo rrugë po emërohet me emrin e zotit Rugova, që ka qenë mik i imi dhe ka pasur kaq shumë kuptim për këtë vend. Po ashtu, mund t’ju them se SHBA-të gjithmonë do të jenë të përkushtuara për këtë vend të mrekullueshëm”,është shprehur Engel.
Kostoja e ndërtimit të 38 kilometrave të parë të autostradës thuhet të ketë kushtuar rreth 330 milionë euro. Punimet në këtë autostradë është duke i kryer kompania “Bechtel-Enka”. Gjerësia e autostradës do të jetë 28 metra, dhe do të jenë 4 korsi.
Zyrtarët e Qeverisë së Kosovës kanë deklaruar se punimet në autostradë do të vazhdojnë derisa të përfundojë i tërë projekti, i cili pritet të kryhet në nëntor të vitit të ardhshëm.
Autostrada ”Ibrahim Rugova”, është cilësuar projekt historik për Kosovën evropiane dhe për integrimin e shqiptarëve në Bashkimin Evropian. /REL/

[Zero Cool]

Kompromis për pikëkalimet kufitare


Kosova ka pranuar një propozim që e pati refuzuar një muaj më parë. Propozimi parasheh që Kosova dhe Serbia të kenë pika të përbashkëta doganore në kufij, pa e obliguar Serbinë që të pranojë Kosovën si shtet. Qeveria kosovare është pajtuar që pikëkalimet kufitare me Serbinë të menaxhohen në sistemin e integruar, sipas standardeve të Bashkimit Evropian. Në to parashihet të patrullojnë në mënyrë të përbashkët doganierë dhe zyrtarë kufitarë nga Kosova, Serbia dhe EULEX-i. “Propozimi ka ardhur si rezultat i një procesi paralel me procesin e dialogut”, kanë shpjeguar për gazetën Koha Ditore burime ndërkombëtare. “Tash është gjetur pajtimi, andaj menaxhimi i integruar i kufijve do të ndodhë”. Procesi paralel i dialogut ka nisur nga konsultimet e vazhdueshme që ndërmjetësi i BE-së, Robert Cooper, ka pasur me shefin e ekipit serb të bisedimeve, Borislav Stefanovic, dhe kryenegociatoren kosovare, Edita Tahiri. Në këtë mënyrë, Serbia ka përmbushur kërkesën e vet për të biseduar për pikëkalimet kufitare dhe ka plotësuar një kriter për integrimin evropian. Kriteri do të plotësohet edhe nga Kosova. Në procesin e gjetjes së zgjidhjeve për pikëkalimet kufitare kanë qenë të përfshira edhe misionet ndërkombëtare në Kosovë, përfshirë ato diplomatike. Me pranimin e këtij propozimi, menaxhimi i pikëkalimeve kufitare është bërë pjesë e dialogut teknik, gjë që zyrtarët e Qeverisë Thaçi, përfshirë vetë kryeministrin, e patën kundërshtuar disa herë publikisht.

Serbët nga veriu kërkojnë shtetësi ruse


E hëne 14 Nëntore 2011 13:31
Disa shoqata serbe nga veriu i Kosovës, i kanë dërguar para disa ditësh një letër ambasadës ruse në Beograd, përmes së cilës kanë kërkuar që mijëra serbëve të Kosovës t’u mundësohet marrja e shtetësisë ruse.
Sipas kësaj letre, ky vendim i serbëve të Kosovës vjen si rrjedhojë e revoltës dhe dëshpërimit të tyre ndaj pushtetit të Beogradit.
“Ky veprim është manifestim i pakënaqësisë dhe njëherit vërejtje për pushtetin tonë në Beograd, sepse tregon se qytetarët serbë që jetojnë në Kosovë kanë më shumë besim në një shtet tjetër sesa në vetë Serbinë”, thuhet në fund të kësaj letre.

[jadore]

Postimi origjinal është bërë nga Hajra

Serbët nga veriu kërkojnë shtetësi ruse


E hëne 14 Nëntore 2011 13:31
Disa shoqata serbe nga veriu i Kosovës, i kanë dërguar para disa ditësh një letër ambasadës ruse në Beograd, përmes së cilës kanë kërkuar që mijëra serbëve të Kosovës t’u mundësohet marrja e shtetësisë ruse.
Sipas kësaj letre, ky vendim i serbëve të Kosovës vjen si rrjedhojë e revoltës dhe dëshpërimit të tyre ndaj pushtetit të Beogradit.
“Ky veprim është manifestim i pakënaqësisë dhe njëherit vërejtje për pushtetin tonë në Beograd, sepse tregon se qytetarët serbë që jetojnë në Kosovë kanë më shumë besim në një shtet tjetër sesa në vetë Serbinë”, thuhet në fund të kësaj letre.

..prej gojes tyre ne vesh te Zotit ..!
athu spo shperngulen dhe riatedhesohen ne Rusi ..

Postimi origjinal është bërë nga jadore

..prej gojes tyre ne vesh te Zotit ..!
athu spo shperngulen dhe riatedhesohen ne Rusi ..

....me e ba riatdhesimin e tyre ne karpate,

[jadore]

Postimi origjinal është bërë nga Hajra

....me e ba riatdhesimin e tyre ne karpate,

more edhe prapa diellit se le pertej Karpateve , neve le te na hjeken qafe ..se boll mo .. keshu si duket ka qene pergjate krejte historise, qesi yrrnek qeverije kishim pas qysh ne kohe te Ilirise e teknej , qe ata u shtrine e u shtrine e neve na izolun e zvoglun ..